|
هل انقل مع اخوي ولا اجلس عند زوجة ابي ؟
السلام عليكم ورحمة الله وبركاته
كيفكم يا اعضاء المنتدى اليوم انا حابه اطرح مشكلتي انا مطلقه عندي بنتين عايشين في بيت شعبي مع ابوي و زوجته و عياله 9 و الصراحه ما سلمنا من سب زوجة ابوي ولا من عيالها عيالها كلهم دشير في الشوارع واحيانا ما ننام من ازعاجهم و لا اخفي عليكم يدينهم طويله و حراميين و احيانا الدوريات تجي عند بابنا والله الشاهد احنا عياله من زوجته الاولى نختلف كل الاختلاف عن عيال زوجته الثانيه وسمعتنا في الحاره صارت في الحضيض من دخلنا ذا البيت استغفر الله احس ما توفقنا في حياتنا .. استغفر الله طبعا عندي اخوان من امي و ابوي وانا اكبر وحده فيهم و سبحان الله كل اخواني ما توفقوا الا يوم طلعوا من ذا البيت الكئيب حتى جاب لي حساسيه في الصدر لان مافيه درايش على الشارع و كله حشرات و سباكته خربانه حتى لو يجينا ناس ما نفتح لهم الباب نتفشل من بيتنا ولا نروح لاحد عشان ما يقولون بنجي عندكم صارت فينا مثل الححاله النفسيه المهم اقولكم انا للحين عايشه في الخرابه و اخوي اللي بعدي ما توفق و تزوج و فتح له بيت الا لما طلع حط له غرفه في السطح واخوي اللي بعده ما تزوج و شاف حياته الا بعد ما طلع من البيت و عينوه مٌدرس في النعيريه ولا اول كانوا كلهم رافضين فكرة الزواج رفضا باتا واخوي اللي بعدهم عايش معنا في الخرابه عمره 33 لا وظيفه ولا زواج ولا ولد ولا تلد و اختي اخر وحده جاها نصيبها يوم راحت سكنت في بيت خالتي سبحان الله احس هذا البيت فيه شي حتى انا من يوم تطلقت دايم يجوني خطاب ونكون متفقين ومقتنعين بس تتفركش الخطوبه و نسكت على الموضوع بدون اسباب والزبده في المووضوع الحين اخوي تزوج سووريه وجاب منها بنت وولد و ذي السوريه انحاشت وخلت عياله عند امي وهو الحين تورط في عياله ... و زوجته مره تقول برجع و مره تقول لا مابي ارجع مدري وش تبي عايشه هناك في ذا الحروب المهم هو الحين شرا بيت و قالنا تعالوا اسكنوا معي انتي و بناتك واخوي الصغير بس المشكله انه اول شي متمرد و لسانه سليط و اخاف يقول كلمه منا ولا منا تجرحنا وانا حساسه بالحيل و ثاني شي هو ما يبينا نجي الا عشان نربي عياله و نوضي و نحفظ و نرضع و ثالث شي هو عصبي زياده عن اللزوم يعني لو يجي من العمل وما يلقى غدا جاهز قوم الدنيا ولا قعدها ورابع شي هو انسان ما يستحي على وجهه يعني احتمال لو يطفش يقول يلا ارجعوا عند ابوي مابيكم او يقول انتم ساكنين في بيتي لو مو انا كان الحين انتم في الخرابه وش الحل بنظركم شوروا علي اجلس في بيت ابوي اتحمل اهانات زوجته و ازعاج وبلاوي عياله ولا اروح عند اخوي اربي عياله وانا اخاف يعصب علينا و يرمي كلمه ؟ طبعا اذا مارجعت زوجته يقول بنسكن كلنا في الدور الارضي مع بعض و اذا رجعت قال بعطيكم شقه في الدور الثالث |
انتظر ردودكم ؟
|
اختي كوين الحنآن انا ارى بالموضوع تروحي الى بيت اخوكي وتكوني صبوره وتربيه العيال مع عيالك ولكي الاجر وجهزي الغداء كل يوم وخالي البيت اوكي اكيد بيتغير اسلوب اخوكي عندما يرى البيت مرتب وعياله في احسن حال افضل من البيت اللي فيه 9 عيال ومشاكل مستمره يعني شيئ يفرق شوي على الاقل ترتاحي وقت وهو في الدوام والله اعلم واسال الله الكريم رب العرش العظيم ان يسعدكي ويسعدك عيالك في الدنياه والاخره وسامحوني على الاطاله |
^
جزاك الله خير و شاكره لك مرورك و ردك على مشكلتي |
وعليكم السلام ورحمة الله وبركاته
والله مشكله .... انا اشوف تروحين لـ آخوِكِ مع ان كلهم مشكلهِ آختي آنتي مآلك حل غير تتزوِجين ... الله يرزقك بوآحد يعوضك عن كل الي صآرلكِ... |
الدواميك
يجوني خطاب كثير بس ربي ما كتب نصيب نكون متفقين على كل شي بس نسكت على الموضوع و تبرد السالفه وبعدين انا موب صغيره انا كبيره و بناتي كبار وحده في اولى جامعه والثانيه تخرجت بس ماقبلوها الجامعه عمري حوالي 40 جزاك الله خير على الرد |
اختي كوين الحنآن اصبري والله لن يضيعكي الصلاة والدعاء وخصوصاً في اليل |
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ صدق الله العضيم الجئي الى الله فهو المنجي واحتسبي الاجر
|
الله يوفقك والحل انك بحثين عن الحل في داخلك مثل تشوفين لك بيت أخوك يمكن يساعدك فترة معينه الين مايجي لك النصيب وتتزوجين والله كثري الاستغفار تلقين الحل بيد الله عز وجل بالتوفيق
|
شاكره لكم مروركم
الله يعين |
| الساعة الآن 02:17 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين