[align=center]السلام عليكم ورحمة الله وبركاته

من باب الاخوة والمحبة وتمني الخير للجميع (حب لأخيك ما تحب لنفسك )

قمت بمراسلة صحفي ومذيع ومقدم برامج معروف ويقدم برنامج بقناة مشهورة وكبيرة

لمناقشة موضوع الطول بالقطاعات العسكرية ،، وما قصر تقبل الموضوع
وأبدى تجاوبه وإستعداده لنقاش الموضوع ،،
لكن طلب مني حالتين على الاقل مع اضافة ما يثبت قضيتهم ويدعمها

وانا قلتله ان فيه اكثر من حالتين (مع اني ادري ان مسألة الاثباتات صعبه شوي)
لكن اللي عنده شي يرفقه ويبين له حسب الموجود .

الحين الباقي عليكم اخواني لإيصال صوتكم وان شاء الله الكل ما بيقصر
المطلوب من كل واحد عانى من المشكله يراسله ويشرح له كل شي ،،
واذا فيه اوراق عن قبوله ورفضه يرفقها بالرساله ،،
اي شي يثبت او تحس انه ممكن يفيد القضيه .
واتمنى ان كل واحد يرسل له اسمه الصحيح ورقم جواله
في حالة لو إحتاج يتكلم مع اي واحد منكم ويناقشه بالقضيه .
وياليت لو كل واحد يذكر له العمر ومؤهلاته وكم له سنه عاطل
وكم مره قدم ورفض طلبه او طرد بسبب الطول

وان شاء الله انه ما بيقصر وبيسوي اللي يقدر عليه
ونطلع بنتيجة ترضي الجميع


الله ييسر الامور للجميع بإذن الله ويسخر لنا عبااااااااده
ويحقق لنا ما نتمنى ياااااااااارب


هذا إيميله yalamro@gmail.com

وكلي تمني ورجاء خاص عدم الخروج عن مسار الموضوع عند المراسله
وعدم إزعاجه بكثرة الرسائل،، رساله وحده من كل شخص تكفي بإذن الله
هو عنده خبر بالموضوع وبإنتظار الحالات اللي طلبها توصله

هذا رده علي
( حياك الله..أتمنى تزويدي بحالتين تعرضت لذات الموقف، مع مايدعم موقفهم وماتعرضوا إليه.
حتى نشرع في مخاطبة الأطراف المعنية وبحث أهمية القضية )
بالتوفيق لكم جميعا

أخوكم : أبــونـــاديــن [/align]