أقتراح ولكم حرية الموافقة
إقترااااااااااااااح على جميع الأعضاء وش رايكم نسوي بالمنتدى إحصائية من حيث ((الجنس _ المدينة _ المؤهلات والخبرات _ المواهب )) وهذي الفكرة راودتني عندما قرأت موضوع الأخت نوف العتيبي جزاه الله خير بحيث أننا نسوي دورات بالمجالات المرغوبة وكمان نسوي ملتقى للمناقشة بحيث كل منطقة يسووون أتفاق بموقع معين لتبادل الآراء والأفكار وبالتالي نستفيد بدل الجلسة كذا ومن ثم كل منطقة تنقل الأفكار والأراء على المنتدى طبعاً ملتقى خاص الشباب بموقع والبنات بموقع واللي يشاركني الرأي يرد وأنا أرى أيضاً أن تنشىء الإدارة قسم لهذا الموضوع ممكن الواحد يلاقي الوظيفة المناسبة بشكل أسرع وعلى حسب خبراته ولكم جزيل الشكر وأنا أول المشاركات الجنس/ أنثى المدينة/ خميس مشيط الشهادة/ الحالية ثانوية وادرس منتسبة بجامعة العلوم والتكنولوجيا قسم علم نفس وناوية أحول إدارة أعمال بإذن الله الدورات/ كمبيوتر .... انجليزي .... ديكورات وطبعا للمصداقيه بالنسبة للديكورات أحبها جدا وأنا أخذت شهادة معتمدة من الغرفة التجارية ولكن أنا أخذتها بموهبتي وليست تعلم وأدرس وأطلع على كتب مفي هذا التخصص المواهب/ رسم .... تصميم أزياء .... تطريز وإضافة اللمسات الأخيرة لأي فستان :yaa: :yaa: :yaa: :yaa: |
الجنس : رجال
المدينه : الديار اللي سكنتها اربع من مواليد حفرالباطن ثم الى الدمام ثم الى الرياض ومكان النشاه القصيم (( باريس السعوديه ) :d الشهاده : ثانويه هامه نسبه خلها مستوره احسن :cool: الخبرات : لي ثمان شهور بشركه :) الهوايات : الرمايه السباحه ركوب الخيل :rolleyes: صيد الضبان قنص الطيور جربعت الجرابيع :yaa: عموما البر المكان الوحيد الذي يجمع جميع المواهب :d الشعر:Looking: |
بالخيررررر سحــر فكــرهه حلووووووه
الجنس/ذكر المدينــه/ولآآآيــــة حفر الباطن المتحــده الشهادات/ثانوويه عامه ...ومرسل رساله للمعهد المصرفي بسجل عندهم وللحين ماردو عليٌ ههههههههههههههه الخبرات/مكروووووووووف ساابقا من ابو مطر<-السوبر فايزر حقي بالراجحي لفترررة اربع شهورر وبلاخير شلوووتى مــع البـــابٌ الهوياات/( اِكــــلٌ ومـــرعــى ....وقلـــتٌ صنعـ1) هههههههههه |
شكرا للجميع على المرووووووور واتمنى من الجميع المشاركة
|
أيها الساقي إليك المشتكى *** قد دعوناك وإن لم تسمعِ
|
اهااا ياسحر العيون اثرك فـ خميس مشيط ؟؟ وينكم عن سوبر ماركت القاضي ..؟؟ ع العموم استلموا نبذهـ عني وتحملوني :d :d الجنس / زكر المدينه / عاصمة الحفر والمطبات " جدة " :court: الشهادات / ثانوية عامة .. وش تبون ؟؟ ماعندي غيرهاااا ...:p الخبرات / والله جالس ادرس انجليزي .. ومسبب ازمة مع كل خواجه يمشي فـ الشارع .. احشررره على جنب واخليه يتكلم معي انجليزي غصب ...:yaa: وانواااع التفحيط معه .. خخخخ وكل مادخلت حصه نسيت اللي قبلها :eek: يعني افهموها ماعندي خبرااااااات :court: الهوايات / التزلج على الطعوس ..:yaa: :yaa: صيد الحبارى ..:rolleyes: الشقح من فوق حفرة البنشر .. خخخخخ:d :d بالإضافة .. لتبادل المحشات مع الاخوان .. ابو ترمس وراعي الجوف الله يمسيه بالخير .. ومندووووب والهوى شرقي ..:rolleyes: امحق نبذهـ ... :court: يعطيك الفــــ عافية خيتوو سحر العيون .. |
يعافيك ربي يا زيداااااان ابتسامتك حلوة
وبالنسبة لسوبر ماركت القاضي أخاف إذا شرحت لك تتوهق بس يالله بأشرح وربي يعينك أقع في الشمال الغربي والجنوب الشرقي والشمال الجنوبي(أتجاه جديد) وبعدين تلف يمين وتالي يسار(قلبنا التاكسي ههههههه هههههههه ههههههه) المهم بعدين تاخذ سلم طوييييييييييييل مرة تتعب وانت تشيله بعدين تركنه على جنب وتطلع على الدرج أنا وتطالع من فوق المبنى وتلاقيني فوق هناااااااااااك أكيد عرفتني بس لا تتعب نفسك وتجي والله عاذرتك هههههههههر هههههههههه ههههههههه ههههههههههههههااااااااااااااي |
الجنس ذكر
الحالة الاجتماعية : متزوج وعندي ولد المؤهل بكالريوس علوم سياسية ... معدل 3,66 دورة خمس شهور لغة انجليزية في اكاديمية الجزيرة العالمية خبرة مساعد مدير اول في بيتزاهت وهذا اللي وهقني كل ماقدمت لوظيفة قالولي تبي مطعم ... :mad: وشكلي بكمل الماجستير والدكتوراه انشاالله بس خوفي بالنهاية يحطوني بمطعم:cry: ان حظي كدقيق فوق شوك نثروه............ ثم قالوا للحفاة في يوم ريح اجمعوه والحمدلله على كل حال:eek: |
مشكووووووووور أخ قوقل وتفاءل وإن شاء الله ربي يعطيك مرادك
|
الجنس: انثى..
الشهادة: بكالوريوس.. المدينة: بمدينة الخير كله بالشرقية الدورات: لغة انجليزية.. حاسب آلي.. دورة معارف.. كورس تجميل ..كورس سنتين تجويد.. دورة حفظ قران.. خياطة مستمر.... والثلاث الاولانيات.. لما قدمت على الديوان رفضوهم.. قالوا اخذتيهم اثناء دارستك بالكلية ما نعترف فيهم!! الانشطة: عضوة في قافلة الخير النسائية في المنطقة الشرقية.. حاصلة على شهادة شكر من الملتقى الادبي الثاني بالشرقية.. الخبرات.. سنة في مجال التعليم.. شهرين في مجال التعليم الخاص((يعني المعاقين)).. الهوايات: الرسم.. القراءة للابحاث العلمية .. الاطلاع على ثقافات الشعوب.. قراءة كتب التفاسير والحديث.. وفيه هواية غريبة... احب اعرف ايش الحكم اللي وضعها الله بكل شئ انزله لنا..يعني الحكمة في الاكثار من السجود.. او الحكمة من تقسيم الصلوات الى خمس وليش كل صلاة بوقت محدد.. احب احلل شخصية الانسان من طريقة كتابته.. بخط يده.. ******** هذي مرة افتكروني ساحرة اشوف الخط واقول بعض ميزات أو عيوب الشخصية.. طبعا لا سحر ولا حاجة هذي ملكة من الله مالي فيها دخل .. انا اقول بحكم اللي اشوف.. ولا تكهن بالغيب.. ............................................... حلوة النبذة حقتك زيدان.. رهيب >>>( ومسبب ازمة مع كل خواجه يمشي فـ الشارع .. احشررره على جنب واخليه يتكلم معي انجليزي غصب ...:yaa: )) |
الجنس - ذكر
الشهاده - ثانويه عامه الخبرات - من وين لي ونا كل مادمت بشركه يقولي نبي خبره ( اخترع لهم) المدنيه - الباحه - المندق الهوايات - كل شي انترنت- بلاستيشن - كوره - متابعة الافلام - وفي هوايه عندي غريبة جداً ( النذاله - استفزالشخص الي قدامي ) واخر شي من هواياتي النوم واللفه في الشوارع يعني وقتي مظغوووط ********>> مظغوط ولامندي |
تسلموووووووووو على المرور واتمنى من الجميع المشاركة
|
والله ودي اشارك بس توني طالع من الدوام وقاطع اشارتين....
وفوق هذا كله ملكة اختي اليوم....ان شاء الله اذا راحوا الضيوف رجعت لكم... |
الجنس : ذكر
المدينة : مواليد شقراء الى الرياض الى الجبيل المؤهلات :ثانوية عامة الخبرات :الله اعلم .. لكن اعرف انجليزي و كمبيوتر من نفسي :rolleyes:.. لا دورات ولا شهادات المواهب :مدري والله:d |
سحـر العيون :Looking: كـيف حالـش :d ؟ ع قولة أهل الخمـيس :cool: عمومـا هذي سيرتي الذاتية مختصرة الجنـس / ذكـر المدينة / جــــ Jeddah ــــدة أم الرخاء والشدة :rolleyes: بالنسبة للمؤهلات والخبرات / 1- شهادة جامعية متوسطة تخصص ( قوى كهربائية ) 2- شهادة ICDL العالمية لقيادة الحاسب الآلي 3 - شهادة إنجليزي لمدة 3 أشهر معتمدة من بريطانيا 4- خبرة سنين بشركة (( طبعا عاطـل عن العمل من فترة 6 أشهـر تقريباً :cry: )) المواهب و الهوايات / أعشق البحـر والغوص ( دورات معتمده بالغوص ) وأقضي فراغي دائم بالرياضة ( كمال أجسام - السباحة - والجري ) عموماً مشكـورة على الموضوع الجميل :rolleyes: مع تمنياتي للجميع بوظائف تبرد قلوبهم |
مشكور اخت سحر العيون على هذا الموضوع الراقي اللى يسعدنا على التعرف على اعضاء المنتدى الرائعيين الجنس: ذكر المدينة:المدينة المنوره , والديره حول القصيم:d المؤهلات: بكالوريس كيمياء عامه من جامعه طيبه الخبرات: عده دورات في الكيمياء (تحاليل مياه الشرب,معرفة الاجهزه العالميه المتطوره في المعامل وصيانة بعضها, في سبك المعادن) المواهب: كثيره لكن اغلبها في الصحراء تطلع المواهب المدفونه من القنص وطرد الضبان والكشتات والجربعه في الليل |
الله يسلمك بعدين موكل أهل الخميس يقولون
(كيف حالش) والشكر لجميع الأعضاء على المرور |
اقتباس:
ليش الاشارتين.. يابن الحلال الراتب دوبة دوبة.. بعد تبي المخالفات تقصة.. الله يهني اختك.. |
ألف مبروووووووووووووووووووووك
|
الجنس: وش رايكم
المدينة: يقولون انها عروس...وانا اقول ما عندكم ماعند جدتي غفر الله لها.....طالعوا فيها زين....ياصليع تراني جارك... المؤهلات: فني ميكانيكا عامة....من الثانوية الصناعية بجدة...وبعدين درست في الكلية الصناعية في الهيئة الملكية في ينبع....ولما بقي لي 17 ساعة قرشعوبي مع باب المدير...لاني بدون واسطة بقية المصيبة تلقينها على هالرابط http://btalah.com/showthread.php?t=36807 الخبرات: خبرة في الصيانة....وخبرة في تشغيل المكائن....اقرأ أي انسان من خلال نظرة عيونه...واقدر احلل الشخصيات واتعامل مع أي شخصية.... الهوايات: الهوايات هذي مشكلة...احب البر بس اخاف من الظلمة....واحب البحر بس ما اعرف اسبح.... امنية: اتمنى اني القى حل واطلع النخلة اللي في الحوش لأنها السبب في تأخير زواجي الى الان.... تكفون شوفوا لي حل....الظاهر اني بأعنس بسبب النخلة.... |
بسم الله توكلنا على الله طرقع طرقع يطرقع اصابعه عشان يجاوب على الاسئله :d لاني اول مره في حياتي اشترك في موضوع فيه اسئله الجنس/ذكر ( ولله الحمد ) المدينة: (حالتي زي حال بو ترمس ) من موليد دوله قطر :Looking: ساكن فالاحساء :Looking: دددديرتي 07 :Looking: حاليا بالجبيل :Looking: المؤهلات / ثاااااااااااااااااانويه وتخب ,,,.........خبتن ماهي صاحيه والنسبه زي وجهي لاهي اللي خلتني افلح مع الرجاجيل ولا هي اللي بيضت وجيهنا قداااااااام العرب لا المشكله اني عايد سنه بالثانويه والقهر اللي يدبل الكبد اني عدت متعمد كنت ابي اجيب نسبه مع وجهي ورحت في رجلها ( مدري هي دلاخه فيني ولا حضي مقروود) سبحان الله انا عندي 6 اخوان متخرجين من الثانويه ونسبنا بالثانويه دايما في تدرج الى اسفل رقم واحد نسبته 88 والثاني 82 والثالث 79 والرابع 76 والخامس 67 فاصله اربعه وسبعين والسادس اللي هو محاكيكم (انا ) 67 :( بالضبط الخبرااااااااااااات / وش ذا الخبره اللي عند الحب لولا عيونه وهم منبطح في مقلط البيت الهواياااااااات / يا كثرها كثراااااااااه ودي اقول بس ما فينييش حيل اقووول لاني لو هرجت ما عاد سكتت لان البريك مثلي عااااااطل عن العمل وفالنهااايه اقول (لله يخارحنا )ولا يهين راع الموضوع ومــــــــــــــــــألنا الا الصبر :) |
اخوي الحب لولا عيونك
انت درست في الاحساء ولا الجبيل ؟ اذا كانت الجبيل قول لي اسم المدرسة الله لا يهينك لاني اتوقع درست معك :) |
اقتباس:
مــــــــــــــالوا وانا اخووك :( انا درست بالاحساء من الابتدائيه لين الثانويه( سنه تنطح سنه ) تشكر على الابتسامه الجميله اخوك الحب لولا عيونه :) |
شكرا على المرووووووووووور واتمنى من البقية المشاركة
|
الجنس / شاب المدينه / الطائف الشهادات / الكلية التقنيه تخصص < إدارة مكتبية > الخبرات / 2)خبرة عملية بمجال التركيز بوظيفة (( مساعد – سكرتير المدير العام )) بفرع الشركة السعودية للنقل الجماعي بالطائف لمـــــدة ثلاث أشهر . 1)خبرة عملية بمجال التركيز بوظيفة (( وحدة شئون الطلاب – كمساعد )) بالمعهد الثانوي الصناعي بالطائف لمدة أربع أشهر . الدورات / حاصل على الرخصه الدولية لقيادة الحاسب الآلي . مستوى الإنجليزي / 0%. الهوايات / السفر . الوظيفه / تم توقيع العقد مع شركة زين للاتصالات |
اقتباس:
حلو تعليق جميل جدا.. الله يوفقك.. وتتيسر لك الامور.. |
الجنس : آنسه
المدينة : جدة المؤهلات : بكالوريوس الدورات : دبلوم حاسب آلي التدريب في مختبر مستشفى الملك فهد والتدريب في مستشفى الملك عبدالعزيز الجامعي الهوايات : نفسي اركب خيل ونفسي اتعلم السباحه مااعرف غير السباحه على الظهر ونفسي اركب الجيت سكي وافحط به ونفسي اركب قطار ونفسي اتوظف ونفسي...والله حالتي صعبه فاهمه الهوايات غلط يعطيك العافيه على الموضوع |
سحر العيون
كلام جداً رائع اتمنى ان تعملي على هذا الاقتراح وتصنفي كل فئة على حدى لتتحقق الفائدة |
شاكرة مرورك ,,,, وأتمنى مشاركة الجميع حتى يتم التصنيف
وراح أحطه بموضوع ثاني حتى نستطيع التواصل الجدي مع الأعضاء دون أي حواجز |
انا اقترح ان يكون التصنيف
مبدئياً هنا ومن ثم نتعامل معه كما يجب |
أبشر طال عمرك
|
الجنس: أنثى الحالة الاجتماعيه :متزوجه وعندي حمودي الله يحفظه المدينة: الأحساء الشقيقه المؤهلات:دبلوم حاسب آلي من جامعة الملك فيصل سنتين ونص تخصص نظم معلومات اداريه الدورات: 1/ دور مقدمة اوراكل 2/دورة دعم نظام ويندوز 3/دورة تصميم النماذج 4/دورة تصميم التقارير 5/دورة اساسيات شبكات وتشغيل ويندوز 6/دورة برامج مكتب 7/دورة لغة انجليزيةL1 الهوايات: ركوب الخيل سابقا ( لان جدي قفل ع المزرعه بالي فيها:cry: ) واحب اكون علاقات اجتماعيه جديده من جنسيات مختلفه والسباحه ونفسي ومنى عيني تكون عندي هواية الطبخ :( هذا تقرير مفصل عنيييييييييي يديك العافيه سحر العيون ع الموضوع الحلوووو |
الجنس:ذكــــــــر
المدينه:البــــــــــاحه 07 الشهاااده:الثانويه قسم شرعي الهوااايات:القرااءه (وخاصة الروايات)_انترنت_السفر تحياااااتي |
الجنس..انثى
المؤهل..بكالوريوس اقتصاد منزلي عام ((الله يعزكم)) مع اعداد تربوي المعدل..3.3 الخبرات..مافي طبعا اعطوني وظيفه اول البلد.. الخبر حاليا الهوايات.. الكمبيوتر الرسم الديكور والرجيم ((كلها من تخصصي هاتي شي جديد)) ماعندي ولاشي ولو عندكم اعطوني وسلامتكم يارب نتوظف |
الجنس:مذكر سالم:d
المدينه:الدمام الشهادات:ثانويه 89 علمي وأدرس حالياً في (جبر الخواطر):confused: كلية التقنيه برمجة حاسب الخبرات عقدتي فالحياه:court: الهوايات: النت,السفر(رحال),وفيه حاجه ألاحظها فيني مدري أكتبها فالسيره الذاتيه (إني أحب أخطط لأي شي..جريات..مشاريع..عبث سيارات..)>>>مسوي ذكي:d,,,ولاتنسون سباحه بدون شهاده |
الجنس :انثي
الؤهل :بكلوريوس علم المكتبات والمعلومات وهذا التخصص مادري ليه دخلته جبت في مادة المكتبه 98 حسبت بفلح فيها / عندي دبوم حاسب الي / ودورة اساسيات الاداره المعدل :3,73 الخبرات :مافيه من وين اجيب اتوظف بالاول البلد :جــــــــــــــــــــــــده الهوايات :السفر وهي اتمناها ماقد سافرت برى المملكه حدي ابها القراء,الانترنت . الطبخ واتنى اتعلم السباحه موضعك حلووووووووو سحر العيون وانا معاكم |
بسم الله الرحمن الرحيم السلام عليكم ورحمة الله وبركاته.... هذي مجموعة .... الأعضاء اللي شرفوني بموضوعي وجمعتها هون حتى تكون واضحه للجميع.... وبصراحة حاولت أسوي جدول بس رفض ينسخ هنا... عاطل عام ترمس/ ذكر ثانوي الرياض زيدان/ ذكر ثانوي جدة قوقل/ ذكر متزوج بكالوريوس إنجليزي إبراهيم الجندي/ ذكر ثانوي الجبيلعاطل الباحة/ ذكر ثانويالباحة حرف (الواو)/ ذكر شهادة جامعية متوسطة تخصص قوى كهربائية جدة ICDL أنجليزي3 شهور بحر وسما/ ذكر بكالوريوس كيمياء المدينة المنورة دورات في الكيمياء أم الوظائف/ أنثى بكالوريوس عربي الشرقية إنجليزي معارف_حاسب تجميل_خياطة تجويد_حفظ القرآن الدوبلوماسي/ ذكر فني ميكانيكا عامة_ثانوية صناعية جدة الحب لولا عيونك/ ذكر ثانوي الجبيل الجامعه وعاطل/ ذكر الكلية التقنية_إدارة مكتبيةالطائف القيادة الدولية للحاسب الآلي بكرة أحلى/ أنثى بكالوريوس حاسب آلي أم محمد/ أنثى متزوجة دبلوم حاسب ألي نظم معلومات إدارية الأحساء حاسب آلي إنجليزي العطل وصل/ ذكر ثانوي شرعي الباحة أم كيمووو/ أنثى بكالوريوس أقتصاد منزلي الخبر alrahaal/ ذكر ثانوي علمي _يدرس حاليا بكلية التقنية برمجة حاسب الدمام نبع الجد@/ أنثى بكالوريوس علم المكتبات والمعلومات جدة حاسي آلي أساسيات الإدارة سحر العيون/ أنثى ثانوية أدبي ... لازلت أدرس بالجامعة.. خميس مشيط إنجليزي حاسب آلي معارف ديكورات منزلية |
الحب لولا عيونك/ ذكر ثانوي الجبيل
الاحساء يالطيبه مو الجبيل وحاليا بالكلية التقنيه بالاحساء يعيني انا عاطل في المستقبل القريب والله يخارجنا الله يعطيك العافية |
اقتباس:
الله يعافيك أخوي بس أنت كاتب بمشاركتك .... حاليا الجبيل .... وأنا وش عرفني إنك بالأحساء الآن وما يهمك راح أعيد المشاركة وأعدل فيها.... |
صباح الخير ...
أتمنى مشاركة أعضاء المنتدى .... ولكم خالص الإحترااااااام http://www.x5up.com/uploads/20fe1ed99f.jpg |
الساعة الآن 10:58 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين