فكرة مشروع بإذن الله ناجحة
بسم الله الرحمن الرحيم السلام عليكم ورحمة الله وبركاته أبي أطرح عليكم فكرة مشروع ناجحة بإذن الله اهم شي العزيمة والجدية الفكرة: [BLINK]مطعم نسائي[/BLINK] طريقة العمل: في البدية تتفق كل خمس أو حسب التقسيم من النساء في كل حي على العمل كيد واحدة تقسم الأعمال على حسب خبرة وتفنن كل إمرأة ومهارتها في تلك الأصناف مثلاً : قسم الحلويات - قسم المعجنات والفطاير - قسم المشويات - قسم المحاشي - قسم العصيرات والمشروبات الساخنة - قسم المثلجات - قسم الشعبيات - قسم الحساء وغيرها من الأقسام المهم تقسم حسب الخبرة والمهارة يكون هناك توصيل منازل طبعاً يعني يكون على الأقل فيه سيارتين تقوم بالتوصيل ويكون الموظفين شبابنا الحلوين مو يبون وظايف وبالحلال فلا تخجل أو تخجلي من العمل مهما كان طبعاً الفئة المستهدفة: المدارس - المعاهد - الكليات - المنازل وبالأخص منازل رجال الأعمال طبعاً يكون هناك اتفاق جاد وصادق من كل الأعضاء بحيث أخر كل أسبوع يجتمعون ويتقاسمون المحصول وقبل القسمة الاتفاق يكون برأس مال متساوي بحيث يقومون بشراء جميع الأحتياجات وتقسيمها على حسب الأقسام المتفق عليها والأفضل من رأيي يفتحون حساب مشترك بحيث يضعون المحصول بالبنك حتى يجتمع المال الكافي لفتح مطعم ويجتمع في الجميع بدلاً من المنازل وبذالك يكون مطعم ذو نكهه خاصة وطابع مميز وذلك حسب شطارة كل طباخة وبالنسبة للاسم يكون مميز بحيث يشتهر باسم المطعم النسائي وهذي فكرة حلوه وذلك لشغل وقت الفراغ أيضا ناتج الربح مضمون وكمان التحدي في هذا المجال من صالح الرجال بحيث تتجدد موهبة كل طباخة اعتزلت أو تكاسلت عن الطبخ ولكم حرية الرأي الرجاء من الجميع مشاركتي ومن يرى في هذا المشروع سلبيات أو إيجابيات فليطرح ما عنده من أفكار [BLINK] لكم مني كل التقدير [/BLINK] :p :p :p :p :p |
حلووو المشروووع مره بس يبيله تكون المجموعه قريبه من بعض
|
على فكرة فكرة المشروع موجودة فعلا في الواقع
|
الله يقويكم وأنا قلت بالبداية لابد تكون بحي واحد يعني قريبين من بعض
ومشكوووووووووورين على المرور |
فكرررررره ممتازه طيب والسلبيات وش هي ؟؟
وكيفيه الاعلان ؟ |
أكيد لكل شي سلبيات ولكن أبي كل من يقرأ الموضوع يضع وجهة نظرة بعدين أنا راح أجمع السلبيات والإيجابيات وأطرحها بموضوع ثاني
بس من يشاركني الرأي فليكتب ويشد من عزيمة غيره وبالنسبة للإعلان في أكثر من طريقة مثل: المنتديات - الأصدقاء - الجيران - والقنوات اللي تحسون فيه شعبية عليه. الموضوع جدي فيا ليت الكل يطرح ما عنده مشكووووووووووووووورين على المرور |
مشروع ممتاز وليكن الفئة المستهدفة العزاب والمدرسات والممرضات
ولا تنسين أيضا ان يكون لديك سواق عشان يوصل الطلبات |
مشروع جميل جدا وبادره طيبة من فتياتنا الطموحات وذكرتوني بجارتنا تسوي
معمول :rolleyes: ولا احلى لاكن فكرتي انو ليش متقدمون على مشروع عبداللطيف لخدمة المجتمع برنامج دعم المشاريع الصغيره اكيد راح يكون افضل وعمل منظم ومفقين ان شاء الله |
أنا قدمت عليه وكان مشروع ثاني ومشروع ناجح500% والموقع ممتاز وسويت دراسة جدوى ممتازة بس رفضوا
[BLINK]لييييييييييش ما أدري؟[/BLINK] وأنا الآن مقدمة على صندوق المئوية دعواتكم والله سويت الدراسة عن مستشار أقتصادي عشان انجح وإلا الآن ما ردوا دعواتك |
سحوووره ابي اسالك كم كلفتك دراسه الي سويتيها عند المستشار ؟؟
|
نفسي انفذ فكره هالمشروع بس المجموعه كيف تتكون بالعربي ماااااااااعرف حد من حارتنا
|
بالنسبة للدراسة كلفتني (2000) ريال طبعاً بعد الطلبة لأني سمعت مستشاريين ياخذون أكثر والله يوفقه
وبالنسبة للمشروع دوري في الحي بنات يفهمون بالطبخ وأتفقوا وقبل الإتفاق ضعي شروط وبنود للمشروع حتى لا تقعن في مشاكل الشراكة وإذا ما لقيتي بالحي شوفي صديقاتك وجدي بالموضوع حتى تنجحي موفقه إن شاء الله وإذا اتصعبتي شي راسليني وأنا بأسوي اللي أقدر علية وراح نساعدك بالنصيحة http://www.sa8r.com/uploads/4ac2f04435.gif |
اختي ......... سحر العيون
الله يوفقك ...ترى الفكره بالحيل ممتازه ...ومربحه .....وماتحتاج تكاليف كثيره ! وهذا اقتباس لأخت معنا بالمنتدى وهذا كان ردي لها اقتباس:
دام الجميع باحسن حال |
مشكووووووووره يالغالية وأتمنى أي نتعاون جميعاً لأنجاح هذا المشروع بطرقة عرض النصائح لمن تريد القيام به
http://www.sa8r.com/uploads/6eb54974ce.gif |
طيب حنا لو فرضنا قسمنا الاعمال ..
المقضيات والشياء الي بنشتريها كيف نوفر دفعها كيف بيكون التقسيم يعني ؟ وهل بيكون بنسبه لانه احيانا نااس يكون الطلب عليها اكثر ؟؟ |
حبيبتي بالنسبة لتقسيم الأعمال بيكون حسب شطارة كل وحدة بالقسم اللي تبيه
وأما بالنسبة لرأس المال لا يتطلب الكثير في بداية المشروع فلو كنتوا مثلأً 6 وكل وحدة تدفع 500 يعني 3000 آلاف وتجيبوا الأغراض المطلوبة وراح تكفي وزيادة كمان بعدين تتطوروا شوي شوي (أكل الفص فص حبه حبه) وبالنسبة للتقسيم زي ما قلت أفضل لو تجمعونها عشان تفتحون مطعم وأيضاً تحسون بلذت تعبكم لأنكم لو صرفتوها بشكل مستمر ما كأنكم سويتوا شي وللأمانة كل وحده تاخذ على قد تعبها وأنتوا اتفقوا |
ولو التوزيع يكون لمطاعم حلو بعد مثل بعض المقبلات
|
فكرة حلوه إذا كنتي مبدعة وترين أنا المطعم سيتعاون معك فهذا شي رائع
الله يوفقك |
[GRADE="FF1493 FF6347 32CD32 4169E1 FF1493"] مشروع جيد .. للسيدات ... و اعتقد الكثير منهم .. يقدرون يبدعون فيه من ناحية الانتاج و الترويج .. و تحقيق الارباح فيها سهل جداُ و الاسهل رأس ماله كل التوفيق لك يا سحر العيون و الله يعطيك الف عافية على مشروعك الحلو .. و القسم دائماً ... بإنتظار جديدك [/GRADE] :rolleyes: |
والله يا سحورة الفكرة ممتازة ... كانت تراودني من زمان ...
وسويت دراسة مبدئية لها .. لكن الا الآن ما اكتملت الصورة عندي ... انا مهتمة بتجربتك ... وشاكرة لك طرحك للفكرة .. |
بس بقول لكم بنات مولازم يكون فيه تميز بالطبخ ؟؟ يعني بخاري برياني هذا بس بالنسبه للرز والايدامات ايضا ؟
وش رايكم نظل في الموضوع ندردش فيه ونشوف كل سلبياته ؟؟ وش العوائق الي نتوقعها ونسوي تجربه على ارض الواقع ونطبقها .؟ |
المميزة 2006
انتي متحمسة للفكرة وانا اشوف انها مربحة جدا جدا وانا نفسي انو يكون لي مطعم نسائي وأنا شاطرة بالطبخ واقدر ابدع في الحلويات والمعجنات والعصائر وايضا" المقبلات والمحاشي والصواني زي المكرونة بالباشميل واللزانيا وبعض الصواني بس لازم يكون فيه شركاء لأن يد وحده ماتصفق ... وممكن الشخص يريح حاله ويساوي زي الي بالمطاعم مثل مطعم الواحات مافيه شي كثير بس الناس تشتري منه والله كل الاشياء الي مساويها ماتكلفه شي عموما" الله يرزقنا وأنا أشوف الملاهي النسائية هي افضل مكان للمطعم. وانتو اكيد شايفين الزحمة الي تصير بالملاهي وخصوصا" ملاهي الروضة. |
عندنا مافي ملاهي نسائي ولاشي نسائي كله عائلات ولاحتى مجمع نسائي
وانا بصراحه فكره سحوره في بالي من زمان بس ماكنت افكر اني في يوم ارجع افكر فيها الابعد ماافتح مشروعي المشغل ... |
شكرا جميعا على المرور
وياغالياتي أي أستفسار بالنسبة للمشروع أنا مستعده أكتب وأساعد بما يقدرني عليه الله والله يوفقك أم لنا والمميزة 2006 واتمنى لك التوفيق بمشغلك وانا معك بكل شي تبينه ومشكوريين على المرور http://www.x5up.com/uploads/662256b2b7.jpg |
تسلمين سحر والله يوفقك انتي كمان
|
المميزه ابغى وظيفه اداريه او كاتبه واذا مافي ابغى اصير طياره او عسكريه او اي شي
|
انا عندي ثانويه عامه+دبلوم حاسب الي
+دورة صيانه+دورة فوتوشوب+دورة فلاش+انجليزي مستوى اول واتمنى ان اجد وظيفه اداريه او كاتبه او اي وظيفه مناسبه امانه اللي عندها وظيفه لاتبخل علينا.:d يمنع الايميل .. الادارة |
حبيبتي Mano-1 أنتي بأي منطقة لأني خلال شهر تقريبا سأنهي مشغلي فإذا كنتي بالجنوب يا ليت تقولين
|
الأخت / سحر الشرق
هل تمت الموافقة على الترخيص ؟ وهل بدأتي بالمشروع (المطعم النسائي) ياليت تفيديني 00 لانني بصدد إقامة المشروع بعرعر 00 وفقنا الله جميعا 00 وهذا ربط الموضوع الخاص بي https://www.btalah.com/showthread.*****..990#post575990 |
اقتباس:
أولا .. أنا سحر العيون .. ولست سحر الشرق ثانيا .. أنا مشروعي مركز نسائي متكامل ... تجميل خياطة تجهيز عرايس تنظيف بشرة .. كوش أفراح وتلبيس طاولات .. تغليف هدايا ..وبالمستقبل راح يكون مطعم نسائي ... والترخيص معاي ... وتمت الموافقة عليه ولله الحمد وبالنسبة للمطعم جدا رائع وفكرة جميلة ومربحة ... وراح أفيدك بموضوعك ... تحيااااااااااااتي لك |
الأخت / سحر العيون
هل الترخيص للمركز النسائي (المشغل) هونفسه صالح أن يكون للكوفي شوب والمطعم النسائي ؟ وماذا عن شروط منح ترخيص المشغل النسائي ؟ ومن أي جهة أحصل عليه ؟ |
تحصل عى الترخيص من البلدية ... الموجودة بنفس المنطقة وبنفس الحي
وبالنسبة للشروط 1- لازم يوافقون الدفاع المدني عشان يتأكدون من قواعد السلامة 2- البلدية كمان لازم يوافقون على الموقع ويكون على شارع 3- بالنسبة للمشاغل النسائية يتطلب موافقة هيئة الأمر بالمعروف والنهي عن المنكر وكمان تأكد من البلدية والمختصين بهذه الأمور .... لأن هذي الشروط اللي نفذتها أنا ... وما أعرف إذا فيه لكل نشاط شروط أخرى وبالنسبة للترخيص حقي تبع الخياطة ولكن أنا أقدر أعمل أي نشاط بما إته نشاط نسائي وما يخالف القوانين وبالتوفيق للجميع |
الله يرزقك اختي ان شاء الله
|
انا مافهمت جيدا
هل ترخيص المطعم النسائي هو نفس ترخيص المشغل ام كلا على حده ؟ الف شكر على سعة الصدر 00 |
لا الترخيص ,,, مشغل نسائي ,,, بس ,,,
|
الاخت / سحر العيون
ما رأيك بأفتتاح فرع للمطعم والمركز النسائي التابع لك بمدينة عرعر يعني شراكة يتم الأتفاق على بنودها ؟ |
اقتباس:
والله أنا ناوية أفتح فرع ولكن ليس بالوقت الحالي ... أعذرني أخوي ... ولكن مشروعي باقي بالبداية ... ما أبي أجازف حتى أرى ثمرات مشروعي |
الله يرزقك من أوسع أبوابه يارب 00
ويرسل عليك الأرباح مدرارا 00 اللهم آمين 00 |
انا ناويه اسوي مركز نسائي نفس فكرتك بس للاسف ماعندي دراسة جدوى الله يسعدك اذا ماعندك ماااااااااانع ترسليلي دراستك على الخااااااااااص اواي احد من الاخوان والاخوات.
مشروعي: مركزنسائي (نادي رياضي+تجميل +كوفي ) انتظر رددودك عاجل ونصايحكم ومشكوووووووووووورين مقدما |
بإذن الله راح أزودك بالدراسة جدوى أو موقع على الخاص كي تستفيد من الدراسة لكن يجب التعديل على حسب المكان اللي إنت فيه
وبالتوفيق للجميع |
الساعة الآن 06:52 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين