هــلا بك نص تاجر .. جوابـًا على سؤالك ، اقول لك لا يا طويل العمر مو هوايتي كتابة المواضيع. و تعليقـًا عليه ما هو كل مشروع اطرح فكرته او احد يعرض علي فكرته و استشير الشباب في مدى جدواه معناها أنها جاهزة للتنفيذ الوقت الحالي ..

الوقت الحالي هي محاولة جمع معلومات و الاستفادة من خبرة بعض الاعضـاء .. و لا هو كل موضوع اسأل عنه و ابحث فيه معناه إنه في يدي حاليـًا و لازم أنهيه في وقته خصوصا اني ماني بالسعودية و لو اني بالسعودية اختصرت على نفسي الكثير وبحثت في السوق بنفسي .. و لكن كل ما في الامر انه يصير فيه نوع من التفاوض مع نفس التجار الي يجي يكلمني مثلا بخصوص التصدير و الاستيراد ما بين السعودية و امريكا و ابحث وياهم .. عمومـًا اعتذر منك اذا اخذت من وقتك الكثير أو اخذت من مساحة كتباتبك في المنتدى او مثلا ان الي بالمنتدى عيالك و اشغلتهم عن دراستهم.

موفق حبيبنا و مشكور على كل شي قدمته و ان كانك تبي اجرها ابشر بها .. لانه يظهر لي متحسف على كم معلومة كتبتها بس ولا يهمك .. اما باقي الاعضاء فهم ابخص بعمارهم و الي يبي يرد هذا من كرم طبعه و اخلاقه و الي ما يبي يرد فيكفيني منه دعوة و له بالمثل

طبعا رديت عليك قبل الجميع لان الناس غالبـًا في التعليق ترد او تتعلق ذهنيا على الاقل باخر رد تم الرد عليه ، عشان كذا فضلت ارد عليك بالاول و انهي الموضوع كله

موفق

مثل ما ذكرت الأخت ان السلعة موجودة بالسوق و متداولة أسـاسـًا بأسبانيا و خصوصا في المناطق الشعبية ..


وياك يا رب


وجهة نظر حلوة حبيبنا و بارك الله فيك


هذا نفس الي جا ببالي يا رزة .. و هو محاولة تطوير المنتج فترة بعد فترة ..

و لكن تعرف احيانا الشخص الجديد على البزنس غالبا متردد و متخوف و متحوط و يخشى انها تفشل .. و بارك الله فيك على حسن ردك و تعاونك الي يعكس كرم اخلاقك

لا يا أخي بالعكس أنا اللي أتأسف أخذت من وقتك الكثير لكن تعذرني ماكنت عارف حجمك ولا حجم معارفك وعلاقاتك ولادريت ان التجار بأمريكا مشغلينك كذا بإستشاراتهم عن التصدير للسعودية وهالامور لذلك أتركك معهم ولا اقول الا
(( ســـلامــا ))

بارك الله فيك اخوي عمومـًا ..

و ترا الموضوع ما يستاهل كله لا اسف و لا شي يبقى الواحد احيانا منفعل و الثاني يكون عنده ردة فعل

حقك علي و الي يجمعنا مع بعض من امور كثيرة اكثر مما يفرقنا ، و اللمز و الغمز سواءا مني او من غيري ما يسر غير ابليس