مكاتب التوظيف
السلام عليكم ورحمة الله وبركاته
لي فوق السنه عاطله تعبت نفسيتي فكرت بمكاتب التوظيف بس ماعندي خلفيه عنهم وش الأفضل برأيكم أي مكتب أفضل؟ سمعت عن خلده ؟ يوظفوني بتخصصي يعني لو طلبت أشتغل بس بقسم الاي تي يوفرون طلبي أو حسب المتوفر عندهم ؟ يردون بسرعه أو لا بالعاده يعني لأني بسافر بعد أسبوعين محتاره أقدم الحين أو اصبر ؟ شيء ثاني بسأل عن بن لادن كيف أقدم عليهم اللي بالرياض؟ قدمت بموقعهم بس ماارتحت ودي أروح لمهم أفضل أبغى أتوظف وأخذ على الأقل خبره مو هامني الراتب كثر الخبره شهادتي حاسب ومعدلي جيدجداً الله يعافيكم اللي يعرف لايبخل علي نفسيتي بالحضيض من هالعطاله الله يفرجها علينا ونتوظف:c |
أولاْ
الله يوفقك ويرزقك بالوظيفه الي تنسيك الي عانيته ثانياُ مكاتب التوظيف جيده جداُ وأعرف ناس كثير توظفوا عن طريقهم ثالثاً بالنسبه لابن لادن فالأفضل أنك تروحي مكتبهم تراهم غالباً راح ياخذوا أوراقك بالرغم أنك أكثر وظائفهم ميدانيه ومشاريع رابعاً هل أنتي حامله للبكالوريوس في الحاسب؟ إذا كانت الأجابه نعم فبسرعه روحي قدمي على الشركه المتقدمه للألكترونيات تراهم يطلبون IT ورواتبهم فوق 12000 وللمره الثانيه الله يوفقك والله ليتني كنت مدير توظيف كان وظفتك والله |
اقتباس:
شكلي بتوكل على الله وبقدم على هالمكاتب ما أعرف مكان بن لادن أتمنى أحد يوصف لي ايه شهادتي بكالوريس حاسب و معدلي 4 وما لقيت شيء :c شركة الالكترونيات المتقدمة شفتهم بمعرض التوظيف الاجازه الصيفيه اللي فاتت وسألته عندكم وظائف للبنات قال لي لا ؟ غريبه الآن يوظفون بنات |
اقتباس:
معدلك ممتاز وغريبه انك ماتوظفتي بهذا المعدل نصيحتي لك حاولتي تكسبي بعض المهارات مثل تطوير الويب و ASP.NET وقواعد البيانات وجانب اللغة الانجليزية عشان تكون سيرتك الذاتيه مدعمه وقريبه لمتطلبات بئية العمل فيه شركه اسمها الناقل الذهبي عندهم فريق كامل مطورات ومصممات مواقع ويقدمون تدريب قبل التوظيف شوفي والله يوفقك انا نفس الشي متخرج علوم حاسب ومعدلي جيد تقريبا 3.1 والى الان ماتوظفت لكن طلبوني في مقابلات شخصيه مو عشان المعدل اتوقع عشان المهارات البرمجيه اللي حطيها في السيره الذاتيه بالتوفيق |
طيب ممكن موقع بعض مكاتب التوظيف الي بجدة
|
اقتباس:
قدمت وصلح لي مقابله وبعد وراني المكان اللي بشتغل فيه واخر شيء سحبوا علي :Thumbs_down: خيره إن شاء الله أنا مثلك قابلت بأكثر من مكان بس ما يرجعون يتصلون وهين فرصتكم يالشباب أكبر منا بكثير ما شاء الله.. الله يوفقنا |
فعلا معدلك ممتاز وتخصصك برضو
انصحك تروحين تقدمين يد بيد مو عن طريق الايميل و الهاتف اذا كنت مستطيعه و انصحك برضو ب خلدا افضل موفقه يارب |
غرك وفاي قدم على الشركات الصناعيه في الشرقيه
جرب هذي الشركه UniCoil عايشه بغفله الله يوفقك |
اقتباس:
|
جزاك الذه خير بس فين مكاتب التوظيف بجده
|
الساعة الآن 03:24 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين