عملية اليزك , اليزر , تصحيح النظر
[align=center]السلام عليكم ورحمة الله وبركاته
كيفكم يا اعضاء المنتدي بصرأحة ترددت كثير وين انزل الموضوع واخر شي قررت في وأحة الاعضاء مع ان الموضوع مختلف وليسى له علاقة بالبطالة أو الوظائف ولكن موضوع يهمني ويمكن يهم كثيير انا بصراحة مقرر اعمل عملية تصحيح نظر ( اليزك) ومحتار كثير وين اسويها مع اني بحثت بالنت ولكن كل واحد له تجربة مختلفه قليل الي اجمع على مكان واحد أو دكتور واحد وفيه الي قال خارج السعودية مابي اطول عليكم الي سوا هالعملية أو يعرف شخص قريب سواها لايبخل علي بالرد لان الموضوع يهمني جدا ومن ردودكم راح اتوكل على الله وحدد عند مين راح اسوي العملية إن شاءالله علشان كيذا ابيكم تجاوبوني على هالاسئلة وين سوا العملية وكم تكلفتها واسم الدكتور الي سوها وكم له سنة مسوي العملية وهل ليزر او ليزك واسف لوكنت طولة عليكم ويعطيكم الف الف عافية [/align] |
اذا امووووورك الماديه حلوووه رح مستشفى المغربي بالمدينه المنوره قريب من عندكم بحايل ولا تتردد !!!
ولو صار شي - لاسمح الله - وتوفيت وقتها تعال لي وابشر باللي تبي !!! وبس ... |
اقتباس:
يعطيك العافية يالغالي ومغربي من ضمن القائمة الي عندي شاكر لك |
موضوع تشكر عليه
متابعة لردود |
اقتباس:
هههههههههههههههههههههههههههههههاي لا تخوف الرجال |
لي اخو مسوي العمليه قبل شهر في مستشفى ابن رشد الطبي في الرياض (( تصحيح نظر ))
الحمد لله والمنه نجحت العمليه 100% افضل من اول عند الاستشاري \ محمد الغامدي جدا ممتاز طبعا الميزه في هالمستشفى عندهم تقنيه جديده على مستوي الشرق الاوسط وهي (( الويف ليزك )) اضمن بكثير من اليزك واحدث العمليات اليزك وكلفته العمليه بحدود 8000 ريال ع العموم أتمنى أكون أفدتك ولو بشيء بسيط ' وقدامك العافيه |
[align=center]مشكورررين لكل الي ردو
اخوي قلب شقااوي راح اسئل عن هالمستشفي لان اول مره اسمع فيه وبالنسبة للشباب اكثر شي ينصحوني في مستشفي سليمان الحبيب فيه دكتور اسمه على الكاااف ودكتور عبدلله الطرباقي وفاروق والسليمان هذا في مستشفي الحرس وايضا في الحبيب وعندك في مستشفي التخصصي للعيون الدكتور ابو الدهب ممتاز يقولون وفيه خالد جبران في عيادة الاستشياريون لطب العيون طريق التخصصي ومركز النخبة للعيون الي في التحلية دكتور وليد الطويرقي هذا يقولون ممتاز برضو واليوم رحت زرة المستشفي واستفسرت عن الدكتور قالو ييجي 3 ايام بالاسبوع ولازم حجز وتكلفة العملية من 8 الاف الا 8500 مازال البحث جاري عن افضل دكتور ومستشفي ولحد الأن سليمان الحبيب متصدر القائمة وراح ازوره يوم السبت إن شاءالله وقولكم ايش راح يصير تحياتي لكم [/align] |
انا سويت ليزك قبل سنتين تقريبا في مستشفى الحبيب
عند الدكتور علي الكاف بصراحه دكتور ممتاااااز بمعنى الكلمة والحمد لله للحين نظري تمام تكلفتها ب 7500 مدري ان كانه هالحين ارتفع السعر والا لا نصيحة مني لاتترد عملية جدا بسيطة ماتاخذ اقل من ربع ساعة والله يحفظك ,,, |
الرياض افضل المراكز الخاصه اللي اعرفها ...النخبه ..ابن رشد..الحكماء ..الاستشاريون
لان فيهم افضل الاطباء القديمين والخبره .. والعمليه يحددها لك الدكتور ,,تناسب او لا .. وتختلف الاسعار من مركز لمركز الحرس بمركز الاعمال اررخص بكثير من العيادات وماعليك الا العافيه لانو اتكلم عن خبره معارف اجروا عملياتهم هناك وماشاءالله اهم شيء راحتك للطبيب وثقتك فيه واستخيرالله اولا واخيرا .. والعمليه بالتقنيه الجديده تختلف عن الاولى ,,,لانو مايشيلون القرنيه بالمشرط لكن يكفيك نجاح الاولى لكثير من الناس ومن سنين وخطرها قليل لايذكر و نجاحها يعتمد عليك وقت العمليه |
اقتباس:
عند الاستشاري وهو يقول ممتاز اسمه زكريا الفيصل قدامك العافيه |
[align=center]
قلب شقاوي هلا وغلا زكريا الفيصل سمعت فيه يقولون برضو ممتاز وموجود حاليا في سليمان الحبيب لكن ماقلتلي كم صارله مسوي العملية صاحبك و ماتدري كم كلفته ومكشور لك على اهتمامك ويعطيك الف عافية [/align] |
اقتباس:
مشكور على ردك وتفاعلك و راح اخذ رايك بعين الااعتبار واشوف الاستشاريون لطب العيون لان كثير برضو يمدحون هالامستشفي والف شكر مره ثانية |
السلام عليكم ورحمة الله وبركاته
أخوي عماد العنزي صديقي مسوي ليزك عيون في مركز النخبه حي العليا بشارع التحلية ماله اسبوعين ماشاء الله يمدحه شوف مثل ماقالو الاخوان الي ردو عليك او كلم 905 الاستعلامات واخذ رقمهم وشوف كم يسوونها لك لإنه تعب يدور مستشفى زين شوف النخبه ممكن تروح للدكتور يشرح لك افضل |
هلا اخوي و ماتشوف شر انشاء الله .....
انا ماعندي خلفيه كبيره عن هالمستشفيات لكن ارشح لك مستشفى ابن رشد بمدينة الرياض .. سوت عنده بنت عمتي وتمدحه حيل ولها ذالحين سنتين ومافيها الاالعافيه والتكلفه اذا ماكنت ناسيه مابين 7 الى 9 الاف تقريبا مواكثر من كذا .... واعذرني اسم الطبيب اللي عملها العمليه مايحظرني حاليا .... |
اقتباس:
وعليكم السلام ورحمة الله وبركاته اهلين اخوي يالغالي انا رحت النخبة في دكتور ممتاز هناك اسمه وليد الطويرقي تكلفة العملية 8500 وانا بزور سليمان الحبيب السبت وشوف وإن شاءلله اقرر يالنخبة او سليمان الحبيب لان اغلب الشباب الي سوها ينصحون في النخبة وسليمان الحبيب وكمان التخصصي للعيون شاكر لك اخوي مشاركتك وذوقك الراقي تحياتي لك |
اقتباس:
انتي ثانية وحده بعد شقاوي تقولين ابن رشد وانا بحثت عنه هو مستشفي حلو و عندهم تقنية حديثة ولكن قليل الي عملو العملية هناك عموما راح ازوره واسئل عن الدكاترة الي هناك اغلب الشباب يقولون العملية سهله والدكتور دوره ثانوي اهم شي الاجهزة والتقنيات المتطوره هي الي تساعد بعد الله بنجاح العملية الله يكتب الي فيه خير ومكشور على تفاعلك ومشاركتك تحياتي لك |
وعليكم السلام ورحمة الله وبركاته
أهلآ أخ عماد.. زميلاتي سووا العملية في ( مستشفى فتيحي المركز الطبي الدولي - جده ) وحده قبل شهر و الثانية من فترة ما اعرف متى ، بس مبسوطين .. إذا تحب ممكن أسألهم عن التفاصيل .. موفق إن شآء الله ،’ |
توكل على الله واخوي سواها وراح العسكريه وهذاه عايش زي الفل يا رب لك الحمد والنظارة بالزباله ودعها
|
اقتباس:
تووتي الف شكر لك انا بصراحة بعدي عن جده وحاب يكون المستشفي في الرياض ماقصرتي يالغالية وشكرا مره ثانيه على تفاعلك مع الموضوع |
اقتباس:
سعودي فاضي يالغالي اخوك وين سوا العملية وعند اي دكتور وكم كلفته .؟ ومشكور على ردك واسف لوكنت كثرت عليك الاسئلة تحياتي لك |
[align=center]
السلام عليكم ورحمة الله وبركاته اليوم زرت مستشفي سليمان الحبيب _ العيا _ طريق الملك فهد وسئلة عن الدكتور منصور الفاروق طبعا هذا افضل دكتور يقولون باكستاني وهو الي سوا عملية سامي الجابر لكن قالو انه راح مستشفي الريان الي هو تابع لسليمان الحبيب في طريق خريص قلت خلاص ابي دكتور ثاني الي هو على الكااف سعودي برضو ممتاز وكثير يمدحونه وللاسف قالي اقرب موعد 20 نوفمبر يعني بعد شهر وانا مستعجل ودي هالاسبوع المهم اخذت رقم فرع الريان واتصل واحذت موعد مع الدكتور منصر الفاروق بكره السبت الساعه 3:30م واسعار العمليات يقولون من 6 الاف الى 9 الاف على حسب الكشف وضعف النظر والعملية ليزر او الانترليزك او ليزك إن شاءالله بكره بروح وقولكم التفاصيل وشاكر لكل الي ردو على الموضوع ومنحوني اهتمامهم تحياتي لكم [/align] |
والله بصراحة يقولون انها تضر بعدين
واعرف واحد شخصيا سوا هالعملية قبل 15 سنة والحين رجع نظرة العن من اول ورجع للنظارة... ياخي عندك الملك عبدالله لو يبي يغير عيونه كان غيرها ..لكن لابس نظارة .. والامراء كلهم نظارات ... وكمان عندك الدكتور الي يسوي العملية هو بنفسه لا بس نظارة ... يعني اش معناتها ؟؟؟؟ قــدَّآآمكـ العــآآفية |
اقتباس:
صار له مسوي العمليه بحدود الشهرين وماشاء الله تمام التمام بفضل الله كلفته العمليه بحدود 7500 العفو لا شكر ع واجب الله يعافيك اهم شئ بشرنا وش يصير معك |
اذا زرت الاستشاريون
تقدر تسويها عندهم على طول بااي يوم تختار حتى الحكماء تقدر بااي يوم لكن الحكماء بعض الاطباء عندهم بالشهور العمليات انقل لك تجارب الاهل وليس اناس اخرين |
اقتباس:
ولحد الأن تمام عموما يالغالي زكريا سئلة عنه وهو موجود لكن مادري ليه قلت ابي منصور الفاروق يمكن خير وربك رايد اصير عنده مع انه ممتاز برضو ومكانه في مستشفي الريان تابع للحبيب وابشر راح ابلغك بكل جديد إن شاءالله وشاكر لك اهتمامك تحياتي لك |
[align=center]
اقتباس:
مرحبا تباشير الصباح كنت بزور الاستشاريون مع ان مبناهم عاادي ولا يوحي لوجود اجهزه متطور لكن يمدحونه كثير فيه دكاترة ممتازين بس السبب الي منعني اروح اسويهم عنده لان عندي تأمين طبي والاستشاريون مايقبلون التامين وحتي النخبلة <<ممتاز مره ولكن لايقبل التامين ولاكان سويتها عنده وسليمان الحبيب يقبل التامين الطبي وبكذا اقدر اسوي الكشوفات بمبلغ رمزي مايتجاوز 50 ريال علشان كيذا ركزت على سليمان الحبيب لانه ممتاز وتأميني عليه والعملية ماظن يشملها التامين لانها تعتبر عملية تجميلية والتامين لايغطي التجميل بس الأمراض لاسمح لله بس بحاول اكلم الشركة يمكن يتحملون تكاليف نسبة معين مثلا30% من قيمة العملية والله يكتب الي فيه خير بكره بروح وعرف التفاصيل بالضبط شاكرلك تفاعلك وردك تحياتي لك [/align] |
السلام عليكم ورحمة الله وبركاته
اليوم زرت اكثر من مستشفي متخصصين بالعيوون أول شي مستشفي الحبيب _ الريان علشان كان عندي موعد و استفسرت عن اسعار العملية والكشوفات العملية تبدا من 6400 من غير الشكوفات الدكتور منصر الفاروق وزرت الاستشاريون لطب العيون وقالي تكلفة العملية 7000 ريال مع الكشوفات عند الدكتور الجبير وزرت بن رشد فيه دكتور ماجد العبيلان بس غالي شوي يقولون تكلف العملية اليز التقنية القديمه 6400 والتقنية الحديثة توصل 9500 وطبعا يتحدد بعد الكشف اي تقنية تصلحلك على حسب النظر والكشوفات والتخصص غالين العملية 8500 عند دكتور اشرف والله اني محتتاااار وشكلي بكنسل الموضوع كله لانه اتعبني من كثر التفكير ولا اتوكل على الله واسويها وخلص من هالوسواس مستشفي الحبيب والتخصص والاستشاريون راح يخصمون مني قيمة الكشوفات لان تأميني التعاونية ولكن بن رشد مع انه ضمن قائمة مستشفيات التامين لكن يقول تصحيح النظر مايغطي التامين والنخبة برضو نفس الكلام كل مستشفي له كلام الله يعني دعواتكم تحياتي |
خذ هالموضوع لعله يفيدك ان شاء الله وعندي العديد من المواضيع الاخرى من مواقع اخرى واتمنى اضعها ولكن لا اعلم عن قوانين المنتدى ان كانت تسمح بذلك
https://www.btalah.com/t334989.html لاتنسانا من دعواتك وقدامك السلامه ان شاء الله |
استخير الله اهم شيء هذي عيون والعيون اعز مايملك الانسان
والامر سهل ان شاءالله ....بعد الاستخاره توكل و تفويض .. صحيح نسيت ابلغك اذا كنت تستخدم عدسات لازم ماتستخدمها على الاقل مدة اسبوعين او اسبوع قبل الكشف .. ايش مركز التخصص هذا ؟؟؟ |
الله يسعدك ياخوي على الموضوع
انا افكر اسويها في الغربيه ومحتاره اللي سمع عن دكتور محمد حنتيره بجده بمستشفي البطل يقولي ربي يفرج همه او اي دكتور تاني يكون شغله مضبوط |
اقتباس:
جزاك الله خير والف شكر لك وبالنسبة للمواضيع نزل مافيه شي ممنوع مادام الموضوع في نفسل الايطار تحياتي لك |
اقتباس:
هلا اختي تباشير معاك حق والله اني دايم استخير و المشكلة قبل امس انكسرت نظارتي ههههههه قلت يمكن خيره علشان اسويها ولمى اتصلت على المستشفي ابي احجز كل المواعيد 3 العصرر وانا بالدوام ماطلع الا 4 قلت برضو يمكن خيره وامس قريت في منتدي مشارك فيه للدكتور خالد الجبير يقول ان افضل شي النظارة خصوصا للي نظرهم ناقص نص من 6 وكمان قريت ان افضل وقت مناسب للعملية هو وقت الشتاء علشان تكون اشتعت الشمس خفيفة وماتتعب العين وبالنسبه للتخصص هذا مستشفي التخصصي فيه بالرياض مستشفي الملك فيصل التخصصي حكومي ومستشفي الملك خالد التخصصي حكومي ومستشفي التخصصي للعيون حكومي ومستشفي التخصصي الي هو خاص على حسابك بطريق الملك فهد تقاطع خريص تحياتي لك |
اقتباس:
هلا اختي عربية عاطلة ويسعدك يارب هذا رد بعض الردود للي سووا العملية بجده انا عملتها في سليمان فقه عند الدكتور ياسر المزروعي والحمدالله مره تمام والله توكلي على الله وسويها انا سويتها في مغربي وكلفتني تقريبا 8800 والحمددلله مررررررررره ارتحت من النظاره عند الدكتور إسلام حمدي الفرع اللي بطريق المدينه والله مررره ممتاز استخيري وروحي وبالنسبه لأسئلتك .. مرررره عادي تروحي نسوي العمليه في اي وقت مو شرط اتكوني ما تفرجتي تلفزيون او شي لا عااادي انا رحت عملتها وانا مواصله ما نمت من الخوف بس الحمدلله ... انا سويت العميله في مستشفى فقيهه عند الدكتور هشام حسني والحمد لله ارتحت من النظارات والعدسات الحين يمكن لي تقريبا سنتين ونص والحمد لله كله تمام العمليه ما منها خوف وسهله والبنج فيها قطره بس وما تطول يمكن كل عين 10 دقائق الله يسهل عليكم وترتااحون من العدسات والنظارات مثلي سعر العمليه اعتقد 5 الاف .. انتي تروحي عند الدكتور ويسوي لك كشف ويقول لك اذا تنفع لك العمليه ويشرح لك اش بيصلح لك في العمليه اتمنى اكون افدتك . افضل المستشفيات بالسعودية؟تكلفة اجراء العملية؟ 1- الدكتور العمر عيادة تقويم البصر طريق اللملك عبدالله الرياض 7000 ريال 2 - الدكتور منصور الفاروق مستشفى الحبيب وهو اللي سوى عملية سامي الجابر 9000 ريال 3 - الدكتور المقبل له عيادة في طريق التخصصي امام اليورمارشية 8000 ريال 4 - الدكتور ايمن العامودي عيادات ايما ماعرف مكانهم 8500 ريال 5 - الدكتور متعب في مستشفى الحمادي 8000 ريال 6 - الدكتور وليد الطويرقي النخبة الجراحي شارع التحلية 8000 ريال نصيحتي لك سويها في مركز البطل في جده عند دكتور ممتاز جداً وهو الدكتور محمد حنتيره وله خبره طويله في هذا المجال ً""" وهذا رقم المركز ٠٢٦٦١٧٧١٤ الدكتور محمد حنتيره كان يعمل بمغربي جده وانتقل للدماااااام يعتبر من افضل دكاترة تصحيح الابصار بالليزك والانتراليزك عن تجررررربه كثير يمدحون هالدكتور شكله حلوو عموما استخيري انا كنت ناوي اسويها هالاسبوع ولكن بعد استخاره ومشاورات راح أجلها لين بعد العيد على أول الشتاء والله يوفق الجميع تحياتي لك اختي |
مستشفى المغربي بمكه ثنتين من صاحباتي سووها وحده لها خمس سنوات والثانيه تقريبا سنتين
وتكلفتها تقريبا 8 ألاف ريال |
اقتباس:
ولاعاد توسوس سوا العمليه وانجز وانا اخوك وافتك من النظاره وغيرها :d واذ تبي اكلمك الدكتور ويعيطيك سعر خاص ابشر يعنني واسطه :d :d :d تحياتي لك |
اقتباس:
بن رشد ممتاز وفيه واحد معاي بالعمل اخوه مسوي العملية في بن رشد اظن عند ماجد العبيلان ويقول مكلفة تقريبا 8000 وينصحني مثلك طيب شرايك بالدكتور خالد الجبير في عيادات الحرس ويداوم برضو في الاشتاريون للعيون ممتاز يقولون وتكلفة العملية عنده تقريبا 7000 ومحمد الغامدي افضل ولا العبيلان وبالنسبة تكلم الدكتور يسويلي خصم هذا الكلام مايمشي عندي امرك ونروح سوووا طال عمرك << هذا والله النشبة وشاكرلك تواصلك معاي تحياتي لك |
اها عرفت المركز ماعمري سمعت احد يمدح عمليات العيون فيه ..
لانو لوتلف بقوقل بتلقى نفس اللي ذكرتهم اغلب الناس مجريين العمليات عندهم. بجاوب اخوي عن سؤالك للجبير خالد الجبير ماشاءالله غني عن التعريف والدكتور ماشاءالله تعامله راقي ومتواضع جدا تقدر تاخذ معه وتعطي بكل اريحيه |
اقتباس:
علشان كدا مستبعدتهم هو شكلوه حنتيره اللي بروح له وان شاء الله ربي يفرجلي ويفرجلك من النظارات اللي امتحنتا |
حسناً
هذه جملة من المواضيع التي جمعتها بنفسي من مواقع مختلفة واتمنى كل من يستفيد منها الا ينساني من دعائه فانا بأمس الحاجة للدعاء دائماً وهذه الايام خصوصاً http://www.mekshat.com/vb/showthread.php?t=191370 http://*******.com/vb/showthread.php?t=878234 http://www.adslgate.com/dsl/showthread.php?t=1065536 http://www.*******.com/vb/showthread.php?t=727309 http://www.adslgate.com/dsl/showthread.php?t=924050 قدامك العافيه ياصاحبي وماتشوف شر ووافينا بجديدك لأننا سنحذو حذوك قريباً ان شاء الله |
وهذه جملة ايضاً من المواضيع لأهل الحجاز عموماً ولأهل جدة خصوصا
http://www.*******.com/vb/showthread.php?t=806417 http://www.*******.com/vb/showthread.php?t=801317 |
الساعة الآن 05:09 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين