الموضوع يحير شوي..
التدريس حلو .. وحياة الضباط حلوه ..
هذي لها سليبات وذي لها سليبات والعكس بالعكس

فرضنا انك ضابط في السجون .. ماعندك شي الا دوام عادي وقبل ماتروح الدوام خذ 3 جرايد عشان تقراها
او واحد من الشباب اعرفه ماعنده شغله الا يرفع التكميل وبس.. وفي بعض القطاعات خميس وجمعه لك
او الباحث مثلاً .. يطلعونك فوق في الرواتب وشوي تلقى راتبك خرافي .. لكن ممكن تتعب شوي منها
وقيس على هذا

الثاني: التدريس:
تداوم مع الطلاب .. لك اجازه .. ولاحد يقول 3 شهور .. هذي للطلاب وبس لكن برضه انت لك اجازه بدون ماتطلبها.. وارتب جيد... وتكون بعيد عن الاحراجات.. وعندك خميس وجمعه


الاثنين كلها عمل وجهد لابد منه .. العسكريه فيها علاقات وانت وعملك .. وان تبيها من النهايه ماحد بيرتاح الا عيالك.. واذا حصل شي من هنا ولا من هنا لاسمح الله .. انت قريب من الدوله .. وانت فاهم قصدي
والتدريس مافيها علاقات مقارنه بالعسكريه .. او ب(جندي) حاف في المرور او المباحث او غيرها .. لكن تشتري راحة دماغك


ممكن تتعب في ملازم .. ملازم اول .. نقيب .. هذا ممكن .. بعد كذا رائد يمسكونك اداره ..



اعطيتك هالكلام وان شاء الله مايتوهك .. لكن هذا ماجاد به خاطري

عميد إعلامي

لا يسعنى إلا أن أشكرك جزيل الشكر
على ما كتبتهُ يداك ..



لا تلومني
صرت افكر كثير والله !!

الامنية وانت مغمض :)

صحيح تبي تتعب جدا في اول السنوات

لانك في رتبه ظباط اعوان ( ملازم - ملازم اول - نقيب )

لاكن من بعده تبي تحمد ربك انك دخلت الامنية

أعرف ظابط بالأمن العام قسم الأمن والحماية الأستخبارات الأمنية سلم عهدته لمرجعه وجاه التدريس وصار مدرس أستخير وأنت وهوايتك

ا

كلن وهوايته ياغالي لكن اشوف الامنية تتخرج ضابط ولك هيبة اكبر في المجتمع..

انا استغرب من الناس اللي تقول الضابط هيبه مع احترامي لهم

ياخي الضابط تراه عسكري وبعدين هيبته في عمله فقط ولا خارج عمله زيه زي اي مواطن ثاني شي عمل الضابط طول السنه ومتقلب مره نهار ومره ليل حتى في الاعياد يداومون وكمان يدقون عليك من عز نومك ويقولك حضر وهذا يعتبر امر عسكري واذا جيت في قطاعات مثل الجوزارت او المرور تعال شوف الناس كيف تبي منك خدمة او يبيك تمشي معاملة ويمكن تتعرض لاحراجات مع زملائك اذا كان الشخص يعز عليك هذا من غير التنقل من مدينة لمدينة يابسبب ترقيه او دورة ولا تنسى فيه ضباط اعلى منك رتبه لو صار بينكم عداوة او شي كتب فيه محضر ونقلك نقل تأديبي مدينة ثانية وش تبي في ذا القلق وكرامتك انساها في اول يوم تدخل مع بوابة كلية الملك فهد الامنية ولاترجع لك الا في اول يوم تتقاعد

لكن معلم في مدرسة في مدينتك تداوم مع الناس وترقد مثل الناس لاحد يأمرك ولا حد يسبك عمل محدد بساعات محدده وعطلتك مع الطلاب خميس وجمعه والاعياد ورمضان وراتب حلوو وتداوم مدني بثوبك وعندك وقت تشوف عيالك وتراعيهم عندك وقت لاهلك وهذا والله اهم شي اكثر الضباط مايشوفون اهاليهم او عيالهم الا وين طول الوقت مشغول بالعمل

مهنة المعلم من اعظم المهن واجلها لكن المجتمع ينظر للمعلم بنظرة عادية ويكفي المعلم هالبيت من الشعر

قم للمعلم وفــه التبجيلاَ كاد المعلم ان يكون رسولاَ

العمل المدني لاضغوط ولا مشاكل ولا تفكير مقارنة بعمل العسكري


اتمنى التوفيق لك ..

الشباب ما قصرو جابو السلبيات والاجابيات بقى عليك الاستخاره وما ترتاح له نفسك وذا رحت مجال لا تحسف على الثانبه لأن كلها زينه


[rainbow]ما خابا من استخار كثر من الاستخاره[/rainbow]