سلام عليكم
صباح الورد للي عنده صباح ومساء الورد للي عنده مساء

انا اليوم روحت وزارة الخدمة المدنية بـجـدة

بصرآحـه اول مادخلت المبنى مدري وش السالفه الكل معاه اوراق وجالس يكتب

المهم اتجهت يم الموظفين والاقي زحمه .. اسمعهم يقولون ابي استماره..

ونا بصراحه مع الخيل يا شقراء روحت للموظف قلت ابي استمارهـ

المهم ونا جالس اقراء بالاستمارهـ لقيت من ظمن الاشياء المطلوبه رقم طلب

قلت ولليل هذي اولهآ الله يستر من تاليهآ الحين وشلون اقدم اوراقي ونا مسجل بجدارهـ مراح يستلمون مني الملف دام ماعندي رقم طلب .؟؟

المهم كلمت صديقي قلت يالحبيب وش الحل قالي الحل صعب ؟

المهم ونا جالس افكر وش اسوي وش اسوي المهم الاقي موظف من وزارة الخدمة المدنية واقف لحاله .. قلت بقلبي ياشليفه هذي فرصتك لو بتجلس كذا مراح تستفيد شي

المهم روحت يم الموظف وسلمت عليه وبصراح تجاوب معايه ...

وجلست اسولف معاه قلت انا سلمك الله مقدم على جدارة وابي اقدم اوراقي ...

قالي جدارة مالهم مطابقه الان الان مطابقة الناس الي مقدمين على وزارة الخدمة المدنية

المهم حاولت استفسر بخصوص جدارة قالي ان شاء الله بعد اسبوعين او ثلاث راح تنزل اسامي الناس الي مسجلين بجدارة .. قلت بقلبي ايه اذا حجة البقره على قرونها المهم تشكرـت من الموظف ومشيت من عندهـ

وطلـع الدور الاول ..

دخلت مكتب ادارهـ الترشيـح

كلمت احد الموظفين سئلتـه بخصوص المطابقه وللاسف قالي المطابقة للناس الي مقدمين على وزارة الخدمة المدنيـة

المهم قالي ان شاء الله الاشخاص الي مقدمين على جدارة راح تنزل دفعات بالاسامي قلت متى ان شاء الله

قالي اول مانخلص من المتقدمين الان ؟؟؟

قلت بقلبي الموظف الاول قال بعد اسبوعين او ثلاثـه والحين انت تقول بعد ماتخلصون من المتقدمين الان .. المهم مشيت من عنده مقهور باقي شوي وتعلق بخشمه من القهر اقفيت من عنده طنشته ..

وتوتآ توتآ إنتهت الحتوٍتـه

الله العالم انهم يسكتونك ههههههههههههههه

المشكله ما فيه احد يعطيك كلام حقيقي كل واحد يصرف من جهته
الله يخارجنا

ســــــــــــــــلمت وحيا اللـــــــــــــه علمك ماقصرت

موفقين ان شاء الله

الله مير يوووفقك