نصائحكم مشكورين لزيادة ايرادات محل كمبيوتر
محل صيانة وبيع اكسسورات كمبيوتر المساحة 4*8 بدأ العمل منذ شهرين ونصف ولكن مايغطي الرواتب والمصاريف كلف حوالي 35000 ريال فيه عامل صيانة هندي ومعه واحد يترجم له ويبيع بس ....لان المهندس جديد ...طبعا مهندس كمبيوترات مكتبية بس ويتقن الشغلة بامتياز راتب المهندس 1500 والثاني 1250 واعطيتهم 15 في المية من الايرادات عشان يجتهدون بس مااشوف الى الان نتيحة كبيرة ..يجي فورمات للمحل بمعدل 3 او اربعه باليوم واحيانا مافيه ابد .. واكيد الواحد وده يصبر حتى ينشهر المحل لكن صعب يدفع من جيبة لعدة اشهر طبعا الايجار 12000 بالسنة .. نبي اقتراحاتكم والله يوفقكم دنيا واخرة ...
|
محل له شهرين ومنتظر منه دخل ؟؟؟؟؟ لا اظن ذلك ...
انت لو توصف لواحد المكان قالك ما اظن فيه محل كمبيوتر هناك ... فكيف تدور على انه يغطي مصاريفه ؟؟؟ للان وانا اخوك الناس ما عرفوك ... ويبغى لك وقت عشان يعرفوا المحل ويضمنوا شغله الامر المهم دوما نقول اللي بيفتح مشروع لازم يحط في باله انه بيصرف على المحل على الاقل لمدة 6 شهور .. الصبر وانا اخوك ولا تستعجل الرزق ..... عموما اخوي .... اول شي سوي اعلانات للمحل .. وما ابغاك تسوي اعلان في الوسيلة او المبوبه وما ادري ايش ... اسمع روح مطبعة البلاستيك وخلهم يسوون لك اكياس بأسمك ... يكتبون عليها اسم المحل وايش يقدم من خدمات والاكياس وزعها على البقالات والمحلات اللي عليها زباين كثير .... قول للبقاله هذي اكياس هديه مني بدل الاكياس الزرقاء والصفراء ... طبعا البقاله بياخذها منك وكل زبون وهو طالع بيحط اغراضة فيها ... ويكون اعلانك دخل كل بيت ..... واهم شي ان اسم المحل يدخل البيوت الشي الاخر ... سوي ثلاثة ايام صيانة مجانيه وفورمات مجاني ... ماعدا القطع ... واعلن عن هالشي ... بلوحة قماشية امام المحل قدم هدايا غير مكلفة عليك ... لكل زبون حسابه فوق الـ 100 ريال ... صمم خلفية سطح مكتب تكون بأسم المحل بس تكون خلفيه روووعة ولما تخلص صيانة الجهاز ثبت الخلفيه للزبون ويكون فيها رقم هاتف المحل ... يبقى الفني لديك اهم من كل مافي المحل .. فهو الوحيد الذي سيجلب لك الزبون وجودك بالمحل مهم جداااااااااا .. مشكلة محلات الكمبيوتر ان فيها منافسه قويه جدا .. وطرق تطويرها ضعيفة امام الجميع وفقك الله |
بارك الله لك بتجارتك
وأعلم هداك الله لما فيه خير الدارين انا مجال التجارة في الكميوتر والاكسسوارت تجارة مربحة وتدر ذهب وان كان المحل ذهب فان جوهرجية هذا المحل هم موظفي الصيانة ... أنصحك بالصبر وثق ان اجارك رخيص وانه يلزمك ان تدفع من جيبك الخاص وتسقي بذرة المشروع لتنمو و تثمر لك ولكن يجب ان تحترم قانون الحصاد و لاتستعجل النتائج اما تطوير المحل يمكنك عمل عقود صيانة ويمكنك عند بدء الدراسة تأجير لا ب توبات وبرجوكتر للمعلمين والمعلمات وعمل دروس نموذجية ... استمر لا تستسلم مشروعك مشروع عصر حاول ان تأخذ جولة للمحلات المشابه ومعرفة ما لديهم ونصيحة اخ حاول ان توجه ديون المحل ان كنت تأخذ من موزعين بالاجل الى موزع او موزعين اثنين فقط و لاتكثر الدين على المحل وحاول تخصص يوم محدد من كل اسبوع لاستلام دفعاتهم وان استطعت الشراء كاش من مصدر جملة يكون افضل حظ موفق دماغ |
ماشاء الله عليك اخوي الواثق ردو عليك عينين المنتدى
ولايهونون الباقين كلهم خير وبركة الله يوفقك بمشروعك |
هلا ومرحبا
في البداية الله يوفقك ان شاء الله وجميع المسلمين ... اللهم آمين . بصراحة يعجبني هذا المشروع ... لكن يبغى له تميز وابداااااااع ....كيف؟ قدم خدمة افضل وتميز عن الغير . ملاحظة بسيطة : وش اللي تقصده بنسبة 15% من الايرادات ؟ هل من صافي الربح الشهري ؟ طيب الان خلني اعطيك بعض الافكار لعل وعسى تساعدك في زيادة مبيعاتك : - اكسب عملاؤك فالعملاء اكبر واقوى وسيلة دعائية لخدماتك ..كيف ؟ لما يأتي العميل ديك افهم المشكلة استلم من الجهاز واكتب بالفاتورة نوع المشكلة الصق الفاتورة ع الجهاز اعطي سعر واضح للعميل لا تبااالغ في الاسعار اعطي العميل وقت محدد لاستلام جهازة (( كن دقيق في المواعيد )) فإحترام المواعيد اهم نقطة للعميل . خذ رقم العميل وليكن لديك قاعدة بيانات تضع فيها اسم ورقم العميل ونوع المشكلة قدر المستطاع . احجز لك باحد المواقع خدمة الرسائل عبر الانترنت وتقريبا 1000رسالة اس ام اس بمبلغ 90 ريال .. هذه استخدمها في حالتين : 1- حالة الانتهاء من جهاز العميل ارسل للعميل رسالة الى جوال واهتم بحيث يكون اسم المرسل سم المحل وهذه خدمة تقدمها مواقع رسائل اس ام اس . 2- في حالة العلان عن اي عروض خاصة بالمحل .. فهذه الرسائل تعتبر تذكيرية للعملاء ..( احذر تكثر منها ) بحيث لا تسبب الملل للعملاء . لو كانت بالشهر رسالة واحدة تذكيرية كفاية . طيب خلني اكمل : لما يجي العميل لإستلام جهازة يجب على العامل مسح وتنظيف الجهاز امام العميل وذلك لاعطاءه انطباع بإهتمامك وجودة عملك . لا تكن شديد في الاسعار ابدا ابدا ... والعميل يبان من شكله اللي يدفع دون ان يساوم واللي ع قد حاله (( لابد ان تراعيه)). صمم سيدي خاص بك يحمل اسم المحل ويكون به موسوعة ثقافية ودينية او حتى برامج تعليمية مفيدة (( اذا كان العميل دفع مبلغ كويس مقابل الخدمة فأعطه السي دي كهدية منك سوى له او لأطفالة )) .. وبالامكان ايضا اعطاءه لكثير من العملاء بحيث ما تكون خسران .(( طبعا داخل السي دي معلومات بالخدمات التي تقدمها كنوع من الاعلان )). - هل لديك صيانة هارد وير ايضا ام سوفتوير فقط ؟ احرص قدر المستطاع ان تكون الاثنتين . - لا تنسى عقود الصيانة سوى مع المدارس او المؤسسات اللي حولك . - اهتم بالديكور واحذر يكون المحل مافيه بضاعة كفاية (( بتعرف ان بعض المحلات في الرفوف العلوية يحطوا كراتين فاضية للمنتجات ويكون لديهم فقط قطعتين من المنتج المعروض )) هذه طريقة تعطي انطباع لعملاؤك بمدى قوتك في السوق . المعلومة هذه ما جبتها من فراغ *_^ - العامل الذي يبيع لا بد ان يكوون لبق المظهر والله الله في الابتسامة وطولة البال مع العملاء. - طبعا عقود الصيانة مهمة جدا ولا تنحصر على من حولك .. لا لا بإمانك توسيع نشاطك واذا ظمنت لك كم مؤسسة او مركز الحمد لله خير وبركة . - ايضا تذكرت نقظة مهمة جدا (( لا يكون المهندس يفرمت بالطريقة القديمة واللي تأخذ وقت !!) ترى الان في طرق سهلة ما يأخذ منك الجهاز 10 دقائق فورمات وتنزيل جميع البرامج الضرورية . ================== ماشاء الله شكلي استرسلت في الرد ... اخاف اكون عقدتك اخوي .. العذر والسموحة . ان شاء الله لي عودة وارجع اكمل .. الحين فيني نووووووووووووم . بالتوفييق يالغااااااالي . |
موفق بإذن الله ... ويبارك لك ربي برزقك
|
استاذنا الكبير تسويقار الله يوفقك دنيا واخرة ....وش المنتدى بدونك انت والاخوان اللي معك هنا...
الاستاذ والخبير دماغ الله ينور دربك ويزيدك من فضله عملاق من عمالقة الخبرة .. استاذي اكرم فعلا انت من اكرم الناس ويالبا قلبك العكس ماكثرت علي توجيهاتك ماابيها تنتهي كلها ذهب ... الاخت الماسة ... شكرا على مرورك وفعلا تشرفت بمرور اصحاب اليد الطولا وعمالقة هذا المنتدى وكل نصايحهم بمشيئة واحد احد رايح اطبقها ... ياليت الاساتذة يشوفوني وانا اكتب الرد (مسرور جدا ومبتسم) ..يارب توفقهم وتكتب لهم بكل حرف توفيق وسعادة.... * |
اقتباس:
|
الاخوان ماقصروا
واهم شئ الصبر ثم الصبر واتمنى لك التوفيق |
حاول أن تكون اكسسوارت محلك مميزه .. يعني نزل من الموزع أشياء تشوف أن سوقها ماشي وشكلها جذاب وغير موجوده بالمحلات القريبة
إذا قدرت تاخذ عقود صيانة لأجهزة مدارس سواء أهلية أو حكومية أو محلات الانترنت وتتوسع فيها فهي جيدة سوق لبضاعتك عن طريق الانترنت واعرض الهاردسكات وقطع الهاردوير في النت بأسعار أقل من المحل بقليل لتكسب زبائن جدد يتعرفون على محلك وأهم شيء الصدق والأمانة والصبر |
لماذا لاتضع اعلان كبير مثلا الفورمات ب 50 ريال سوي اعلان كبير على واجهة المحل بان الفورمات ب49 ريال
|
شهرين قليله
طول بالك ويجيك الرزق ان شاء الله إذا إنت مستعجل ع المكسب حاول تسوي عروض وخصوصا على الصيانه و الفورمات وتنزيل البرامج بالتوفيق أخوي وربي يرزقك |
الله يوفقك اخوي ويرزقك الرزق الحلال الطيب
نصيحتي لك ,, الدقه والالتزام بالمواعيد حاول تجيب برامج واسطوانات تعليميه حتى لو كانت نسخ يعني مثلا ممكن تجيب اسطوانه لبرنامج معين بمبلغ ولنفرض 200 ريال وانت تقوم بعمل نسخ منها وتبيع النسخه الواحده 10 ريال وهكذا الان احنا في اجازه ,, ممكن تشوف اكسسوارات للكومبيوتر وملصقات اسعارها بالجمله رمزيه جدآ ,, وتدخل ذهب اسأل الله لك التوفيق |
اقتباس:
|
من الافضل تسوي عقود صيانه مع المدارس , المستشفيات , المقاهي وبعض الشركات الخاصه
ناظر في موقع المحل هل هو في موقع مميز ومكتض بالسكان ؟ هل تعامل العمال مع العملاء جيد ؟ ماهي اسعار القطع هل هي رخيصه ام لا والعروض التي تقدمها ؟ يجب ان يكون هناك تسويق للمحل سواء عن طريق توزيع البروشورات او الاعلان في المواقع وتكون هذه المواقع بمنطقتك والمشتركين فيه كذلك حاول ان يكون المحل متكامل بحيث لاينفر منه الزبون ويأخذ فكره سيئة بعدم تواجد اي قطعه واهتم بمظهر المحل ونظافته . |
عزيزي روح مقاهي النت والمؤسسات الي فيها اجهزه والمدارس وحط عندهم كرتك بحيث انك تقدم خدمة العمل على جهاز العميل في موقعه او استلامه من موقعه وارجاعه ايضآ...وبأذن الله راح تعين خير
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
شكرا للجميع وننتظر بقية الاعضاء الكرام ...
|
من رايي انك تركز على المدارس اكثر
اشتر طابعة وسائل تعليمية قيمتها حوالي عشرة الاف ريال واحضر لك واحد يجيد العمل على الفوتوشوب وانا اخوك اجعل هذا العامل يشتغل طباعة سواء على ورق اي 4 طبعة عادية ملونة او وسائل تعليمية على الطابعة اللي ذكرتها سابقا لك يعني ركز على البحوث والمطويات والوسائل وبتشوف الخير ان شاء الله وحظ موفق دماغ ههههه قصدي تاجر متردد |
شوف يالغالي انا عندي فكرة قد تزيد من ايرادات المحل بس انها شاطحة شوي عن النشاط اللي قاعد تمارسة..,,
الفكرة ياعزيزي هي انك اذا كان عندك مساحة كبيرة بالمحل حط في طرف المحل أشرطة بلاستيشن وتلفزيون من الحراج ب200 ريال وبلاستيشن مستعمل يمكن مايكلفك بعد 200 ريال ,, جرب منت خسران,,, وبالتوفيق... |
تميز بالاستكرات الي تغلف الاجهزه وتكون طقم لشنطة الاب توب
واذا مو ممنوع جيب تعليقات الجوالات مع كفر للجوال بنفس النقشات والالوان الالوان اسهل من النقوش او تكون متقاربه بالاستايلات.. يعني تسوي طقم نسائي او شبابي وخاصه الفوسفوريه يموتون فيها الشباب هالايام بكيس واحد لتجذب الزباين الشباب هم اكثر المرتادين لمحلات الكمبيوتر طقمها بنفسك خمس اطقم فقط كبدايه اوليه اذا مشت كمان خمسه اطقم لا تكثر تبتلش شوف ابو ريالين او ريال عندهم خرابيط تكمل الطقوم تعليقة مفاتيح وقلم ومقلميه البنات يحبونها للارواج والكحل ركز على كيفيه العرض بالجذب وسوي دعايه اطقم مميزه للمتميزين اطقم قيرل كول, اطقم بوي كووول ,عاد الكلمات المختلطه بالانقلش مما يجذب الشباب والشابات سيديهات العاب اطفال ... الدعايه مهمه والهدايا تجذب كثير موشرط هداياك من ادوات الكمبيوتر لاااا اي شئ ثاني انشاء الله تلقى فايده فيما كتبت ..والله يوفقك ويوسع رزقك ويبارك فيه لاااااااااااااااااااااااااتنسى الصبر ثم الصبر ثم الصبر الله يسعدك يادماغ نصيحه ادخل موضوع دماغ اذا لم تدخل تراه بالمواضيع المثبته وكل نجوم المنتدى العظماء سينورون لك سماك بنورهم الطيب ولن يبخلوا بما في جعبهم من كنورز المعرفه وفقهم الله جميعا |
اقتباس:
|
اقتباس:
|
اقتباس:
|
اثق بأنه مازال هناك لدى اصدقائنا بالمنتدى الشئ الكثير نسأل الله ان يفتح لهم ابواب الرزق والجنة ..*
|
اقتباس:
انتبه ممكن تتغرم ويتقفل محلك بسبب النسخ الغير شرعية للبرامج ، الأفلام ، وغيرها من الأمور اللي عليها حماية فكرية . واذا كان الهندي مثلاً يشتغل فيها من تحت لتحت امنعه ، العامل ماراح يتضرر لو جات حملة على محلك لأن العقوبة عليك وعلى المحل (العامل مايطوله منها شيء) يعني الغرامة من جيبك والمحل اذا تقفل بيكون مصدر رزقك تقفل ، والمثل يقول ألف لحية ولا لحيتي . الله يوفقك بمشروعك ان شاء الله |
رأيي حاول تعبي المحل بحيث يظهر مليان بضاعة والله يوفقك .
|
ابن الاثير الله يوفقك لكل خير نصيحة مهمة وبإذن الله ستكون ...
|
بالتوفيق
اخوي وماشاءلله الاخوان مايقصرون معك والله يفتحها لك رزقة كبيرة من ربنا |
موفق بإذن الله ... لك مني أجمل تحية .
|
الجميع زاد ...
|
اهلا بالجميع ...
|
عليك بالصبر والاجتهاد وبالتوفيق
|
إن شاء الله تتعدّل أوضاع المحل في القريب العاجل ومعى كثرة التسويق والتنويع والإختلاف عن المحلات الأخرى في السعر والمعروض , بـ تتوفّق إن شاء الله
وإذا لك خاطر في إنّي أزودك بـ بضاعة من أمريكا ( إلإلكترونيّا ومستلزماتها ) أنا مستعد وعمولتي بتكون بسيطة وبعرضها في السّوق بسعر مخفّض بتلقى الإقبال زاد هذي نظرتي وتصوّري ولا أقدر أزيد في تقديم النصايح لأن الأخوان أغلقوا علينا الباب نحن المجتهدين بالتّوفيق |
اقتباس:
|
الساعة الآن 03:53 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين