البطاله مالها حل البطاله
 

السلام عليكم ورحمة الله

لا أخفي عليكم تنتابني ضيقة عندما أرى الوظائف المتدنية لأبناء هذا الوطن

وأكثر ما يضايقني إلحاح وزارة العمل ورضاها على سعودة الوظائف المتدنية

فهذه قصيدة متواضعة مني لعدم الرضى بسعودة تلك الوظائف وتطرقت فيها إلى ما يعانيه العاطل من بحثه عن الوظيفة وظروفه المالية والنفسيه والمعنوية

أسأل الله أن يرزق كل عاطل وعاطلة بالوظيفة التي تؤمن له مستقبله وتساعده في أمور زواجه وإستقراره .

اخوكم

يحيى الدوسري


المُحاله شفتها بانت مُحاله=مالها حل ٍ ولو طالت سنيني
تتعب العقـّال وراعين الشكاله=وتتعب اللي بالمعارف فاهميني
البطاله مالها حل البطاله=وش نسوي بالشباب العاطليني
كل والد ذايق ٍ حرة عياله=ضايق ٍ صدره وفكره صار شيني
حتى حافز ما يجيهم بالسهاله=عقدوهم والأمر والله هويني
الملف الأخضر عليهم صار عاله=وتعبوا من دوجة في الليموزيني
يركب التكسي من اطراف السباله=لين خشم العان ويرجع خطوتيني
هذا حاله كل صبح ٍ هذا حاله=والملف الاخضر معه والحر شيني
لو تفتش جعبته تلقى رياله=في طرف مخباه يابس ما يليني
كل منهم يطرق الهاجوس باله=وقتهم يابس ولا ظنه يليني
الاجنبي في ذا البلد قد شاف حاله=كل اموره ماشيه والحظ زيني
صادق اللي قال يا منهو شراله=من حلاله علة ٍ وسط البطيني
شفت حظ عيالنا طايح لحاله=مالهم الا الله الواحد معيني
كم قرينا عن حلول للبطاله=للأسف يا ليت ما تقراه عيني
في الإذاعه نستمع هرج الجزاله=والكلام يرددونه مرتيني
خدرونا بكلمة ٍ والفكر داله=ليتني ما كنت ضمن السامعيني
سعودة سوق الخضار أكبر دلاله=يضحكون بها على اللي جاهليني
هيه يا مسؤول فكرك ويش جاله=يوم ترضى بالهوان وبالهويني
السعودي لازم ٍ يرقى مجاله=ما هو في بيع البصل والجحتيني
آه ثم آه الصدر يا ضيق باله=من هموم ٍ شيّبت بالمرضعيني
كل عاطل قصّت الدنيا حباله=عايش ٍ همه سواة اللي سجيني
كم عاطل خاطره في بنت خاله=مير قـِل المال سبب وجعتيني
أول الوجعات من هم العطاله=جابت الوجعات يتلاها الونيني
وكم سجين ٍ يشتكي لله حاله=ضايق ٍ صدره ويهل الدمعتيني
البطالة تجر لدروب الرذاله=كافحوها قبل هرج الشامتيني
هذي أبياتي وذا نص الرساله=احفظوها وانشروا يا عاطليني
ونجتمع في منتدانا ومن خلاله=انتشاور في أمور العاطليني

صح لسانك أ. يحيى

في الصميم



هــذي أبيـاتـي وذا نــص الرسـالـه
احفظوهـا وانشـروا يــا عاطليـنـي


إن شاء الله يكون لها صدى وتكون احد أبواب لحل ازمه البطالة

بارك الله فيك كنت وما زلت صاحب الفضل والمبادرات لصالح العاطلين

عليكم السلام ورحمة الله

نورت المنتدى

صح لسانك على الأبيات الجزلة

والقصيدة أعتبرها ملحمة العاطلين


سعودة سوق الخضـار أكبـر دلالـه
يضحكون بها على اللـي جاهلينـي

هيه يا مسؤول فكـرك ويـش جالـه
يـوم ترضـى بالهـوان وبالهويـنـي

السـعـودي لازم ٍ يـرقـى مـجـالـه
ما هو في بيـع البصـل والجحتينـي

آه ثــم آه الـصـدر يــا ضـيـق بـالـه
مـن همـوم ٍ شيّبـت بالمرضعينـي


بيض الله وجهك

صح لسانك يا أ. يحيى الدوسري

يا ليت تشرفنا بكتاباتك في المنتدى من فترة لاخرى

مع تمنياتي للجميع بالتوفيق

اللهم آآمين
وصــــح لســــــــــــــــــــــانكـــــــ أخوووي يحيى على القصيده الاكثر من الرائعه

البطاله مالها حل البطاله .... وش نسوي بالشباب العاطليني

صح لسانك أ.يحيى الدوسري
وبيض الله وجهك
الله يوفق جميع العاطلين ويرزقهم بالوظائف اللي يبونها

قصيدة جميلة واسأل الله أن يعين جميع العاطلين ويوفقهم لامايحبهم ويرضاه

وش باليد الشكوى لله والله يعين

الاجنبي في ذا البلد قد شـاف حالـه كـل امـوره ماشـيـه والـحـظ زيـنـي
صادق اللـي قـال يـا منهـو شرالـه مـن حلالـه عـلـة ٍ وســط البطيـنـي


وصح لسانك يا أ / يحيى الدوسري

صح السانك يا أستاذ يحيى
وجزاك الله خير

صح لسانك يالدوسري
ابيات منتهى الروووووووعه

صـح لسسسآإنك ..

صح لسانكـــــ
عالجرح

بيض الله وجهك

قصيدة في الصميم

واتمنى توصل لكل مسؤول
علشان يعرف ان السعودي ماهو في محل البصل والطماط

من جد كم تمنينا وحلمنا
لكن كل شي راح
وما نصبر انفسنا الا بالتمني
ونقول عسى بكره يكون اجمل
للاسف نلاقي يومنا الجديد ازفت من اللي قبله

يالله لك الحمد والشكر

اتمنى من كل مسؤول يشوف حالنا

وصادق اخوي الدوسري .يوم قال

صح لسااانك يحيي بيض الله وجهك علي المنتدي الممتاز

لــو تفـتـش جعبـتـه تلـقـى ريـالــه

في طرف مخبـاه يابـس مـا يلينـي

صح لسااااانك بالصميم والله ...

كـل منهـم يطـرق الهـاجـوس بـالـه وقـتـ هـم يـابــس ولا ظـنــه يـلـيـنـي


صح لسانك..
ويعطيك العافية

البطاله هم لا يعلمه الي من كان متغمس في وحلها

لاكن لسع متامل في الشباب ان يفيق من غيبوبته

ولسع متامل ان يتكتفون بغض انظر عن المذهب

ولسع متامل زوال خمسة الالف حرامي ويجي 100 حرامي بس فيه فرق بين العددين

ولسع ولسع ولسع لاكن كل يوم الامل يكبر فمثل ميقال الشمس لا تحجب بمنخل فشباب صار يفهم ويعي فلن يغير الاعلم المنظور الحقيقي ولواقع الي نشوف

صح لـساااانك
ليتها توصـل وتنحل مشكلة البطالة
وينظر الى حال السعودي الى اين وصل
الاجنبي ماخذ حقه بوطنا
واحنا للاسف
مالنا شي
تقبل مروري وفائق احتـرامي

صح لسانك

[align=center][align=center]البـطـالـة تـجــر لـــدروب الـرذالــه كافحـوهـا قـبـل هــرج الشامتيـنـي

صـح لـسـانـك ابـيــات جـمـيـلـة،،،،،،، والـشـامـتـيـيـيـن ابـشـكـر وصـلـو [/align][/align]

و عليكم السلام و رحمة الله و بركاته

و الله إني أغير و أتضايق لما أشوف عيالنا من الشباب العاطل لما يكونون مع أشقائنا من الخليج .... ما أقصد إني أقلل من شأننا و شأنهم و لكن العطالة و قلة المادة صعيبة و أليمه... و الله خايف إننا نصير مثل أزمة مصر في قلة الواظائف .... ما أدري وش اللي صابنا ولا أدري وش اللي حصل
الحين بعض هذول المسؤولين بدال ما يكونون مع عيالهم يوقفون ضدهم وش الحلول يا مجلس الشورى ؟ وش الحلول يا ديوان الخدمة ؟ وش الحلول خبرونا ... ليش ؟ ليش ؟ ليش ؟ حسبي الله ونعم الوكيل
ولا حول ولا قوة إلا بالله العلي العظيم .... و إنا لله و إنا إليه راجعون

الله يعوض الشباب العاطل الباحث عن العمل بكل خير إن شاء الله

الشباب العاطل الباحث عن العمل ليش ننظر لهم بأنهم أعداء ... و ليش ننظر لهم بنظره دونية كذا ؟
ليش نشغلهم في أشغال إنتم ما ترضونها لعيالكم

يا الله إليك المشتكى


ما بعد الصبر إلا الفرج إن شاء الله ... فرج الله قريب

صح لسانك و ربنا يفرج الامور

لازم تكون السعودة في سوق الخضار وسياقة السيارات وحراسة الابواب والبقالات

لأننا مش نفطييين زي دولة لبنان عشان نسعود مثلاً الوظائف في البلديات

والوظائف في الصحة والوظائف وزارة الزراعة والوظائف اللي فيها راحة في القطاع الخاص

اذا صرنا نفطيين زي لبنان ممكن تتحسن امور الشاب السعودي

إلى الرقي والرفاهية من خيرات هذا الوطن الكبير في قلوبنا .

أ : يحيى المحترم

مرة من المرات تعرفت على شاب خليجي اصغر مني بخمسة سنوات

قال لي وين تعمل :

قلت له : لا ما اعمل

قال : أكيد متقاعد

قلت: لا غير متقاعد لا لحين ادور على وظيفة

ضحك وقال شنو تدور على وظيفة ليش شحاد أنت وين عايش أنت ليكون بالصومال

بحاول ارقع الموقف قلت له لا نحن مو زييكم عندنا نفط

والواحد يتوظف بسرعة .. كلمة ( شحاد كسري ظهري )

ضحك وقال اي واضح ما عندكم نفط

دائما اقول بيني وين نفسي لما يخلص ويجف النفط هل سيكون لي الحق ان اتهنئ

والعب وانبسط في الانابيب الجافة التي كان يتدفق منها الذهب الاسود ؟

مرة المرات لقيت وظيفة في وزارة الزراعة بس مدير القسم

في الوزارة لما عرف اني مو من الرياض حاول يرقع وقال حط جوالك وخلك مستعد

ومرة من المرات رحت قابلت رئيس احد البلديات وقلت فيه وظائف عندكم

قال لي لا مافي

قلت له في قسم عندكم فيه بس سعودي وعامل اجنبي ممكن اساعدكم

قال لا لا هالقسم مو مهم عندنا

صدقت والله
اوقات اقول لنفسي ليش الواحد ماكان لبناني و لا اردني ولا قطري ولا اماراتي كان عاش بخير لكن هذا قدرنا نعيش فقراء و نموت مديونين

لافض فوووك ياأستاااذ يحيى ..
مبدددددع وابياااااات رائعه برووووعةة شاعرهااااا ..
بيض الله وجهك ..
وووووؤودي ..

صــح لـســآآنـك يـالـدوسـري
كتبت ثم أبدعت في وصفك وفي جزاله ابياتك والله يعطيك العآآفيه,,,

والـبـيـت الـي بالآقـتـبــآآس بالـصـميـم,,

ووالله ثم والله يبي يجي يوم يطلب الفزعه فيه ولا يد راح تمد
الناس وعت بكل شيئ مافيه مغفلين انتهى زمن الرجعيه والتخلف والخوف..

والبلد ماراح يدمره إلا العلمانيه وآخوتهم الليبراليه لعنه الله على كل من ينوي هذا البلد بسوء اللهم اشغله في نفسه واحفظ هذا البلد آمن مطمئنا..

آسـف على الإطـاله

وانت الصادق البلد ماراح يدمرها غير البطالة و الفقر و العنوسة و الغلاء والواسطة و المحسوبية و الغش و الكذب و الاجانب