نعم أنثى .. وعسى خير ..

اشراقة املّ · #1 (**permalink**) 13-05-2012, 02:42 AM

وتسألني أنآ من هي ؟! أنآ فوق التصآوير ..
تبي تعرف ؟؟ أجل إسمع !! .. أنآ للحب توّآجه .0

أنآ وعودي أنفذهآ .. بلآ زيف وطبآشير ..
أنآ نصفك .. أنآ نبضك / شعآع النور وسرآجه / ..

أنآ كيدي تترجم له .. ( تفآسير وتفآسير ) ..
ولكن .. دآخلي طيبه .. تكفّي أُمه محتآجه ..

نعم أنثى .. و [ أفكآري ] تعدّت ه الاسآطير ..
ولآ لي في الزمن مصلوح .. أنآ في الدنيآ وهّآجه ..

أسدّدّ لك [ وأنآ امك ] من جرآحي فوآتير ..
أخآوي الهم لعيونك .. وأحمل عنّك إزعآجه ..

[ أنآ إختك ].. إلى إمي فضل .. قدوه وتأثير ..
[ سنآدك ] لو يجير الوقت .. عزة رآسك وتآجه ..

[ أنآ مرتك ] ستر ليلك .. معي تقضي المشآوير ..
أكملهآ حيآتك // حب // وفي عآلمك ديبآجه ..

أنآ زينة حيآتك .. جيت أزفلك تبآشير ..
[ أنآ بنتك ] .. أنآ البسمه .. صلب ظهرك وإنتآجه ..

أنآ حوآء .. قآروره .. ف ( رفقآ بالقوآرير ) ..
كذآ جآكم فحكم الله .. ف طيعوآ حكم منهآجه ..

نعم أنثى .. نعم أنثى .. نعم أنثى .. وعسى خير ..
يجيلك يوم تذكرني .. وتشكرني .. أقل حآآجه ..

**اتمنا ان تروق لكم مثلما راقت لي**

الشعر والنثر