|
تحديد 4 وظائف للسعوديات بالمحال النسائية وربطها بـ "حافز"
حددت وزارة العمل أربع وظائف للراغبات في التقدم إلى برنامج تأنيث محال بيع المستلزمات النسائية هي: بائعة تجزئة، مشرفة متجر، محاسبة مبيعات (كاشيرات)، وخدمة العملاء. ووفق مصادر في الوزارة فإن التقدم إلى برنامج تأنيث المحال النسائية يتطلب التقدم إلى برنامج حافز المعني برصد أوضاع الحصول على إعانة البطالة. ووفقا لتقرير أعده الزميل حبيب الشمري ونشرته "الاقتصادية"، حددت الوزارة بشكل رسمي الراتب الإجمالي لتوظيف النساء في هذه المحال بحيث لا يقل عن ثلاثة آلاف ريال، في حين يتحمل صندوق الموارد البشرية نصف المبلغ لمدة ثلاث سنوات. وشدد الوزارة على أهمية توقيع عقد عمل بين الموظفة والمنشأة الموظفة غير محدد المدة.
ومن مواصفات البرنامج تسجيل الموظفة في نظام التأمينات الاجتماعية، وبناء عليه تستقطع نسبة 9 في المائة من الراتب وتودع من خلال المنشآة في حسابها في المؤسسة العامة للتأمينات الاجتماعية. واشترطت الوزارة على الجهات التي توظف النساء في المستلزمات النسائية أن تمنح الموظفة إجازة أسبوعية لا تقل عن يوم، وإجازة سنوية لا تقل عن (21) يوماً، ومكافأة نهاية الخدمة حسب نظام العمل، على ألا تزيد ساعات العمل على ثماني ساعات عمل يومياً، وقد تكون فترة أو فترتين حسب نظام الدوام المطبق في المنشأة، على أن تتحمل المنشأة الرعاية الطبية حسب النظام المعمول به في المنشأة. وكشفت وزارة العمل في وقت سابق عن صياغة عقد استرشادي بين العاملات السعوديات في محال بيع الملابس والمستلزمات النسائية وملاكها، بحيث تضمن حقوق الطرفين. وأكد الدكتور علي التخيفي وكيل وزارة العمل المساعد للتطوير أن الوزارة ماضية في ''تأنيث وتوطين'' القوى العاملة في محال بيع المستلزمات النسائية، خلال عام 1433هـ، مؤكدا أن المشروع الذي صدر في شهر شعبان الماضي سيخضع في حال تطبيقه لعملية تقييم شاملة لضمان نجاحه، وأن هناك عقوبات ستنفذ بحق المخالفين، منها الحرمان من خدمات الوزارة . وقال التخيفي خلال ورشة عمل أقيمت في غرفة الشرقية بعنوان ''تنظيم عمل المرأة في محال بيع المستلزمات النسائية: ''إن الأمر الملكي السامي قد كلف وزارة العمل بوضع التنظيم المناسب لعمل المرأة، وإيجاد الترتيبات الإدارية لذلك، والقيام بكل ما من شأنه تأهيل وتدريب الراغبات في العمل وتقديم الدعم المالي والإداري والإشرافي على ذلك، وبموجب ذلك نعتقد أن هناك ثلاث جهات معنية بهذا الشأن ينبغي عليهم جميعا التعاون لتحقيق هذا الهدف هي (الجهات الحكومية المعنية، والمستثمرون، والراغبات في العمل)، فالجميع شركاء في خدمة الوطن''، لافتا الانتباه إلى أن هناك جانبين في الموضوع هما ''التوطين، والتأنيث'' فالمحال النسائية هي محل الأمر الملكي السامي والقرار الوزاري وسيتم توطينها وتأنيثها وفق الصيغة والاشتراطات التي لا تخرج عن خصوصية المرأة السعودية والمجتمع السعودي. وأضاف أن القرار له ثلاثة أبعاد: ''الموضوع، والزمان، والمكان''، فالنطاق الموضوعي للقرار هو محال بيع المستلزمات النسائية، التي تشمل الملابس الداخلية النسوية، وأدوات التجميل، وهناك المحال المختلفة التي تتضمن هذه الأدوات مع أدوات نسائية أخرى، فكلها تخضع للتوطين والتأنيث خلال العام المقبل حسب التفصيل، أما النطاق المكاني فالقرار شامل لكل المحال التجارية التي تعمل في هذا الشأن، سواء كانت محالا مستقلة، أم كانت ضمن مجمعات تجارية، أو أسواقا عامة، وقد حدد القرار تاريخ 10/2/1433 موعدا لتأنيث وتوطين من يعمل في محال الملابس الداخلية وأدوات التجميل، و10/8/1433هـ لباقي المحال النسائية، وسيكون ذلك ضمن ترخيص أي محل. وتطرق إلى أن هناك اشتراطات للتأنيث والتوطين في هذه المحال تتمثل في أنه إذا كان المحل خصيصا للنساء بالكامل، فالمطلوب توطين العاملات فيه بما لا يقل عن ثلاث عاملات في الوردية الواحدة، ويمنع دخول الرجال فيه، وينبغي أن يظلل على غرار مراكز الخياطة والتجميل النسائية المعمول بها، وفي حال كان المحل مخصصا للعوائل فإن الرؤية لا تحجب وإن اشترط تأنيث العاملات فيه أيضا وتوطينهن. وذكر أن الوزارة ستقدم الدعم لهذا المشروع من خلال الدعم المادي لعملية التدريب وفق الآلية المتبعة لدى صندوق تنمية الموارد البشرية، حيث سوف يتم دعم عملية التوظيف لثلاث سنوات في حين المتبع هو الدعم لسنتين، وذلك لخصوصية يتسم بها هذا المشروع، وسيتم تدريب الراغبات في العمل وتأهيلهن للعمل على مهن بائعة تجزئة ومحاسبة مبيعات وخدمة عملاء، كما سيتم الإشراف والمتابعة لعملية التدريب على رأس العمل، وكل ذلك ضمن عملية تقييم مستمرة للمشروع، فضلا عن أن المجال مفتوح لأي جهة ترغب في تقديم خدمة التدريب ويرتئيها صاحب العمل. |
شكرا ع الموضوع الرائع
|
مالت عليهم وعلى وظاااااائفهم
|
ندرس ونتعب وبالاخير هذه وظائفهم ........
الله يغنينا عنهم .............. |
ياخوفي يغصبونا عليها ويقلون يا تتوظفون او تمنع منكم الاعانة بصراحه مو كل الاهالي يرضون انو بينتهم تتوظف في محل في السوق بصراحه صعبة انو المحل يكون مفتوح ونشتغل فيه اذا احنا عندنا عادي اهالينا لا عندهم مو عادي وغلط ومليون غلط سكروها للمحلات اذا تبونا نشتغل فيها قفلولها بحيث انها تكون مثل المشاغل حراااااااااااااااااااام ياربي حررررام بعد هالردراسة والتعب بياعات والله حرام
يارب دخيلك اغنينا عن وظايفهم واعانتهم يارب دخيلك |
ان شا الله اذا شغل بناته رحنا
|
مستحيل أتوظف بها الوظاااائف أكون بائعة وين إحنا عايشين
الله يغنينا من فضله |
هههههههههههههههههههه
للحين ماشفنا شي وهم بدوا يحددون الوظايف عشنا وشفنا الله يرزقنا من فضله .. وتوكلت عليه .. |
يارب
[marq]
يارب ارزقنا من اوسع ابوابك وفرج عن همنايارب وارزقنابوظائف [/marq] |
شـكرا لك وبارك الله فيك... لك مني أجمل تحية .
|
ومين الي بيرضى يخلي بناتة يشتغلون مثل هالشغلة
اللحين سواقة السيارة تمنع المراة منة وانتو تخلونة تبيع |
انا ابوي مايرضى ايش اسوي انتحر مثلا ؟؟
|
لاحول ولا قوه الايالله
ليش درسنا وتعبنا وبالاخير بياعه |
ونتعب ودراسه
وبنهايه كاشير وخرابيط فاضيه على كذ رجعوا لنا 16 سنه راحت بالدراسه 16 سنه ندرس ونتعب وطريق 16 سنه قضيتها من عمري على حلم اني اتوظف وظيفه تليق بشهادتي الجامعيه والنهايه هذي الوظايف !! هذاء قدري ياوطني كاشيره !! وزير العمل حسبي الله ونعم الوكيل |
الصبر فقط لاغير
|
لاحول ولا قوة الا بالله العلي العظيم
|
هذاالوظايف ماتحتاج شهادات
الله كريم |
هذه بداية الفساد
الله لا يسلط علينا من يريد فسادنا وتخريبنا |
للي يقولون ندرس ومن ثم مانحصل الا هالوظايف
أن ماتبين غيرك بياخذها اشوف انها حلوه خاصة ان كان السوق خاص بالنساء ولاحظو الراتب لايقل عن 3 الاف |
مادرست وتعبت وصرف علي ابوي دم قلبه وفي الاخير
اشتغل على كيفهم شكلهم اخذو وجه اكثر من االازم |
ابشركم متشرطين فيها دوامين١٠ ساعاتولا في تطبيق للشروط انو يحجبون مافي داخل المحل
روحو المولات وشوفو محلات لاسنزا ونعومي محلات لبيع الانجري واشياء خاصه بالنساء ولا شفتهم اغلقوها ولا حجبو مابداخلها والي يشتغلو فيها بنات |
اييييه خير ان شاء الله
طبعا اكيد ان الوظايف مختلطه ولو ماكانت مختلطه اكيد مديري رجل :wa هذي فيها رفض قاطع عند اهلي :c مع التهديد بالقتل تعزيرً ياوزير العمل :m حسبي الله عليك ياشيخ ذليتنا فـ هالإعانه :cry: |
والله ملينااااا كلام نبي فعل حسبي الله ونعم الوكيل
|
من العجيب ان المملكة العربية السعودية دولة البترول الشعب السعودي فئة العاطلين من الرجال والنساء يتوظفوا
بوظائف زي هذا طبعاً الشغل مو عيب والبحث عن الرزق مطلوب بس بحدود |
وجع بشكالهم :y
ادرس وادرس ********>>>وبنهايه اتوظف باااائعه:m اجل احرق شهادة البكالريوس وانام باالبيت احسن من المرمطه هذي ...ولله ..:mad: |
بنات اذا مااخذوتها اخذوها الاجنبيات وترى ملفاتهم جاهزه
انا توظفت بها الحمدلله والمحلات نسائيه لايدخلها الانساء وانا مديرة المحل الحمدلله الراتب 4400 ولمعلووماتكم انا خريجة بكالريوس يعني حالي حالكم درست واجتهدت الي بيحترم نفسه بيحترمها لو هو في اخر الدنيا والي يبي يفسدها بيفسدها لو هو مربط داخل سجن الحمدلله على رزق ربي |
لما يتوظفوووووووووون بناتهم فيها احنا نتوظف فيها فااهمييييييين
ولييييييييييييييه المصاريه دكاتره بالجاامعات ومديرات بالمعاهد والسعوديات بيااعات بالمحلات ؟؟؟ اذا انتي مقتنعه ياافشفوووووووشه براحتك اقتنعي لكن لا تحااولين تقنعين غيييييييييييرك من البنات الجامعيات حسبي الله عليييييييهم والله ينكبهم دنيا واخره والله يحرق قلوووووووووووبهم في بناتهم وبنات بناتهم مثل ما احرقوا قلوبنا على مستقبلنا مو هم الكلاب اللي بيحددون لنا الوظائف اللي يبوونها لا حبايبي من حق كل جاااااااااااااامعيه تطاااااااااااااالب بالوظييييييفه اللي تبيها ولا لاحد منه ولا فضل عليييييها فااهمين حسبي الله علييهم والله يحرق قلوبهم بالدنيا والاخره هذا اللي يلقونه من قلب وحده رااضيت والدين |
اقتباس:
فيه وظائف تليق بالمواطن و تليق بأصحاب المؤهلات الجامعية ولكنهم لا يريدون هذا ، بل يريدون يذلون الشعب في مثل هذه الوظائف ، هدفهم الرئيسي هو إذلالنا بأي طريقة كانت من حقكم كحاملين للشهادة الجامعية ان توفر لكم وظائف تليق بالشهادة اللي تعبتوا عليها و سنين قضت من أعماركم و انتم تجتهدون و تكافحون للحصول عليها وبالمقابل يكون العائد لي 3000 ريال فقط !!! على الأقل لا يقل الراتب عن 8000 ريال حتى يعيش الفرد عيشه كريمة في بلد تعيش عليه دول تريليونات سنويا و حالنا إلى أسوأ كلما زادت فلوس الدولة زاد بأسنا أكثر و أكثر حسبنا الله ونعم الوكيل فيهم |
<< انا فاتحه تجارة بسيطه بالبيت ومن بيتي تسوق
ماخلوا علي هلي كلمه ماسمعوني ايااها عشاني جامعية اجل لو سمعوا او عرفوا اني بتوظف بمحل ولا بالسوق بعد قسم بالله اجهز حفرتي بالقبر استعدادا لقتل ابوى واخواني اللهم ارزقنا من واسع فضلك بلا منه حافز ومذلة وزير العمل |
يارب ارزقنا الرزق الحلال
واذا توظفو بناتهم ماعندنا مشكله نرووووح |
يالله استودعكم الله بروح اجهز لدوامي
|
الشغل مو عيب الله يوفق اللي بيقدم
|
يعني التغريب ورانا ورانا لو كانت الوظيفه معلمه وراتبها 6000ريال تهون استاجر باص نقل مو مشكله الله يعين لكن اسافر كل يوم عشان ابيع في محل تجاري ؟ لا وراتبها 3000 ادفع للباص مبلغ وقدره وش يبقى لي ؟ ولا يمكن يؤنث محطات البنزين والبقاله اللي جنب بيتنا ويشغلوني فيها بدال صديق خان راعي البقاله انا مدري هالكمخه شلون يفكر ترى مو كل السعوديه زي الرياض فيها محلات ومولات ومراكز كبيره انا اسكن في محافظه صغيره فيها محطات بنزين وبقالات صغيره وسوبر ماركت واحد ومحل واحد ابو ريالين ومحل واحد لبيع الملابس النسائيه والرجاليه وادوات التجميل والبطانيات والشنط وكووووله <احتكار يمنيه ومحل واحد يبيع جوالات ومحل بيع أنابيب غاز وورشة سيارات <يمكن يحطون موظفه تلمع لهم القزاز والكفرات وقهوه رجاليه للشيشه <يمكن يحطون موظفات تولع لهم الفحم :d ملاحظه (لايوجد لدينا فروع بنوك نسائيه ولا يوجد أي فرع نسائي لأي دائره حكوميه سوى مكتب الاشراف التربوي والمدارس الحكومية للبنات ) <<< الزبده ياحطوني معلمه بالمدارس هذه يا جعلهم الماحي اللي يمحيهم هم وقراراتهم اللي أمرضتنا تفوووووووووو عليهم الله يلعنهم هذه خطط للمساهمه في الاختلاط:court: |
من هذا الشخص العبقري الي فكر بهالوظيفه
انا ماادري كيف الهيئه ترضى انه البنات يشتغلون بمحلات وفي اختلاط ومره قريت انه في بنات عارضين عليهم وظايف بمصنع حلويات وكرسبي وحارسات امن اذا ماعاد فيه غير هذي الوظايف اجل قفلوا المدارس لانه هذي الوظايف مايحتاج شهاده |
تبطون عظم في اقناعنا مع الاسف مرسلين مقنعين فااشلين هع
اقتباس:
ياا قلبي انتي تريهم كذاابين بس يبون يسكتوننا يالجامعيات بشغلة الهنود البيعات في محلات البطرانين وبعدها يقولون لك انتي ماتعرفين تشتغلين وخسرتي البطران وون مع الباب الا وانتي جالسه ببيت اهلك عااااااااااطله رسمي من غير حلم بالوظييفه:c شووف ياااااااناااااااااااااس شوفو ا يااااااااااااعااااااااااالم والعلم هذا كله وصلوووه يااملحقات شلة حاافز لشلتكم الغبيه اللي كشفنا الاعيبها بتوزيعكم بالمنتديات من زمــــــــــــــــان هع:wa الجاامعياااااااااااات يطااالبون بوظاااااااااااائف رسميه حكوووووووميه غييييييييييرها مايبون يعني لو تنطوون السمااااء وتوقعون عشين نقبل بشغلكم اللي ماا ترضون تشغلون عليه بناتكم والله ماراح نرضى فييييييييييه :mish: ويارريت اللي لهم مسمى المستشارات هع اللي لهم نسبة ارباااح من اقنااع الجامعيااات بهالشغلات المخييييييييسه يبرطموووون لأن المسأله مكشوووفه فماا احد يمدح بضاااعته الا صاااحبها هع:d تدرون وش معناة مستشااره << ( حريم ماا ادري منين لاقطينهم ومرسلينهم على بنات جده تجلس تقرقر على روسهم عشين تقنعهم بشغلة الهندي اللي حتى شهاادة ابتدائي ماعنده هع ؛؛عطوها مسمى مستشاره الا منشااره هع):wa ياالجاااااااااامعيات لا توافقون على الشغلات الباائعاات لا تهينون انفسكم وانتم عندكم وثاائق تستاهلون بها وظاائف حكووميه محترمه <<< نااويه اخرب على ملحقات شلة حااافز هع والله يحرق قلوبكم يااشلة حااافز في بنااتكم ويحرق قلوب كل من فزع معكم من ملحقاتكم:mad: وبلاش التآآآمر على الجاامعيااات مع شلة جداروووه ياا شلة حاااااااااافزووووووووووه << والله مؤمرررراتكم مكشوفه من زمااان لييييه لهدرجه تبون تمشوونها عليييييييينا ياا عياال الذيييييييييين تبطون عظم والله:wa |
الله يعينكم يارب ويوفقكم
|
انا قدمت اليوم وكانت اخر دفعة اليوم وبندا السبت ان شاء الله بس الدوام جزئين متعب بصراحه
|
بالله جامعيه .. تبيع في سوق .. اما الي عندها متوسطه اش تشتغل ..
|
ياليت الوظائف تكون مناسبة للمؤهل ، وظفوا النساء بياعات ويملكون شهادات جامعية تعبوا عليها وآخرتها هذه الوظيفة التي لا تغني ولا تسمن من جوع
3000 ريال فقط و دوامين و خصم تامينات يطلع الراتب 2700 ريال فقط لا غير غير مصاريف المواصلات بالعربي يصفى للموظفة تقريبا 1500 ريال :i........ مبلغ مضحك جدا لحاملة شهادة الثانوية فما بالك بالجامعية والغريب بان هذا المبلغ يصرف في دولة تعتبر من أغنى دول العالم بالنفط اللي دخله فقط من النفط 1.6 تريليون ريال سعودي حسبي الله ونعم الوكيل فيهم |
اقتباس:
|
| الساعة الآن 02:35 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين