استفسار عن معهد الرياض لتقنية هااااااااااام جداا
 

السلام عليكم ورحمة الله ...
شباب انا قبلوني في هذا المعهد وهو في مدينة الرياض وانا من سكان المنطقة الشرقية ,, طبعا المعهد يوفر سكن بشرط ان يكون برى مدينة الرياض ،

ابيكم تنصحوني انا متحير فيه هو طبعا نظام دارسة لمدة سنتين بس انا خايف تروح سنتين واخر شي ارسب في مادة او شي وكذا ضيعت سنتين من عمري ؟؟؟

تكفوون عطووني رايكم فيه وياليت الي يدرس فيه ويعرف عنه اي شي يفيدنا , انا قرات عنه في بعض المنتديات ما يمدحونه والبعض الاخر يحذرون منه وانا متردد ، رحت للمقابلة وقبلوني باقي الفحص الطبي بس وبعدها يحجزون لي مقعد في المعهد , طبعا انا سمعت ان فيها رياضيات وانجليزي ، وهذي شروطهم للقبول :
شروط القبول بالمعهد



1. أن يكون سعودي الجنسية
2. أن لا يكون موظفا بالقطاع الحكومي ولا الخاص
3. أن يكون حاصل على شهادة الثانوية العامة
4. أن لا يقل معدلة عن 70%
5. أن لا يكون مضى على حصوله على الثانوية خمس سنوات
6. أن لا يتجاوز عمر المتقدم 23 سنة
7. أن يكون حاصل على 60 أو أعلى باختبار القدرات
8. أن يكون حسن السيرة والسلوك
9. أن يجتاز المقابلة الشخصية
10. أن يجتاز فحص اللياقة الصحية

upppppppppppp

الدراسه اعتقد كلها انجليزي وصعبه نوعا ما إلا اذا شديت حيلك وركزت على الدراسه وبس
تعتبر موظف بمجرد دخولك للمعهد تدخل بالتأمينات الاجتماعيه + تأمين طبي+ 1500 المكافأه بعد التخرج تستلم وظيفتك المعهد مشغلته شركه امريكيه و متعاقد مع شركه وهي اللي راح تعمل فيها بعد التخرج
مصدري
من المعهد اثناء عمل مقابله شخصيه هناك
بالتوفيق

روح ولا تتردد والله يوفقك واذا تكيفت وارتحت هنا صدقني مافي شيء راح يوقف بوجهك وراح تتفوق وتميز بالمعهد اذا حرصت واذا تميزت راح يبتعثك المعهد او الشركه اللي ستعمل معها وتستفيد مهنه+لغه
وهذي اهم شي في وقتنا ربي يوفقك ويسعدك