|
ابغى اتزوج الثانيه
السلام عليكم ورحمة الله وبركاته
اخواني اهل الخبره انا ابغى اتزوج الثانيه بس المشكله كيف اقنع الزوجه الاولى تكفون لا تبخلون عليه بالمشوره |
وعليكم السلام ورحمة الله وبركاته
واحد اتصل ع الشيخ المطلق قال ابغى اتزوج 2 لانة ماعندة عيال لان معة سكر وضغط قالة سوا انت وزوجتك اطفال انابيب وانت وش السبب اللي يخليك تبي 2؟ فكر اذا مقنع وبعدين مافي زوجة ترضى بـــ2 |
نصيحة لوجه الله لاتخلى وسيط بينكم
تعرف منك ولا من الغير قول لها انا بتزوج الثانية وشوف ردت فعلهاا المهم بالوقت المناسب جيبها بمزحه وبعدين ادخل بالجد |
وعليكم السلام ورحمة الله وبركاته
لو بالامكان ممكن السبب الي خلاك تفكر بالزواج من ثانيه؟ لا عرفنا السبب بتسهل علينا اخوي لان بنعرف وضعك..... |
موفق بإذن الله ... لك مني أجمل تحية .
|
اولا نبي نعرف السبب اللي خلاك تفكر بهالزواج اذا سبب مقنع نقدر نساعدك واذا مو مقنع وهي قايمه بواجبها تجاهك فانا اشوفه ظلم بحق زوجتك :court: |
الله كريم لو تزوجت المهم تكون عادل لان وراك حساب
|
انااقولك اذا في سبب مقنع كخلفه وبزوره وغيرو ممكن
لكن والله من الباب لطاقه مسكت براسك بتزوج الله يعينك بالتوفيق |
الله يهديكم
هبيتوا في الرجال عشان بيتزوج يمكن تكون عنده اسباب خاصة ومو حاب يفصح عنها وبعدين هو قالكم كيف اقنع الاولى بزواجي من الثانيه ماقال تؤيودني بالزواج من الثانيه ولا لا اخوي مافي احسن من الصراحه اذا زوجتك ماتعرف بقرارك قولها واذا عارفه ومعارضه هذي يبغالها طولة بال ومسايسه , ولاتدخل احد بالموضوع خلي الكلام بينك وبينها الحرمه عندها رجالها يموت ولا يتزوج عليها حتى لو كانت تكرهه وهذي طبيعة المرأه اللهم ان كانت الزوجه الثانيه دخلتها بخير عليك وعلى زوجتك الاولى واهلك فييسر الزواج وان كان دخلتها شر عليكم فأصرفه عنهم |
اخوي خذها مني نصيحة
اذكر إجابياتها وامدحها بوجها من قول والله اني مرتاح معك والله ماقصرتي وانا بعيشك مثل ماكنتي واحسن وترا هدفي من الزواج يعلم الله ابي اولاد كثير [ سبب رقم 1 ] او والله ماودي بتعبك وابي التفاخر بين الناس والله مقدر علي بمال ووظيفة والله انتي اكوس وحدة واحلا وحدة وانتي الحب الاولي صدقني اخوي لو تذكر من الآيات والاحاديث النبوية الشريفة عن حقك انت تتزوج 2 او 3 ماراح ترضى الا اذا اقنعتها بالمحبة والآلفة والكلام الطيب والله يوفقك اخوي ويستر عليك ويتمم على خيـــر |
ياااااااااااااااااااااقوي قلبك وطارح الموضوع بعد يارجل انت ادري من اي احد تستشيروا انت ادري باحساسها وحبها لك روح قولها الصدق وصارحها وهي اللي تقدر تقولك الاجابه
بس مااقول غير الله يعين بنات الرجال اوقات الرجال يتجوزو بس كذا ياليت عنده سبب مقنع |
لنفترض انها اقتنعت وتزوجت الثانية .. على بالك انك بترتاح بعيشتك
حط ببالك انك لااااازم تعدل بينهم في كل شي .. حتصير مشتت هذا اولا ليلة عند الاولى .. وليلة عند الثانية .. يعني حتقضي بقية حياتك وانتا يوميا تتنقل من بيت لبيت وزي ما تعامل هذي لازم تعامل الثانية .. ولما تشتري حاجة لوحدة لازم تشتريها للثانية ولا حتقلب حياتك هذا غير اذا اجتمعوا .. يا ويييلك يا سواد ليلك لو سويت حركة لوحدة منهم ولا قلتللها كلمة اعرف واحد اتزوج على زوجته .. وعانى في حياته معاناة ما يعلمها الا ربي .. وجته الامراض من ضغط وسكر .... وفي الاخير زوجته الاولى طلبت الطلاق وطلقها بالقوة وهو يبكي عليها ترى الزوجة الثانية طعنة بقلب الاولى ومستحييييييل تسامحك عليها طول ماهيا عايشة |
بصراحه ياجماعة الخير الاسباب يمكن بنظركم ماهي مقنعه طيب لو مثلا قلتلكم انا نفسي بالتغيير هل هذا حرام
|
اقتباس:
يا ان حياتك بتتغير تغيير :b:mish::court::z:g :cool: |
اقتباس:
ما افتيك صراحه بس يا ان حياتك بتتغير تغيير :b:mish::court::g"P |
ينقل للقسم المناسب
أعان الله الزوجــة وهدى الله الزوج لخير الأمور ~ |
الله يعينك على التغير الي بيجيك هههه
من الحين جهز حالك كل شي اشتري منه اثنين ههه بالتوفيق .. |
الله يكون بعونك ......
|
ههههههههههههه
شكل الرجال يبي يكره اليوم اللي شواركم فيه هههههههههههههههه |
لالا لا حرااااام تكسر بخاطرها مهما كانت الاسباب فيه مائه حل غير الزواج حتى لو
رضيت فتأكد ان خاطرها مكسووووور . |
هههههههههههههههههه ياخوي ريح راسك وخليك على اللي عندك ترا انا قبلك توووووووووط ههههههههههههههههههههههه الله يستر
|
اخوي قبل كل شي استخير وصارح زوجتك انك بتتزوج عليها وطبعا بين لها مكانتها وقدرها عندك وانها مو مقصره معك وانه من حقك تتزوج اكثر من وحده
وهي اكيد راح تزعل لكن بالاخير راح ترضى بالامر الواقع بس هي بالبدايه تكون صعبه ومعقده بس اهم شي العدل العدل لانك محاسب على الشي واشوف ان الرجل يتزوج بالحلال افضل من انه يبحث عن علاقه محرمه وياما رجال متزوجين اكثر من وحده ومرتاحين وكل وحده تتسابق تكون الافضل عنده بدافع الغيره والرجل الحكيم هو اللي يعرف يدبر اموره لاتحرمون شي احله الله وسبب المشاكل هو عدم وجود العدل والمعامله السيئه والله يكتب لك الخير |
السلام عليكم ورحمة الله وبركاته يا أخي الله محلل للرجل أربعه ليه الناس ما ترضى بشرع ربنا و لا تعترضون على شيء مشروع من اللي خلقنا ،، المهم يا أخوي صارحها و أعطيها رضوتها باللي تقدر عليه مهما كان هذي زوجتكـ و أكرمها و ربنا إن شاء الله ييسر لكـ الأمر و ترضى و فاتحها بالموضوع بالحسنى و المعامله الطيبه هذا إذا كنت تقدر تعدل بينهم و إذا مو قادر يا أخوي خلكـ على زوجتكـ أفضل لكـ ربنا يوفقكـ و يسهل أمركـ دمت بحفظ الرحمن .~ |
مافي سبب يخلي زوجتك ترضي تتزوج
الا اذا هي ماتجيب عيال ممكن توافق غير كذا مستحييييل |
اقتباس:
اسئلها يمكن حتى هي تبي تغير ؟؟؟ |
صدقني ردها لك بيكون طلقني انا بعد ابي اغير ومن حقها ياخي مشا الله صارت موضه بين الناس
ثوب هو الله يهديك تغيره لاحول ولاقوة الا بالله تخيل زوج اختك يقلك بوجهك بتزوج على اختك ابي اغير <<<تعرف ياخي الكريم وش معنى الكلمه يعني مليت وطفشت وابي اغير ابي شي جديد لاحول ولاقوة الا بالله لاتظلم بنات الناس معك الى اذا كان فيه سبب مقنع مو انك تبي تغير كان من اول مو بعد كل ذي العشره |
شكل الرجال هج
هبلتووووووووبه |
اقتباس:
الشرع حلل اربع وصدقني هي من عندها بعد بتحلل له عشره بس اذا طلبت يطلقها ومعهم عيال هنا الي بيروح فيها العيال لان بذا الزمن مافيه احد يعدل بس يقلها واذا قالت له طلقني انا بعد ابي اغير من حقها لانه حلال والى .... الرجال يطلب مشوره وبالاخير زوجته بتعرف بس ياخوي اذا طلبت الطلاق لاني اعرف حريم زي كذا سووا لمن ازواجهم تزوجوا عليهم وهالحريم تزوجوا والعيال ضاعوا فكر الف مره قبل ماتخطي خطوه شاورها ولا تتزوج الى اذا وافقت لان بموافقتها بيتحدد مصير العيال |
http://www.youtube.com/watch?v=bpEzI7c***M
ضع بصمتك في تعدد الزوجات للشيخ العريفي http://www.youtube.com/watch?v=Ggm2Z09rM3M |
اقتباس:
ممكن الرجل يبغى يكثر النسل ,, وممكن يريد ستر بعض الحريم لان في الارامل وفي المطلقات وفي الخ . . . وبعدين ليش تطلب الطلاق في حالة طلب الزوج من الزواج بأخرى ,,, الطلاق نهايه الحياه الزوجيه .. يعني يا تنهي الحياه الزوجيه او لا يتزوج الرجل من أخرى ؟؟ |
اقتباس:
والحريم ترا يختلفون يعني خله يحط ذا الاحتمال قدامه انه اذا قال لها وطلبت الطلاق وش بيكون رده لها وايش بيكون نهاية عيش وملح كان بينهم هذا مقصدي لاني اعرف تفكير الحريم يحط كل الاحتمالات قدامه اذا يقدر يواجه ذي الاحتمالات ومن ظمنها تطلب الطلاق والله وربي اعرف وحده وافقت على زوجها بكل شي بس شرطها يكتب الشقه باسمها ولمن كتبها انتظرته يتزوج وخلعته وتزوجت هي بعد وصاير المحروس يطلع وينزل قدامه وذاك بيموت قهر كيدهن عظيم :d يحط كل الاحتمالات قدامه لايخرب بيته عشان تغيير بعض التغيير خراب بيوت الشرع حلل اربع مانقول شي بس ينتبه من الحريم اهب عليهن موب سهلات وربي :i |
اذا انت مستعد للصبر وتحمل بيتين والعدل بينهم
ابدأ في التفكير على كيفية اقناع الزوجة الاولى بشكل مباشر وطريقة تفهيم مقنعة جدآ اذا وافقت تمام واذا ماوافقت لاتقدم بالزواج لأن رح يفكلك ابواب عدة ومشاكل وشكرآآآ..! |
حقك يالغالي الشرع محلل اربع
لكن يالغالي ابقولك شغلة ( إذا نويت وقررت بتتزوج لاتجرح زوجتك الأولى وحاول تجيها باللين والكلام الطيب ) ولاتجرح شعورها ولاتضرب بمشاعرها عرض الحائظ والشغلة الثانية تاكد بإنك قادر تعدل بينهم !!!!! بالتوفيق |
[align=center]الشرع حلل لك اربع يعني مافي احد عاقل بيقولك لا تتزوج وحرام او من هذا الكلام
لكن موضوع الزواج الثاني يتطلب منك العدل وبالاضافه ان ظروفك الماديه تسمح لك انك تفتح بيتين عموما في البدايه بتواجه صعوبه كبيره لكن يعتمد على شخصيتك وتعاملك مع زوجاتك اما تقنع زوجتك صعب تقتنع لكن الاهم انك ماتظلمها وتهمشها يعني لازم تتحملها وتتوقع منها اي ردت فعل لانها بتحس بنقص بنفسها وهذه هي طبيعه المراءه الغيره وسبق ان طرح الدكتور محمد العريقي حلقه عن الزواج الثاني في برنامج ضع بصمتك ممكن تتابع الحلقه طرح فيها نقاط مهمه بخصوص تعدد الزوجات الله يكتب لك الي فيه الخير [/align] |
على طاري اللي يتزوج ثنتين
سالفه يعلمني فيها الوالد الله يرحمه كان فيه رجال متزوج ثنتين وحده متينه ووحده ضعيفه (معصقله) واذا جا يوم المتينه تقول له روح للمعصقله انت تحبها اكثر واذا جا يوم المعصقله قالت له روح للمتينه انت تحبها اكثر فصار اذا جاء عند المعصقله قال لها يا عصاقل يا مصاقل حبكم بالقلب صاقل ... خششيني دسسيني عن دبادب لا تجيني ورضت استقبلته احسن استقبال واذا جا عند المتينه قال لها يا متينه يا متينه يا دكاكين المدينة ... خششيني دسسيني عن عصاقل لا تجيني ورضت استقبلته احسن استقبال الله يكتب لك اللي فيه خير وصالح |
للأسف كثييييير يذكرون تحليل الشرع لأربع نساء وينسسون باقي الآية
( فإن خفتم ألا تعدلوا فواحدة) تمعنوا في هالآية كثيير يحسب العدل هين وسهل وكلها اشتري من كل شيء اثنين وافتح بيتين مادروا ان القصة أصعب من كذاا بكثير ولاماكان نزّل الله سبحانه وتعالى أمر بالعدل بين الزوجات بعدين إذا حضرت جنابك ياللي كل يوم بستايل تغير وتخلي زوجتك تنبسط من التغيير والاهتمام اللي تشوفه فيك انصحها تسوي مثلك من باب التغيير فالشكل خلها تصبغ تقص تغير ستايل لبسها وراح تشوفها غير طبعا إذا قلبك يحبها ومايحب يزعلها وإذا غير كذا فماأقول إلا الله يصبر قليبها بصراحة السبب اللي عندك يعني مو مقنع ابداا كيف تبي تغير؟؟ اسمحلي حسيتك تتكلم عن سيارة الله يكون في عونها ويربط على قلبها وجعل ربي يعمي عينك وقلبك عن أنثى غيرها والله يجملها في عينك يااا الله جدجد دمعت عيني لحال زوجتك اتخيلها تشوفك تشارك بالمنتدى وفاتح اللاب وودها تحط يدها بيدك بدل ماهي تطقطق عالكيبورد لكن الله أقوى الله يسخرك لها ويسخرها لك والقهر كانك تكتب الموضوع فبيتها ياااه الله لايحر تسبدي ذا الحرررة عموما فكر زين مدري وش اقول اشتقيت معها بصراحة أحس زوجتك طيووبة لأن غالبا اللي يدور الثانية تصير الأولى محلية حياته ومقدرته وهالشيء يخليه يطمع في حياة ثانية حلوة لكن مايدري ان الزوجات مو سوااا ابدااا دايم اللي منكدة عيشة زوجها مايفكر ياخذ ثانية يقول وحدة وعساني اتحمل الله يكون بالعون لكن بمجرد زواجه بالثانية تتغير معاملة الأولى لأنها انجرحت والثانية الله اعلم بها ياتصيب وتصير فيها من صفات الأولى ولا تخيب وتطلع قرون لزوجها ويندم قد شعر واسه انه فكر ياخذ غير زوجته ويحاول يرجع الأولى زي ماكانت لكن وييييين جرررررح الضررة غييييييير الله لايذوقه حبايبي ولايذوقنياه انتم تدرون لما تكون زوجة متوفية وتنذكر سيرتها عن الثانية تطق من الغيرة طبعا اذا الكلام قدام الزوج عموما الله يصلح الحال |
الله يوفقك أخوي
والمرأة مهما كانت عاقلة ومتدينة إلا عند مسألة الزواج عليها ، تركل العقل والحكمه ورى ظهرها .. وبأحدثك عن أخي الأكبر وهو ( بيعرس من الثانية نهاية الشهر الجاي ) زوجته الأولى عملت المستحيل علشان يغير قراره ، ولكن بدون فايدة .. فتخيلوا : طلبت جميع ذهبها إلا سبق وأخذه منها ، وهذا من حقها ، ورجعه لها.. وبعدين تهورت وطلبت الطلاق ، علما بأن عندهم ( بنت وولد ) !! وأخطر شيء سوته ، كانوا يتمشون هم والعيال ، وأخوي كان ماشي بسرعة 120 فغافلت أخوي و حرفت ( الطارة ) فجأة جهت عمود إنارة ، والله سترهم ، وعدا الأمر على خير .. فتخيلوا إيش تسوي فكرة ( الزواج من ثانية ) على الزوجة الأولى .. وأظن مايعرف قدر هذا الشيء إلا النساء .. وإلا لو بتفكيرنا إحنا الرجال : مادام معطيني حقوقي ، و موفر لي سكن ، و أكل ، وشرب ، ولبس ومهتم بالعيال ، إن شاء الله يتزوج من الجن ، وأنا مالي ؟! |
اقتباس:
... دامك نويت بالتوفيق لكن العدل العدل العدل .. سواء بين الزوجات او الابناء مستقبلاً .. |
سبحاااااان الله
مثل مااحل الله لك الزواج باربع احل الله لها الطلاق ليش تحرم عليها وتحلل لنفسك حسبنا الله عليكم ما عدلتوا لا مع اولى ولا مع ثانية كرهتونا ماشرع الله ( الزواج من الثانية ) بسبب ظلمكم |
الله يعينهآ,,ويصبرهآ لو مو مقصره معك بشيء.
|
| الساعة الآن 05:59 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين