(( 7 آلاف ريال )) ايش اسوي فيها !!؟؟
 

ادخل دورة برمجه في احد المعاهد او دوره انجليزي

يعطيك العافيه على الرد ،،
بس انا اقصد مشروع صغير على قدي ..

الله يرزقك ويرزقنا ان شاء الله

شغلها بالتقسيط بنفسك ربحك من 30% الى 50% مثال احد يبي لاب توب بـ2000ريال تعطيه اياه انت بـ3000ريال مقآبل 6 شهور تقسيط أو سنة تاخذ منه كمبيالات وزي كذآ ترد أعرف واحد بدآ زي كذآ وهالحين معه محل في البلد حق اجهزة كهربائية

7000 ماتسوي شي
والله يوفقك ويرزقك ويوفق الجميع ويرزقهم

ممكن تشترين بــ1000 ألف ريال حجات حلوة مثل اكسسورات او كفرات ايفون حلوه او ساعات حلوة

وتعرضينهن في النت وتكسبين فيهن والله يوفقك

اخوي روح لسوق الخضره واعرف اسعار كل خضره بكم ثم اشتر وبع فيها والله تكسب ذهب باذنه تعالى
والرزق يحب الخفيه
والله يرزقنا واياك والمسلمين

أنصحك بمشروع بيع افلام الكرتون <~ مااقصد الافلام والمسلسلات ..

7 ألاف ريال تقريبآ 500 دينار كويتي وهذا شي حلو اظمن لك نجاح المشروع أن شاء الله

متطلبات المشروع جهاز كمبيوتر + اتصال سريع + ناسخ ديفيدي + اكياس ديفيدي + طابعه لطباعة البوسترات وانصحك بطابعة الليزر ماتصرف في الحبر مثل العاديه ..

المكان لو تحطها في غرفتك حمل و انسخ لين ماتكون لك ثروه هائله من السيديات وروح بيعها على المحلات و اذا تستحي تروح لايكلف الله نفسآ اللا وسعها بيعها عن طريق الأنترنت وحاول تنزل افلام انمي جديده يعني حاول تصير حصري أنا اشتغلت بهذا المشروع قبل كم سنه قدرت اجيب راس مالي اللي كان تقريبآ 750 دينار عشر مرات و اتذكر ان الفلوس اللي تجيني من هذا المشروع كانت شهريآ وكانت ثابته لاني كنت اتعامل مع الهنود اللي يبعون الافلام في الشوارع فكانو ياخذون مني شهريآ هذا مشروع مناسب لك مافيه لا حرام ولا عوار راس ولا ايجار ولا سوالف البلديه وغيرهـ


وفقك الله لما يحب ويرضاهـ

السلام عليكم ورحمة الله وبركاته
خذلك 3000 منها واشتري بالجملة اذا انك من جدة فيه اشياء حلوه الدرزن من 9 ريال مثل اعواد الاسنان واللصقات والعاب واشياء كثيرة تنفع للبقايل المهم اذا حبيت ممكن ادلك على المحل لانه محد يعرفه الا البنقالية الي يوزعوا بالباصات على البقايل وناس قليل جداً انا والله مني فاكر اسمه لكن اعرف موقعه باذن الله المهم وتروح تاخذ بضاعه من هناك تشكل وتروح توزع على البقايل الدرزن من 15 الى 18 وباذن الله تعين خير طبعا تشتغل فيها بالمساء تطقطق عليها وقت ماتكون فاضي بعد كذا هم بالتلفون يدقوا عليك اذا احتاجوا اي شي

موفق بإذن الله ... لك مني أجمل تحية .

ياليت تزودونا بافكار اكثر ،،

وكل اللي ردوا ماقصرتوا ويعطيكم العافيه وجزاكم الله خير ..

أعطني المبلغ وأنا أسدد لك لمدة ثمانية أشهر كل شهر ألف

ماتلاحظ انه ربا !؟ :confused:
اعطيك 7000 وتسددها 8000 !!!

لا وانا اخوك افضل احطها بمشروع او شراكه مع احد ،،
ما افكر اني استفيد منها 1000 ريال بعد 8 اشهر ،،

موفق ان شاء الله ..

ادخلي الاسهم ربح يومي 100 ريال واكثر

بس المشكلة ما افهم شي بالاسهم :(

وللمعلومية اسمي عبدالرحمن ،،:d

هههههههه ،،
تبي احولها لحسابك والا اعطيك اياها كاش !!؟؟ :q
>> لا تصدق بس :p

طيب شد حيلك وشف لك مشروع واشاركك فيه :d
ربي ارزقني وارزق مني

موفقه بإذن الله ... لك مني أجمل تحية .

عندي لك مشروع مربح باذن الله

شرائح موبايلي طبعا راح تشريها جمله تطلع عليك بسبع ريال فيها رصيد عشره

وراح تبيعها علي المحلات او الاصدقاء من 10 الي 15 ريال او اذا تبيعها جمله 8ريال

اذا حاب تستفسر اكثر راسلني علي الخاص

[align=center]
عندي لك مشروعين الاول انك تشتري لك كبكات وساعات تقليد ومسابح يعني مسباح او سبحه اي شي المهم اسعارها زهيده مثلا المسباح الواحد ب99 هللة وانت تبيعه بمزاجك

او انك تاخذ لك كشك في مجمع جوالات تشتري وتبيع ومنها تستفيد وتصير عندك معلومات عن الجولات
[/align]


.................................................. .................................................. ...........................
[align=center]
قيموني ارجوكم:m
[/align]

أنت بأي مدينة ؟

و أهلك معك و الا عزابي ؟؟

موفق


يا عمدة النت وشلون نقيمك ؟؟

انا بالرياض ،،
واهلي معي الحمدلله ،،

طيب أسمع .. ليه ما تتفق مع الوالدة و أختك أنهم يساعدونك بالمشروع ..
و هو مشروع طبخ منزلي ..

باختصار ، الحريم الآن يعجزون يسوون قرصان و جريش و سليق و الأكل الشعبي و السلطات الحلوة و الحركات ذي ..

الحريم يالله يطبخون لك كبسة الآن و الا شي من هالقبيل ، و يبون يشترون راحة روسهم . . يعني لما تدفع لك 100 ريال و الا 50 ريال فما هي دافعتها بس عشان قرصان و الا جريش و الا سليق ، هي دافعتها قيمة توفير تعب ، راحة بال.

البداية بتكون مشقة شوي ..

قل لأهلك ( الوالدة مثلا ) : انا مني المعدات مثل دقيق و الا جريش و الا شي من هالأمور .. و أنتي عليك الطبخ حسب الطلب .. تكون عندك حافظات و كل شي .. و تعرض مثلا الحافظة الكبيرة بالسعر الفلاني و الوسط بالسعر الفلاني و الصغير بالسعر الفلاني. و تاخذ تأمين ع الحافظة. و تقول مثلا التوصيل لشمال الرياض ( إذا أنت ساكن بالشمال بـ 10 ريال ) و الجنوب بـ 20 ريال مثلا .. إلا إذا هم بيجون ( هذا بالنسبة للوالدة )

أختك مثلا .. تقول لها يا فلانة .. أبي تسوين سلطات و حلويات و هالحركات ، تعرف البنات شاطرات بهالأمور الآن ..

و تقول لهم المكسب الي يجي نتقاسمه النص بالنص إذا أمك جاها مثلا زباين تاخذ خمسين و تعطي أمك خمسين. في المية

و أختك كذلك ..

الموضوع يبي له تفصيل .. بس يعني هذي فكرة عامة و مبدئية و ترا كثير الحين يسوونها بالرياض و صدقني بس يشتهر اسم والدتك او اسم اختك ( مثلا تكون ام فيصل و الا ام فهد ) .. يكثر عليها الطلب و كل وحدة تعلم الثانية


و ربنا يوفقك


مشروع ثاني فيه واحد اسمه القارب عنده سبح و ما سبح و رخيصة جدًا .. راسله ممكن يفيدك :)

فيه في السعودية كذلك الان مشروع حق حلقات بطاطس ما ادري وش اسمها ( ماني متاكد منها ) سمعت ان راس مالها 2000 ريال


ربنا يوفقك

شباب أيش الكمبيالة ؟ تعريفها الصحيح ؟

و هل هي ملزمة؟ يعني مثلا لو صار بيني و بين واحد كمبيالة و لا سدد اقدر اوديه في خرايطها ؟ و الا يقع يجرجر بي سنين لها رنين ؟!


نبي صيغتها كذلك

[align=center]
فيه مشيريع صغير
لو تشتري العاب اطفال سيارات على البطارية كبيره وتحطها بالثمامة اواي مكان تجتمع فيه العوائل وتأجر العشر دقايق ب10 ريال وتشكل من دبابات وسيارات بس يبغالك عامل !
وبتلقى خير !!!
[/align]

مايمديك يالغالي تسلفني ياهم

خخخخخخخخ

أنصحك أخوي بالغنم ..

اذا انت في الرياض يا كثر مربين الاغنام عندكم ..

شوفلك واحد تعرفه عنده غنم .. وحطها عنده .. يعني كأنك استأجرت الارض ..

ومصروفات وأكل غنمك عليك ..

يعني خذلك بهم صغار رخيصه واصبر عليهم وبيعهم بعد فتره .. فيها رزق ..

الله يوفقك

نصيحتي لك
تقسيط جوالات او لاب توبات
مثلا واحد يبي ايفون بسعر 2800 تقوم انت تشتري الجهاز وتقسطه عليه 4000 ريال ودفعه 500 او 1000 ريال مقدما والله يوفقك ويرزقك من واسع فضله .

الله يوفقك وتصير مليونير

هذا المشروع اللي افكر فيه وذكره العضو م/عبدالله
لكن مادري كيف اضمن حقي بطريقة ماتتعبني واجلس اطارد ورى اللي مايدفع القسط ،،

اتمنى اللي عنده خبره في الموضوع يفيدني لان المبلغ موجود معي الآن وما ابيه يطير ،، :d
او اللي وده يشاركني في هذا المشروع انا علي راس المال وهو عليه باقي الاشياء يراسلني على الخاص
وانا طبعاً بساعده باللي اقدر عليه لكن تنقصني التجربه والخبره ،،
وطبعاً النص بالنص ،،

انصح تشترك مع واحد و تفتح كشك حق جوالات بيع - اصلاح - اكسسوارات.
انتبه ابعد عن البيع بالتقسيط لاني اعرف واحد والله ما ياخذ الاقساط الإ في المحاكم لان المشترين يماطلون.

ايه هذي المشكلة .،
والله ياليت احد يفيدني بخصوص المشكلة هذي ،، :(
وياليت توضحون لي وش يعني (( الكمبيالات )) ؟؟
بانتظاركم ..

اخوي معي مشروع وتدخل منه ذهب ان شاء الله
.. انك تسافر برى لمده يومين او 3 لـ اندونيسيا او ماليزيا وتشتري سماعات دكتور دري الصينيه او تشتري اشياء صينيه مطلوبه عند الشباب او البنات وتاجر فيها على النت او خلي خويك او اخوك او اي احد تعرفه وبينكم معزه قويه وخليه يسافر ويجيب كم بضاعه وبيعها والله ثم والله لتكسب باذن الله بس اهم شيء تكون اشياء مطلوبه مثل السماعات حق دكتور دري
انا " واعوذ من كلمه انا " رحت سافرت لبرى بقصد السياحه وخذيت اقلام ليزرات عدد 9 بسعر جدا مناسب وحلو << مراح اقلكم هع هع
المهم وبعتها هنا والله ان جابت لي مكسب جدا جدا حلوووو وانا حاليا افكر في سماعات دكتور دري بس انتظر السيوله وابيعها في النت ماتكمل يومين الا وتخلص الكميه وتكسب من كل سماعه 100 ريال وانت تشتريها بفارق كبير جدا من الخارج
اســف على الاطاله اخوي
لو عجبك المشروع ممكن نسافر سوا ونشتري الاغرض ونبيعها :)

موفق بإذن الله ... لك مني أجمل تحية .

انا انصحك بمجال الجوالات اذا كنت فاهم فيه والشرايح