|
زين من البحرين كلموني
السلام عليكم ياشباب
أنا دق علي اليوم رقم من البحرين وكلمني شخص يقول انه من مجموعة زين وسالني كم سؤال عن نفسي وقال الوظيفه بتكون في الدمام خدمات عملاء وسالته التوظيف راح يكون في زين والى شركه تابعه قال لا بيكون في زين على طول وقالي الاسبوع الجاي بنحددلك مقابله في الدمام وانت ارسلت علينا ايميل المهم أنا استغربت الاتصال الى اعرفه ان أغلب الناس توظفو عن طريق الحلول وريادة وخدمة المجتمع والشركات السعوديه الثانيه ......... حبيت أستفسر منكم فيه أحد كلموه أو عنده خبر |
سلام عليكم صقلاوي:) الحمد لله انه في احد جاله اتصال من مملكة البحرين مثلي لاني كنت مستغرب الاسبوع الماضي اش معنى انا الوحيد الي جاني اتصال من مملكة البحرين غير عن بقية الاعضاء الي يتوظفون عن طريق شركات متعاقده مع (mtc زين) وهي الحلول الممتازه او مجموعة عبدلطيف لخدمة المجتمع او شركات اخرى ! على العموم ريحتني والله وطمنتني انه في مقابله اكيده الاسبوع الجاي وهو نفس كلام الموظفه الي اتصلت علي وبلغتني بانه الاختبار حيكون بالدمام بعد عشرة ايام من تاريخ اتصالها تطمن صقلاوي انا معك في المقابله :rolleyes: مع تمنياتي للجميع بالتوفيق |
الله يوفقكم دعواتنا لكم :)
|
حتى انا اخوي جا له اتصال
بس من الرياض مو من البحرين طمنوني لانه خايف امه فاته لانه ما قدر يروح الرياض في نفس اليوم |
زين انا سبق وقدمت عليهم من اكثر من مكان ولا كلموني يمكن ولا يمكن ولا يمكن .........
الله يوفقكم شباب |
سلام عليكم
حتى انا شركه زين كلموني من البحرين |
طيب وش قالو لك وش اسالوك عنه ومتى قالولك بيردون عليك
أنا قالولي التوظيف في زين على طول |
أخوي صقلاوي كيف طريقة التقديم من نفس الموقع
ولا على اميل ثاني ممكن تفيدنا ؟؟؟ |
السلام عليكم
انا احد الناس اللي دقو عليهم عن طريق رقم بحريني قبل حوالي اسبوعين واخذو مني معلومات عن موهلاتي فقط للتاكيد وبعدين قالو بندق عليك:confused: انتظر اتصال اخوكم فقد الامل :cry: واليوم دقو علي وتفاجأت لاني فاقد الامل اللي كلمني اعتقد انه بحريني من اللهجه قال جاك اتصال من هاذ الرقم قبل كذا قلت نعم قالي شرايك تشتغل معنا في الدمام قلت ماعندي اي مانع لاي مكان ترشحوني له المهم قام يذكر بعض تفاصيلسيرتي الذاتيه وانا ارد عليه للتاكيد عليها قال ok عندك مانع اسوي معك مقابله الان عبر الهاتف قلت بكل سرور تفضل قال ايش تبغي تتوظف عندنا قلت الصراحه انا بكون جاهز لاي وظيفه تشوفون انها مناسبه لي او لمؤهلي قل كلمني عن خبراتك العمليه قلت ماعني اي خبره عمليه قال تكلم عن خبراتك في الحاسب الالي و اخوكم مايحتاج ذيب عاد برامج الكمبيوتر يطول عنها الشرح ( اعجبته ):court: قال كيف اللغه عندك قلت جيده عندي شهاده من المعهد البريطاني قال اشرايك اسولف معك بالانجليزي قلت تفضل قال انا بسئالك وانت جواب ٍطبعا بالانجليزي تكلم عن نفسك وعن مهاراتك وهوياتك واخوكم مايحتاج جاهز ورديت عليه الصراحه سالني سؤال ماعرفت اجاوبه قال اوكيه عطني موقف اتخذت فيه قرار وكنت انت صاحب القرارالمتخذ في اي جانب من الحياه طبعا القرارات حدث ولا حرج ( بالهبل ):yaa: عطيته قصه قصيره المهم راحت الدقايق في بعض الكلام البسيط في الاخير قال مبروك نجحت معنا في المقابله الاولي وراح تكون عندك مقابله يوم الاحد 13-2008 المقابله رح تكون مده ساعتين في فندق الطهران اتمني تجهز نفسك تمام قلت مشكور وماقصرت يعطيك العافيه اخواني لاتفقدون الامل انشاء الله رح يعاودون الاتصال علي اللي اتصلو عليهم اول مره اتمنا لكم التوفيق :rolleyes: |
سلام عليكم انا اليوم الظهر جاني اتصال ثاني من نفس الموظفه حقت شركة زين من مملكة البحرين وكانت المقابله الثانيه على حسب كلامها وقالتلي باسئلك اسئله وعليك بالجابه وقولتلها حاضر وبدات بالسوال الاول كم عمرك خبراتك و في اي وظيفه حاليا شغال واش هي انجازاتك خلال حياتك العمليه والعلميه وايضا سالت سوال حلو كانت تقول :rolleyes: اذكر لك موقف صعب اتخذت فيه قرار ولاقى استحسان اصحاب القرار وايضا اش تشوف نفسك في المستقيل خططك المستقبليه وبعد كدا قالتلي انت الان تشغل على حسب ماذكرت لي مدير لاحد فروع شركة تقنية المعلومات بجدة كم راتبك وهل هي مناسبه لك لانه سوف نوفرك وظيفه في شركة زين بالدمام (كول سنتر) وقوقلتها ليش لا ...اقدر اتحصل على هذه الوظيفه على الرغم بانها ليست طموحاتي ومغريه:o ذاك الزود بس شسوي المهم بعد كدا قالتلي انه عندك موعد اخر (مقابله) في الدمام في فندق الظهران الدولي الساعه 9 صباحا يوم الاثنين الجاي ولازم تفضي نفسك حق ساعتين للمقابله قولتلها حاضر للمعلوميه الحوار دار باللغتين العربيه اولا ومن ثم انكليزي mobيعني انت خلصت المقابله الاولى ولا نتتظر منهم الاتصال مرة اخرى شركه دجــــــــو مبروك والله على الوظيفه مقدما مع تمنياتي لكم بالتوفيق جميعا :) |
الله يبارك فيك
خل الباقي علي الله مارح اتاكد حتي اوقع العقد |
انا جاني اتصال من البحرين يوم الاربعاء الماضي وماكنت جنب الجوال ولقيت اتصالين لم يرد عليها وماعطيته اي اهمية واليوم العصر جاني نفس الرقم ورديت عليه وكانت موظفة زين ونفس اسئلة الشباب بس موعد المقابلة يوم الاثنين 15/1 الساعة 5 المساء فندق الظهران |
طيب دلونا ع طريقة التقديم
|
للاهميه ابي اعرف اين موقع فندق الظهران الدولي هل هو في الدمام بجوار ايرو سبيس البريطانيه وجامعه الملك فهد للبترول والمعادن او انه بالظهران بجوار قاعده الملك عبدالعزيز الجويه في الظهران اتمنى من الاخوان الرد لانه احد الاعضاء ذكر لي بانه في الظهران ولكن قالتلي الموظفه انه بالدمام يقع الفندق!!! (عاطل على ) يوم الاثنين يوافق 14 -1-2008 تاكد منهم هم قالولك الاثنين او الثلاثاء بالتوفيق لك ولكم خالص شكري |
يا جماعة الخير الله يوفقكم ويسير أموركم بس الي بقيته منكم كيف قدمتوا وش الشهادات الي مقتصرين عليه هالشركة لأني قدمت على أكثر من شكل عن طريق الأيميل وعن طريق موقعهم المعقد والي سبق وشرحوه هنا في المنتدى واتبعت الخطوات هذا وغير الفاكسات الي ارسلته لأحد الشركات المتعاقده معهم لا وفوق هذا كله شفت الكل اتصلوا عليه شركة الحلول ودقيت سلف وضربت 400 كلم ألى الرياض انا من الشرقية ورحت مجمع البستان وحطيت اوراقي عندهم وعبيت ابلكيشن وللحين لا حس ولا خبر واتفاجأ الحين ان لسا الأتصالات قايمه من البحرين طيب دلونا يا شباب على التسجيل الصحيح ترا لي 4 سنوات متخرج من دبلوم أنجليزي وحاسب 6 شهور وبعض الدورات وخبره سنه في احدى الشركات البسيطه وربي طفشت الحمدالله اني مسلم ولا كان انتحرت من زمان وأفتكيت ......أفيدوني:cry: |
يقع بجوار قاعده الملك عبدالعزيز الجويه في الظهران
بس ما قلت لنا انت مقدم ع طريق الايميل والا الموقع |
ياشباب أنا دقو علي مره ثانيه يوم الثلاثاء وقال أخوي فاضي انت أتحدث معك وكنت وقتها في الخط ومشغول وقلت لا قال مافيه مشكله بكره يعني اليوم الاربعاء اكلمك من 4 الى 6 خلك جاهز وقاعد أستناهم ولا دقو ولا شي الله يستر لا يكون بطلو مني والى يسالني كيف قدمت عليهم والله ياشباب عن طريق موقعهم وعن طريق الايميل الى في المنتدي وبس على ما اذكر
|
يأخون كيف طريقة التقديم على هذي الوظيفه على نفس الموقع زين
ولا على اميل ثاني ياليت التوضيح لوووووووووووووووووووو سمحتووووووووو أذا اميل علمووووووووووونا ؟؟؟ |
يا شباب اليوم الخميس راح ولا كلموني الله يستر بس لا يكون بطلو مني
وش اسوي عطوني رائكم |
والله ياخوي انك من البداية المفروض انك تفضي نفسك حتى لو كان عندك ظرف الا في حالة وحدة اذا كان قوي لا سمح الله .لان اكثر الشركات اذا اتصلت بشخص اكيد امامه واخلفه اشخاص كثر يعني انتظر دورك هذا بعد اذا مانسيك اصلا هذا مو تحبيط لك لكن صارت لي كذى مرة مع شركة والى يومك لا حس ولا خبر الله يعينك .يمكن اصبر لك يوم او يومين .
بالتوفيق لك |
اقتباس:
هذي وأنا أخـــــوك أرزاق حتى أنا قدمـــت إلين تعبت لاحس ولا خبر ولا أتصلوا . عجبتني كلمتك الحمد الله اني مسلم ههههه;) أررررررررحم يامسلم:d :d الله يرزقنا أنا وياك واللي مادقوا عليهم بوظيفه أحسن منها:rolleyes: |
لمراسلتهم
ايميلهم work.ksa@gmail.com وهذه ارقامهم 0544004382 0544006082 0544004381 0544003708 وهذه ارقام الفاكس 014198490 014198458 او الذهاب الى موقعهم وانصحكم كما انا فعلت قدمت على اربع وظائف في موقعهم وصابت وحده منهم لذلك لاتقدم على وظيفه وحده اختار الجميع وعبي بياناتها ولكم جزيل الشكر |
الله يستر طيب أذا ما اتصلو السبت علي وش الحل ساعدوني
|
فيه أخبارك جديده ياشباب الى حددو لهم مقابلات عاطوني رائكم أكلمهم على الرقم الى في البحرين والا اروح فندق الظهران
|
اقتباس:
رزقي على الله وأصلاً انا ما أبي قطاع الإتصالات بكبره ودي بالبنوك (الإسلاميه) والله يوفقنا |
يا شباب الى قابلوا اليوم في فندق الظهران وش صار معكم نبي شرح مفصل عن كل شي عدد الى سواء معاكم مقابلات والاسئله بالتفاصيل وعدد المتقدمين
الله يوفق الجميع |
انا سويت المقابله يوم السبت
في فندق الظهران طبعا المجموعه الأولي الي هي الساعه 9 طبعا تأخرو شوي وما بدينا الا 9:30 الظاهر المهم يا شباب طبعا في البدايه يجي واحد الظاهر هندي يلقي محاظره عن الشركه وبعدها يقسمنا مجموعتين ويقول لكل مجموعه تطلع مشاكل الجوال الي يعني تزعج العميل وواحد يقوم يشرحها بعدها يقولك تعال ويقول انا بتصل علي جوالك ومثلا انا سائح وابيك تقنعني اني اقضي الأجازه في السعوديه مو في البحرين او الأمارات طبعا بأسلوبك تحاول فيه ويسكر ويرجع يتصل عليك يقولك انت تشتغل في محل ادوات كهربائيه وشريت من عندكم ثلاجه وختربت بعد يومين انا ابي ارجعها وانتم ما عندكم ترجيع فلوس فـ تجلس تحاول فيه طبعا هو يقلب في اسلوبه ويعصب ويقول كلمات شوي تنرفزك بس انت حط اعصابك في ثلاجه وحاول تقنعه انك ما ترجعها وبتصلحها بعدها تروح تسوي مقابله فيس تو فيس يسولف معك اخذ وعطا يعني زي السوالف انا قالي تكلم عن نفسك وسألني شوي انقليزي ((لكن يا شباب ابي اسأل هل فيه اختبار قدرات لأنه قالي خلاص حنا اذا اوكي بندق عليكم ))بس مدري الشباب الثانين هل اختبرو طبعا مجموعتين الساعه 9انا ومجموعه الظاهر علي الساعه 10 وعلي العموم بالتوفيق يا شباب ودعواتكم |
بس كذى خيو ما قلولكم شي ثاني وش الوظائف كول سنتر والا ايش وهي شركة متعاقدة والا زين نفسها وكم عددكم ومتى قالو بيردون عليكم
|
والله يا طويل العمر
الوظايف كول سنتر -- وسمعت ان التدريب بيكون شركه متعاقده بعدين تصير موظف مع زين عددنا ممكن 14 او 12 ماني متذكر زين بس عدد مو كثير نفس مجموعتنا الرد قالي بندق عليكم متى والله ما ادري طبعا الي كان يسوون لنا المقابلات بحرينيين وكويتيين بس قمه في الأخلاق ((تكفون دعواتكم)) |
والله انا ما دقو علي مره ثانيه الله يستر بس
|
اللهم وفق كل اعضاء منتدى البطالة والله يوفق كل من سوى مقابة مع زين ومن بسوي المقابة بكرة مثلي دعواتكم |
امين يارب
وقول لنا وش يصير معك بالتفصيل |
اليوم مريت عليهم في فندق الظهران وشرحت لهم وضعي وفهمت من الموظف أن ليش يوم اتصلنا عليك ما فضيت نفسك
المهم قال حنا اليوم اخر يوم في المقابلات بالنسبه للدمام وعطني السيفي حقك ويصير خير رحت فيها الله يعوضني في خير منها يقول حنا اكتفينا خلاص |
اقتباس:
ان شاء الله يدقون عليك لأن حتى في المجموعه الي كنت فيها كان فيه ثلاثه موظفين ورواتبهم اعلى من الرواتب الي عطوهم ام تي سي فـ خلي املك بالله كبير وبأذن الله بيدقون عليك |
ياشباب الله يعطيكم العافية ويوفقكم يارب ... وياليت من الاخوان اللى اجروا المقابلات بفندق الظهران يخبرونا وش يصير معهم ... لان الموظف بعد ماخلصت المقابلة قال لي انتظر اتصال ان شاء الله هالاسبوع او اسبوع الجاي بالكثير
والله يوفق الجميع |
عبدالعزيز طمنتني ياخوي الله يطمنك
|
مقابلتي مع زين بالتفصيل معلومات مهمة 1-المقابلة ثلاث اختبارات في يوم واحد 2- لا يوجد بعد هذي المقبلة أي اختبار 3- إلي يعدي أنشاء الله يتصلون عليه وعلى التدريب على طول 4-التدريب 6 شهور( دراسة انجليزي +مهارات الحوار+....) في البداية شرح لنا واحد اجنبي الظاهر انه هندي معلومات عن شركة زين طبعن بالغه الانجليزية وبعدة جانا واحد سعودي وكذالك شرح لنا عن الشركة بس بالعربي بعدين جوا خليجيين كويتي وبحريني من هنا تبدأ المقابلة الاختبار الأول قسمونا قسمين وقالوا كل مجموعة تكتب 5 مشاكل الذي يعاني منه سوق الموبايل بعدين قالوا كل فريق يختار واحدة من الخمس يعتبرها الأهم ويقنع الفريق الاخر اناهي المهمة الاختبار الثاني مهم مهم جدا كل شخص منفرد لوحدة 1- يقولك انك موظف سفر وسياحة وانا كويتي ابي اروح البحرين ابيك تقنعني بالسياحة في السعودية وياخذ رقم جوالك ويتصل عليك ( هذا الاختبار على الجوال) 2- يقولك انت موظف في محل وانا شريت منكم قطعة خربانه وابي ارجعها ومنوع الترجيع في المحل الاختبار الثالث يقولك عرفني بنقسك (بالعربي) بعدين يسألك كيفك في الانجليزي بس (وهذا يختلف من شخص لشخص) في احد من شباب البطالة سوى المقابلة معي يوم الاثنين 14/1 الساعة 5 مساء والله يوفق الجميع لا إله إلا أنت سبحانك إني كنت من الظالمين |
الله يوفقكم ويوفقنا معاكم ويجعل هالوظايف من نصيبنا
((شباب الله يعطيكم العافيه الي يدقون عليه يعطينا خبر)) علي شان مانجلس ننتظر ونعرف النتيجه علي طول الي قبل والي ما قبل الله يوفقكم |
اي شي جديد قولولنا عنه
|
امين يارب
وقول لنا وش يصير معك بالتفصيل |
| الساعة الآن 11:26 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين