معلم ( المستوى الخامس + بدل 20 % ) أم كلية الملك فهد الأمنية ؟؟
السلام عليكم ورحمة الله وبركاته
يا شباب وش رايكم بكل صدق وأمانة |
معلم يكفي اجازه 3 شهور ومنت مقيد هذي تكفى
|
والله ياخوك حسب رغبتك انت اذا تبي الراحه وراحه البال رح لمدرس وذا يهمك الراتب ونت على راس العمل الامنيه افضل لان لو تقاعدت راتبك راح يطيح كثير منه اما مدرس 30 سنه تشتغل واكثر ماحولك تقاعد ولو تقاعدت راتب كامل يجي مثل تستلم 20 قبل التقاعد يجيك 20 بعد التقاعد بينما العسكريه 20 سنه وتقاعد
|
و أنا أخوك
سلبيات العسكرية أكثر من المدنية بمليون مرة و لو تشوف الحياة المدنية سلبياتها قليلة جداً لكن من ناحية الهيبة قدام الناس فـ كلية الملك فهد تكفي تخلص 3 سنوات و تتخرج و الدبورة على كتفك من ناحية الراحة فـ التدريس أفضضضضل بمليون مرة و الراتب كذلك من ناحية السُمعة و الهيبة فـ الكلية أفضضل و الله يوفقك في حلك و ترحالك |
استخير ربك وشف ماتدري وين المكتوب لك
الله يوفقك واللي الي كاتبه لك ربك بيجيك دعواتك |
اول شئ يالغالي استخير الله عز وجل
وثاني شئ ترى الوظيفه المدنيه افضل من العسكريه بمليون مره بس انت استخير الله عز وجل ثم استشير اهلك وجماعتك بالتوفيق يالغالي |
يــــــــآرجآل رووووح مدرس ...وبووووس ايدك وجهـــ وقفى ....وتحمد ربك
|
لالا لااااا مستحييييل اللي قاعدة أشوووفه وش تبي بالعسكرييية مرررررض مزززمن
والرااااتب الأسااسي طفسة وماتفررح به لا بدبل راتب ولا شيء إذا تبي الجد أحس حراام مقارنة العسكرية بالوظيفة التعليمية روح فيه موضوع في الاستفسارات العسكرية فيه سلم رواتب الأفراد وربي شيء يفششششل ورح شف سلم رواتب المعلمين ماشاء الله تبارك الرحمن الله يبارك لهم فيها فرررررررررق تخيل أعرف عسكري له٨ سنوااات ورااتبه الأساسي توه يوصل ٤٧٩٠ ترا هالراتب بعد زيادة ال١٥٪ للعلم وطبعا ضغط عمل العسكري فررق عن المعلم ومن ناحية الإجازات العسكري تطلع روحه عشان إجازة شهر بالسنة قلت من قبل ظلم المقارنة بين العسكري والمعلم ترا العسكري لم يُعطى ماايستحق حتى الآآن . وأولا وأخيراً عليك بالإستخارة وفقك الله لما يحب ويرضى |
استخير ربك قبل كل شئ بكل امورك وزين ان شاء الله
وبعد ذلك من وجهة نظري التدريس افضل بمراحل كثيرة لا اوامر ولا استلامات ولا احد يدق عليك بالليل تعال استلم تعال ناوب تعال خلص شغل يعني التدريس تخلص شغلك وتروح بيتكم مرتاح ومعزز مكرم وراتب ويثبت لك هالراتب بعد التقاعد المدنية افضل وانت براحتك |
وش جاب الثرا للثريا التعليم اريح والامنيه هيبه
|
الساعة الآن 07:53 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين