شباب تكفون ابي نصيحه والله انا محتار جدا وابي احد يوجهني
 

السلام عليكم ورحمة الله وبركاته
.
.
.


.

.


.

.

شباب انا موضف عسكري في وزاره الداخليه برتبه جندي بقوات امن المنشات وانا الان في دوره عسكريه المهم كنت مقدم على وظيفه في ارامكو السعوديه براتب 7300 ريال والحين انا خلصت كل شي وابدا دوامي يوم السبت الجاي اللى هواول يوم دوام لي وفيها مميزات جدا حلوه

ومحتار والله هل ابقى عسكري ولا احول على هذي الوضيفه

ابي نصايحكم وابي احد يسألني اكثر عشان اضيف على هذي المعلومات لجل تحددون انتم مستقبلي والله رااح اسمع كلامكم وان شاء الله يكون الراي الصحيح
انا متفشل من اهلي اني ابي اترك العسكريه واروح في مكان فيه راحه

السلام عليكم ورحمة الله وبركاته

اخوي الله يوفقك تبي نصيحتي

الاستخاره زينه استخير

وحاجه ثانيه : الراحه حلوه و الراتب احلا انت و ميووولك اللي انت حاط براسك عسكريه ولا ارامكو ا

هذا انت تحددها لازم تكوون مقتنع باللي تبي فيه انت اللي تحدد

اللله يوفقك ويستر عليك

دامك خلصت الدوره ومتعين وتعبت يارجال رح تزوج وريح راسسك بلا ارامكو بلا بيطخ ههههههه >>شطح



هذا رائي
الله يووفقك

اول شي ميولك

ثاني شي ارمكو تهدك

ثالث شي استخر استخر استخر والله يوفقك

اذا انت راعي سفريات حووول على ارامكو

اخوي موظف بـ ارامكو اقسم بالله ياشباب ان ماشوفه في البيت ههههههههه مدري كيف دواماتهم شفت ليل وشفت صـبـاح والراتب 6 ألاف ../ العسكرية احسن منها بكثير

ياشباب الي اعرفه عن موظفين ارامكو ان يطلع بداية شروق الشمس ويرجع للبيت مع غروب الشمس

بسم الله الرحمن الرحيم

بــــصـــراحة ماااااايبغالها اي تفكير اول شي وانا اخوووك ... ترى ارامكوا تريحك من اشياء واجد خذ عندك رواتبها زينه ::: تأمين طبي لك ولزوجتك ولعيالك في ارقى المستشفيات ولا في المستشفيات بعد تكون لك الاولويه يعني لو تبي غرفة خاصة يوفورونها لك من تحت الارض وتدفع الفارق ولا بعد نصه::: والله ثم والله ان توظفت في ارامكوا انك راح تسعد عيالك وانهم راح يدعولك بحياتك ومماتك بعد عمر طويل يكفيك بعد التقاعد يعطووونك حقوووق مبلغ وقدرة :::: ولا بعد شي يسمووونه عندهم مساعدة ورثه يعني بعد عمر طويل لا جا امر الله (( إِنَّكَ مَيِّتٌ وَإِنَّهُم مَّيِّتُونَ )) يعني ماينسون مجهودات الواحد وهم مايسنووون عياله وش تبي بعد لو تبي سلفة هم يسلفونك كم راتب (( يعني مثل القرض من البنك ولا البنك يزيد عليك اما ارامكوا تسقط عنك دفعات وربي ترى فيها مميزات واجد

ان كنت تبي شوووووري لا تفوت ارامكوا تراك وربي راح تندم كثر شعر راسك
وعن اهلك انك متفشل منهم ياخي انت ماكبيت العسكرية وجلس عاطل انت رحت ارامكوا

بس احسب حساب المستقبل ترى حنا بزمن اغبر
وهم اعيد وازيد لا تفوووت ارامكوا تراك بتندم كثر شعر راسك

اخـــــــــــــــــــــــــــــــــوووك : حديث النهاية