مشروع مصنع بلك (طابوق)
السلام عليكم ورحمة الله وبركاته كيف الحال اعضاء وعضوات منتداي الغالي ...انا صرت احوبكم مررره قسمن ..اخيرا لقيت احد عنده طموحات مثلي :wa <<< ياحبني لهالفيس دايم مبسوط ويهز رقبه خخخخ خلاص صرت منكم فيكم :d مايحتاج اقول انا وانا :q الموهيم في مرتن من الامارير جاني زوجي وقالي وش رااااااااااااااااااااايك ؟؟؟قلت وشو به ..قالي انا افكر اني اسوي مشروع مصنع بلك وبدخل شراكه مع واحد .. قلتله طيب كم يكلف قالي مليون ..انا كذا >>> :y قلت من جدك ؟ قالي الدخل 200 الف شهريا :yaa: انا مو مصدقه هل فعلا دخله كذا لان اذا فعلا هالكلام بنكسل ابو كل المشاريع :i طبعا بيكون دخله هو 100 الف لانها شراكه.. بسسسسسس بحثت بالنت ولقيت ان مليون ونص ماتكفي لمشروع مصنع بلك :m ..الاغلبيه يقولون مو اقل من 3 ملايين فانا ابي اسال هل المليون ونص تكفي للتكلفه كاااامله او لا ؟؟ وهل فعلا الدخل بحدود ال200 الف ؟؟ |
الله يرزقكم ويرزقني وان شاءلله يجي من يفيدك
بالتوفيق |
ههههههههههههههههههههه
مبسوطه هاه ايه انتي منننا خخخخخ خلاص اذا نجاح مشروع زوجك لي 1000 ريال كل شهر هههههههه والله كان ودي افيدك بموضوعك لكن حدي مشروع ب 1000 الف خخخ ولاعندي خبره بخصوص مشروعكم الله يرزقكم ويوافقكم حبيت ارفع الموضوع بس |
حياك اختـي والله يرزقكم من حيث مالا تعلمـون ويوفقكم ....
بالنسبه للمشروع ملـيون ريـأل اذا كـان الارض جـاهزة والمعـدات متعـاملني مع صاحبها وتستاجروهـا هذا بيكون راس ماله .... بس اذا بـأقي الارض والامور والمعدات فهذا بيكـلف 3 مـلايين الـى 5 مـلآيين ... وبالنسبه للدخـل الشهري بيكـون اقل شي 250 الـف ريـأل بس الله الله بالشغـل وكسب الزبـأئن والعمـال والاسـلوب ..... انـأ مشروعنـا انا واخـواني مصنع بلـوك بجنوب المملكه خسـرنا عليه كامل المعدات والدراسات الجدوى ملـونين و 800 الف ريـأل ...لان الارض جاهزة بـأسم احد اخوانـي... بس الاربـأح توصـل 300 الف بالشهـر ولله الحمد والمنة... وموفقه يارب |
يا جماعة متأكدين من الارقام اللي قاعدين تذكرونها
انا احس ان الموضوع فيه مبالغة |
حالياًَ انا في تأسيس مصنع بلك وخرسانة جاهزه مع شريك وبتكلفه حتى الان 000ر800ر4 ريال
والتكلفه التي ذكرتيها صحيحه ولكن انتاجيت المصنع قليله ويوجد مصانع بأقل من مليون ريال لكن مصنع بلك والخرسانه الجاهزه مشروع مربح وهذا يعتمد على الاداره وقوة الانتاج |
اقتباس:
|
اخوي النيوزلندي ايه متاكدين ولا مبالغه ولا شــي ... انا لدي المصنع واقولك المبالغ مو من عندي من التكـاليف كــامله لانه مصنع بلوك وشوف كم دخله ويكفي دراسه الجدوى 23 الف ريـال
|
اقتباس:
عطنا التفاصيل اكثر خاصه المصانع اللي اقل من مليون وش وضعها وش تحتاج وش ارباحها |
اقتباس:
والله لو ينجح .......................لاتصدق بالف شهريا :p وتسلم على ردك اخوي والله يرزقك من حيث لاتحتسب |
اقتباس:
مشروع منتجه مطلوب في السوق بشكل كبير خاصه الفترة الحالية وارباحة السنوية 100% من راس المال؟؟؟؟ شيء خرافي |
اقتباس:
بس اللي فهمته منك ان التكلفه مليونين و800 الف ..طيب الارض كم مساحتها ؟ وهل لازم تكون بالمدينه او بعيده عن العمار عادي ؟؟ |
اقتباس:
انا :yaa: لا ومزعجته بشقق مفروشه :i بلا شقق مفروشه بلا هم :wa |
اقتباس:
بس اذا التكلفه اللي انا ذكرتها صحيحه كم بيكون الدخل الشهري؟؟ وهل 200 الف هذي دخل او صافي الارباح ؟؟ |
اقتباس:
قسم بالله انا قبل كم يوم اسولف لواحد عن الشقق المفروشه وان فيها خير |
اخوانـي صحيح ان العيـن حق بس ربـي ما ينسى احـد ....
اخوانـي انا اتعـامل مع اشخـأص لهم بالتجـأره وانا من ضمنهم ولله الحمد .... ولو تبـون نمولكم لمـلايين وبشروط ميسره وبدون كفيل ولا موظف .... راسلـوني على الخـأص للتواصـل .... والله يسسهلها لكم |
اقتباس:
اخوي 300 الف هذي دخل والا صافي الارباح ؟؟ والتمويل كيف طريقته ؟؟ نبي التفاصيل كاااااامله الله يرضى عليك ويجزاك الجنه |
لا اختـي صـأفي الاربـأح ....
وبالنسبه للتمـويل وطريقـته....هذا يبيـله شرح والجـاد يراسلني خاص ... محشومين ادري بجديتكم بس تعرفو مليون مو بسيطه اننا ندعمها لنـأس مالها بالمشـأريع ..... صح والا انا غلطـأن واللي ما يقدر يراسلني خـاص ... يقولـي هنـا برد وانا ارسله البيـانات كـامله |
عبادي لو سمحت ابيك على الخاص لاهنت
|
الاخ عبادي
ياليت ترسلي تفاصيل وبيانات التمويل على الخاص.. شاكر لك مقدما ،، |
موفق بإذن الله ...
|
موفقين جميعا
|
اختي تيراميسيو ...
اولا المصنع هل هو مصنع بلوك وخرسانه ؟؟ او مصنع بلك فقط ؟؟؟ مصنع البلك : هل هو بلك فخاري ( الطوب الاحمر ) ؟؟ ام بلك عادي ؟؟؟ كله يفرق يا وخيتي ... ولكل نوع تكلفة وسعر ... ولا احد يطير بالعجه ... كل شي بثمنه يا اخوان |
الله يوفقك
بس المشروع يباله خبرة أحد أصدقائي كون له مصنع قبل 4 سنوات ودخله ما شاء الله ممتاز |
ما شاء الله .. الله يرزقنا واياكم
|
اقتباس:
|
أخوي ( عباادي العاطل )
عندي مشاريع ممتاز وبإذن الله مربحة وش طريقة التمويل لأني ما كملت 100 رسالة فما أقدر أرسل |
الله يرزقنا من واسع فضله
|
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين يا جماعة الخير انا عندي ارض مساحتها 10000م في جده شرق الخط السريع المنطقة يوجد بها مصانع بلوك الي يبي يستاجر مستعد اساعدة بسعر مخفض للجادين يراسلوني على الخاص . |
اقتباس:
|
اقتباس:
|
اقتباس:
بس بما ان[mklb2]الخبير الاقتصادي[/mklb2] عندنا :d خلني استغل الفرصه :wa وش تنصحنا فيه.. ؟؟ اي نوع ..؟؟ وكم يكلف.. ؟؟ وكم ياخذ تجهيز المصنع من وقت ..؟؟ ومتى يبدا الانتاج ..يعني متى نبدا نرد راس المال ؟؟ وووووووووووووووو بس :q |
اقتباس:
|
اقتباس:
|
اعتذر عن اللقـأفه بس يمكن الاخ تسويقـأر مششغول وبجـواب عنـه .... للفـأئده وش تنصحنا فيه.. ؟؟ افضـل مصنـع اللـي هو البـلوك الطـوب الاحمــر والخـأص بالارصفـه وكم يكلف.. ؟؟ يكـلف اقـل من مليـون ونص باذن اللـه وكم ياخذ تجهيز المصنع من وقت ..؟؟ اذا امـورك جاهزه ما بيطـول بس اهم شـي الارض تـاكدو انهـا مرخصـه من البلـديه بتراخيـص وانها ارض صنـأعيه تجـأريه ... ومتى يبدا الانتاج ..يعني متى نبدا نرد راس المال ؟؟ اي مشروع راس مـأله كبـير بيكـون بعد سنتين حـد اقصـى يرجـع راس المـأل |
اقتباس:
اخوي عبادي ما قصر جعل عمره طويل .... ولكن لي ايضا مداخله بالموضوع : شوفي يا الطيبه .... خلينا اولا نستبعد مسألة مصنع الخرسانه ... يبقى عندنا نوعين ( طوب احمر / وطوب اسمنتي ) مصنع الطوب الاحمر : او ما يمسى بالطوب الفخاري ... وهذا يحتاج الي رأس مال كبير جدااااااااااااااااااااااا لانه لازم يحتوي على عدة مناطق صناعية قبل ان يخرج لنا الطوب الاحمر بشكلة النهائي .. ويحتاج الي سكك حديدية لعربات نقل الطوب من بداية التصنيع الي اخر مرحله والمراحل كثيره .. طبعا ايضا المادة الخام من وين راح تجيبوها ؟؟؟ المسالة اختي فيها طين لزج اللي احنا نسميه صلصال .. وهالنوعية بالذات من الطين ما توجد الا بمناطق محدده بالمملكة اهم مناطقها مدينة ضرماء قريبة من الرياض .. ايضا من المواد الاوليه نوعية رمل يسمى رمل متحرك وطبعا لازم يكون عندك مخزون كبير جدا من المواد الاوليه يكون مأمن داخل المصنع . وبكذا معظم رأس مالكم بتشترون فيه هذي المواد ومن اجل انك تخلطي الطين مع الرمل لازم لك مصنع مستقل داخل المصنع الرئيسي لخلط المادتين مع بعض وهالمصنع لازم يكون مربوط مع المرحله اللي بعدها بسكة حديد وعربات ... لا تنسي وانا اخوك انك بحاجة لعدد كبير من العربات .. والعربات هذي مثل اللي نشوفها بالافلام داخل المناجم لاكنها مسطحة الي حد ما نروح للأهــــــــم : المصنع يحتاج الي فـــــــرن .. فــرن تتعدى درجة حرارته فوق الـــ 1000 درجة وذلك لحرق الطين وتحويله الي فخــــار ... اضيفي الي كل هذا احسبي كم عدد العماله اللي تحتاجيها لتصنيع البلوك الاحمر ... نقول من 50 عامل الي 150 ؟؟؟؟؟؟؟؟؟؟؟؟؟؟؟ مررررره مكلف ... لكن ربحه عالي ... وعدد المصانع بيد اشخاص محدودين .. مثل الراجحي والصيخان وغيرهم ... مصنع البلوك الاسمنتي : هناك مصنع بلوك اسمنتي آلـــي .. وهناك مصنع بلوك يـــــدوي .... الالــــــــي ... لازم انشاء مصانع وكسارات خرسانه واسمنت وسيارات ومعدات .. وراح تدخلي بنفس دوشة مصنع الطوب الاحمر بس بدون فرن ... اليــــــدوي .... ويمكن هذا يصلح لكم :q شوفيها .. قسمن انها كيوووووووت :q http://www.cadsoul.com/models/brick%20machine.jpg هذا النوع من معامل البلوك كان يشتغل فيها اليماني والباكستاني .. ما اعرف هل موجودة للان او انقرضت ... لكنها شي سهل جداااااا .. يسمونها بياضة الطوب .. مثل الدجاجه تمشي وتبيض :q مجرد مكينة صغيرة مو كبيرة ... تعبيها اسمنت وبطحاء وخرسانه بعد خلطها وتقومي تصبي الخليط داخل المكينة .. وهي تطلع لك من الجانب الاخر بلكه :d تاخذي البلكة وتحطيها بالشمس لحد ما تنشف .. وسلام قول من رب رحيم :q ايش المطلوب للمصنع اليدوي ؟؟؟ حوش ويفضل يكون كبير عشان تخزني المنتج ... الالـــــــــــه وممكن تلاقي مستعمل هنا او هناك سيارة او سيارتين دينا عشان تنقلي المنتج للزبون ... وكم عامل ما يتعدوا 3 الي 4 عمال .... للمعلومية اختي تيراميسيو ... ليس بالضرورة ان كل بيت يحتوي على طوب احمر ولكن بالتأكيد كل بيت يحتاج الي طوب اسمنتي ... خربنا عليك مشروعك ؟ :q كيف بس الخبير الاقتصادي معاك ؟ << بــرااااااااا :q |
بالتوووووووفيق
|
لا حول ولا قوة الا بالله العلي العظيم
ههههههههههههههههههه كتبت رد من قبل الظهر مدعم بالصور وتفاصيل وراح ادراج الرياح لعدم تسجيل الدخول ههههههههه لكن ان شاء الله احاول كتابة الرد مره اخرى تحياتي |
موفق بإذن الله ... لك مني أجمل تحية .
|
.................
|
الساعة الآن 07:12 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين