السلام عليكم ورحمة الله وبركاته
صباح / مسساء , القبوول

مقابلة حرس الحدود المرحلة الثالثة < مركز الشرقية < بحري

دخلنا الساعة 7 وصفينا سرا عند البوابة
والساعة 8 دخلنا ع نفس المكان الاول اللي فيه المسبح
وينادون بالاسماء

استلمنا اوراق وخطابات نخلصها ونوقعها ونرجعها لهم
وهي :
خطاب للاحوال المدنيه في منطقتك + خطاب لادارة التربيه والتعليم اللي تابع لها مدرستك + خطاب للأدلة الجنائية في الدمام

وورقة الكشف الطبي اللي تسويه في مستوصف قوى الامن كل واحد محددين له تاريخ يراجع المستشفى فيه < انا بكره

وفي اوراق حقت شيخ القبيلة والعمدة والاشياء هذي , قالو تحملونها من النت وتوقعونها , وراح تنزل في الموقع الاسبوع الجاي تقريبآ

وبعد ما تاخذ الاوراق هذي , تروح للي جالسين في اخر الغرفة حقين الكشف الطبي وياخذون منك عينة البول ( أكرمكم الله )

وبعدها يقولون لك توكل ع الله خلص اوراقك وتعال بعد اسبوع

اول ما تطلع من عندهم روح للادلة الجنائية ياخذون منك بصمات ويقولون تعال بكره < خذ معك صورة شخصية عشان يحطها في الورقه

وتشوف متى موعدك في المستشفى وتروح تخلص منهم , وبعدين تطلع لديرتك وتخلص حقت الاحوال والتعليم

> عاد الله يعين اللي بعيد , يحاول ما يرجع الا هو مخلص الاوراق هذي وحقت شيخ القبيلة مرة وحدة
قالو اللي بعيد عادي يجيبها بعد اسبوعين مو مشكلة

يا اخوان اهم شي تجيبون معاكم الشهادات مع صوره لكل شهادة + 8 صور شخصية مكشوف الرأس + وطبعآ بطاقة الاحوال

انا ما اخذو مني الا صورة شهادة الثانوي بس وصور شخصية

وبالتوفيييق جميعآ , أي سؤال انا هنا , بنام الحين واذا صحيت راح اجاوبكم ,’ وان شاءالله يكون في احد معي اليوم ويجاوبكم