الأفضل تعيشين مع اخوك
وتصبرين على عياله
ولكِ اجر

الله يجزاكم الجنه علي ردودكم وتفاعلكم مع مشكلتي

اشوف انك تجلسين عند اخوم وسجلي في الضمان انتي وعيالك ودوريلك بيت لو كان صغير واستاجري

اعرف وحده من حارتنا مات زوجها وعندها عيال كانت في هم وغم مسكينه سكن في بيت وش اقول لك والله لو شفتيه ما كانك في السعودية ماله سقف خشب وصناديق .........صبرت وسجلت بالضمان هي وعيالها والمشكله اخوانها احياء بس للاسف مايعطوووونها شي

الحين بنت لها بيت ملك صحيح انو صغير بس والله انه حلو على الاقل ساترهم .......
تخيلي رصيدها الحين في البنك 100الف ماشاء الله ربي عوضها

انا مسجله بضمان لي لحالي يعطوني 800 بناتي رفضو يسجلونهم لان مامعي صك اعاله

وانتي عارفه اسعار الايجارات اقولك الضمان مايكفينا اسبوع قاعده اشتغل خادمه في البيوت للامن لبناتي واخوي المريض الاكل والشرب والبس بس الحين يوم جاني الربو معاد اقدر اشتغل اتعب والله يعين ودعوي لنا وجزاكم خير

خليك قويه بالله لاتستسلمي للظروف

خلي طليقك يسويلك صك اعااله حتى لو بالمحاكم هو غصب عنه يصرف على بناته

ربي يفرج عنك ويعووووووووضك خييير

ادعو لنا بالفرج طليقي عاطل وحرمته موظفه فراشه وتصرف عليه الله يعين يارب

بما ان بيتكم فيه شئ وهو اللي مسبب تعسر لاامور زواجك من الافضل تغيير المسكن روحي عند اخوك ماتدرين يمكن مايعدي كم شهر الا وانتي اتزوجتي
وكذلك انصحك بالرقية الشرعية لان ممكن يكون سحر تصريف (ربط عن الزواج) مو شرط من المسكن
الله يوفقك ويكتبلك اللي فيه خير لك ولبناتك

الله يكون بعونـك ويفرجهـآ عليك أنتي وآخوانك وبناتك

طيب ابو بنآتك حيّ ؟

يعطيهم مصروف ؟

حتى لو كان يعطيهم مصروف وانتي تزيدين تصرفين عليهم من ضمآنك يجوز لـك تطلعين صك

إعاله تروحين المحكمه وتجيبين شهود ان اللي تاخذونها من ابو البنات قليله وما تكفي وراح يطلعون لك الصك

ويصير لهـن ضمآن ان شاء الله

والشيء الثـاني دآم البيت مليآن عيال ومشاكلهـم كثيرهـ والاهـم من هذا زوجـه ابوك تضربـه يعني مايبي لها تفكير

على طول اطلعي من البيـت روحي لـ اخوك وحاولي انك تكسبين ودّهـ وترفعين من معنويآته في كل شي عشآن تكبرين بعينه حتى لو تجاملين بس لين ربي يفرجها او يكفيكم من لسسسآنه

وانا انصحك تروحين عند اخوك ..

ولك رساله على الخاص

الله يجزاكم خير ويفرج همكم وهمي

انا ارى انك تسكني عند اخوكي وتحسسيه بأهمتكم بحياته وتسوي فرق اذا كنتي صبوره وعاقله تتحمليه وتعوديه على اطباعكم ويحبكم وتفرضوا نفسكم عليه ويمكن مايستغنى عنكم وكذا انتي تربي اولاده وهو يسكنكم عنده يعني مصالح مشتركه
هذا اخوكي مهما كان وماتتحسسي منه
احسن من العيشه الي تقصر العمر
وسجلي بالضمان اكيد يعطوكي وقدمي على منحه سكنيه
بالتوفيق ان شاء الله الى حياه افضل