توقيع العقد مع شركة بن لادن
السلام عليكم ورحمة الله وبركاتة
شباب ( المقدمين على وظائف رجل سلامة ومشرف سلامة ومراقب سلامة ومهندس سلامة ) ووقع العقد مع شركة بن لادن يدخل ويعرض : 1- الراتب المسجل في ورقة التوظيف 2- متى سوى المقابلة 3- متى اتصلت علية الشركة لتوقيع العقد . لان فية شباب وقعو الاسبوع الي راح . اتمنى لكم التوفيق ,,. |
انا عملت المقابله الشخصية قبل الحج
بس قالو لي نتصل عليك خلال اسبوعين او ثلاثه والى يومك هذا محد اتصل بي حتى موعد الكشف الطبي ماكلموني فيه ^ ^ الله يعين |
هلالي وكلي ذوق
أنا سويت المقابلة الاسبوع الي فااات وقالي مهندس سلامه وراتبك يبدأ من 9 المهم قالي نتصل عليك وها أنا انتظر الاتصال بس اذا جاك شي ولا عرفت شي كلمني عالخاص وانا اذا صار شي معي اكلمك ..... وانشاءالله نكون زملاء في بن لادن ...............تقبل ودي |
السلام عليكم ورحمة الله وبركاته
باقي ما كلموك عن العقد ترا الشركة يومها بسنة وانا انصحك انك تروح للشركة الي بمركز الحميضي شارع الامير سلطان روح لهم وشوف اش صار في اوراقك انا اعرف شباب زيك تاخر ما جاهم التوقيع ويوم راحو لقيو اوراقهم جاهزه ووقعو العقد من غير اتصال او رساله ممكن الموظف يغلط في الارقام احيان وهيك شغلات بس انا اشوف انك تروح لهم وتشوف اش صار في اوراقك لانها اذا طلعت اوراقك رفعوها للادراه تروح لموقع الموارد البشريه للشركه بتلقى عقدك ع طول واذا ما رفعوها ممكن يوم يشوفونك يرفعوها للاداره وان شاء الله اشوفك معي في الشركة ~ موفق بإذن الله ... لك مني أجمل تحية . |
والله من جد طولو
لي شهر من سوو لي مقابله وقال نتصل عليك بعد شهر عشان توقيع العقد ولين الحين ممنظر وبرضو ولد خالتي قدم عليها واتصلو عليه سوو له مقابله وقالو له راتبك راح يكون 5700 ولما اتصلو عليه عشان توقيع العقد راح وعطوه 4500 رفض توقيع العقد هذا الي اعرفه |
أخواني الله يسعدكم يارب مساااااااااااااعده
انا حطيت اوراقي بـ الحميضي شارع الأمير سلطان قدمت وقالي اسبوعين هيك ويجيك العلم بس عندي سؤال مهــم لكل اللي حطو اوراقــهم هل تجيك رساله ع جوالك ولا ع ايميلك تكفون جاوبوني َ! |
انا استدعوني الثلاثاء الماضي ..... وقالولي ان المؤهل تبعك يمكن مايعتبر ضمن الهندسة ... لأني انا مقدم على مهندس سلامة ومؤهلي (بكالوريوس هندسة تقنية )قالي حنا راح نرفع للإدارة وانشوف المواد اذا كانت تعادل باقي كليات الهندسة ام لا .... قالي اذا تم قبولك اتصلنا عليك عشان توقع العقد ... واذا ماعادل موهلك المواد راح نشوفلك وظيفة اخرى تتعلق بهندسة تقنية الحاسب .. مثلا ( مدخل بيانات ) ... قلتلهم خير انشالله وانا في انتظار اتصالكم ..
|
اتصلت على الشركة في جدة يقولون التوظيف وتوقيع العقود على بداية السنة الجديدة
|
[align=center]
ان شاء الله المانع خير (( يمكن مثل ما قال الاخ توقيع العقد مع السنة الجديدة )) اليوم 18 / 12 / 2011 . انا مقدم ليه شهر تقريبا وقالوا الفحص الطبي بعد اسبوعين ومحد اتصل عليه مثل ما اتصلوا عليه لما قالوا تعال للمقابلة الشخصية . انا متأكد ان الاخوان في مكه حريصين على توظيفنا بس الصبر زين . [/align] |
نصبر .... وماصبرنا الا بالله
|
فيدونا إذا كان في تقديم
|
^^
اخوي التقديم مفتوح ع طووول .. انت بس قدم ع موقعهم واختر الوظيفة اللي تناسب مؤهلاتك .. & بالنسبة لـ الاخوان اللي سووا مقابلات , لا تقلقوا كلكم راح تتوظفو بإذن الله .. مشاريع الشركة ضخمه ويحتاجون الى موارد بشرية بكثره حتى يغطوا الشواغر الوظيفية في المشاريع المنتشرة في انحاء المملكة . بالتوفيق للجميع . |
ياشباب في احد منك قدم بالنت وجاه اتصال؟ اتمنى تجاوبوني
|
اقتباس:
اليوم كنت عند مدير الامن والسلامة في شركة بن لادن وقال فيه ناس من اللي عملنا معاهم المقابلة تم الاتصال عليهم بعد ما رفعنا الاوراق لجده والباقين ان شاء الله جايين بالطريق |
اقتباس:
|
اقتباس:
تتوقعو متى يردو علي وهل الرساله تجي ع الجوال او الايميل :( |
شباب لا سنة جديدة ولا شيء انا المهندس عبدالحميد لما سألته قلت فيه ناس يقولون التوظيف مع السنة الجديدة قال لا............ وهاذي اسماء ناس قبلوهم في بن لادن من اللي قدموا علينا وعملنا لهم مقابلة .......
اخوي الدقيل كنت عند المهندس عبدالحميد لكن اسمه الثاني والله ما ادري عنه (( نور )) الرجال فيه شوية شعر ابيض في مقدمة راسه في اليمين يدخن أسمر شوي ومتوسط الطول ولابس بوت رياضي وبلوزه حمرا ههههههههه انفع اكون في المباحث ؟! الظاهر انه هوه (( مدير السلامة عبدالحميد )) الظاهر يدقون عليكم لكن عندي لكم حل ورى ما نجتمع في يوم محدد عند الشركة اللي بجده ونشوف السالفة . |
أخوي نواز المسؤول عن الاجراءت ولمتابعة ملفك
اتصل على الاستاد مهند عجاج .... أعتقد راح يفيدك اكثر لانه بعد ماسويت المقابلة قالي المصري تابع مع مهند عجاج وهذا رقمهم الدوام من 9ص الى 6م............. (026069002)تحويلة 333 |
شباب لو سمحتوا ولد عمي برضوا قدم ع شركة بن لادن قبل فترة ..
ولاجاه شيء من الشركة .. لا اتصال ولاشيء .. لاهم قبلوه و لاهم رفضوه .. يعني معلق الولد :b :cool: مادري كيف الطريقة مع شركة بن لادن .. وش قولكم يا الربع ..؟؟ وش تنصحوني فيه ..! |
اقتباس:
ماقلك في دفعات جاية ولا سالته عن اسمك غريبة طولوا لازم نمرهم جدة |
الاخ طموحي مشكور على الرقم الله يعطيك العافية .
الاخ دروقبا / ولد عمك اعطوه رقم طلب لما قدم على الموقع ؟ اذا انه قدم مثلنا اكيد راح يجيله رقم طلب واذا جاله رقم طلب بس محد رد عليه ياليت يروح بنفسه للمهندس عبدالحميد (( مدير السلامة )) او المهندس (( مازن او ماجد ملخبط بينهم )) مدير (( الامن )) في الدور الاول وعبدالحميد الدور الثاني (( العنوان مكة ــ الغزة )) . الاخ / الدقيل مثل ما قلت لازم نمرهم نشوف السالفة . والله اني وهقت نفسي قبل فتره رحت للمقابلة شخصيه في جده شارع الامير سلطان (( نفس البناية اللي فيها المدير العام لقبه العطاس )) وقالوا ليه بعد شهر فيه مشروع بالطائف واحنا اخترناك (( اداري )) وخليك متواصل معنا على التلفون . بس قلت في نفسي بشوف (( رجل سلامة )) اذا ما ارتحت فيها دقيت على صاحبنا وقلت (( المقاول اللي بالطائف ما دق عليه )) . وكيف قبلوني جت من الله دق عليه واحد وقلي معاك شركة بن لادن تعال يوم الثلاثاء الساعه 8 للمقابلة الشخصية المهم رحت واستقبلوني وقلي الموظف فيه مقاول عنده مشروع بالطائف ويبي اداريين وهذا المقاول جاء بنفسه وقال ابي اداريين . بس مثل ما قلت خليني الحين اشوف راتب هاذي الوظيفه كم مع انه فيه واحد امس في مكه قلي الدبلومات يصل الراتب الى 6000 ريال . شيء مهم (( انا مقدم على برنامج سعودة المقاولين بسابك وعملوا معي مقابلة بالجبيل قبل 3 ايام وقالوا ان شاء الله تصلك رساله اذا قبلناك بعد اسبوعين )) ان شاء الله اذا قبلوني بصرف نظر عن اية وظيفة حتى لو راتبها 8000 ريال وادرس سنتين في مشروع سابك وبعد كذا ان شاء الله اوقع عقد مع شركة من شركات سابك . |
الله يوفقكم ياشباب
|
يا اخوان احد يعرف يقدم من النت
لقريبي راح لهم الغزة قالو له قدم من النت اللي يعرف يراسلني مشكورين |
سلام عليكم .. شباب بأسألكم عن المواصلات هل الشركه توفر مواصلات للي ما عندهم سياره ولا وشكرآ
|
اقتباس:
الباقين بدل مواصلات 600 ريال اذا ما خاب ظني ويمكن بعض المهندسين ما يعطونهم سيارات الا بعد كذا سنه من توظيفهم . وبعضهم ما يعطون سياره بدل مواصلات . |
[align=center]
شباب مادقوا عليكم بعد المقابلة الحين لي شهرين تقريبا لاحس ولا خبر [/align] |
اقتباس:
وصور بطاقتك الشخصيه ورحلهم مثل ما عملت أنا ... لا تنتظر منهم يدقون عليك |
نواز الشريف يعطيك العافيه .. بس انا ما معي سياره سؤالي فيه باصات توفرها الشركه عشان توصل موظفيها ولا لا
|
اقتباس:
|
اقتباس:
بالنبسة لرجال الامن والسلامة فما ادري عنهم بس في ظني مالهم اي باصات تقلهم ... وكمان فيه سكن للعمال قريب من موقع العمل عبارة عن بركسات خشب ... في النهاية الباصات خاصة بالعمال الأجانب فقط والعلم عند الله ... بس مشروع توسعة الحرم اللي في الغزة ما قد شفت باص يقل العمال ... اليوم شايف مشروع في العتيبية لشركة بن لادن في مكة الظاهر انه مشروع كبير ... |
اقتباس:
إلا واحد مضبط نفسه (( اذا كان هناك باصات فعلا تـِقل العمال للمشروع مع اني شايف سكن العمال قريب من المشروع ما يحتاجون باصات )) .. بس قبل فتره شفت في الطائف سيارة (( ميكروباص )) وفيها عدد من العمال ومكتوب عليها شركة بن لادن ... أكيد بعض المشاريع فيها باصات للعمال ... لكن في مكة ما ظنيت فيه اي باص والله اعلم ... |
طيب انا معي ثانويه كم الراتب الاساسي والبدلات نبي شرح مفصل عن الراتب .. وكمان انا مسجل بالتأمينات لو اقدم يرفضوني ولا عادي
|
اقتباس:
|
اقتباس:
انا سألت المهندس عبدالحميد وغيره عن الدبلومات الراتب الاساسي قلي 5000 ريال وسألت كذا موظف ونفس الشيء .. وسألت مهند عجاج قال 5000 او قال 5500 ريال .. واحد سأله المهندس عبدالحميد (( مدير السلامة )) كم راتبك ؟ قال مالي سنتين في بن لادن معاي دبلوم راتبي حوالي 6000 ريال |
كيف طبيعة عمل مراقب سلامه يعني فيها شمس وحر الصيف جاي ومو ناقصين
|
اقتباس:
يعني مهب كل الدوام ميداني (( بس لازم تخرج للمشاريع وتشيك على لبس العمال وعلى الاسلاك وعلى مدري ايه المهم لازم كل يوم تكتب تقرير عن السلامه )) وعن اي خطأ تشوفه |
ادري ازعجتك بأسأتي بس سؤال يمكن يكون اخير هههههه هل في امكانيه يعينوني بالمدينه او بعد فتره من التوظيف ينقلوني المدينه.
كمان أخوي نواز ما بشرتنا توظفت ولا لا اعطينا التفاصيل وشكرآ |
اقتباس:
رحت لهم وقالو لي في احتياج في المدينة وعيناك في المدينة وانا اصلا من المدينة الحمدلله على كل حال بس الان انتظر اتصالهم |
اقتباس:
بالنسبه للنقل أعرف واحد شغال في بن لادن قابلته مره بالصدفه وقلي انا كنت شغال في مطار جده وقدمت خطاب للإداره اني انقل للطائف عند اهلي لأنهم محتاجيني ووافقوا ... وبالنسبة لوظيفتي آخر مره زرتهم يوم السبت اللي فات رحت لمهند وقلي عطني اسمك وقلي صور البطاقة ونسخ اوراقي كامله ودبسها مع بعض وقال لخويه (( انقل فيصل من الحالة مدري ايه الى الحاله مدري ايه هههههههههه وقلي مهند ثق تماما انك راح تتوظف )) ماني واثق في كلامه واثق في الله عز وجل اذا اراد شيء قال له كن فيكون ... ونصيحه اللي عملوا المقابلات الشخصية في مكة ورفعوا اوراقهم لجده لازم تروح جده مبنى الحميضي وتقابل الاخ مهند (( بالعربي اذا ما جريت ورى موضوعك راح يقولون أكيد حصل وظيفه عشان كذه ما جاء يراجع ويتابع وظيفته وراح يطنشونك )) رح جده مره وبعد كذا اسبوع رح مره ثانية وثالثه منت خسران شيء ... واحد يقلي قدمت في شركة بلبيد وسنه وانا كل فتره عندهم اسأل عن وظيفتي حتى طفشوا مني وقالوا وظفناك وين تبي وظيفتك وتوظف في المدينة اللي فيها اهله ... |
يعطيك العافيه .. ياخوي بصراحه بن لادن شركه كبيره ومعروفه وفيها امان وظيفي يعني اللي تجيه لا يفوتها .. انا بصراحه ياشباب مشكلتي ما معي سياره ووظيفه مثل هذي الدوام يتغير كل اسبوع صعبه بالنسبه للي ما عنده سياره بس لو المشاريع اللي نداوم فيها تكون بمكان سكني اتوقع تنحل مشكلتي عشان اكون قريب من السكن واداوم ليموزين هههههههههههه.
شباب اتمنى تساعدوني بمشكلتي خصوصآ أخوي فيصل الشريف اتمنى تقرأون كلامي كله وتساعدوني. شكرآ لكم جميعآ |
الساعة الآن 07:51 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين