ضروري .. كم يبلغ راتب الرقيب بالدفاع المدني, وكذلك رقيب بالمباحث
 

مثل ما تشوفون بالعنوان .. انا اختصاصي حاسب آلي

هل أضمن وظيفه اداريه بالمباحث أكثر ام بالدفاع المدني ..

ويا ليت أحد يقول لي ما هي الاقسام المريحه بالمباحث العامه ؟

وما هو الراتب المتوقع للرقيب بالمباحث ؟؟ وكذلك للرقيب بالدفاع المدني من اول سنه :)

ارجو الافاده لأصحاب الخبره في هالامور . ابي علم أكيد :ash:

اووووه يا لمباحث
الرقيب يتعدى 14000 اول ما يتعين
الجندي 7000
هذا بالنسبه للمباحث
الدفاع المدني اقل
ترى هذي توقعات لا تاخذها
بعدين اذا جت الوظيفه يهوووووووووون الراتب
اهم شي الوظيفه

يعطيك العافيه ع الرد .. لكن يا عزيزي طيب كيف طبيعة عمل المباحث فيهم من يمدحها وقول راحه والبعض يقول كررف .:q

انا بس ودي أعرف وش الاقسام المريحه فيها .. واقسام الكرف كذلك :eek:

19 مشاهده .. وبس رد واحد :@

يا رجال فيه واحد من الجماعه توظف جندي في المباحث ما عنده كرف ولا شي استلامات وش زينها
اخذ دوره 3 شهور وتخرج واستانس
وبعدين اذا لقيت الوظيفه خلاص قرط فيها سوا كرف والا مريحه لا تفكر في الكرف فكر في الوظيفه

اشكرك على التحفيز :tsfiq:.. لكن هل كل اداري بكل قطاعات المباحث يكون مرتاح ؟؟ هنا السؤال

وربي يوفقك .. وعسى الله يكتب لي ولك الخير ..

موووفق

والله نفس السؤال ع راتب الرقيب في المباحث كم الأساسي وكم البدلات
وفترة الثلاثة أشهر الدورة كم المكافأة

ياريت لو رد أكيد بخصوص هذا الموضوع من مصدر موثوق << ^_*

:yaa:

اي سمعه يا رجل !! هذا كان أوول ,, اما الان صدقني بتصير عادي مع الناس , وما راح يلتمس منك الا اللي فيه بلاء :rolleyes:

المهم غير هالسمعه وين تشوف الافضل من وجهة نظرك .


يا شباب انا ابغى ناس خبيرين في هالامور .. او ع الاقل عندهم مصادر موثوقه ..

تكفون افيدونا :ash:

فيهم المرتاح وفيهم الكرووف ..

بس اللي مخوفني اني سمعت ان في هالتقديم فقط مشترطين قسم السجون في المباحث .. واللي أعرف عنه انك تداوم هناك بدون جوال + بدله عسكريه :u

الوظيفه يا رجال ادورها بأي وسيله .. وانا ما سألت الا فقط لأخذ الخبره , لأني محتار بين الدفاع والمباحث . واي وحده بتجي بأدخلها ان شاء الله .. لكن انا اسأل من باب انهم قبلوني الاثنين نهائي .. وين الأصرف لي والاحسن لي :d

.............. :d

للررررررفع نو2

[IMG]http://www8.0zz0.com/2011/09/13/04/981118807.jpg[/IMG]

ا

هذا الجديد المعتمد حآليآ لكل عسسسكري ...
نجي هنا للبدلات:
1/بدل خطر 600 ريال
2/بدل الضرر(عدوى)750ريال
3/بدل نائيه 20%
4/بدل ارهاب 25%( يأخذها الامن العام والحرس الوطني) ويخذ اخرى 25%اسمها بدل امنيه يعني صاروا50%
5/بدل الاعاشه 400 ريال ( الحرس يأخذها مدبوله)
6/بدل نقل 400
7/بدل غلاء المعيشه 15%
((((((((((( العلاوه الفنيه تكون من 900الى 1500ريال على حسب تخصصك يزيد وينقص )))))))))))

الجيش فقط الذين محرومون من اغلب هذه البدلات فقط يأخذون بدلات النقل والاعاشه والعلاوه الفنيه ,
مووفقين واتمنى افدتكم ....

^^^^^^

بيض الله وجهك يا الدواميك

طيب انا تخصصي حاسب آلي بكالورويس .. بحسب خبرتك وش البدلات اللي تصرف لي والراتب بشكل عام . سواء بالدفاع وكذلك المباحث

ومشكوور ع الرد والشرح الكافي :$

ووجهك ابيض اخوي... بلنسبه للبكالوريوس وحاسب الي تظلم نفسك اذا دخلت فرد لآنهم بيعطونك رقيب.... انصحك بكليه الملك فهد الامنيه تتخرج ضآبط ورواتب ومزايا واسكان وانديه ....او الكليات العسكريه الثانيه ....انا احلام امنياتي اني ادخل ضابط ولاكن تسير الرياح بما لا تشتهي السفن

^

والله قدمنا وما الله قسم لي : (

ومن ثم التقدير مقبول :((((((

لكن وش نسوي لا وظائف ولا شيء .. والعمر مشى .. خلنا نمسك وظيففة وأسنع نفسي بأتزوج وأكون نفسي .

بس بسرعه قلي كم راتب الرقيب بأول مربووط بالمباحث والدفاع كذلك<< متحمس :D

ابشرر... الله يوفقك ان شاء الله وتتزوج احلى زوجه ...
كل عسكري يختلف عن الثاني بـ الراتب عشان مكان الدوام والبدلات الي تصرف له انا بحسب لك الراتب الي 100% راح تآخذه يعني مستحيل تاخذ اقل منه ......

اول ماتداوم ينزل بحسابك 8200 تقريبآ(تنقص تزيد 200) +بعد 2 سنوات تستلم 9400 >>> شايفها بعيني خخخ

الدفاع المدني ما اعرف بضبط لاني معرف كم بدلاتهم لاكن رقيب بـ الامن العام مستحيل راتبه اقل من 8الالف ,, وششسسمه يعني اذا توظفت ابي 200 ريال تحسين اوضاع :d

---

ههههههههههههههههههههههههههه .. ابشر 200 تحسين وضع , ومني لك 200 زياده بدل معلومات خخ

بس الراتب اللي حسبته هذا بالمباحث قصدك ؟ مستحيل بس 8 الالاف .. اللي اعرفه ان المباحث ورقيب يصفق 12 الف بالقليل :s

اتعبتك معي . الله يعطيك العافيه ويرزقك بأي شيء تتمناه يا رب :ash:

جندي المباحث يستلم 8000 ، يعني الرقيب نفس الراتب ؟

اخواني انتم مافهمتوني ... ششوفوا مافي جندي بـ السعوديه اول مربوط له 8 الالف
اما الرقيب اول مربوط 8الالف وعليها بسسس هذا مو معناته ان الجندي مايوصل 8الالف لا عنده زياده سنويه 130+انه يمكن ياخذ دورات ويصير راتبه عآلي +++ الرقيب لو تحسبله 5 سنوات بس يطلع حول الـ 11الف ريال ....ورقيب عن رقيب يفرق بـ سنوات الخدمه+الدورات+الشهايد....الخ يمكن يداومون بنفس المكان لاكن راتب هذا اكثر من هذا ...... ولاتنسى تحسسين الاوضاع يرررحم والديك :m

يصير ليش لآ ...تخيل جندي اول مصلآ خدمته وصلت 20 سنه ورقيب توه مسجل تتوقع الرقيب راح يكون اول مربوطه اكثر من هذا ؟.؟؟!!!! لاكن الرقيب عطه كم سنه وراتبه يطيرررررررررررررر

لاتظلم نفسك بكالوريوس حاسب انتظر بس وظيفتك بالمدنيه اخير واحسن وافضل منها

يا رجال انتظرت وانتظرت ولسى ما جاء شيء ... لي سنه و6 اشهر :mish:

الدواميك
***

اعرف واحد من اول سنه بالدفاع المدني عريف مسعف . أستلم 8500

انت يمكن كلامك على الراتب زمان قبل التعديلات الحديثه $:

بتوفيق لجميع

المباحث ازين لك من ناحية الراحة والراتب والدوام بثوب بس طبعا في تتداوم بالبدل العسكرية لكن قليل وتلاقيهم بس في المطار واذا قالو لك الوظيفة ميدانية هذه اشويه متعبة لكن تستلم 12 وتسلم 48 ساعة على حسب المركز والادارة الي اداوم فيها وبالنسبة لدفاع المدني الوظائف كلها ميدانية من رحت اسوي المقابلة سئالة الملازم وقالي الوظايف كلها ميدانية يعني مافي احد راح يحطونه بالادارة اذا عندك واسطة
والله يوفقك وان شاء الله يرزقك بالوظيفة الي تتمناها

ونصيحتي لك لا تحلم واجد انا كنت من قبل مثلك وصار لي اكثر من ثمان سنوات عاطل ولا حتى تفكر بالراتب فكر في مستقبلك وبس
انا من رحت اسوي المقابلة بالدفاع المدني قالو لي وقع تعهد اني ماطلب اعلى من رتبة عريف قسم بالله وقعتها ولو يقولو لي وقع على جندي قسم بالله اوقع وانا اضحك من جد مليت من العاطلة خلاص كبرنا الى متى ؟

اهم شي ابتعد عن الجيش ولاتفكر تتوظف فيه الا اذا انت محدود عليه وتقفلت جميع الابواب
الان انا رقيب وراتبي ماكمل 8000 ريال وخدمتي 9 سنوات ولكن لو اني في احد القطاعات الامنيه
كان اصك فوق العشره وانا اضحك المهم الله يوفقك وانا سمعت ان المباحث رواتبها اعلى من المدني
وخاصه بعد قرار زيادة بدل سمعه وبالتوفيق مقدماً واطلب الخيره وكلها وظائف زينه ومافي شيء مافيه كرف
كان عسكري او مدني

جندي مستجد قبل 4 اشهر فقط راتبه 8100 ريال و باقي عنده بدلات مارفعها بعد ..
اخوي الرقيب راتبه فوق 12 الف مستجد ..

فديتك انت قلتها مسعف يعني له علاوه زي علاوه الفني ...
الفني علاوته توصل 1500 واذا مسعف اتوقع اكثررر..... زي وكيل رقيب فني ... ووكيل رقيب عادي الفني اكثرر ______ افهمك اكثر // تختلف القطاعات منها من يصرف البدلات بين موظفيها مثل بدل ارهاب او بدل تدريس او علاوه فنيه او حاملين الشهادات الصحيه او تدريب او سمعه او انتداب ......الخ بواقع 25% الى 35% ...

الان عرفت سر حماسك للعسكرية :)

لا تستغرب اذا قالك الراتب 8000 او 9000 رقيب لانه في شي اسمه خدمة

في عريف يستلم 11 بس كم خدمته ؟

فهمت وش نقصد لانه في واحد ضرب لك 14 الف وما حدد لك بعد كم سنة :Looking: 14 الف ان شاء الله تاخذها بعد خدمة 12 او 16 سنة اما من اول مربوط لا هذي احلم فيها هههه يمكن الضباط و الاطباء هم الي يستلمون رواتب عاليه من اول مربوط:s

^^^^:rolleyes: :rolleyes: ^^^^

:g:g طيب نزل البدلات عشان نصدقك


هذا الراتب الاساسي 5300 كيف صارت 12 الف ؟ ممكن تنزل البدلات ..

يا بعد روحي , وازيدك من الشعر بيت .. واحد من اخوياي صاحبه توه متخرج من الدوره بالدفاع واول راتب له 7300 وهو برتبة جندي :s

فما بالك بـ رقيب :q .
انا سألت واحد بالدفاع وقلت له بالحرف الواحد رقيب من اول سنه كم يستلم , قل تقريبا 10500:eek:

ياأخوان كلنا نعرف زملاء مستجدين فالمباحث والدفاع المدني

رواتبهم في حدود سبعه وثمانيه الاف وهم جنود وجنود اوائل

الوكيل والرقيب تقريبا فالعشره او اكثر شويه طبعاً الكلام للمستجدين

وبالتوفيق ان شاء الله

---

يا صاحبي فاهم عليك . بس انا لما اسأل من اول سنه , وقل لك سألت واحد بالدفاع وعنده خبره اظن وكيل رقيب خدمته تقريبا قلت له انا مقدم على رتبة رقيب ومن هالكلام . كم يجي الراتب اول سنه .. قالي بالحرف الواحد . راتبك اول مربوط تقريبا يجي 10500 حولها ..
اما سالفة ال14 الف عارف اني ما راح اوصلها :d