معاناة موظف بنك
معاناتي هي اني موظف ببنك الراجحي منذ 7 سنوات لااتذكر يوم جميل في هذا البنك المستغل
لحاجة الموظفين لديه بالعمل . بداية اسمحوا لي اشرح بعض معاناتي لكي تقعوا في المصيدة: 1-وظيفتي صراف تصدقون ان رأتبي 6550 ريال بينما البنوك الاخري مثل ماسمعت يصل رأتب الصراف 7400 ريال 2-دوام البنك سابقا من الساعة 8,15 صباحا حتي الساعة 12 ظهرا ومن الساعه 4,15عصرا وحتي الساعه 8,30 مساء 3-لايوجد لديهم نظام محدد فكل فرع له نظام مما يحرجنا كثيرا مع العملاء اي لا يوجد رقابة واذا أحد العملاء اشتكي رحت في خبر كان مهما كان رصيد العميل بعكس البنوك الاخري:mad: اكبر المصائب وهي معروف للجميع ان دوام البنوك اصبح دوام واحد لكن الراجحي غير طبعا حيث قسم بعض الفروع من كل مدينة الي قسمين يكون دوامهم كاتالي: يكون الدوام للمجموعة الاولي من الساعة 9:00 صباحا لاحظوا الساعة 9:00 بعكس النظام حيث نظام مؤسسة النقد يكون الساعة 9:30 للجمهور مثل البنوك المحترمة طبعا المهم شوفوا الظلم كيف علينا ونهاية الدوام السعة 5 عصرا هذا دوام المجموعة الاولي اما دوام المجموعه الثانية فهي الظلم بعينه والاستعباد والاهانه للموظف حيث يكون دوام الموظف من الساعة 9:00 صباحا حتي الساعه 12:00 ومن الساعه 2:00 حتي الساعه 7:00 اي ساعتين يرتاح الموظف ساعتين واي راحه ياأخوان مابين صلاة الظهر والذهاب للمنزل والغذا تكون الساعة 1:30 ومن ثم العودة للبنك. شفتوا المهزلة الين وصلت اين مؤسسة النقد حيث أصبح الدوام اكثر تعقيدا من النظام السابق وقررت بعد هذه المهزلة والاستعباد اني اتقدم للبنك الاهلي حيث أتصلت عليهم فأخبروني لاتوجد لديهم وظائف وسألتهم متي يمكنني التقديم فرد علي الموظف بالخبر الصاعقة انهم لايريدون خبرة. اخيرا اخواني انصحوني ماذا أفعل فلايمكنني ترك الراجحي فماذا افعل؟؟؟؟؟؟؟؟؟؟؟ |
قصدك بقالة الراجحي
اخوي ليش تقتصر بحثك في العمل على البنوك عندك شركات الاوراق المالية واي شركة تهتم بالجانب المالي استشارات وغيرها نسيت اقولك لا تنسى بنك الإنماء حطة في القائمة بالتوفيق لك |
بصراحه معاناة ومأساه الله يعينك عليها مااقول غير اصبر والله يفرجها معك ومع جميع المؤمنين ويغير الله سوء الحال يــــــــــــــــــاكريم |
اخي منصور حافظ على عملك
واذا ما قدرت جرب في قطاعات اخرى غير البنوك دعائي لك بالتوفيق |
اقول امسك مجنوك لا يجيك اجن منه
ترى العالم ماحصلت وظائف بنصف راتبك والشهادات كثيرة اقول لاتترك العمل نصيحه |
أخي الكريم .. نصيحة .. لا تترك وظيفتك إلا لما توقع عقد وظيفتك الجديدة !! أصبر .. لك مدة طويلة وأنت صابر .. وبنفس الوقت لا تيأس .. أبحث بمجرد خروجك من البنك .. والله كنت متحمسه لبنك البلاد .. بديت أكره البنوك .. الله يصبرك بس البطالة شينة وأنا أختك .. والعاطلين تعبوا من جلسة البيت .. كل الود |
الحال من بعضه انا زيك موظف في بنك وودي اطلع اليوم قبل بكره وحالياً ابحث عن وظيفة ثانيه .. عموماً وظايف البنك مو كلها محترمه اذا احد يبي يتوظف بالبنك ياخذ نصيحة مني انه يبعد عن
1- الفروع 2 - الهاتف المصرفي (هذا اوصخ واحقر مكان بالبنوك) |
انا موظف قطاع خاص ...
