بسم الله الرحمن الرحيم
السلام عليكم ورحمة الله وبركاته

انا كان موعدي يوم الثلاثاء 26/7/1432 يوم كان شيق وتعب بدايتا اللي يجي بدري يطلع بدري انا جيت لهم الساعه 5 تماما لقينا كشوف قدامنا شفت رقم التسلسل ثم اعطونا ورقه مكتوب فيها رقمي التسلسلي ثم بعد ذلك خشينا الميز وزعت علينا اوراق صغيره مكتوب فيها خمس اشياء وما تطلع من المعهد الا انت مغلقها مكتوب :
1/ الاختبار التحريري
2/ المقابله الشخصيه
3/ المسح الامني
4/ اختبار اللياقه
5/ اختبار السباحه
اولا : اختبرنا الاختبار التحريري ما يقارب 30 سوال اختياري (( ثقافه عامه + دين + رياضيات + انجليزي ))
الاختبار مده نصف ساعه تقريبا ((( عايدي اذا غلقت الاختبار سلم الورقه )) بعد ذلك ينادي بالاسماء وياخذ 20 رجال لكي يدخلوا المقابله الشخصيه .
ثانيا : المقابله الشخصيه قبل ما نخش المقابله طبعا طول ووزن واللي طوله قصير مع الباب وحظ اوفر وشمرنا ايادينا وارجلنا بعد ذلك تروح المقابله طبعا كلهم ضباط يستفزونك باسئلتهم مثل السوال اللي سالني اياه((( اربع جمال تتسابق محد فاز عــــالثاني من اللي فاز؟؟؟؟ طبعا بتجاوب (( محد فاز )) والجواب (( اللي فاز هو الثاني )) المهم اسئله جدا تفلسع بالرجل ثم بعد ذلك المسح الامني .
ثالثا: بعد المقابله الشخصيه رحنا للمسح الامني دخلنا المكتب كلهم ضباط بس يطلون فيك واسئلتهم ابوك حي والا ميت وابوك وين كان شغال ((( ابوك اذا كان شغال في حرس الحدود يحولك للعميد ويكتب اسمك ورقم طلبك في ورقه لحال مدري الله واعلم ))) وفي الاخير مطوع يعطيك ورقه دينه ثم بعد ذلك اللياقه
رابعا : رحنا للميدان طبعا المدربين با كستان ((( تمشي معاهم طيب يحطونك على الراس تلف وتدور ادع على نفسك بالرحمه ))) وياخذون خمسه خمسه خذونا حنا!!!! من بدري ((( اللي ما معاه لياقه زيي الله يعينه ))) وصفر المدرب وجري على الميدان كله وفي لجنه تشوفك وتسجل معلوماتك المهم انا اخذت الاخير لان اللي معايا حطوهم سلق وبعدين ما عندي لياقه الله ارحمنا المهم بعد الجري ضغط 10 مرات وبطن 10 وعديت فيها وانتقلنا للسباحه .
خامسا: السباحه جدا روعه المسبح يفتح النفس(( الميدان بكامله يفتح النفس امام البحر والطيور)) المهم ياخذونا واحد واحد ومعاك منقذ ولجنه موجوده والحمد لله عديت فيها كامله والامر بيد الله ....

ملاحظه: كل الكلام هذا عندنا في جده في معهد حرس الحدود البحري

وسامحونا نزلت الموضوع متاخر والله يوفقكم جميع وعقبال القبول النهائي للجميع وابغى اسئل بالنسبه للقبول الثاني هل في احد له موعد في الاسابيع الجايه ام انتهت في هذا الاسبوع ؟؟؟؟ وشكرا



والله ولي التوفيق .....

اخوكم :
خـــــــــــــالد الـــــمـــــــــالكي