|
إنشاء مغسلة ملابس خطوة بخطوة
السلام عليكم
اسعد الله ايامكم بكل خير وسرور اولا احب اشكر كل من يساهم بتقديم اجوبه لاستفسارات اخواننا واخواتنا بالمنتدى وجزاهم الله كل خير ثانيا اعتذر على تقصيري للمنتدى ولجميع الاعضاء ثالثا مثل ما ذكرت بالعنوان إنشاء مغسلة ملابس خطوة بخطوة احب ابشركم بانني استاجرت موقع لمغسلة ملابس وهذا بفضل الله وان شاء الله من هذا المنتدى وبالتحديد من هذا الموضوع راح نتعرف على ايجابيات وسلبيات المشروع وباحاول بقدر المستطاع يتخلل الموضوع بعض الصور *** اتمنى دعواتكم لي بالمشروع أي استفسارات انا تحت امركم بكل الي اعرفه ومن لديه معلومه او خبره سابقه يضيفها لمشروعنا تشرفني وقد استفيد منها او اي شخص ثاني يفكر بنفس المشروع تقبلوا تحياتي وودي |
الله يوفقك يارب .. ويجعلها بداية الخير
|
بدأنا العمل خلاص ؟؟؟؟
على بركة الله .... بس زي ما اتفقنا من الاول ... يكون موضوع متكامل من البدايه وحتى النهايه .. ويرفع يوميا .... يعني لو تشتري مسمار .. تجي وتقول انك اشتريت مسمار وفين حطيته .... صور لنا الموقع من الداخل ومن الخارج .... خلينا ناخذ فكرة على الموقع قبل الديكورات ... عشان لما نسوي الديكور نعرف الفرق كيف صار .... بالانتظار ومتابعين .... موفق ياحلوووو |
كل التوفيق حبيب قلبي
وياليت كل شي بالتوضيح وفين مكانك بجدة بالضبط |
عسى الله يوفقك يارب
|
موفق وياليت بعد تكلمنا على التكلفة ..
|
الله يوفقك
|
وياليت كمان تكتب كم كلفك المحل كااامل بالاغراض وهيك
|
المغسلة ماشاء الله فيها خير اهم شي الكثافه السكانية في الحي يعني انت الي تربي الزبون
عندك الشدير فيه امريكي ولبناني الامريكي غالي اللبناني ارخص بس من ناحية الافضلية الامريكي الي يقهرك في المشروع هو خربات المعدات وعندك الفني ما يطلع الا بالسعر الفلاني غير الكشف وغيرة الخبرة الي اعرفها عن طريق مغسلة كانت لنا ودايم اروح واجي مع ابوي الله يرحمة عرفت اشياء حلوة عندك هذاء الكلام قلته واعرفه قبل 6 سنوات |
الله يوفقك في مشروعك
|
اتمنى لك التوفيق
|
دور حولك .شقق مفروشه .. وتعاقد معهم ..
موفق.... |
بعض الملاحظات
* اوقات الدوام الرسمي في المغسلة تحددها // يعني مو يوم تفتح الساعة 7 صباحاً واليوم الثاني 8 صباحاً ايضاً وقت اغلاق المغسلة مثلاً 12ليلاً خلااااااااااااص 12ليلاً وعلى طول .. يعني لازم الزبون يتعود على دوام المغسلة .. أو اذا كان العمال ساكنين في المغسلة في الدور الثاني مثلاً او شقة خلف المغسلة ..تضع رقم جوال احد العمال كبداية .. * مراعاة عدم انقطاع الماء عن العمارة حبذا لو تكون على شارع عام .. * ايضاً الصرف الصحي تتفاهم مع صاحب العمارة .. * انتبه من المافيا اليمنية في موضوووووووووووع المغاسل .. تراهم حرامية ومافيا .. * افضل عمالة للمغسلة العمالة الهندية ( الكيرلا ) خذ كلام من مجرب .. * لا تستقدم عمالة يمنية في المغسلة .. وان حصل وورطت في العمالة اليمنية في المغسلة فلكل حادث حديث .. * لا تغلق المغسلة ولا حتى لخمس دقائق .. لإن الزبون لو انتظر عند المغسلة والمغسلة مقفلة .. ماعاد تشوف وجهه المرة الثانية .. بالتوفيييق وعقبال سلسلة مغاسل .. |
مساء الورد
كيفكم ان شاء الله كل ابوكم طيبين بسم الله ونبدأ بخصوص العقد (((نصيحة التعامل والاحترام اهم شي لكي تكسب الذي امامك ))) صاحب المحلات يقول الدفع يكون كالاتي يا مقدم بـ 35 الف للسنه او مقدم 20 الف وبعد 6 اشهر 20 الف يعني المجموع الكل للسنة 40 الف ولكن بشطارة اخوي كسب عرض الدفعتين المقدم 25 الف وبعد 6 اشهر راح ندفع 10 الالف يعني اتفقنا السنه بـ 35 الف *** الباب الزجاجي حصلت رقمين بالمحل ورقم كان عندي بالجوال اتصلت وعطيتهم الامتار 2.70 * 4.30 العرض الاول بـ 2700 ريال العرض الثاني بـ 2500 ريال العرض الثالث بـ 2800 ريال (((نصيحة في حالة التفاوض مع المحلات بين له انك مستثمر وقول له انا راح اخرج من عندك واسال محل ومحلين وثلاث واقل سعر بأخذه لاني انسان مستثمر وباخرج من المحل هذا بكره ولا بعده (الهدف راح ينزلون لك إلا اقصى حد) ))) وبعد ساعه ونص اتصل علي صاحب العرض الاول وبطريقه مبدعه منه قال لي لو سمحت يا باشا المندوب تبعنا الي كلمته على كم اتفق معاك قلت مندوبكم طلب 2700 ريال وانا انسان مستثمر وللامانه حصلت اقل منكم لان ريال راح يفيدني قال طيب يا باشا انا باقول لك اقل سعر عندنا قلت له تفضل قال اخر كلام وعشان نكسب زبون ونشرف فيك راح يكلفك 2300 ريال ضمان سنه قول له اوكيه اشوف وان شاء الله بيننا تلفون قفلت منه وسجلت رقمه بالطريقة الاتيه (النبراس للزجاج 2300 ريال) المعدات تم الاتفاق على المعدات ودفع عربون 5000 ريال وسوف اشرح لكم وضع المعدات برد مفصل الرخصة تم الاتفاق مع صديق على تعقيب البلدية وسوف اسرد لكم تفاصيل الاتفاق معاه البويات الداخليه للمحل بعد الفرفره مريت الجزيره وكم محل ديكورات حصلت اسعار الجزيرة بـ 25 ريال المتر إلا 70 ريال وكل شئ على المحل اللوحة حصلت محل وطلب للمتر 250 ريال واتصلت على محل صاحبي الي اتعامل معاه وطلب في المتر 300 ريال ولكن السعر ما اعجبني وطلبت منه يراجع حساباته وانتظر رده انتظروني واعذروني على سوء التعبير والتنسيق واتكركم مع صورة المحل وفيه لون اعجبني بالحيل |
جميل .. بالتوفيق
|
اقتباس:
اقتباس:
اقتباس:
اقتباس:
اقتباس:
اقتباس:
واسال الله التوفيق للجميع تقبلوا تحياتي وودي :) |
اقتباس:
ان شاء الله ونزلت الرد الثاني بالصور :wa فاتك امس كنت بالموضوع ونسقت بالالوان والصوره ولما جيت اعتمد المشاركه فصل النت ورااااااااح كل الي كتبته هههههههه يشرفني تواجد معاي |
اقتباس:
وتشرفني ردودك وملاحظاتك وخبرتك بالموضوع واسال الله ان يوفقك |
اقتباس:
اسال الله يرزقك ويوفقك ويعطيك على قد نيتك قول امين كل النقاط الي ذكرتها رائعه جدا وبخصوص العماله اليمنيه هذا حال المغاسل بالسعوديه ولكن عندي الية لإدارة المحل وتم الاتفاق مع العامل المشغل للمحل :) |
[align=center]بالنسبة للون أحسه بصراحه يقولي يازين النووووووووووووووووووووم.
ماادري مالي خبره بس احس ان اللون يبغالك تغيره وأهم شي الإضاءة لان الملابس لما تكون الإضاءه قوية وتشوف اللون اللي يساعد في الإضائات القويه لأنها رايح تظهر الملابس كانها جديده هذه من وجهة نظري. اللون اللي انت حاطه احس يبغاء لها الوان خافته مثل الكفي وأحس إن تخصصك في عالم القهوة أثر فيك في إختيار الألوان.[/align] |
طيب كم عدد العمال التي تحتاجها للمغسله 2 او3 عمال
متابع معكم |
اسعد الله مساءكم بكل خير
اولا احب اذكركم بان الباب(السكريت) فصلته بـ 2200 ريال طفشتهم لحد ما نزلوا لي 100 ريال ثانيا الصوره هذه واجهة المحل الي جنبي وهو نفس التفصيل وإجباري اكمل الميزان الي فوق بحديد المساحه بعد القياس 3 * 4.25 المهم رحت سالت محلين واحد سعره 400 ريال للمتر المربع والثاني سعره 300 ريال للمتر المربع اما المعلم الثالث فاجبرته يطلع معي للمحل وبعد الاخذ والعطا قال يكلفك 3500 ريال وباخر كلام 3400 ريال بالاضافه لسلم داخلي للدور الثاني وكمان كلمت واحد من الصناعيه وجاني وطلب 3300 ريال بس الاغراض مو عاجبتني بطريقة تفصيله المهم لا يزال البحث جاري ولا يمكنني اسوي شي إلا بعد الانتهاء من هالشغله انتظروني |
اقتباس:
موقعي بجدة حي السامر وتشرفني زيارتك لو كنت بجدة :) |
اقتباس:
ومغسلتنا تأمن لك الراحه والجو الهادي وتهيأ للنوم :q ههههههههه الله يسعدك يا الغالي ملاحظتك جميله ونأخذها بعين الاعتبار للامانه انا باقي ما اخترت شئ بس تسعرت التكلفه فقط والله يكتب الي فيه الخير :) |
الله يوفقك ننتظر منك تكمل لنا باقي التفاصيل
بخاصة المعدات تكلفتها ووين نلاقي الافضل |
صح من جد اللون حق نووووم كئئئيب
شوف ليمووني يفتح المخ احسن مو تاخد الاوان غرف نوم زي الوردي وردجاتو والتفاحي مرا لاتاخودها افضلها الليموني ولا البيج بصراحه |
وعليكم السلام ورحمة الله وبركاته
موضوعك رائع فعلا القسم يحتاج مثل هذي المواضيع الي تبث الروح فيه.. نتمى لك التوفيق والبركة وننتظر اكتمال موضوعك لنضمه لنخبة المواضيع المميزة في الموضوع المثبت تحت اشراف مشرفي القسم تواجد تقريرك راح يكون دافع كبير للاعضاء.. خاصة انك احد مشرفي هذا القسم.. مثبت: الوجه الآخر من مشارِيعُنا :: انجازات محققه على آرض الواقع :: تقارير مباشرة بخصوص اللون: ::1:: مو من باب التدخل فرايك بشغلك وذوقك واختيارك جزء اساسي لكن مراعاة للعملاء والعمالة في المحل في نقاط نحرص على توفيرها خاصة انهم اكثر تواجد من صاحب العمل في المحل.. نصيحة اخت: ان شاء الله اني اقدم الي يفيدك لا تسوي البويه مشجره او معتقة ابدااااااا (راح تدخل اجواء الملل جدا سواء في مقر عمل او حتى منزل) اللون السماوي(بنفس درجة الصورة الي في ردك) ابدا غير مناسب لمقر العمل. فكرة او اقتراح او فلسفة مني اترك امحل كله بلون واحد يكون سادة ياليت لون (بيج-او كريمي-او اوف وايت-لون العاج او العاجي) == هذي الالوان مايبان عليها الاوساخ خاصة مع البخار والكوي وووetc والافضل بيج او العاجي (يعمر مايبان عليه الاوساخ) الـ4 الالوان من اليمين وحتى تكون دقيق باختيارك في المحل هذي اسمائها العاجي: ivory البيج : Beige اوف وايت: off white كريمي : cream ::2:: الجهة الي راح يكون فيها الاستاند للملابس الجاهزة للتسليم(الجدار يكون مخالف لباقي الجدران البيج ) حتى تعطي انطباع كورنر خاص بالتسليم المقلم معتمد كثير في المحلات الصغيرة حتى يعطي مساحة كبيرة في المشاهدة واذا انت ميال للالوان البحرية سوي التقليم درجات (الازرق البترولي) +البيج مالقيت صورة اقرب للون مثال :تقليم عشوائي او تقليم منتظم راي اختي حجازية بخصوص الاصفر رائع خاصة في مكان العمل من تجررررررررربة بس مو اي درجة هذي الدرجه حتى تاثيرها نفسي ممتاز في العمل... غريب على الرجال خاصة ولكن ماراح تندم انا عملته عند جوتن بصراحة شغلهم اي كلام ابدا مو على كلام الناس. من تجربة: لاتخليه يسوي اللونين في يوم واحد(راح تصير الاطراف لكل لون سايحة) لانه يبغى يخلص من شغله ولا يرجع مره ثانيه.. وانت واضح انك حريص وعارف لهم لو اقتنعت بالتقليم اذا كان مصري : راح يقولك تسويه ورق جدران طبعا في جدة بالاخص منطقة رطبة ومحل فيه بخار ووو وعماله شعارها (جلد مو جلدك جره على الشوك) ماراح يعيش اكثر من شهور حتى لو الماني تقبل راي بهدف الفايدة وموفق باذن الله |
اقتباس:
ابشر ولا يهمك قريبا عندي تقرير خاص بالمعدات وبارقام المحلات كمان تقبل تحياتي وودي |
اقتباس:
باسالك فيه شئ احلى من النوم ههههه ولا يهمك نأخذ رايكم بعين الاعتبار وانا قلت لكم بان اللون اعجبني فقط وباذن الله راح تشوفون المغسلة بالشكل النهائي عما قريب :d ومشكوره على مشاركتك تقبل تحياتي وودي |
مشكوره يا مشرفتنا على مسطرت يدك
وملاحظاتك جميله ونأخذها بعين الاعتبار تقبل تحياتي وودي |
اقتباس:
:c المعذره تأخرت بالرد عليك بخصوص العماله مبدائيا بيكون واحد وخلال اسبوع راح يتحدد الثاني والله يوفق الجميع ولك مني اجمل تحيه |
عالم القهوة
بصراحه ما قصرت نورتنا الله ينور طريقكـ ويغفر لنا ولك ولجميع المسلمين ويكتب لك الخير في الدنيا والاخره متابع للموضوع وشدني بصراحه استفدت كثير منكـ باركـ الله لكـ في مالكـ وحلالكـ بس الاهم تجمع لنا تكاليف المحل بالكامل بعد نهايه كل شي استمر |
[align=center][/align] أقول ياعالم القهوة أتمنى ان عاملك ماهو من الجنسية العربية الأول!!! لأنه والله أشوف إن فشل المشروع وعدم السيطرة عليه من الجنس العربي فأرجوا انك تنتبه لهذي النقطة.
|
يا عالم القهوة انت خلاص اتفقت على واجهة السيكوريت ؟؟؟
اصبررررر يا رجل وراك عجل الله يهديك بدون ما تشاور ؟؟؟ كذا اتفقنا ؟؟؟؟ تدري ممكن نسوي سيكوريت بسعر أقل ؟؟؟؟؟ شوف : الواجهه قسمها الي ثلاث اقسام .... قسم يمين ثابت ... وقسم البوابه ... وقسم يسار ثابت ... صح ؟؟؟؟ اوكي اليمين والسيار سويه قزاز عادي 12 ملم .... برخص التراب وطبعا قول للفني لا يسوي قواطع المنيوم على الثابت يخليه بدون قواطع ... والمتحرك او الباب سويه سوكوريت .... وبكذا تنخفض عليك تكلفة الواجهه كثيرررررر .... -------- بالنسبة للالوان الداخليه .... اولا لازم تسوي منطقة استقبال للزبون .. بحيث ما يشوف الملابس اللي جوا ... لان الزبون لو شاف بعض ملابس خلق الله بتكش نفسه وينسحب من عندك لانه بيقول ملابسي راح تنغسل مع هالملابس ؟؟؟؟ بينسحب من عندك حاول انك تسوي منطقة استقبال بمقدمة المحل ... والملابس والاجهزة تكون خلف منطقة الاستقبال وبينهم جدار فاصل ... بالنسبة للالوان ... شرايك لو نلبس جدران الاستقبال ستيكر مطبوع عليه تصميم يعبر عن المغاسل .. بدلا من الالوان اللي مالها داعي ... ومنطقة العمل اي المنطقة اللي خلف الجدار الفاصل اصبغها اي لون ومشي حالك لانها منطقة عمل وعمال ... متابعين معاك اول بأول .... |
الله يعطيك العافية
|
متابع لكم .,
وفقكم الله ., كم التكلفة الاجماليه للمغسلة ., |
اقتباس:
وجزاك الله كل خير باذن الله متى ما تم المحل راح انزل موضوع متكامل بخصوص التكلفه الاجماليه تقبل تحياتي وودي |
اقتباس:
راح نبدأ بموضوع التحدي والقدره والسيطره والأدراة الكثير وانا اخوك معترض على العماله اليمنيه :d طيب انا عاملي يمني ولكن عندي طريقة استعملتها معاااااه وباذن الله بعد اكتمال المشروع راح اشرحها لكم لكي تستفيدوا منها والله يوفقك ويوفقني ويوفق الجميع قول امين :) |
اقتباس:
يأخي انت وين من اول جالس ادور عليك ولا حصلتك المهم حصل خير ويقول كل دقه بتعليمه وهذا اول درس لي بعالم المغاسل :d الله يسعدك يا الغالي |
اقتباس:
اقتباس:
وبخصوص التكلفه راح تتضح لنا باكتمال المشروع باذن الله تقبلوا تحياتي وودي |
| الساعة الآن 11:16 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين