تكفون افيدوني والله محتار
 

السلام عليكم سالفتي طويله بس ابي اختصرها لكم ;)

انا مخلص الكلية التقنيه 1432/5/11 وجلست عاطل لين جاء تقديم الجامعه شهر 8 وقدمت على الجامعه مسوي دافور :k المهم انقبلت بالجامعه وجاء شهر عشره وبطلت قلت مابي الجامعه :q ابي افصل منها ورحت الجامعه وسويت اخلاء طرف ثم سحبت الشهاده بتاريخ 1432/10/13 وخلاص صرت عاطل :wa لاجامعه ولا كليه
وسجلت في حافز والدفعه الاولى طلعت مؤهل والدفعه الثانيه غير مؤهل :Thumbs_down:
والسبب تشير سجلات إحدى الجامعات/ الكليات إلى أن المتقدم طالب في جامعة/ كلية في المملكة :do5h:
المهم انا قلت اكيد الجامعه ورحت الجامعه يوم الثلاثاء اللي طاف جيت عند القبول والتسجيل قلت ابي اشوف اسمي موجود عندكم ولا لا ؟ وشاف اسمي وطلعت ادرس عندهم :Looking: قلت مو معقول انا ساحب من يوم بدت الدراسه بشهر 10 كيف تقوللي اني ادرس:mad: قاللي لا انت مسجل تدرس عندنا والترم الاول محسوب عليك وراسب في جميع المواد :cool: والمكافات تنزلك من يوم سجلت بس المكافات ماكنت ادري انها تنزلي :eek: وقاللي الحين اشوف موضوعك وطلعو ملخبطين ماسحبو اسمي من عندهم بس سلموني اوراقي وشهايدي شهر 10 وبس ثم قاللي مرني بكره شوف اسمك موجود في النظام ولا لا مو موجود وجيتهم من البكره ولقيتهم شايلين اسمي :Thumbs:


اللي ابي اسال فيه انا سويت اعادة طلب لحافز لاني مو مؤهل والسبب من الجامعه حسبي الله عليهم هل تتوقعون اطلع مؤهل الشهر هذا ولا لا :( ؟ وإذا طلعت غير مؤهل متى تتوقعون اطلع مؤهل ؟؟؟؟
السؤال الثاني لو ابي اروح الجامعه اطالب بالمكافاه اللي حسبوها مع الترم الاول اللي رسبوني فيه تتوقعون يعطوني المكافاه :confused:

وانا اسف على الإطاله :ash: بس وش اسوي ماراح يفيدني غير انتم
تكفووووووووووون افيدوني :m

اذا قدمت اعاده طلب راح يتحققون من اهليتك خلال 3 شهور كحد اقصى

ويمكن اقل من كذا

راح تطلع الاهليه لهذا الشهر تاريخ 23/3

وبخصوص المكافاءه يجي من يفديك :)

نقول انشاء الله اقل من ثلاثه شهور
مشكور رغد الحيآة ماقصرتي :w
الله يسعدك :)
ويارب يعطوني المكافاه

اللي اعرفه انه لازم 3 شهور بعدين ينزل لك
بس ان شاءالله اقل منها
وبالنسبة للمكافئة ماعطوك بطاقة صراف شيك عليها
واذا ماعطوك بطاقة روح يوم السبت ان شاءالله للجامعة وسيدة على الصندوق لا تروح للقبول والتسجيل وخذ معك اي اثبات انك تدرس او كنت تدرس بالجامعة يعني جدولك اشعار قبول اي شيء اقل شيء رقمك الجامعي وقلهم انا ماسحبت مكافأتي ابغاها الحين ولا تطري حافز ولا تطري انك مادرست ولا شيء وان شاءالله يمشونك

يقولون لك غير مصرح لأنك فصلت من الجامعه المفروض قبل ماتفصل خذت المكافاه

انا فاصل قبل اسبوع من يوم شالو اسمي من الجامعه بس قبل ماكنت ادري انه تنزلي مكافأهـ
المهم الحين لو اروح الجامعه يعطونيها ولا خلااااااص راحت علي لاني ناوي اروح السبت اذا كان لي حق :mish:ابي اخربها :mish:

اخوي ماراح يقدر احد يفيدك بخصوص مكافاتك غير الجامعة وبامكانك التواصل مع مدير المكافات وسؤاله

اما بخصوص موضوعك بحافز مثل ما قالت لك رغد اعمل اعادة طلب وقدم اعتراض وباذن الله يتحققون من وضعك ويتم تاهيلك من جديد

موفق

سوي إعادة طلب وروح للجماعة مدري الكلية وقولهم انا ما ابيكم إفصلوها وخلاص شكرأً لك بالتوفيق

موفق بإذن الله ... لك مني أجمل تحية .