السلام عليكم اخواني اخواتي اعضاء المنتدى

لاني احبكم حبيت اشارككم بتجربتي في اداء صلاة الفجر في وقتها

مرت علي ايام الله يتوب علي كنت اصلي الفجر متأخر احيانا اجمعها مع صلاة الظهر الله يتوب علي

كنت مرة متضايقة بس ماكنت اقدر اصليها في وقتها مع اني احاول لدرجة احيانا اصحى بصلي واجلس على السرير وارجع انام مرة ثانية وانا ما صليت

المهم ضاق صدري من هالحالة وخفت على نفسي اصير منافقة ،، لان الرسول اللهم صلي و سلم عليه يقول: " (أثقل الصلاة على المنافقين صلاة العشاء وصلاة الفجر ولو يعلمون ما فيهما لأتوهما ولو حبوا)
والله عز وجل يقول في القرآن الكريم:" {إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ}

المهم اني اقسمت ان اصوم كل يوم ما اصلي فيه الفجر في وقتها
طبعا شكل الشيطان ما صدقتني قال هذي لها سنين تضيع صلاة الفجر اكيد ماعندها سالفة!
المهم بعد هالقسم ضيعت صلاة الفجر وصمت هاليوم وضيعتها بعد مرة ثانية وثالثة الخ
وكل مرة اصوم لا تذكرت القسم
لاني اقسمت واخاف لو ما صمت تصيرعقوبتين تضييع الصلاة والقسم بعد

الحين ولله الحمد والمنة ما ضعيت صلاة الفجر عن وقتها من فترة

تخيلوا اصحى من نفسي واصلي حتى لو مانمت قبل الصلاة الا بساعة!!

شكل الشيطان ماعجبه موضوع الصيام وقال اصحيها لا تصوم لان الصيام اجره عظيم مررة في الحديث الرسول صلى الله عليه وسلم يقول :
" مَنْ صَامَ يَوْمًا فِي سَبِيلِ اللَّهِ بَاعَدَ اللَّهُ مِنْهُ جَهَنَّمَ مَسِيرَةَ مِائَةِ عَامٍ "
صيام يوم واحد يبعدك عن النار مئة عام !! متخيلين!!
عشان كذا الشيطان انهبل وصار يصحيني!

المهم مابي اطول اكثر بس حبيت افيدكم بتجربتي لعل الله ينفع بها