|
حابه استثمر مال يتامى (ساعدوني )
السلام عليكم يسعد صباحكم .. ؟؟؟؟؟؟؟؟ انا فاتحه حساب في البنك الراجحي وحاطه فيه مبلغ حابه استثمرهااا .. ابيكم ادلوني طريقة استثمااار بنك الراحجي وهل فيه ارباااح في هاا الاستثماارومتى تنزل ارباحهم ؟؟؟ ابي استثماار مضمون 100% لانه مااال يتامى ابيهاا لهم وللزمن .. ردووو ولو رفع ... ولــــــــــــــــــــــــــــ ـــــكم جزيل الشكررر ... |
والله يااختي الكريمه ماافهم بالامور بنوك واستثمارهم بالمال
بس قلتي مال يتامى جاني خوف الله يوفقك ويساعدك وينمى المال بالحلال |
الله يجزاك الف خير ..
ابي انمي مال هاا اليتامي ابيه لهم وللزمن ومابيهم يحتاجون لاحد .... والله يغنينى حلاله عن حرامه ... |
بصفتكي ايش تستثمرين اموالهم ،،،
نصيحة الرأي الشرعي في ذلك ،،، ان تتركي اموالهم لهم لان التجارة والاستثمار معرض للربح والخسارة ،،، ولا فيه شيء اسمه ضمان في المعاوضات ،،،، ولكن هنالك خلاف في الاشياء الي ربحها غالب ،،،، ومع هذا يشترط اخذ اذن وليه واذن من المحكمة . ممكن نيتك طيبه تستثمرين الاموال لهم ،،، وبعدين تخسرينهم ولا يطلعون حتى برؤوس اموالهم . وتحياتي لك . |
اقتباس:
بصفتي والدتهم وحريصه على مصالحهم وبما انهم صغار في السن ابي اضمن مستقبلهم .. وهذاالمال من عندي انا >>>(من مالي الخاص ).. اللي انا شايلته لهم مو من مال ابوهم .. وشاكره لك حرصك وتفاعلك الطيب ... |
والله انصحك بشراء ارض ... وان شاء الله مافيها خساره وخليها تضربها الشمس منتى بخسرانه شئ
اذا ماربحتي مابتخسرين ان شاء الله.... تحياتي |
الله يرزقك ياختي من واسع فضله
ويبارك لك ويخلي لك اولادك |
كم رآس المال
|
حياكم الله اخواني ...
والله يرزقنااا بالرزق الطيب الحلال ... |
للــــــــــــــــــــــــــــــرفع ...
|
بنت العود لك رسالة على الخاص...
|
اما تشترين شقه تمليك او ارض
بالتوفيق اختي |
مشكورين على تفاعلكم الطيب ...
|
كــم رأئس المـأل وان شـأءالله راح افيـدك
والله يغنيــك بحلالـه عن حرامـه وبالنسبــه للستثمـأر البنكي هذا استثمـأر غير معلوم وفيـه شبهـات فــابتعدي عن الحرام ولا تتسرعـي واستخيري قبــل كل شي والتوفيــق من الله تقبلـي مروري |
تم الرد على الخاااص ....
|
وعليـكم الـسلام ورحمـة الله وبركاتهبنـت العـود أو تنميـة للمال تكـون بالصدقـة وأن شاءلله تكونين من اهلهاالثانيـة انا مع الاخ الي قال لـك ارض وأنصحـك تشتريـن اراضي بالمخططات الـبعيدة عن المدينـة لانها حالياً رخيـص ولكن بعـد فترة من الزمـن راح يصير سعـرهـا اضعاف مضاعفـة ولكـن أنتبهــــي وحـطي تحتهـا عشريـن خــــــــطالارض لأزم قبـل لا تشترينهـا تشوفينهـا بعينـك ووتـتـاكدين ان هذي الارض الي شفتيهـا هي الي راح تشترينهــا وأنصحـك أنك ماتشترينهــا الا اذا كان معـك وأحد فاهـم بالارضـي والله يوفقك ان شاءلله
|
السلام عليكم اختي بنت العود ياليت تحددي كم راس المال مع جزيل الشكر |
اقتباس:
وجاري درساتهااا والله يجزاك الف خير ... |
اقتباس:
لك رساله على الخاااص ... |
عندك العقار لأنه ماينزل دايم في إرتفاع
ثانيا جيراننا مروا بنفس موضوعك اسثمروها في معرض سيارات وصاحب معرض السيارات شخص قريب لهم وثقه وماشاء الله يدخل لهم سنويا مبلغ جيد جدا لكل فرد فيهم (يكفي للمصروف وزود) وتأكدي الله معاك دام شايله همهم وهم مستقبلهم موفقة أختي |
جزاك الله كل خير
على حفظك لمال اليتامى |
كتب الله لك الأجر
|
اقتباس:
والله يجيب اللي فيه الخير ... |
اقتباس:
وياااك اخوي ... ومشكور على الدعوة والله لايحرم الجميع الاجر ... |
اقتباس:
الله يجزاك الف خيررررر... |
الله يوفقك وتختارين مافيه الصآلح للجميع
|
اذا كان الملبغ ششوي كبير انصحك تشتري عمآره تحت تكون محلات وفوق يكون شقق اجار او حتى لو تشترين بيت وتأجريه لششركات او عوائل..... بلنسبه للآرض الفضاء انا اسمع مطالب وبيرفعونها للمسؤلين ان الاراضي الفضاء يفرضون عليها رسوم وهذا مو من صالحك اذا طبقوه.... استخيري ربك والله يخليلك عيالك وترفعين فيهم الراس بأذن الله
|
مجال الاستثمار واسع خصوصا إذا كان المبلغ دسم شوي
والمده أيضا مهمه عشر سنين أو 15 أو 20 ... لو تذكرين المبلغ اللي عندك لو بالتقريب نساعدك بإذن الواحد أحد .. والله يستر عليك ويوفقك ويرزقك بر أولادك وصلاحهم .. |
ياشباب ياليت تفيدونا بالكثير لاني انا كمان لدي مال لايتام وحاولت قبل فتره ان اشغله واخذت دباب سوزوكي وقلت ابي اجرها ودورت لي على عامل ولقيت عامل الله لايبارك فيه وسويت معه العقد ويشيل السياره وبس تخرب السياره معه الين كرهت الرزق في الايجار وفي الاخير يخبط بالمكينة وغرمته وسويت المكينة والحين عارض السياره في معرض معليش على الاطاله تكفوووووووون ياهل الخير فيدونا
|
الله يرزقكم من واسع فضله
ولا فيه افضل من العقار مثل ماقالو الاخوان |
تقسيط
تقسيط مكيفات وبس
|
اذا تبين نصيحتي لك يااختي افضل شي لك تسوين ادخار من راتبك او راتب زوجك مده عشر سنوات او عشرين سنه قدام وهذي افضل طريقه لحفظ المال واستثمارها استثمار حسسن وطيب ..
تحياتي لك |
الله يوفقكم
|
الله يجزاكم الف خير على تفاعلكم وعلى اقتراحاتكم
والله يكتب للجميع الاجر والثواب .. والله يعيني ويقدرني استثمر لعيالي الاستثمااار الصحيح ... |
ليس فيه بأس في استثمار مال اليتيم سواء كان مال من تركتهم رحمة الله على مورثهم او كان من المال الذي أنت ادخرتيه لهم بل انه روي عن عمر إبن الخطاب انه قال اتجرو في اموال اليتاما حتى لا تأكلها الصدقة لانه من الواجب اخراج زكاة المال حتى ولو كان ليتيم
المهم انك جزاك الله خير على عملك يكفي انك ادخرتي لهم شي حتى ينفعهم في المستقبل اسال الله ان لا يحرمك اجرهم. اما الاستثمار في البنوك نفسها ما عندي علم واذا تبغين تستثمرينه في اشياء اخرى فهي كثيير لكن انت حددتي البنك |
أختي بنت العود
أهلاً بك الله يعطيك الف عافية و يخليك لعيالك بالنسبة للاستثمار ... لا يوجد استثمار مضمون و الا اصبح ربا من خبرة بنكية طويلة أفضل و أأمن استثمار هو صناديق البنوك التي تشتري في البضائع للأسباب التالية: 1- مخاطرة منخفظة جداً. يعني احتمال ضعيف جدا انك تخسرينها. 2- صناديق البنوك تشتري و تبيع في البضائع في دول كثيرة. 3- لان مخاطرتها منخفضة ارباحها منخفضة، يعني الأرباح المتوقعه 3 - 4 % سنوياً. تقبلي احترامي |
تصرفي بنص المبلغ وخلية مقدم عمارة تشترينها من البنك >> مثال الراجحي شوفي موقعهم على النت << وإذا نجحتي تصرفي بالنص الثاني بنفس الطريقة لأن العقار إبن بار سواء سكنتية أو أجرتية فمافية مخاطرة + إنة يسدد نفسة بنفسة ولو سنويا تشترين بهالطريقة بالنتيجة بتزيد عقاراتهم وإذا إكبرواا بيلقونها إن شالله وكلة يعتمد على راس المال والفكرة اللي بتختاريننها وبالتوفيق إن شالله |
الله يوفقك ويجزاك الخير
كم المبلغ المراد استثماره .. ممكن أفيدك بمشروع حسب المبلغ حفظك الله |
اشتري سبايك ذهب اذ ماكسبتي راس مالك
موجود وثابت ومارح تخسرين موفقه خيرر |
دخليه تقسيط وانبسطي انتي وياهم
ولا اقولك سافري معهم للنمسا ترا عندهم برد ومطر وجو ولا احلى |
| الساعة الآن 06:44 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين