|
اذا عندك اخوات في الجامعة خلها تسأل البنات عن اي شي يبونه مثل العطور او البخور اوعدسات اواكسسوارات اوشنط او اي شي يخص البنات وانت روح سوق الجمله وخذ اغراض بقيمة 1000 ريال او 700 ريال وبعها منهم ترى البنات يموتون على هذي الشغلات وبعدين موكل البنات يروحون السوق
وبنات الجامعة تضمن منهم السداد لان عندهم مكافئة والله يوفقك |
اجر سيارة وكد عليها
|
[align=center]
انا اقولك مشروع ان شاء الله تلاقي فيه الرزق الحلال في واحد هندي بالمدينة مو لاقي ياكل والحين ماشاء الله عليه صار يسلف الناس فلوس الفكرة يا طويل العمر الرجال ايش يسوي يلف في هالشوارع ويشوف السيارات الي معروضه للبيع ويكون صاحبها يبيها بــ 4000 او 6000 او 5000 او حتى 2500 المهم يشتريها منه ويروح ويوديها لورشه ويصلح فيها ويضبطها ويخليها عروسه ويرجع يبيعها بعد حساب تكاليف الشراء والتصليح وغيره ويكسب من وراها 1000 ريال او 2000 او 2500 وكذا على هالحال بس طبعاً هو عشان هندي اكيد لو جماعته في هالورش بيساعدوه ويراعو في الاسعار انت وشطارتك لو تتفق مع ورشة مثلاً تقولهم انا اجيبلكم سيارات وتصلحوها ليا ولا بعد تاخد عمولة بس من غير ما يدري انها لك.. واهم شي السيارة الي تشتريها المستعملة مايكون تصليحها اشياء جامدة مثل الماكينة وغيرو انت اكيد عارف وين تكون الفقشات يعني تحسب تكلفة تصليحها وشرائها قبل ما تشتريها وتشوف تخارجك ولا لا.. هي يبيلها طولت باااال بس صدقني مكسبها ذهب .. وبالنهاية الله يوفقك ويرزقك من واسع فضله [/align] |
بقولك مشروع عرض علي واقتنعت فيه بس وضعي ماسمح لي فيه لانه يبي له بيئه مناسبه وهو القطط الشيرازيه وانواع ثانيه تكون مرغوبه
انت لاتغامر بالسبعه كلها اشتر قطتين ذكر وانثى بحدود 2000 ريال وراح تتزواج ويجيك 5 يمكن 6 يمكن 7 قطط اوتبيع كل قط ب500 ريال بعد ماتربيه وتكبره وتغذيه 500 ×6 =3000 ريال حلوه لو سويت بكل ال7 الي معك كذا راح يجيك ربح اكثر ان شاء الله |
الله يوفقكم ويرزقكم من فضله
ويغنيكم بحلاله عن حرامه |
اخوي اشتر فيها ذواكر وفلاشات جوالات كميه كثيره وروح بيعها عالمحلات الصغيره
لو تقول له هات حقها بعد ثلاث ايام ان شالله تلقى فيها نصيب الله يوفقك |
طييب انا بنت اش عندكم مشاريع ليه بنفس المبلغ :)
|
غير الطبخ
|
اقتباس:
والله ياختي بعض المشاريع تصلح للشباب والبنات بنفس الوقت ،، ياليت تفيدينا باي فكره براسك ،، ومو ماعندي مشكلة اشاركك بمشروع اذا كان عندك فكره :d مع ان المبلغ احس بدأ يتناقص شوي شوي :Thumbs_down::b |
تعال هنا وانا اخوك
عندي لك مشروع ان شاء الله ناجح ومضمون لا فيها خساره ولا شي دور لك على ارض في المخطاطات اللي تشوف عليها اقابل في المستقبل ان شاء الله اشترها اوكي طبعآ مافي ارض بصك شرعي عندنا بالجموم لكن في وثيقه وانا اخوك ^__* للمعلوميه ][ الجموم محافظه في مكه ][ عاد انت ومعارفك او عيال اللي تعرفهم او صور الوثيقه وحطها في مكتب عقار وهم راح يدورن لك على زبون يشتريها عاد قول للمكتب انا ابيها بالملبغ كذا وكذا عاد لا تكون طماع ^__* لان الطمع يضيع ما جمع انت قول ابيها 15000 وترى دلالتك علي 2000 ريال انت يا صاحب المكتب عاد الرجال يبي يوافق ويجيب لك زبون فيها ان شاء الله وصاحب المكتب اكييييد يعرف له تجار ^__* صار في جيبك 13000 ريال صار الحين مكسبك 70% مو حلو وانت لا تعبت فيها ولا شي ولا خسرت فيها ماء ولا كهرباء واحمد ربك ولاتنساني من الدعاء وانا اخوك طبعآ الاراضي والعقار هذه الايام صارت احسن من الاجهزه الالكترونيه ومن الاسهم بكثيرررر وبعدين حط الريال على الريال واشتري لك ارض وهكذا وبيعها الين ما يجيك مبلغ حلو اشتري لك سياره او تزوج منها والله يرزقك من واسع فضله اخوك عادل العتيبي مكه المكرمه |
شف لك مشروع ما يحتاج 1:ايجار محل 2:رواتب عمل هههه
1 تربية الحيونات الداجه عموما كالارانب او الدجاج اوغيرها 2او كموقع تجاري يكلف اقل بكثير ومن الممكن تربح منه مثل بيع الاعلانات او sms وغيرها ((اي شي لا يكون فيه ايجار محل ولا عمال انت تصنع هذا الشي وتبيعه كذا )) |
اقتباس:
http://www.islamweb.net/ramadan/inde...ang=A&Id=13169 الله يوفقك بالحلال |
اقتباس:
اذا تعرف لي اراضي بحول هالاقيام ارسل لي رقمك على الخاص ياولد روق تحياتي |
الله يوفقك ويرزقك ويبارك لك |
السلام عليكم ورحمة الله وبركاته
اشتري ساعات من موقع امازون او اي شي تحس انه يمشي معاك بعض الاحيان يكون في تخفيضات جامدة تصل الى 100/80 تجدها هنا في السعودية غالية انت عاد تصرف الاشياء هذي على العائلة او الاصدقاء طبعا تحتاج الى بطاقة ماستر كارد مسبقة الدفع والى صندوق بريد من شركة ارمكس في امريكا انا اشوف هذا افضل شي بس خذ اشياء مميزه او اسعارها غالية هنا انا شريت قبل اسبوعين بروجكتر صغير الحجم مثل الجوال ينفع للمدرسين والمدرسات وبعت الجهاز بربح طيب اتمنى اني افدتكم |
اتجه نحو العطور والله تطلع منها ذهب والارباح دبل وكل الناس تحب العطور لاتفوتك وانا راح اساعدك بس توكل على الله واسمع كلامي
|
اقتباس:
كيف تقدر تساعدني ؟؟ لان انا دايم اوقف عند نقطة ،، اللي هي (( التسويق )) .. |
شف يابو الحبيّب
تروح لأحد مكاتب التقسيط , وتاخذ معك 5000 ريال وتقولهم انا مستثمر , هم يوفرون لك الزبون ويوفرون لك الكمية سواء اجهزه او بطاقات سواء وغالباً الزبون يبي المبلغ كاش فـ خيار بطاقات السواء افضل , والكمبيالات ( هي اوراق تضمن حقك ) وحالياً بعد نظام الإستقطاع / الزبون مايقدر يتأخر عنك او يماطل يعني من ينزل راتبه تلقائي ينزل القسط بحسابك او تبيها شيكات او كفيل غارم يعني لايغرونك اللي يقولون يماطلون ومدري ايش وقلة حياء هذي اعذار عاجزين او كسالى :) نسيت اقولك وش يستفيد مكتب التقسيط , المكتب ياخذ قيمة المكاتبه او العقد والشهود ماتتعدى الـ 300 وبعض المكاتب ياخذون 200 وبعضهم ياخذ 150 ريال وبالتوفيق لك والله يرزقك ويجعلها اضعاف اضعاف اضعاف الـ 7000 ويرزقك الرزق الحلال الطيب المبارك لاتنساني من دعواتك |
اقتباس:
يعطيك العافيه ماقصرت ،، طيب تقدر تدلنا على مكاتب في الرياض ؟؟ وجزاك الله خير .. |
الاقساط حلوووه بس يبي لها صبـــــررر لأن مو كل شهر يدفعون لك خصوصآ على الأعياد ورمضان
ناادرآآ يدفعون .. |
| الساعة الآن 07:01 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين