قدمت لاحدى الشركات سيرتي الذاتيه

طبعا مر اسبوع ودقوا علي قالوا لي تعال عندك مقابله شخصيه رحت لهم
وكان موقعهم في الصناعيه الثانيه علما بان ساكن في الشمال

طبعا اول ما دخلت على البوابه سالت السكرتي السعودي المسكين

لما شافني ارتاح نفسيا قال انت جاي عشان وظيفه
قلت له ايه عندي مقابله شخصيه
قال يا هلا والله والله يوفقك ان شاء الله عموما المدير ... فوق بالدور الثاني بيكون على يسارك

اول ما دخلت والاقي المدير عربي معاه كوفي وجالس ياكل بقلاوه

جت في نفسي حسره قلت يا سبحان السكرتي السعودي ولد الوطن في الشمس برا وجالس زي الجدار

والاجنبي ذا الفلسطيني جالسيشرب كوفي ويكلم خويه ويسولف ويضحك

المهم دخلت عليه السلام عليكم
هو: وعليكم السلام
دقيتم علي انتم اليوم لاحدى الوظايف المتقدم انا عليها
قالي اجلس
قال ورني شهاداتك
شاف شهاداتي واستغرب قال ليش لك سنه وشوي عاطل شهاداتك حلوه وعندك لغتين غير العربيه
قلت له والله النصيب
قاله بلغته اه
بعدين قال بس انتوا السعوديين مو حقين شغل حق نوم واكل

قلت كلامك غير صحيح سبحان الله
شركات كبرى مثل سابك وارامكو والشركات الاجنبيه بالشرقيه والبنوك موظفيها سعوديين وعلى ذلك ارباحها بالمليارات ومعروفه عالميا هذا دليل انهم عباقره لكن ..... الحظ

المهم هو سكت ما تكلم
قال خلاص راح نتصل عليك

المهم انتظرته ما دق علي ابدا

واروح له الشركه وروح عند السكرتير والاقيه فلسطيني طبعا وظيفته كانت شاغره هالسكرتير وكنت انا المقدم عليها

عد انا انحرقت قلت له انت جديد قال ايه قلت اها
قلت له وش مؤهلك قال ليه شو بدك
قلت لا اسال فقط قال ثانوي

قلت اها انا مؤهلي احسن منه بكثير وما قبلني في نفسي
رحت لمدير الفلسطيني قالي هلا
قلت وش صار على الوظيفه قال انت اسفين انشغرت
قلت طيب هو عنده ثانوي
قال لا ما عنده
قلت له تو هو قالي
قال لا متأكد انا
قلت له ما سبب البطاله للسعوديين الا انت واشكالك
قالي اطلع برا لانادي عليك الامن الحين((اجنبي ويطردني وانا مواطن يا سبحان الله))
المهم تطاقينا انا وياه ومشيت من عنده

طبعا انا مقهووور

رحت عند واحد خويي مصري ساكن جنبنا

ونتكلم انا وهو قالي فيه عندهم بالشركه سعودي قدم علي وظيفه وكان المدير شامي
المهم بعد ما راح سعودي وعطا الشامي السيره
اخذ السيره وشققها وحطها بالزباله

شوفوا القهر ويحلف لي المصري بعد


يعني الى متى؟؟؟؟؟

صرت اشوف الشوام بالشوارع بسيارات فارهه والسعوديين كدادين بتكاسي

ليش طيب حنا مواطنين

ليش محد يبينا

ليش الاجانب هنا يتحكمون فينا ونعامل حنا بكل انانيه من قبلهم وحنا مواطنين

حسبي الله ونعم الوكيل