وبعد توحيد الدوام صرت ابحث عن البنوك ولو صرااااف ... حالياً راتب الصراف 7500 مثلا .. انا محاسب في شركة ولن اصل لمثل هذا الراتب الا بعد 5 سنوات !!! حسب سلم الرواتب لدى الشركة.. هل ترون الأفضل البنك أم القطاع الخاص ؟ |
مع العلم اني مرتاح جداً في وظيفتي الا اني ابحث عن الراتب الافضل ...
|
اخ منصور نصيحة لاتترك وظيفتك وخليك فيها الين ما تلاقيلك وظيفة ثانية
ولاتغلط غلطة يمكن راح تندم عليها طول عمرك لان الان الشباب معاهم شهادات وخبرات ومهم لاقين وظيفة خليك في الوظيفة الين ما ربك يحلها تحياتي |
أقول أحمد ربك إنك تشتغل وراتب أحسن من غيرك شوف قلهم يبون دبلوم محاسبة أنا أخذ مكانك :court: |
أخي الكريم .. ناقشنا موضوع البنوك كثيييييير .. تترك وظيفتك ومال بإذن الله حلال .... عشان حرام أو مصدر مشكوك في أمره !! والله قليل مبارك أكثر من كثير يذهب سريعا .. بعدين الأهم أنك مرتاح وعمل مريح .. ليه تترك عملك ؟؟ يا أخي البطره شينه !! أحمد ربك .. وأشكره .. وإذا كان لابد أبحث بعيد عن البنوك .. وبالتوفيق .. |
حتى التوظيف بالبنوك صعب تعبت وانا اقدم والله لي صديقات معهم متوسطه والله وموظفات هذا رزق الله يهنيهم بس الواسطه تلعب دور .
|
اخوووووى الكريم000
كلامك صحيح والكل يشتكى من الراجحى00 ولااهتم فيك ولابغيرك00 لانه قاحش قاحش من العالم فيك وبغيرك00 واذا تركت الوظيفه000 مليون واحد بياخذ مكانك وهالمشكله حتى بقسم النساء0000 ونصيحتى لك 00 لاتترك لحد ماتضمن وظيفه محترمه000 علشان لايضيع منك كل شىء000 واحب اقولك الوظيفه مو بالراتب على العكس الوظيفه الزينه بجو العمل نفسه والنظام ومرؤسيك وزملائك بالعمل 000 وانت اول ماشتكيت من الدوام بعدين الراتب00 وانت ياخوى ماشاء الله عليك 7 سنوات00 وانت صراف يعنى لاترقيت ولاشىء000 وانت خبره 000 0000 والله يوفقك ولاتستعجل00000 |
اخوي منصور سعيد
يعطيك العافيه على هذا الموضوع كثير من موظفي الفروع في مصرف الراجحي بحكم قربي منكم لاني موظف بنفس المصرف في الاونه الاخيره تتم دراسة اعاده فترات الدوام السابقة والاستغناء عن فترات الدوام الجديدة وهذا الدراسة تتم من قبل الادارة وسوف اوافيك في الاسبوع القادم باخر الاخبار تقبل تحياتي واعتذر منك على الاطالة |
اقول ياشباب خلك على مجنونك لايجيك اجن منه
|
ابغي اتوظف في بنك
اللي يقدر يوظفني يراسلني على الخاص وله جزيل الشكر |
اخوي منصور سعيد المحترم تحية طيبة وبعد ,,, انا معك في كل الذي قلته لاكن مافي حل صدقني هذا الواقع وقول الحمدلله على الي انت فيه انا مثلك موظف بنك الرياض من 10 سنوات وخريج الدورة المصرفية ودوامي اساسا دوام واحد من قبل التغير الجديد وبصراحه من ضغط العمل مااخرج الا الساعة 8 او10 المساء واساسا دوامي ينتهى الساعة 5 العصرلااكن مميزات البنك غير عاديه ابدا واحمد الله على راتبك ووظيفتك صحيح ان العمل المكتبي متعب جدا لاكن ايش نسوي هذا نصيبنا ونحمدالله على توفيقنا فيه . اخواني من لديه شهادة جامعيه في المحاسبة او الهندسه يذهب لبنك الرياض ويطلب الدورة المصرفيه ولاينسي يقدم عن طريق النت مرة اخرى وممزاتها كما يلي . راتب مقطوع في وقت التدريب 8000 ريال ويكون التدريب في نفس مدينتك والدراسه في الرياض لمده 6 اشهر ويكون الوضع ان تذهب للدراسه بالرياض وترجع مدينتك لتطبق مادرسته وتذهب مره اخري للرياض للدراسه وهكدذا لمده 6 اشهر وعند نجاحك من الدورة تاخد 8000 راتب اساسي اضافه الى 25% بدل سكن واضافه الى 1000 ريال بدل مواصلات و125 ريال فاتورة جوال كل شهرين وهذا غير الزيادة السنويه تترواح بين 10 وال 25 % كل سنه او سنتين حسب تحيقق اهدافك في العمل. ارجو من جميع الاخوان ان يبلغو زملائهم من خريجين الهندسه او المحاسبة بهذه المميزات ولكم خالص الدعاء وتقبلو بقبول فائق الاحترام والتقدير |
اقول اخوي امسك الوظيفه بيدك و رجلك وحط في بالك مافي عمل مافيه تعب
|
انا مع عاطله عض على الوظيفه واعتبر انه هي هذي الي تبيه من العمل وبتنبسط انشالله
|
والله الي اشوفه دلع بصراحه الدوام مره حلو بنسبة لموظف قطاع خاص انا كنت اشتغل في شركة كان الدوام من الساعة 8 صباحاً الى 5 عصراً وساعه وحده فترة غذاء وصلاه واحياناً استلامات ومناوبات ولا حوافز ولا زياده في الراتب لمدة تقريباً ثلاثة سنوات براتب الفين وستميه وكرف طول النهار .
الحيين صار العمل خلف المكاتب تحت براد المكيف مع الكثير من المميزات قهر والله القهر انت وامثلك من اصحاب الاظافر الناعمة والكعب العالي قل الحمد لله على ما اعطيت رغم ان جميع البنوك رواتبها مافيها بركه حتى الراجحي انا ارى انك تتبع المثل الي يقول (خلك على قردك ... والسلام |
اخوي امسك وظيفك وحمد ربك وصدق من قال ان ابن ادم طماع
اعرف واحد معه شهادة جامعية وتوظف في شركة تبعد عن محافظته 30 كيلو وراتب يبلغ 2500 وبدل نقل 150 ريال والدوام من 8 الصبح الى 1 الظهر ومن 2.30الظهر الى 5 العصر وش رايك تجي تداوم بدالة انت لاتناظر فوق ناظر تحت وحمد ربك اخوك : الفدرالي |
قول الحمد لله .. غيـــرك ماعنده وظيفة أصلا وداير في الشوارع !
تحياتي شيمـــــــــــارا |
انا اشوف ان الموضوع عادي والواحد المفروض مايدمر من العمل والموجود فيه ولا يقارن بين عمل وعمل والله يسعدك ويوفقك
بس اشوف الاخ مايرد على الناس لايكون انكشف امرو وفصلوة هههههههههههههههههههههههه |
والله مشكلة مافي احد مرتاح
من جد استغلاليين لاتسكتوا اعانكم الجبار |
اقتباس:
فيه للبنات هالدورة او بس للشباب ممكن اقدم فيها ؟ وكيف تقديم اتصل اول للبنك اني مسجله في البنك عن طريق النت ؟؟ اتمنى انك ماتتاخر بالرد |
اخوي سامي احمد..
انا دبلوم شبكات،،وبالشرقيه،،وودي اعرف: الدورة المصرفيه ببنك الرياض،فيه عندنا للبنات والا لا ؟؟!! وكيف اقدر اقدم،،وهل يقبلوني والا لا؟؟!! شاكره لك جهودك.. |
أنا مستعده أتوظف في بنك بس في الدمام
معي حاسب ألي لمدة سنتين بتقدير ممتاز .. وش أسوي ؟؟؟ وأحمد ربك أخوي غيرك مو لاقي .. والدوام جدا رائع أنا لو بيدي ماقعدت في البيت .. |
مافي رد
وينك اخوي |
كنت بارد عليك
بس شفتك بحححح قلت اجي اسلم واسل عن اخباركم؟ بس اذا جيت اقرا كلامي والله لو تجيني وظيفه 2000 لامسكها واعضها واتهاوش مع الدنيا عشانها ياشييييييييييييييييييخ احمد ربك بالمنتدى عندهم شهادات جامعيه ومستويات عاليه مو لاقين حتة وظيفه ناظر لنا ولا تناظر فوووووووق |
أمسك مجنونك لا يجيك أجن منه
إنتبة تفرط في الوظيفة بكرة تشوفك تسكع في الشوارع والأرصفة نسيت أيام زمان تحياتي |
مافي رررررررررررررررد
|
يعتبر مصرف الراجحي من اكبر مصارف بالشرق الاوسط وهذا
قد يتحسن وضع موظفيه ان شاء الله ؟؟؟؟؟؟ظ فلا تترك الوظيفه وانت ومستقبلك في هذه الوظيفه |
ياليت توسط لنا في بنك الراجحي
|
انا كلمت الراجحي ايقولو بس البكالريوس حاسب يقبلوهم للبنات وغير كدا لااااااا
|
ياليت لو يقبلوني كان اشتغل بضمير
|
بصراحة موظفين مصرف الراجحي و خصوصا موظفين الفروع كسالى و جهله بالعمل المصرفي مع احترامي لك
و حاطين حيلكم بس قولكم للعميل رح اتصل على الرقم المجاني الله يعين عليكم العملاء المساكين |
هههههههههههههههههههههههههههههههههه
|
ان جيت للحقيقة تقريبا موظفي البنك كلهم ايقولو لك لما تتصل انهم مايعرفو شيء
|
والله هاذي ياأخوان المشكلة في التوظيف بين المواطن والمقيم
ليش المنشأة تفضل المقيم لأنه قليل التذمر كثير العمل..اما شبابنا هداهم الله يبو يشتغل مدراء على طول اخي الكريم قارن نفسك كموظف بنك بموظف حكومي الموظف الحكومي اجتهد او مااجتهد مكانك سر سلم وظيفي طويل الأمد موظف البنك قفز من منصب لمنصب وكل قفزه تعادل حوالي 5 سنوات عمل لموظف حكومي احمدالله على النعمه واشكر الله على فضله ومثل مانت شايف اخواننا واخواتنا بالموقع مهم محصلين ربع وظيفه والله من وراء القصد. |
الساعة الآن 02:08 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين