السلام عليكم ورحمة الله وبركاته

أخواني الاعضاء ................. الكرام

الأستفسار هو عن جميع القطاعات العسكريه
الأقتراح هو لماذا لايتم الترشيح للمقبولين قبل أفتتح اي قطاع أخر يعني كالتالي.
قوات الأمن الخاصه مفتوح تسجيلها الأن ليش مايحاولون فرز النتائج قبل التسجيل في الدفاع المدني وضع أقتراحي لسبب وهو أن يكون الشخص مسجل بقوات الأمن الخاصه وتم قبوله مبدئي وراجعهم وخلاص أجراءته وتم قبوله نهائي ونفس الوقت قام بالتسجيل في الدفاع المدني وتم قبوله مبدئي كذا ماراح يقضون على البطاله يصير الواحد سيطر على رقم محتاجه غيره وهو مقبول نهائي بقوات الامن الخاصه فالمفروض يفتحون تقديم وبعدها من فرز النتائج للقطاع الي فتح أول وتم فرز النتائج بشكل سريع وتم قبولهم نهائي يفتح القطاع الاخر يأخذ الي ماتم قبوله بالقطاع الأول ليتم السيطره على البطاله في المملكه يمكن الشخص الي قدم مايتم قبوله بالقطاع الاول الي فتح تتيح الفرصه له بالقطاع الثاني واذا ماتم قبوله بالقطاع الثاني الي يعلن النتائج بشكل سريع وبعدها يعلن فتح باب القبول بقطاع ثالث وهكذا ليجمع اكبر عدد للعاطلين الي موظفين بأذن الله ومن يشاركني الرأي مع العلم لن ينظر في هذا الموضوع الاأذ تم تثبيته وفتح المناقشات فيه

لكل رأي شخصيه وأنا أبديت الرأي

والله انك صادق
ياخي والله فيه ناس محاتجين الوظيفة
وفيه ناااس شبعانه ومافكرت قال خلني اقدم وش وراي وهو اصلن ماهو رايحلها واخذ رقم واحد محتاج هالوظيفة

تـــــــــــــــــــــــــــــــــــــــــــــــــ رفــــــــــــــــــــــــــــــــــــــــــــــــ ـــــــــــــــــــــــــــــــــــــــــــــع

وجهت نظري غير انا ارى انها تكون على 3 دفعات مثال اذا تم قبوله نهائي في القطاعين يسحب على الاول ويروح لثاني وتكون فرصه الي ما حلفه الحض في ضهور رقمه بالقبول المبدئي في الدفعه الاولى راح يتصلون عليه في الدفعه الثانيه وهكذا ,, مثال على ذالك نظام المباحث في القبول على ثلاث دفعات وهذا احسن حل ..

نعم .. قد تقل نسبة البطالة جزئياً ولكن ليس كاملاً
لن يوجد طرق اخرى وسهله تستعملها اغلب دول الخليج
مثل عند انتهاء الشاب او الفتاة المرحلة الثانوية او المرحلة الجامعية يسجلون في الخدمة المدنية التي يكون عن طريق الانترنت ومفتوح طوال العام وبعد تسجيل بيناتهم يتم صرف لهم راتبي للمرحلة الثانوي تقريباً 2000 ريال وللمرحلة الجامعية 3000 حتى يتم العثور على وظيفة مناسبة لجميع الطرفين في مدة زمنية قصير قد لا تتعدى العام او العامان .

نظام جميل أن المتقدمين إلا ما أنقبلوا على هذا القطاع ينقبل في القطاع الثاني
حتى كذا الواحد يعرف أن راح يجيه قبول مبدئي في كل الاحوال
ودعواتكم لي بإجتياز الكشف الطبي بحرس الحدود

كلام جميل

بس خلينا واقعين ... الشعب السعودي بصراحه طماع ... حتى لو انقبل قبول مبدئي في اي قطاع راح يسجل في قطاع ثاني ويقول في نفسه ايش اللي يضمن لي اني اكون مقبول نهائيا

يعني مهما طبقوا هذا الاقتراح راح يسجلون .... الا اذا جعلوا التقديم بعد القبول النهائي وهذا مستحيل

لان القبول النهائي ياخذ بالشهور والقطاعات العسكريه كثيره

..............

انهي كلامي واقول والله رزقك راح تاخذه سواءا فتحت التقديمات مع بعض ولا اخروها

ماراح تاخذ الا رزقك

فتوكل على الله عز وجل .... وأسأل الله عز وجل ان يرزقنا واياكم من فضله