معي مليون ريال !!!
السلام عليكم ورحمة الله وبركاته
مساء الخير للجميع من بنت وولد أنا الله رزقني بمليون وثنين وستين ألف ريال اثنين وستين الف ريال شريت فيه سياره بقى مليون ريال وودي هالمليون افتح مشروع فيه وقدامي ثلاث مدن ابي افتح فيهن الرياض - القصيم-الدمام انا صراحه محتار بأي مدينه افتحها ثانياً :وش تقترحون علي من مشاريع كل واحد يعطينا إقتراحه بأي مشروع وياليت يذكر لي الأسباب وكم يدخل بالسنه هالمشروع وبأي مدينه برضوا لاتنسون الدعاء يأخوان تقبلوا تحياتي |
وعليكم السلام ورحمة الله وبركاته
اول شي الله يبارك لك في مالك ويرزقك انا اقترح عليك تفتح المشروع بالدمام المشروع هو شركة نقليات مليون ريال تجيب لك تقريبا عدد 7 تريلات قلابيات الدخل الشهري يتراوح ما بين 10 الاف الى 20 الف للسياره الواحده المشروع جدا ممتاز واذا تبغى تفاصيل اكثر انا تحت امرك |
الله يرزقك ويبارك لك بمالك
فكرة اخوي رحال ترا حلوووة |
ينقل الى القسم المخصص بالتوفيق |
الله يوفقك ياخويه
|
جدة زين بعد تفتح فيها مشاريع وياليت تحطها من بين خياراتك
|
اولا نقول ماشاء الله لا قوة الا بالله
والمفترض اخي العزيز ان لا تذكر رأس المال ولكن تلمح حتى لا تحسد قال النبي صلى الله عليه وسلم (استعينوا على قضاء حاجاتكم بالسر والكتمان فإن كل ذي نعمة محسود) الامر الاخر التجارة تعتمد على وقتك انت وعلى امكانياتك وتفكيرك اما انا فانصحك بمايلي العقار الجملة الاسهم (مع خبراء توصيات ... وفقك الباري |
انا انصحك بالعقار وباي منطقه وبعد ما الله يفتحه عليك سوي فندق على البحر في مدينه الدمام
والله يبارك لك في مالك |
الله يبارك لك اخوي
|
الله يرزقك ويبارك لك بمالك
|
ماشاء الله أخوي الله يوفقك ويرزقك ويرزقنا جميع
بس نصيحة لا تغامر بكل رأس مالك الحرص واجب وأنا أخوك حبة حبة حتى تشوف والله يوفقك وأنصحك بالعقار والله فيه من الفائدة ماشاءالله بس يبيله واحد شغيل ورجال يتحرك |
الله يوفقك يارب اخوي العقار الابن البار او اسهم كيان اوجبل عمر فقط
|
ماشالله لاحول ولاقوة الله بالله
بس قولنا كيييف جبتها هههههههه؟؟ |
ماشاء الله
اي مشروع يحتاج الى دراسة جدوى يقوم بهاشخص مختص في هذه الأمور حتى يحسب لك الأرباح وايضا لا سمح الله الخسارة وكيف التعويض فلاتستعجل في اختيارك المشروع والله يرزقك |
اقتباس:
ياليت تزودنا بتفاصيل اكثر سواء هنا او على الخاص تحياتي |
اولا مشاءالله والله يرزقك ويبارك لك في حلالك ..
ثانا /انا اقترح عليك ان تضعها في العقار لان العقار كما يقولون محفظه امنه توزع بين اراضي واهم شي تحط لك كم شقه ...الله يوفقك ويرزقك .. |
فكر في مؤسسة نقل بضائع بين الدمام الرياض ترى فيها خير ودمتم |
جزء منه بالعقاااار وانساه فتره
والشي الثاني انصحك بسيارات الأجره .. وتخلي السايقين سعوديه موب اجانب صدقني راح تستفيد وتفيد غيرك بهالمشروع الاخير وانت ادرسها من جوانب عده |
أي وحد يبي معلومات عن المشروع الي ذكرته ( مشروع التريلات) يراسلني على الخاص وان شاء الله افيده
|
ماشاء الله تبارك الله .. الله يزيدك من فضله ..
انصحك تشتري ارض وتبنيها شقق مفروشة في موقع كويس بالرياض او تشتري عمارة شقق ايجار سنوي والله يوفقك ويرزقك من فضله |
بسم الله الرحمن الرحيم
من باب النصيحة أقدم بعض الأفكار أتمنى أن تكون مناسبة لاسيما وأنها ليست خبط عشواء وإنما أعرف من يعمل ويربح فيها حاليا أو عملت شخصيا واستفدت بفضل الله ... وعموما لابد من توزيع الاستثمارات حسب المخاطر والمجالات المختلفة ....... 1 / مدينة الملك عبدالله الاقتصادية تعمل فيها الشاحنات ليل نهار وأعرف من يعمل بهذا المشروع ولديه مجموعة سيارات وعلى استعداد للتعاون في تنسيق شراء السيارة والتأمين عليها وتوفير السائق وللتفاصيل ممكن المراسلة عبر الخاص .. طبعا بعد انتهاء مدينة الملك عبدالله بعد عدة سنوات هناك مدينة جيزان الاقتصادية وبالتالي المشروع مستمر بحول الله وفي أسوأ الظروف ميناء جدة الإسلامي ميناء يعد الأضخم من حيث الحركة التجارية على مستوى المملكة ... أنصح بتجربة سيارة واحدة فقط مبدئيا حتى يكون الاقتناع ثم زيادة عدد السيارات بمالايزيد عن 35% من السيولة ... وفي هذا المجال لا أنصح سوى بمدينة جدة حيث كثافة حركة عالية .. 2/ شراء في شركة بترورابغ بسعر21 والاستثمار لمدة سنتين وبحول الله هناك أكثر من ضعف بأمر الله في هذا الاستثمار طبعا بمالايزيد عن 35% . 3/هناك مشروع بمدينة الرياض تكلفة مقره 100.000ريال كحد أقصى من حيث التجهيز ومصروف سنوي إيجارات وموظف 100.000 أخرى ... ولكن الدخل بأمر الله لايقل عن 200.000 كل 6أشهر =400.000سنويا ...منها 300.000 على الأقل صافي ربح .. طبعا الأرقام هي أسوأ الظروف والاحتمالات ومنطقة هذا المشروع الرياض فقط ... موضوع العقار الابن البار يرجى الانتباه فربما الابن البار يتعرض للانهيار والتصحيح والدليل طرح عدة شركات عقارية في السوق سواء طرح أولي أو بعلاوة أو تحت الدراسة للطرح وإنشاء صناااااااااديق عقارية للشعب من ضمنها صندوق سامبا وكل ذلك للتصريف على عباد الله ... ولاداعي للتفصيل أكثر... هذا من باب النصيحة وأتمنى لك استثمار واااااااعي ومدروس وموزع المخاطر أخوك |
المشروع اللي بالريااض ممكن ايضااح اكثر له ، لان فكرة مشروعك بصراحة يغري ــ ،، والله يعطيك الف عاااااافيه ،، انتظر ردك ،، |
اقتباس:
متى ماوجدت الإرادة الجادة والشخص المناسب فلامانع من الانطلاق معه ولمزيد من التفاصيل يرجى التواصل على الخاص مع خالص الأمنيات بالتوفيق |
من واقع تجربة أبوي وعمي شغالين في النقليات من أكثر من 25 سنة وكلام الأخ رحال 100%
بس أخوي مشروع النقليات محتاج متابعة المشروع أن شاء الله مضمون لفتره طويله يعني طول مافيه مشاريع ومصانع جديده إنت شغال ومن أرباح المشروع أشتري أراضي وبعدين نصيحة لا تدخل في أي مشروع بكامل رأس مالك حتى العقار ضع لك مبلع يكون أحتياط لأي ظرف ضروري مع تمنياتي لك بالتوفيق |
اهم شي الاستخاره قبل لا تقرر اي مشروع
وابعد عن الي فيه شك من فوائد وغيره الله يبارك لك ويرزقنا وياك |
ماشاء الله تبارك الله والله يبارك لك فيما رزقك
1- كما قال احد الأخوان لا تغامر بمالك كله 2-فكرة وتحتاج لدراسة جدوى : تحط لك محل خاص بالأزياء توظف مصممات ازياء حتى لو عن طريق النت وتجيب خياطات، وتفتحلك محل وخاصة في المراكز الكبيرة والفخمة وتنزل هذه الملابس (خبرك عندنا يموتون في في المراكز الفخمة حتى لو هي بايخة ) 3-تحط لك فندق أو شقق فندقية وتحط معها مطاعم في الجنوب(جنوب السعودية) 4- تسوي مركز خاص بحضانة الأطفال لكافة الأعمار ويكون المركز شغال من الساعة السادسة صباحاً وحتى 12 مساءً (يعني مثلاً وحدة عندها موعد بمستشفى تجي وتحط طفلها ويحسب عليها بالساعة ) هذه أفكار جت ببالي لكنها تحتاج لدراسة جدوى |
اشارك أم عبدالله الراي :rolleyes:
|
3/هناك مشروع بمدينة الرياض تكلفة مقره 100.000ريال كحد أقصى من حيث التجهيز ومصروف سنوي إيجارات وموظف 100.000 أخرى ... ولكن الدخل بأمر الله لايقل عن 200.000 كل 6أشهر =400.000سنويا ...منها 300.000 على الأقل صافي ربح ..
طبعا الأرقام هي أسوأ الظروف والاحتمالات ومنطقة هذا المشروع الرياض فقط ... الرجاء التواصل على الخاص وانا ان شاء الله جاهز ولك جزيل الشكر اخوك \ ابو عبدالله |
مساء الخير أخوي دردعاته
أدري صدع راسك من كثر المشاريع "نصيحه" لا تحط فلوسك كلها بمشروع واحد حاول تستفيد من النص واذا رزقك الله انشالله تطور المشروع أنا عندي ثلاث مشاريع ولا تدخل بأي واحد الى أنت حاسبها صح "مبدأ الحيطه والحذر" الأول: تستأجر عماره فيها 25 شقه وتأثثها وتأجرها شقق يوميه الثاني: تفتح محل جملة ملابس وتجيب البظائع من الصين الثالث: العطورات والعطور راسمالها مو كثير ومثل ماقلتلك اخوي لا تدخل اي مشروع ألى حاسبها من كل النواحي واهم شي تسوي دراسة جدوى انا ابحاول اجيبلك تكاليف الشقق لأني اعرف واحد دخل بهذا المشروع وعنده الحين ماشالله 4 عماير مأجرها وبالتوفيق لك وللجميع |
نصيحة اخو خذ قرارك من راسك وحتا لو كان اخوك لا تأخذ برايه واشتغل في شي انت تفهم فيه واعرف نفسك ان كنت راعي مقابل لشغلك او لا يعني حرك وشف وش ميولك واتجاهاتك وتراكثر الخيارات تضيع وقتك واستعن بالله اولا واخرا والله يرزقك واتوقع ان عمرك باقي صغير بس ما شاء الله عندك طموح واهم شي اهم شي اهم شي ابتعد من رفقاء السوء والمصلحجيه والي يقولك سلفني حتى لو ريال ترا الصديق المخسر عدو مبين ومن ناحية النقليات التريلات غالية الوحده بحود 200000 وقديمه وتبي رجال يعرف كيف يسوي لها صيانه يعني اقل خراب يعطلك وغير كذا تحط راس مالك في تريله وتعطيها هندي وش ضمنك يحوسها لك حوس تراني كل يوم في الورش ارسل قطع غيار لأخواني في الديره وبعضهم باع التريله ولازم تعرف كيف تشغلها مو توقفها تتمنضر فيها واحب اعطيك تجربه لاخوي كان عنده مجموعة كباين اتصلات وخسر مع انه كان مليونير تدري ليش لانه مانوع نشاطه وانت اعرف بنفسك قوي ثقتك بنفسك والله يوفقك وعندي بصراحه كم مشروع بس ع حسب المنطقه الي انت فيها
|
بالتوووووووووووووووووووووووووووفيق
|
الله يباركلك فية ان شأ الله
ونصيحتي لك ان تستأجر عمار مكونة اقل شي من ثلاث ادوار وتسويها شقق مفروشة وربحها ممتتتتتتتتتتتتتتتتتتتتتتتتتتتتتتتتتتتتتتتتتاز جدا والله يوفقك يارب |
الموضوع له الان ثلاث شهور بس مدري من وين طلعوه الشباب
نبي نعرف راعي الموضوع وش سوى المفروض اللحين المليون صايره مليون ونص |
الله يرزقك ويبارك لك في مالك ........ واذا تبي مشروع انا تحت امرك وش رايك منك المال ومني العمل يعني مضاربه
|
الله يرزقك افتح سلسه محلات
واجرها واهم شي ابن بيت قبل كل شي بالتوفيق |
صباح الخير-
انا عندي مشروع بإذن الله ناجح00 وممكن اكون شريكه بالمجهود وانت بالمال 00 ارجو المراسله على الخاص |
وين صاحب الفلوس مايرد على المشاركات:eek: الكل متحمس معاه وينه يعلمن وش فكر فيه :confused:
|
ماشاء الله لاقوة إلا بالله ....
|
يالجوااله وراك ماتردين علينا ؟؟؟؟؟؟؟!!!
|
/هناك مشروع بمدينة الرياض تكلفة مقره 100.000ريال كحد أقصى من حيث التجهيز ومصروف سنوي إيجارات وموظف 100.000 أخرى ... ولكن الدخل بأمر الله لايقل عن 200.000 كل 6أشهر =400.000سنويا ...منها 300.000 على الأقل صافي ربح ..
ممكن اعرف ايش المشروع اني عندي الاستعداد المالي والاداري للمشروع ارجو التواصل وشكرا |
الساعة الآن 06:39 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين