|
اي استفسار عن التأمينات الاجتماعيه تعال هنا
هلا باخواني مرتادين هذا المنتدي الرائع وجدت استفسارات كثيره عن المؤسسه العامه للتأمينات الاجتماعيه وانا اشاهد اغلب المواظيع ولكن للاسف وجدت اغلب الاجابات اما غلط او تكون ناقصه . وبما انني موظف بالمؤسسه ولي معرفه جيده بالنظام احببت اشارككم واجيب عن اسألتكم ولا اريد الا الدعاء فقط اخوووكم الفقير لعفو ربه من اراد الايميل للتواصل يراسلني علي الخاص |
جزاك الله خير
|
طيب اول سؤال لو تكرمت انا كنت مدرس في مدرسة اهلية وكانوا يقتطعون من راتبي 200ريال للتأمينات وبعد ما استقلت منها أقدر اخذ حقوقي من التأمينات ؟
الله يعطيك الف عافية |
اقتباس:
واشكرك علي مروورك والله يقدرني علي فعل الخير ، اما استفسارك فجوابه اذا كانت مده اشتراكك اقل من سنه وباشرت في وظيفه رسميه في الدوله تقدر تصفيها يعني تاخذ فلووسك التي كانت تقتطع منك . اما اذا كانت اكثر من سنه وباشرت في وظيفه في الدوله رسمي طبعا تقدر تضمها لمصلحه المعاشات والتقاعد بشرط لايمظي علي مباشرنك اكثر من سنتين ولا تصرف لك الا اذا بلغت سن الستين . اما اذا عملت في منشأه مده واستقلت ولم تلتحق في عمل ثاني خاضع للتأمينات وجلست بدون عمل فلا يحق لك التصفيه الا عند بلووغ الستين . قد تستغرب اذا قلتلك سن الستين وتقوول فلووسي انا حر فيها ابي استلمها في اي وقت اقوولك انتا يمكن تلتحق بالقطاع الخاص مستقبلا فتجد اشتراكك موجود وتكمل عليه عند استحقاق المعاش عند بلوغ الستين . ارجو ان اكون اوصلت المعلوومه لك تحياتي وحاضر لكل استفسار ولا تنسانا من دعائك |
شكرا لك
|
هلا اخوي مقهور بقوه
انا وضعت تساؤل في موضوع مستقل امس ولا وجدت فيها لافاده قلت انسخه لك هنا لعلي اجد منك مايفيديني ولك مني الشكر الجزيل هذ الموضوع السلام عليكم ورحمة الله وبركاته هذي اول مشاركه معاكم في المنتدى وما سجلت فيه الا لاني وجدت فيه من الفايده الشي الكثير وربي يوفق كل القائمين علي ها المنتدى لما يحبه ويرضاه عندي استفسار للاخوان الي عندهم خبره في ها المواضيع انا شغال في شركه خاصه وخبرتي فيها اكثر من 6 سنوات تقريبا والحمد الله الان رزقت بوظيفه حكوميه الكل يعرف ان التامينات اقل خدمه فيها 120 شهر اي مايعادل عشر سنوات اذا خدمة هذي الخدمه ووصل عمرك الستين يعطونك راتب تقاعدي والان باقي لي اربع سنين وكمل المدة الي محددينها وسمعت انهم يقبلون انك تتدفع باقي الاشتراك دفعه وحده وتكون مستحق ,,, طيب لو صار ها الامر وانا في وظيفه حكوميه تقدر تستلم راتب تقاعدي مع راب التامينات التقاعدي او بينهم علاقة بحيث انك ماتشترك الا بوحده فقط وبما تنصحوني يا اخوان لاني بصراحه في حيره من امري استلم حقوق التامينات او احولها او اكمل باقي اشتراكهم او مااااااااااااذا انتظرك بارك الله فيكم |
بارك الله فيك
1- هل يحق لجهة العمل ارسال قيمة راتب اقل من الفعلي الذي يتقاضاه الموظف،وكيف يتم تعويض الموظف؟ 2- عند عدم تطابق المهنه الحالية للموظف مع ما تم تسجيله في التامينات ، ماهي الاشياء المترتبه على ذلك ، ومن المستفيد؟ وللجميع تحياتي |
اقتباس:
اول شي ماشاء الله علي هالخدمه الحلووه 6 سنوات يعني 72 شهر اشتراك باقي لك علي المده الاعتباريه48 شهر ليصبح المجموع 120 شهر عشر سنوات . اخوي ارجو ان تركز معاي انتا الان هل باشرت في الدوله رسمي او علي بند ان كنت علي بند فأنت تكمل علي رقم اشتراكك وتكون خاضع للتأمينات , اما اذا كنت موظف رسمي يعني علي مرتبه في الدوله فأنت مخير ان تضم خدمتك الي مصلحه التقاعد او تتركها كماهي في التأمينات واذا بلغت سن الستين تراجع التأمينات ويصرف لك معاش انتا بتقول كيف يصرفلي معاش وانا عندي اقل خدمه من عشر سنوات وانتم تقولون مده اعتباريه هاذا سلمك الله اذا صار عمرك ستين الله يحينا انا وياك ومن يقراء هالكلام يصرف لك المعاش طبعا بناء علي خدمتك واجرك القديم ويقسط من معاشك نقول مبلغ 300 ريال الي ان تنتهي المده المتبقيه الي هي قلنا كم >>48 شهر ومن ثم يرجع راتبك كامل علشانك دفعت الباقي . اما اذا رغبت بالضم لابد ان تكون لم تنهي مده سنتين من تاريخ مباشرتك في الدوله واعيد واكرر لابد ان تكون( موظف رسمي ) اسهلها لك يعني تكون علي مرتبه وتمر التأمينات بقسم التسجيل وتقدم معاك : 1- صوره من الهويه الوطنيه 2- صوره من قرار التعيين رسمي 3- تعريف من العمل بتاريخ المباشره وسوف تضم لك الخدمه وترسل الي المؤسسه العامع للتقاعد والمعاشات اما اذا تركتها حتي يصل عمرك ستين فسو يصرف لك معاش بناء علي طلبك ولا يتعارض مع مصلحه التقاعد يعني تستلم معاشان من التأمينات ومن مصلحه التقاعد . اتمني اني جاويتك ولا تنسنا من صالح دعائك |
اقتباس:
لا يحق لجهه عمل ارسال اجر غير حقيقي للعامل وكيف عرفت ذلك هل سحبت لك برنت بألاجور المسجله لك. ممكن ان راتبك يرسل علي انه 1000 ريال والتأمينات لاتقبل اقل من 1500 للسعودي فعندما يرسل اجر 1000 يرتفع تلقائيا الي 1500 ولكن لعلك ان اجرك لم يعدل سنويا وهاذا يطلق عليه الاجور السنويه ولابد من المنشأه ان تعدل اجرك واجر بقيه العاملين واذا اكتشفت ان هاذا الامر صحيح تحلها ودي مع الشركه ( المنشأه) ويرسل خطاب الي التأمينات لتعديل اجرك . ولا تنسي اذا كان يخصم منك علي اساس 9% طبعا مبلغ اكثر من اجرك فلابد ان المنشأه تعوضك الفرق . اما بالنسبه للمهنه فهي لاتغني ولا تسمن من جوع لا تضهر في البرنت يعني لاتبالي بها . ارجو ان اكون قد حاولت اجابتك لا تنسانا من صالح دعائك |
السلام عليكم ورحمه الله وبركاته
عندي استفسار اخوي مقهور انا شغال في مكتب هندسي ولا ادري صاحب المكتب مسجلنا في التامينات والا لا واذا ماهو مسجلنا وش الطريقه وهل يجازي على ذالك و الان لي ثلاثه شهور في المكتب مع العلم انه ياخذ تامين من الراتب لمده الست شهور الاولي وبعده انتهاء مده العقد سنه يرجع لنا التامين اللى اخذه مكتوب في العقد كذا وشاكرين لك تعاونك |
كفيت ووفيت وبيض الله وجهك
بالنسبه لوظيفتي الحكومية هي على مرتبة ولسا ماباشرنا فيها ممكن اخر الاسبوه هذا او الي بعده ’’’’’’’’ الامر الاخر اخوي اقدر اكمل اشتراكي واسدد حتى اكمل 48 شهر عن طريقي بعد ماستقيل من الشركه الخاصه وش تنصحني فيه اخوي بما انك تملك الخبره الكافيه في ها المواضيع مشاء الله عليك دعواتي لك با التوفيق با الدارين |
طيب انا عندي سوال انا كنت شغال في شركة وجاني عرض من شركة ثانيه وانا قلت لشركة الجديدة اني ما اشتغل اهل يقدر صاحب العمل الجديد يعرف انا اشتغلت قبل كذا او لا عن طريق التامينات ياليت تجاوبني ؟؟؟
|
اخوي انا اشتغلت فى مدرسة اهلية لمدة سنتين وسجلني لمدة سنة واحدة والسنة الثاني لم يسجلني ورحت التامينات وقالي الموظف فلى استمارة عبيه وارقغت الخبرات ولى 7اشهر ومااحصلى شي
ويش الحل مشكورررررر |
جزاك الله خير على ماتقدم من مجهود.....وابي رايك بموضوع واحد اعرفه كان شغال بشركه ومنتظم فيها وجاته وظيفه حكوميه وقدر انه يوفق بين الاثنين ومواظب بحكم ان الشركه شفتات واستمرعلى الحاله اكثر من سنتين ومحد شاف ولادرى سوى مشرفه بالشركه..... مع العلم ان الشركه تقطع للتامينات 300 ويمكن تزيد ريالات بعض الاحيان ......انتظر رايك
|
اقتباس:
والشي الاهم هل المنشأه (المكتب الهندسي) خاضع لنظام التأمينات ام لا ، واستغرب من كلامك في طريقه العقد وبنوده ان ياخذ منك قيمه اشتراك التأمينات لان العقود في السعوديه خاضعه لانظمه العمل والعمال الذي يوضح للعامل انه سوف يتحمل اشتراك التأمينات الاجتماعيه فقط . * اذا كان لم يسجلك بالتأمينات واكتشفت ان المنشأه خاضعه للنظام : تتناقش وتحلها ودي مع اصحاب الملك في المنشأه اذا لم يحصل حل نهائي ولحظت عدم استجابه وتلاعب تراجع قسم شئون اصحاب العمل بالتأمينات لكي يسجلوك بأثر رجعي ( اي من تاريخ مباشرتك لديهم بناء علي تاريخ العقد ) ولا تنسانا من صالح دعائك |
اقتباس:
اذا توظفت في الدوله رسمي لا يمكنك تشترك بالتأمينات الاجتماعيه لانك موظف رسمي وتتبع لمؤسسه المعاشات والتقاعد . زي ماقلتلك في الاول اذا تبي تستلم معاش مستقبلا تنتظر الي سن الستين , انتا ضمها الان ولا تدري وش يصير بوضعك مستقبلا واذا بغيت تعدل عنها تقدر ( يعني تفك الضم ) لا تنسنا من صالح دعائك |
اقتباس:
استغرب منك الناس تبحث عن الخبره وانتا تبتعد عنها ؟؟ المهم لا يستطيع احد يتدخل في معلوماتك الشخصيه في التأمينات من اشتراك او اجور الا انت فقط ، يعني محد يقدر يسحبلك برنت بخدماتك من قسم خدمات المشتركين الا انتا فقط او بتفويض منك . بكل سهوله بتصير يا حلو مسجل في مكتب العمل وبيكتشف هالشي اذا جاء يسجلك في مكتب العمل مو لعيونك طبعا علشان السعوده ( >>> امزح ترا لا تزعل ) وبيطلب منك اخلاء طرف من شركتك القديمه علشان يقدر يسجلك في مكتب العمل لان شركتك القديمه مسجلتك منذو مبطي . واذا انت تقصد انك تعمل في شركتين مثلا وظيفه صباحيه واخري مسائيه فهذا لا يوجد فيه مشكله من التأمينات تعمل في اكثر من وظيفه برقم اشتراك واحد .. لكن بعض اصحاب العمل الشركات يرفظون تدري ليش انا اقوولك لانك ممكن تشتغل في شركه منافسه وتسرب اخبارها وانتاجاتها >> من عاقل يالخبير ( امزح تري لا تزعل ) هاذا تفكيرهم مادرو ان الواحد يبي يحسن دخله المادي فقط ولا تنسانا من صالح دعائك |
اقتباس:
تابع مع القسم الي هو شئون اصحاب العمل الي رحت له وارفق صوره من العقد وياليت تكتبلي تواريخ المباشره لك انتظرك |
مشكور اخي بس عندي سوال ثاني انا اسمي في بطاقة التامينات فيه خطاء بحرف واحد وهو ا(الفخذ) بتغير حرف من الراء الى الدال هل هذا يتوجب على تغيره عن طريقكم او يصير فيه مشكلة مستقبلا ومشكووور ماقصرت واثلجت صدري بصراحتك
|
اقتباس:
لا يحق للموظف في الدوله رسمي الجمع بين وظيفتان في الدوله والقطاع الخاص ولن يستفيد منها مستقبلا لا نها سوف تلغي عليه وتسبب له مشاكل مستقبلا عند استحقاق المعاش في الدوله . وهذا العمل مخالف للانظمه والقوانين في المملكه اما اذا كانت في وظيفه غير رسميه علي بند مثلا فجميعهم يخضعون للتأمينات لا تنسنا من صالح دعائك |
السلام عليكم ورحمة الله وبركاته
الله يجزاك خير علا الفائده اللى تقدمها لاخوانك عندىسئوال كنت عسكرى وامظيت 14 سنه وبعدها استقلت واستلمت حقوقى كاش بعدها اشتغلت علا البند105 عشر سنوات الين جانى تثبيت علا المرتبه الخامسه سؤالى هل اقدراستفيد من خدمتى السابقه فى العسكريه هل العشر سنوات علا البند ذهبت فى مهب الريح والسلام عليكم |
اقتباس:
خدمتك الي في العسكريه ما اقدر افيدك فيها لانها علي المؤسسه العامه للمعاشات والتقاعد اما اذا كانت خدمتك العشر سنوات الي تقول علي البند خاضعه للتأمينات الاجتماعيه تقدر تضمها للتقاعد بشرط ان لا يكون قد امضيت اكثر من سنتين . لاتنسانا من صالح دعائك |
يعطيك العافيه أخوي
انا عندي مشكله بشرحها لك انا كنت التحقت لأول مره بشركة في الرياض بتاريخ 15/4/2007 وجلست فيها شهر بعدين قدمت استقاله وافقوا عليها بعدين قلت لهم ما ابي تسجلوني بالتأمينات لاني مشترك جديد وهم كانوا ارسلوا اوراقي لها فعملوا خطاب ورحت به للتامينات وقابلت مدير بالدور الرابع اظن وشرحت له الوضع وقال خلاص ماراح نسجلك المهم انا في 1/6/2007 اشتغلت بشركة ثانيه بس بجده وسجلوني بالتأمينات وعادي المهم امس لما كلمت التأمينات وطلع اني مسجل بشركتين اللي بالرياض واللي بجده ما ادري كيف وضعي الحين كيف اتصرف مع الشركة الاولي خصوصا انو للحين اشتراكي ماشي عندهم هل فيها ضرر علي؟؟ والله يعطيك العافيه |
اقتباس:
ليش ماخليتهم يسجلونك شهر هذا من حقك اذا استمر الشركتين معا بيصير عندك تداخل في الخدمات تسبب لك مشاكل مستقبلا في احتساب الخدمه , انصحك ات تخاطب الشركه القديمه لاستبعادك فورا وخذ منهم اخلاء طرف لاتنسانا من صالح دعاءك |
الله يعطيك العافيه مقهور بقوه
|
سؤالي واضح جدا
انا الان اشتغل في شركه واسمي بالتأمينات هل يحق لي ان اشتغل بشركه اخرى ولايوجد تعارض او غرامه من التأمينات علي؟؟ |
السلام عليكم ورحمته الله وبركاته ...
اول شي الشكر مقدما إلى الأخ ( مقهور مره ) على مايقدمه لنا من استشارات ونصائح بخصوص التأمينات الإجتماعية . ثانيآ .. انا عندي استفسار عن التأمينات .. انا التحقت بالعمل في أحد مكاتب المحاماة لكسب الخبرة , علمآ بأنني ألتحقت بتاريخ 1-8-1428هـ ومازلت على رأس العمل لحد الآن ... ولم أقم بضم إسمي في التأمينات الإجتماعية منذ إبرامي لعقد العمل بالتاريخ المذكور .. السؤال هو :: الان انا اود ضم اسمي في التأمينات ... هـــل يضم اسمي وتحسب المدة بأثر رجعي ( بداء من تاريخ 1-8-1428هـ) بحسب تاريخ العقد ؟؟؟ أو هل تحسب المدة بأثر فوري ومباشر بدءآ من تاريخ تقديمي للأوراق لضم اسمي بالتأمينات ... مع العلم اني لم اباشر أي اجراء لحد الآن ... في حالة ما إذا كان التسجيل يكون بأثر رجعي ... هل اقوم بدفع المبلغ للأشهر السابقة التي عملت بها في المكتب ... أو ماهو الإجراء تحديدا .. والأوراق المطلوبة ,,, وماهي الإجراءات بالضبط .. جزاك الله خير . السؤال الثاني ..((والله يعينك علي :) )) كان فيه موظف سابق قبلي بنفس المكتب نصحني بنصيحة قبل ماأباشر برفع اوراقي للتأمينات .. والنصيحة هي :: أن أقوم بتسجل اسمي بـ(صندوق الموآرد البشرية) وهم يقومون بدورهم بدعم المنشأة التي اعمل فيها ... بالإضافة إلى قيامهم بضم اسمي في التأمينات الاجتماعية .. علمآ أنه لا يمكنني القيام بالتقديم على صندوق الموآرد البشرية في حالة ما وإذا كان سبق لي وأن التحقت بالتأمينات الإجتماعية ,,, انت وش رأي ... هل اقدم على التأمينات أول .. والا على الموارد البشرية .. وأيهما أفضل من ناحية احتساب الخبرة ؟؟ إن شاء الله تكون وصلتك الصورة أخي الكريم .. آسف على الإطالة .. وجزاك الله ألف خير.. وجعل الله عملك هذا في موازين حسانتك |
اقتباس:
نعم يحق لك ان تعمل في اكثر من وظيفه ولكن عند استحقاق المعاش تحسب لك مده واحده ونعاملك علي قدر رواتبك مثلا شركه اجرك فيها 3000 والشركه الثانيه 5000 في احتساب المعاش ناخذ مده واحده الي هي من تاريخ اشتراكك بدون تداخل ونجمع اجورك يطلع معنا ناتج 8000 وهاكذا ولكن ليس من المعقوول ان يعمل شخص ثلاث وظائف الا اذا كانت استشاريه مثلا او معقب (بعد التعقيب حددوه مكتب العمل شركه واحده لكي يفتحو المجال للسعوده). اما اذا كان وظيفه صباحيه واخؤي مسائيه معقوول كذا . والتامينات لا تغرمك فقط تلغي الخدمه اذا كان صاحبها موظف رسمي في الدوله . لا تنسانا من صالح دعائك . |
اقتباس:
هاذه مجرد بطاقه تعريفيه برقم اشتراكك فقط اما البطاقه لا تغني ولا تسمن من جوع اخوي ينبغي عليك مراجعه اقرب فرع بالمدينه المتواجد بها في قسم خدمات المشتركين لتحديث بياناتك الشخصيه من واقع بطاقه الاحوال . لا تنسانا من صالح دعائك |
اقتباس:
اخوي اول شي انتا مو الي تسجل نفسك بالتأمينات المنشأه هي الي تسجلك وتسدد اشتراكك فقط انت يخصم منك 9% اتمني وصلت المعلومه . وسؤالي لك ؟ هل المنشأه التي تعمل بها خاضعه لنظام التأمينات الاجتماعيه ام لا . اتوقع انها ليست خاضعه لانها لو كانت خاضعه كان سجلتك من البدايه (علي ماقالو مو لعيونك لعيون السعوده للاستفاده من العدد) . ولو قلنا انها خاضعه للنظام تسجل (المنشأه عي الي تسجلك ) بأثر رجعي من تاريخ مباشرتك من واقع عقدك وتدفع فيها غرامات وقيمه السداد من طرف المنشأه وليس من طرفك الا اذا تم الاتفاق انتا وهم علي دفع مبلغ وهم يكملون الباقي وهذا يكون اذا كان يخصم منك من بدايه مباشرتك 9% ولم تسجل . ولكن النظام لا يجبر ان تدفع غرامات مع الشركه لانه تقصير منهم . والاوراق تؤخذ من قسم شئون اصحاب العمل وهذا قسم في المؤسسه العامه للتأمينات الاجتماعيه . ويرفق بها صوره من العقد ومسير رواتب واي علاقه تثبت عملك معهم . هذا بالنسبه للاجابه من الشق الاول من سؤالك اما سؤالك الثاني متعلق بصندوق الموارد البشريه لا علاقه لي بنظامهم لكن ابجيب عليك من واقع خبرتي القديمه في العمل في القطاع الخاص سابقا في مجال الموارد البشريه صندوق الموارد البشريه هو عن دعم المواطن بتوظيف الشباب في القطاع الخاص وتكفل الموارد البشريه بدفع 50% من الراتب والشركه 50% من الراتب ليصبح الاجمالي وهو كامل الراتب للموظف ويشترطون ان يسجل بالتأمينات الاجتماعيه ويخصم منه الي هو الموظف 9% قيمه الاشتراك ، والصندوق زي ماقلت لك لدعم القطاع الخاص وفتح السعوده ..... الخ ، ويشترطون ان لا يكون للموظف الي يدعمه الصندوق رقم اشتراك من التأمينات الاجتماعيه لفتح المجال للعاطلين عن العمل وكبح جماح التسرب وترك العمل من القطاع الخاص . اتمني ان اكون وفقت بالاجابه المتواضعه . لاتنسانا من صالح دعائك |
ارجو من الاخوان الكرام في الاداره السماح لي بعرض الايميل لوجود عدد كبير يريدون الاستفسار واذا كان هاذا ممنوع من الاداره ارجو من الاخوان الذين يرغبون بالحصول علي الايميل للتواصل ارسال طلبهم بمعرفه الايميل عن طريق الخاص
وشكرا |
مراااحب با اخونا مقهور
الله يجعل ماتقدمه لا اخوانك في ميزان حسناتك ويبارك لك في حياتك عندي ملاحظتين قبل ما اسدح سؤالي الملاحظه الاولى لاادارة المنتدى وهي انهم يثبتون الموضوع حتى يسنفيدون منهم الزوار والاعضاء الان ومستقبلا ويكون مرجع في حال اي مشكلة نجهل قوانينها نجد هنا حلها الملاحظه الاخرى وهي لا اخونا مقهور وهي ان تساؤلات الاعضاء تكون في الموضوع بعيده عن الاميلات والرسايل الخاصه حتى نستفيد احنا بعد وهذامايهضم حقك با العكس مكفي وموفي وبيض الله وجهك و هذي الملاحظتين من باب الفائدة للجميع سؤالي يا الغالي من اكثر يعطي راتب تقاعدي اكثر المؤسسه ولا التامينات ولا متوحدين با النظام ايهما افضل اضم خدمتي في التامينات الى التقاعد او اتركها على خدمة ال 6 سنوات في التامينات وابدى مع المؤسسه من الصفر وعند التقاعد استلم من الاثنين او اريح رااسي واضمها بس تفرق با الراتب ولا كيف والله يعطيك العافية على مجهودك ولا يحرمك الاجر |
اقتباس:
انا مو قصدي ان يكون الاستفسارات محجوبه بالعكس انا لاحضت اكثر الاسئله متشابهه وانا اريد ان اتواصل مع الاخوان بمعرفه السؤال ان كان متكرر اجاوبه علي طول اما اذا كان السوال جديد اطلب منه ادراجه في المنتدي لكي يستفيد منه الاخوان . اخوي الضم بالنسبه لك جيد والاعراض عنه برضو جيد لكي تحصل مستقبلا علي معاش جيد وسؤالك عن اكثر معاش تقاعدي هذا يعتمد علي راتبك وخدمتك طبعا التأمينات اكثر وافضل لانها مرتبطه بالمعاشات والاخطار . ورواتب القطاع الخاص انتا عارف اكثر من الدوله . المهم انت ضمها الان واذا رغبت العدول عنها تقدر مستقبلا اهم شي الضم من تاريخ ترسيمك لك مهله سنتين من تاريخ مباشرتك فقط للضم . قبل ما انسي احنا نعطي اقل راتب تقاعدي 1725 ريال . لاتنسانا من صالح دعائك |
بارك الله فيك اخوي مقهور
ماعندي سؤال الان بس راح ارجع لك مره اخرى فيه بعض الاشكالات عندي في مايخص التقاعد والتامينات راح اتركها لوقتها وشكرا لك مره اخرى على سعة صدرك |
اقتباس:
انا في انتظارك اخوي مره ثانيه وعلي الرحب والسعه لاتنسانا من صالح دعائك |
اخوي مقهور تحيه طيبه
انا عملت في شركه واستقلت وعملت في شركه اخرى ومدة اجمالي الخدمه 62 شهر بعد الاستقاله من شهر 11 الماضي وحاليا لست مرتبط بعمل لدي استفسارات : - هل استطيع سحب مستحقاتي من التأمينات .. اذا كان الجواب لا بماذا تنصحني ؟ - الشركه الثانيه كانت تستقطع مني 590 ريالا للتامينات وتفاجأت بعد سحب برنت ان التامينات تستقطع مني 280 ريالا فقط وهو ماكان عند مباشرتي العمل لديهم علما ان راتبي تعدل خلال السته الاشهر الاولى الى الضعف لاكثر من سنه يعني كان راتبي حدود الستة الاف ريال وقبل التعديل كان 300 ريال كيف اتصرف ؟ الرغبه الموجوده لدي هو سحب مستحقاااتي لاني بحاجه لها (( مقبل على زواج)) ؟؟؟ اشكرك على تعاونك معنا وكنا في امس الحاجه لشخص يوجهنا جعلها الله في موازين حسناتك وربي يوفقك ويسعدك ...... |
اقتباس:
لا يمكن ان تسحب المبالغ الا في حاله واحده فقط اذا كانت خدمتك اقل من سنه وباشرت في وظيفه رسميه في الدوله . انا فهمت منك انك الان لا تعمل اذا اوصيك بالاشتراك الاختياري الي ان تحصل علي وظيفه لكي لا يكون عندك انقطاعات مستقبلا . اما ان الشركه يخصمون منك مبلغ اكثر من اجرك في التأمينات فهاذا يدل ان الشركه لم تحدث الاجور السنويه !! اذا راجع الشركه لكي يدفعون لك الفرق هذا من حقك لاتنسانا من صالح دعائك |
اشتغلت محاسب لمدة شهرين وقدمت استقاله وكان يخصم نسبة للتامينات الاجتماعيه
سؤالي هل يحق لي اخذ المبلغ ؟؟؟ سؤالي الأخر :ـ هو هل يلزمني الذهاب للتأمينات او ينتهي الوضع كما هو ؟؟؟ شاكر لك محبتك لمساعدة الجميـــــــــــــــع ،، |
اقتباس:
لا يحق لك اخذ المبلغ الان الا في حاله واحده اذا توظفت في الدوله رسمي يحقلك سحب وتصفيه المبلغ اما اذا لم تعمل فعند سن الستين تستلمها دفعه واحده ولعل الله يرزقك بوظيفه في قطاع خاص تكمل فيها مشوراك في التأمينات ولا تنسانا من صالح دعائك |
لامانع لدي
حياكم الله جميعا واشكر مرووركم الكريم وكانت استفساركم تثلج صدري وتفرحني انتم تعلمون انني احد موظفين المؤسسه العامه للتأمينات الاجتماعيه وارغب باستقبال اي عرض في القطاع الخاص للعمل وخاصه من بنك الانماء او شركه الاتصالات المتنقله (زين) السعوديه وعند ايجاد العرض المناسب للوظيفه سوف اقدم استقالتي من التأمينات الاجتماعيه للاهميه موقعي مدينه الرياض |
| الساعة الآن 02:49 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين