|
مابين امن المنشئات وحرس الحدود هذي حالتي [ حق وحقيقه ]
السلام عليكم ورحمة الله وبركاته مساء اللا استقراريه .. مساءُ الفوضويه مساء .. اللا منهجيه قد يستغرب البعض بدايتي ب المقدمه لكن .. الجواب ب الموضوع قبل ما اخوض في موضوعي هذي نبذه عن دورتنا تاريخ دخول الدوره : السبت 9 / 10 / 1432 التخرج / غير معروف القطاع / غير معروف ايضاً يقال انه امن المنشئات .. والواقع يقول انه : حرس الحدود اي اهمال واجهناه في دورتنا .. اي فوضويه تدربنا عليها ! عادة الشخص .. له مستقبل معين .. وله وجهه معينه قد يختار قطاع عسكري مثلاً .. والغرض والنيه واحده خدمه الله ودينه .. ثم المليك والوطن مجررد مايدخل الدوره .. اقل شي يعرف متى راح يتخرج اقل شي يعرف وش مجال تخصصه .. لكن ماكان بالحسبان اننا راح نواجه مشكله كبيره وهي : الفوضويه وعدم الاستقرار قائد قوات امن المنشئات .. بارك الله فيك على جهودك واجهو مشاكل كثيره .. سواءا مع المركز نفسه ولا مع قيادتك ياسعادة اللواء .. كلنا هدفنا خدمه الله وثم الوطن .. في افضل قطاع افضل قطاع اخترناه وقدمنا عليه .. رغبه فيه ولاننا عارفين انه مهم في حراسة منشئات الدوله تركنا اغلب الوظائف .. من اجل امن المنشئات صدمنا مرارا وتكرارا .. بالاوضاع في الدورات المتتاليه ليتها تخص قطاعنا .. صدمنا .. باننا لانعرف اللي لنا و اللي علينا صدمنا .. بطريقة تعامل مركز التدريب بحرس الحدود لنا يكفي انهم قالو لنا .. ان دورتكم مضحكه .. بالعاميه : طقطقه يكفي كل ماسالنا احد افرادها سواءا ضابط ولا فرد .. كان الرد : ماندري عنكم اسالو قيادتكم .. قيادتكم ساحبين عليكم .. وش دخلنا فيكم .. الخ ويا قلب لاتحـزن مدري اوجه الموضوع والخطاب هذا الى قيادة امن المنشئات ولا لعموم المتصفحين خلوها للكل احسن .. اصابت ولا ما اصابت .. هي مشاعر وبكتبها المهم لن اتحدث عن كل شي دار في الدورات المتتاليه لنا بذكر بعضها ياسعادة اللواء .. تخرجنا في يوم 15 / 5 وكانت مسمى الدوره : امن حدود اتمنى القى جواب لي ولزملائي امن حدود .. على اي اساس ندرسه !؟ القطاع امن منشئات .. وامن الحدود لقطاع حرس الحدود دورة امن حدود اخذت 3 شهور .. مدري وش الغرض منها !؟ امر مضحك .. تدرس مواد / قص اثر - ميكانيكا - كهرباء ويقولون لك تخصصك : بحري بحر وقص اثر .. !؟؟؟؟ الف علامة استفهام ورى الفوضى هذي ياسعادة اللواء .. تخرجنا كان يوافق يوم الاثنين تتوقع اننا فرحنا بالتخرج !؟ وقلنا لبعض : مبروك !؟ تخرج بدون طعم .. كلنا نسال بعضنا .. وش باقي لنا !؟ رجعنا السبت التالي .. بعد اجازه 5 ايام فقط وحدث ولا حرج دخلنا تخصص اخر اسمه : فني دوريات امن منشئات بحريه طيب يا سعادة اللواء .. هل تعلم ان اغلب الطلاب فصلو وتركو مستقبلهم بعد قرار مفاجئ بان التخصص : بحري هل تعلم يا سعادة اللواء .. ان بهذه الطريقة .. قد ظلمت عاطلين كثير .. كانو يتمنون تخصص بحري لماذا لم نخبر .. بهذه التخصص !؟ كلن وله رغبته .. تختلف رغباتنا .. والهدف واحد : الله ثم الوطن .. وحنا في الخدمه اهمال - فوضى - هذي هي شعار دورتنا كل الي استفدنا منه .. انه زرع فينا حب الوطن وعلوم عسكريه ياسعادة اللواء : سعد الماجد خلصنا الدوره الثانيه / فني دوريات في يوم الثلاثاء .. 27 /7 .. وبعضهم ماطلع من المركز غير يوم الاربعاء !! بسبب المركز فرض على بعضنا اعادة اختبارات كذا ماده طيب كذا وش بقى لنا !؟ توقعنا اننا خلاص .. راح نباشر التعيين واجازه 10 ايام .. يستحقها اي طالب عسكري لكن كالعاده .. لا كلمة مبروك ولا هم يحزنون قالو لنا : تطبيق يوم السبت 1 / 8 .. و تم توزيعنا على عدة مناطق بعضنا من سكان الرياض والقصيم .. ولا يملك سياره قرار تطبيقه في مدينة الخفجي - وسلوى .. والقطيف والاجازه مافيه .. سوى يومين انا ماني عارف هي المسافه بين الرياض والخفجي 3 كيلو .. ولا 500 !؟ انا ماني عارف .. هل كل الطلبه عندهم امكانيه للاستقرار والايجار والتنقل بيوم وليله !؟ ترى رواتبنا تنزل بدون بدلات .. 4 الاف .. ماتكفي .. كيف تجبرونا على اشياء صعبه الان ياسعادة اللواء .. تقدم ب الفصل 2 من الطلبه اثنين من زملائنا فصلو .. السبب : التعب النفسي وعدم القدره الماديه وعدم استيعاب مايحدث .. بالدوره .. كل يوم قرار وقرار لدرجة اننا اجبرنا الان في التطبيق ان نلغي لبس امن المنشئات وناتي ب لبس حرس الحدود ونرجع نسال بعضنا .. / تبع اي قطاع مستقبلنا !؟ ياسعادة اللواء الطلاب في الخفجي يستلمون 31 ساعه .. في مهمه تبع قطاع حرس الحدود وبدون راحه وبعضهم مايملك سياره يتنقل فيها ياسعادة اللواء .. الوضع لايطاق الطموح قد يقتل .. وينتهي .. بالاساليب المجهوله ياسعادة اللواء .. اصبحنا اضحوكه بين المدربين والضبااط نسالهم .. متى نتخرج / كيف طبيعة عملنا بعدين ! يضحكون علينا بعضهم ويقولون : انتم مدري شتبون هنا والله يعينكم دورتكم غريبه نادراً ماتصير مثل كذاا وبعضهم نسالهم ويقولون : عندكم قيادة بالرياض اسالوهم ؟؟ طيب كيف نتواصل معكم .. ؟ ارسلتو لنا كم ضابط بايام الدوره نساله عن اي شي يقول لنا .. برد لكم خبر عن تخرجكم وعن تخصصكم !؟؟؟؟؟ اذا القياده وضباطها مايعرفون من بيعرف ؟؟ ملك من السماء مثلاً !! الطلاب اللي دخلو الدوره .. امانه بينكم دربتونا على الانضباط وحب الوطن .. والتحمل والصبر لكن ذقنا المراره والعناء ب الامس دخلت على زملائي وكان لبسي امن المنشئات واليوم دخلت بلبس حرس الحدود .. واحد من زملائي علق وقال : تلعب على مين .. كل يوم قطاع انت .. ويضحك !! ياسعادة اللواء والله ان الطالبين اللي فصلو ان السبب الرئيسي يتحمله الاهمال اللي صار منكم اقل شي تخبرونا عن وضعنا .. كفايه ضغوطات من داخل كفايه نظرة الناس لنا .. كفاية الاسئله المتكرره علينا / متى تتخرجون - طبيعة عملكم وش !؟ تخيل ياسعادة اللواء نتخرج ولا نقول لبعض : الف مبروك تخيل ياسعادة اللواء .. ان اكثر كلمه نسمعها بالمركز : مدري ياحضرة اللواء سعد الماجد .. البعض منا يبي يطلع قرض زواج وقرض سياره البعض منا يبي يخطب ويتقدم لاهل اي بنت لكن كيف يقوم بهذي .. وهو مو عارف متى بيتخرج وكم راتبه بيكون .. عشان ينسق مع نفسه ويقسم ويضرب و و الان الضربه القاضيه قد تاتينا وهي ان التطبيق بدل مايكون 4 اسابيع راح يكون سنه .. وياقلب لاتشكي ولاتحزن .. وياهي صعبه .. اذا تحولنا من قطاع امن المنشئات الى قطاع حرس الحدود ياهي صعبه .. ان تدخل دوره وفجاه بدون اي سبب تتحول لقطاع ثاني .. اظن ان قهر الرجال صعب !! ياهي صعبه .. الطموح والهوايه والرغبه .. لقطاع معين .. اذا تبددت وراحت .. اعتبرها : موت بطيء ياهي صعبه .. انك تحب تخدم وطنك بالمكان اللي تتمنى الوقوف فيه .. وتتفاجى بالاهمال بمسئولينه ختامااً هذا الكلام .. عباره عن مشاعرر لـ 700 طالب من دورتي الدمام والوجه قلتها نيابة عنهم قلت القليل .. وتجاهلت الكثير من الامور لكن لعل القليل .. يفيدنا وارجع واعيد واسال نفسي السؤال المضحك وبنفس الوقت يقهر : عفواً امن المنسيات لحد يضحك .. وعلى دروب الخير نلتقي منقــــــــــــول الموضوع |
شـكرا لك وبارك الله فيك... لك مني أجمل تحية . ....... موضوع جدا رائع
|
حسبي الله ونعم وكيل
وكان الله في عونكم اما تطيبق سنه وعلى الراتب الاساسي بملت مين هذه |
موفق بإذن الله ... لك مني أجمل تحية . اصبر وانشاء الله مابعد الصبر الا الفرج والله يفرج عليكم مصيبه الي انتو فيها
ويخلف لكم خير منهاا |
الله يعين
الايام القادمة بتوضح لك كل شيء يمكن كاميرا خفية لاتستغربون ويعرضونكم في رمضان للاسف..... عندنا ناس فاشلين ومستلمين مناصب بس هذا القدر |
امن المنشات فيه عدم تنظيم مادري ليش
|
ياصااحبي راح الكثيرر ومابقى الا القليل هانت إن شالله تعدي على خير
وغالبا لما تصير مثل هذي الامور في القطاعات العسكريه لكي يختبرونكم ويشوفون مدى تحملكم هل انتم كفووو وقد المسؤليه انا لا انقص من قيمة احد منكم كلكم رجااال ولكن هذا النظام العسكري لمن يريد ان يقدم عليه لابد من الصبر ثم الصبر ثم الصبر وصدقني ياصااااحبي ربك مايضيع تعب احد اصبر وتفرج قريب باذن المولى ومادام انتم مقدمين على امن المنشااءات اكيد هو مستقبلكم وليس حرس الحدود والامور اللي تصدر من ضباط حرس الحدود ليس الا لعب في الاعصاااب فقط لا اكثر اريد ان اقدم لكـ ولزملائك نصيحه اخويه مثل هذه الامور لاتلتفت اليها ودعها خلفكـ تماااما الا ان تنتهي الدوره على خير هذا وأسأل الله لي ولكم التوفيق دعواتكم بالقبول النهائي حرس الحدود وكيل رقيب فني صيانه طيران |
^ ليتها حرب نفسيه تحملنا الي اقوى منه لكن ان يتحول قطاعك بيوم وليله .. هذي مصيبه ان يتم تجاهل وضعك و وضع كل الطلاب بالشكل هذا .. قهر |
الله يكون بعونكم هذا تخصص البحري بامن المنشات نفسيه وامن المنشات من الاساس المفروض اسمه امن الملطعات قطاع مخبط للاسف انا الحين انقبلت نهائي والصراحه خوفني كلامك:cالبري يختلف اتوقع بعد التخرج مافي تطبيق تدوام ع طول والله اعلم بالتوفيق والله يصبركم
|
ياخي لو على الدورة الله يعينك تصبر
وبعدين أنت عارف أمن المنشات لسى قطاع جديد لسى ما أسسوا أماكن لدورة عشان كذا تاخذون دورتكم في مركز تدريب حرس الحدود و اما عن الملابس شيء جميل أنك كل يوم تلبس ملابس قطاع حتى المخدرات ترا الحين دورتهم بمركز تدريب حرس الحدود بالرياض ولابسين ملابس حرس الحدود والسنة إلا راحت أخذوا دورتهم في مركز تدريب حرس الحدود بدمام ولابسين ملابس حرس الحدود غمض عين فتح عين إلا أنت مخلص الدورة ومرتاح من هذا العذاب والالم إلا أنتم الحين تشتكون منها ودعواتكم لي بإجتياز الكشف الطبي بحرس الحدود |
أخوي الله يوفقكم . وتصبرو اصبروووووووو آهم شي الصبرر
|
قطعت الكثير ولم يبقى لك الا القليل توكل على الله والله يوفقك ومن يقر الرساله
|
أنتم 700 طالب !
أرفعوا برقيه للمقام السامي خدام الحرمين و كلكم وقعوا ع البرقية قسم قسم ... لا اللواء ولا أكبر منه حـ يتكلم أتحدوا و توكلوا ع الله و أكتب خطاب |
طيب وشفيها حرس الحدود ؟؟ الي يقرا قصتك يقول انك بتروح لجهنم
بالعكس حرس الحدود مافيه شي ودوام ولا احلى ... احلى من الخفارات الي بامن المنشات ... وعسى ان تكرهوا شي وهو خير لكم ويمكن مثل ماقال اخوي يختبرون نفسياتكم .. بالله قلي وش بتسوي الحين ليه تشتكي تبي تفصل يعني ؟؟ اقول كمل وشد حيلك والله يوفقك |
الله يعينكم
اصبر اخوي هذا اختبار نفسي ولعب بالأعصاب سمعت عنه من قبل اصبر ثم اصبر ثم اصبر وجاي الفرج ان شاء الله |
انا سمعت من شباب في امن المنشات يقولون ان الدورة الاخيره والدوره الي جايه دورة امن منشات بحري يعني كانك فحرس الحدود تدرب في مركز حرس الحدود بس اذا تخرجة تلبس لبس تابع لامن المنشات بس ماهو اللبس المعهود لا لبس جديد خاص لامن المنشات البحري ويقولون ان الرواتب فيها اكثر والترقيات فيها اسرع والله يوفقكم
|
اقتباس:
انا اتكلم عن الظلم اللي صاير ظلم ان رغبتك في قطاع وامنيتك بقطاع .. وبيوم وليله يحولونك لقطاع ثاني مالك رغبه فيه ! حنا عسكر .. ونتحمل كل الضغوطات والامور اللي تجينا .. هذي هي العسكريه لكن ان يتحول قطاعك الى قطاع اخر .. هذي محد يرضاها اقل شي يجون ويكلمونا .. ويعلمونا وش اللي يصير اما انك تترك كذا .. ولاتعرف شي ولاتعرف مستقبلك وين مكانه راح تنقهر وكلامي هذا مو على اني بفصل مستحيل افصل بعد كل هالتعب .. لكن احيانا الواحد تجيه ضروف ماديه وضغوطات تجتمع عليه بسبب لخبطة المسؤولين من يتحملها |
موفق بإذن الله ... لك مني أجمل تحية .
|
لاتخافون تخرجكم 20 \ 9 على كلام واحد من جماعه بدورة الوجه وكل هذه يشوفون نفسية الي تحمل راح يمشي بالعسكرية والي ماتحمل فصل اصلا امن منشأت محتاجه اعداد كبيرة من شان يغطي مطللوب وبالنسبة لحرس حدود توهم مسجلين وش يبون فيكم عشان يحطوكمحرس حدود هذه عسسكرية معقولة ماعرفتها الى الحين
|
يــاحبايب خريجي دوره امن وحدود ..~ صبركــم ~ لايدمركم التفكير ويستنزفكــم شعور..~
أوراقكم بياناتكم في امن المنشأت..~الدوره دوره حرس الحدود~اقصد منهجها وطريقتهـا..~ فاالنهــايه تراكم لأمن المنشأت..~ بالنسبه للراتب والاهمــال بالدوره ومـافي صوت مسموع على الاقل تعرف وضعكم فييين في الخريطه..~شي يقهر.. والله يكوون بالعوون |
ان شاء تبقون تبع المنشات
وعسى ان تكرهوا شيئا وهو خيرا لكم... |
والله لحست مخ بس مثل ماقالو الاخوان شكله اختبار نفسي عشان يبون يشفون من الي يصبر ومن الي يطلع وان شاء الله انك قدها ،،،.
|
الله يصبركم ويوفقكم ربي انشاءالله ودعواتكم لي بلقبول النهائي بحرس الحدوووووود ان شاءالله
|
كل الشكر لمن مر من هنا وكتب رايه واللي يقول انها في يوم 20 / 9 ترى كل فتره نسمع كلام ابشرك بعد من زود الاهمال اول يوم بالتطبيق اللي من حرس الحدود يسالونا يقولون : وش عندكم ؟ مايدرون اننا موجهين من القياده للتطبيق شرايك شي يضحك صح ؟ ههههههه |
وعليكم السلام ورحمة الله وبركاته
كفيت وفيت يااخوي على الأقل خلنا ببدلت أمن المنشاة ونزل رواتبنا كامله مع احترامي للماجد هو في قمت الغباء ؟؟؟ يوم السبت انا في قيادة امن المنشاة استفسرت عن الماجد قالو طالع اجازه انشاء الله روحه بلا رجعه الرجال رايح يصيف خارج المملكه ولي اكلها حنا الظاهر انهم نسو ان لهم عساكر في حرس الحدود ويا قلب لاتحـزن |
الله يعينكم
|
اقتباس:
أخو ماجد للتصحيح .. انا كنت موجود فالقيادة يومـ ( الأحد ) الماضي .. وجاء اللواء سعد الماجد للقايادة وتابع أمور التسجيل بكل أهتمامـ .. . |
موفق بإذن الله ... لك مني أجمل تحية .
|
اللـْْـْْْـَِِْْـَِ♡̨̐ـََِِـه يكون بعونكم ويصبركم ويارب يسخر لكم الطيبين مٍْْـٍْْ♡̷̴̬̩̃̊ـٍْْنٍْْ خلقه والله صادق اخوي حرام هاللي يسونه فيكم يعني أنتو ماتعرفون عن مصيركم ولا متى تتخرجون ولا طبيعه عملكم أنـْْ♡ـْْأ متابعه معاكم مٍْْـٍْْ♡̷̴̬̩̃̊ـٍْْنٍْْ البدايه وكنت انتطر شهر 8 بفارغ الصبر عشان تخلصون لكم الآن 11 شهر بالدوره ومانعرف عن مصيركم لكن نتأمل أنها اختبار نفسيه لأن أعرف ناس مقربين اتصلوا على مركز الوجه وسألو عن متى التخرج فاخبرهم يوم 3 رمضان وعن البدل قال طبيعي انهم يتدربون بحرس الحدود وعن الإشاعه قال مو صدق ويارب يطلع كلامه صحيح واللي يأمل بالموضوع أنه ماطلع قرار كله مجرد كلام يتناقل ودعواتي لكم بالتعيين فـ♡ـي القريب العاجل ويارب مايجي رمضان إلا كل واحد مباشر عند أهله ويستلم راتبه كامل والله يوفقكم
|
الشكر على مرور كم
شيء مضحك عن دورتنا ليس بالجديد ضابط رتبه عالية من المسؤولين بشؤون التدريب يسألونه عن دورتنا يقول ببساطة : لاأعلم بشأنهم ولاادري كم باقي من دورتهم شئ غريب والله وقهر في نفس الوقت :( أتمنى أنه يتم تثبيت الموضوع من أجل وصول الرسالة |
والله ما كتبت يـ أخوي عين الصواب و الشي اللي جالس يصير لنا هناك بحذافيرة واللي جالس يتفلسف
ويرد هنا بـ أن آلأمور جداً عادية بأذن الواحد الاحد أنة يمر بمثل هاذي الظروف ولن أقول بـ أكثر لأنها راح تهد حيلة وحيل من شجعة على ذلك ..ّ اعلم ويعلم كل قارئ بـ أنني أنا و أنت لدينا رغبة ماء اما أن تكون امن امنشات واما ان تكون حرس الحدود ونعلم انها تحت غطاء حب الوطن و الولاء وتتدرج نحو خدمة الوطن و المليك . لكن اليس لبني البشر رغبة ماء اذا تحققت عمل من خلالها بـ أخلاص ووفاء بعكس التدرج نحو ما نراة الان من عمل تطفيشي لا أرى مفهوما اخر لاعلق علية من خلالة .. اعلم بـ أنني تابع لأمن المنشات لكن والله انني لا اعلم ما طبيعه العمل القادم بعد التطبيق ..؟ كل ما نريدة هو التوضيح و آلأفصاح و التحدث بكل شفافية و مصادقية و آلأبتعاد عن آلأقوال التي تهدد أكثر من 700 طالب عسكري . |
اقتباس:
فنحن لم نكتب و لم نعمل مقارنات بين حرس الحدود و امن المنشات ولكن عما يحدث لنا ولأيجاد الحلول التي بحثنا عنها كثيراً ولم نجد لها أجابات لمن ظباط ولا أفراد لعلى و عسى أن يصل هذا الصوت .. |
موفق بإذن الله ... لك مني أجمل تحية . شـكرا لك وبارك الله فيك... لك مني أجمل تحية .
|
السلام عليكم ورحمة الله وبركاته
أخوي كلامكـ صحيح في المئة انا عسكري في قوات امن المنشات بصراااحة عندنا في العمل كل يوم تعميم كل يوم قرار كل يوم نظام كل يوم شي جديد ما فيه سير للعمل ما فيه شي معين لكن الله يستر صرنا جيش داخلي الله يعينى على سترة وخوذة وبلاطة وسلاح ربنا كريم وبعدين لا حركة نقل مثل القطاعات الثانية و70 في المئة من عسكر أمن المنشات متغربين عن أهلهم وعزااااااب والله ينقل كل واحد الى أهله |
اقتباس:
=========== اخوي الله يعيينكم في اللخبطه اللي صاارت معكم والامور الغريبه عندي اقتراحين والرااي لك انت وزملائك ... 1__ ان تكتبو 3 برقياات الاولى للملك عبدالله حفظ الله والثانيه لامير الرياض الامير سلمان حفظه الله والثالثه للامير ناايف وزير الدااخليه حفظه الله لكي تضمنو وصول واحده منها على الاقل وفيها معاناتكم وشكواكم باسمكم ال 700 عسكري وان شاء الله يقومون حكامنا حفظهم الله بحل مشكلتكم .. الاقتراح الثااني 2_ ان تنزلو معاناتكم بخط عريض باحد الجرائد المعروفه او الصفحات الاخباريه على النت مثل سبق وعاجل الخ .... لان هذا الظلم بعينه وعلمه وانتم رحتو ضحية سوء تنظيم ومستقبل مجهوول والرأي بالاول والاخير راجع لكم مع تمنياتي للجميع بالتوفيق ================== |
لاحول ولا قوة الابالله
حسبي الله و نعم الوكيل فيهم ؟؟، طيب أخوي كيف انت داخل الحين امن المنشات ؟؟ ليه يحطونكم بـ الحرس الحدود او يعني تتدرب في مقر حرس الحدود والتداوم في مقرات الحرس الحدود لاحول تصبر بس << ولله يفرج عنك |
حسبي الله ونعم الوكيل فيهم
والله يكون في عونكم |
الله يعيينكم صرراحهَ شيءء مخجل َ
بديت احس انكم داخلين معهد مو دوره عسكريه لن كم لكم وانت ف الدورهُ لاكن بعض الاخوان عطوك من الاقتراحات مافيه الكفايهَ وفي اقتراح ثاني ، لو تضربون عن الاكل وتسوون عصيان جماعي يمكن ينفذون اوامركم يعني يشوفون وش وضعكمَ بـ المختصر المفيدَ والله يعيينكم ويوفقكم ان شاء الله تحياتي لك |
لا للفوضى لا للتهميش لا للتضليل لا للأستهزاء بخلق الله يخرب بيتكم دوره 11 شهر اللي يسمع يقول ضباط
|
كان الله في عونكم ..
|
| الساعة الآن 12:18 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين