|
بخصوص مدينة تدريب الأمن العام بمكه المكرمه
[gdwl]
[align=center] [align=center] السلام عليكم ورحمة الله وبركاته [/align] أي واحد عنده استفسار عن الطلبه في مدينة تدريب مكه يتفضل وماسويت الموضوع ذا إلا أبي منكم دعوه صادقه في ظهر الغيب [/align] [/gdwl] |
الله يسعدك
وش سالفة مدينة التدريب بمكة سواء الامن العام ولا المنشات اظن والدفاع المدني كلن يشكي؟ |
وش اوضاع التدريب في الاسبوع الاول بالنسبة لوكلاء الرقباء
وهل تم التقسيم على حسب الرغبة ( دوريات أمنية أو أمن طرق أو مهام وواجبات ) وهل هنالك وسيلة للاتصال بالمتدربين والف شكر على الموضوع جاء في وقته |
اقتباس:
[align=center] ويسعدك ربي بعد يالغلا هاذي وأنا اخوك العسكريه وهاذي مشكلة الفحص النفسي وقدرة التحمل هم يسمونها كذا ومرينا فيها وبصراحه اللي يسمع مو زي اللي جرب اما من ناحية أمن المنشأت والدفاع المدني ماعندي اي خلفيه يالغلا وبالنسبه لطلبة مدينة تدريب مكه مااقول الا الله يكون بعونهم واعتقد والله لايقدر اللي بيفصل منهم ماالومه بتقول ليش بجاوبك. الدورات الماضيه كان فيه كبير المدربين رقيب أول/شايع المالكي هذا مع الطالب على طووول والطلبه يحبونه وهو بعد يحبهم صح يشد في قليل من الأحيان ولكنه عسل ويدافع عن الطلبه. ولكن هاذي الدوره الله يعينهم شايع الان في كتيبة الطلبه يعني اداري فقط ماله ومال الميدان وحطوا بدل شايع اثنين مو واحد اثنين كبار مدربين بصراحه ماشفت ولاراح اشوف انذل واحقر منهم لانهم مايبغون الميدان ولكنهم مجبورين عليه ولايحبون شي اسمه طالب وشعارهم في الميدان اشغل الطالب ولاتريحه ترتاح فرق تسد واظلم الطلبه تثبت وجودك وأفصل خمسه والا عشره والا عشرين من الطلاب تنضبط الكتيبه هذا هو شعارهم ... وهاذي اسمأهم الأول وهو رقيب الميدان في فترة الصباح أي في الحصه الصباحيه رقيب/فواز العتيبي .... والثاني رقيب الميدان في الحصه المسائيه يعني حصة العصر رقيب /خالد عراقي. هذا غير قائد الكتيبه المكلف نقيب/عوض مثيل المطيري وهذا انجس من الأثنين اللي قبل توه جديد جاء في نص الدوره اللي اتخرجت وحقيقه ظلم طلاب كثيررر وهو في الأصل منقول نقل تأديبي من المهمات والواجبات إلى مدينة تدريب مكه لكنه حب الميدان ويبي يثبت وجوده بظلمه وكرفه وحجزه للطلبه وازين شي عنده القرارات الاداريه ومو اي قرار الا قرار الغاء دوره. وهذا غير المناوبين وغيررر وغيرررر وغيرررر ومااقول الا الله يصبرهم ويكون بعونهم. ودمت بود :) [/align] [/align] |
اقتباس:
هلابك أخوي من ناحية أوضاع التدريب فهي كرف وبدون رحمه وكلهم طلبه مافيه فرق بين وكيل رقيب وغيره اما التقسيم اعتقد ومو متأكد انهم تقسموا ومن ناحية وسيلة الاتصال بالمدربين حتى لو اتصلت فيهم ماراح يفيدوك بشي يالغلا . اتمنى اني افدتك [/align] |
الله يوفقكم ياشباب ودعوتكم لي بالقبول النهايي بالمكاافحه
|
اقتباس:
بالنسبة لوسيلة الاتصال انا اتكلم عن المتدربين وليس المدربين اشكرك مرة اخرى |
اقتباس:
وسيلة الأتصال لاتخاف اذا هو ذيب بيدبر نفسه لان عندهم هناك عمال نظافه والطلبه يكلمون من جوالاتهم واحاول قدر المستطاع اني اجيبلك رقم واحد منهم له مده طويله في مدينة التدريب ويحبونه الضباط والمدربين وبرسله لك ع الخاص |
انت متخرج منها يعني ؟
طيب كيف وضع الزياره ؟ ومتى يسمحون لنا نزورهم ؟ إي والاكل وش اصنافهم ! شلون نجيب اخبار عنهم ! ودي اتطمن :m |
اقتباس:
ايه نعم يالغلا أنا متخرج من نفس المدينه بالنسبه لوضع الزياره بعد اسبوعين يوم واحد فقط وبدون عوائل هذا اللي اعرفه وبالنسبه للأكل جيب اللي تبي مااحد يمنعك ابد وبالنسبه لأخبارهم ارسلي رقمك ع الخاص واسم اللي تبي تتطمن عليه وانا يالغلا اخليه يكلمك تامر أمر [/align] |
اقتباس:
يعطيك الف الف عافية مشكور وما قصرت وتكفى لا تنسانا من الرقم إذا حصلته |
اقتباس:
الله يعافيك ولاتنسانا من دعواتك [/align] |
الله يسعدك في الدارين و يبشرك بكل خير :w
شسالفة االتصليبة اللي 5 حصص ؟؟ يعني 4 ساعات يصلبونهم ؟:c هل بيظلون طول فترة الاستجداد كذا ؟؟ و نبغى نظامهم بالتفصيل من أول اليوم لآخره .. متى يصرفونهم للنوم؟ وو اذا لقيت سؤال برجع .. اللهم أفرغ عليهم صبراً و ثبت أقدامهم يا رب العالمين :c رجعت ... طيب ممكن نعرف اسماء السرايا و عددها ؟ ومين المدربين؟؟ :bو كيف تعاملهم ؟؟ انا قريبي و كيل رقيب و اظن تخصصه امن طرق .. ربي يبارك فيك و يجزيك كل خير .. |
اقتباس:
شسمو انا استفسر عشان اخوياا هونيك وحبيت اعرف عن انواع الاكل , لاني أعرفو ماياكل اي شي :Looking: مشكور ماقصرت : ) |
اقتباس:
ويسعدك ربي ويكتبلك الجنه من ناحية التصليبه فذي عند المدربين عشق لاينتهي والتصليبه مستمره إلا نهاية الدوره بس مو سوا يعني مره ساعه ومره اقل واللي اعرفه انها ماتزود عن الساعه في الاوقات العاديه مثل وقت رفع التكميل اما اوقات الجزاء فهي على حسب اللي يجازي يمكن 3 او4 او 5 ساعات مع انها ماتوصل للدرجه ذي. اما نظامهم فهو متعب بشكل مااحد يتوقعه وانا مر علي واحس اني اتعودت عليه مو بس انا الا الدوره بأكملها الا القليل وماتعودنا بكيفنا الا غصب المهم في اليوم الاول توزيع للتخصصات حسب دورتي واللي انا اعرفه وبعدها كل واحد يعرف فصيله وسريته وموقعه من الميدان وبعدها كل واحد يعرف *مهجعه وبعدها يدق البروقي ويشكل العموم في الميدان وخذ تصليبه تشوف اللي يدوخ واللي يغمى عليه واللي يستفرغ وانتم بكرامه ولا احد يقدر يجي ناحيتهم لانك لو جيت بتساعدهم او تتطمن عليهم حتى لو انه اخوك ياويلك من الجزاء وقلة الحياءوذي الحالات تشوف كثير منهم الا نهاية الدوره وانسى انك تروح للعياده لان عندهم عياده داخليه الا في الاوقات الحرجه جدآ المهم قبل صلاة الظهر بساعه تتهيأ للصلاه وبعدها تكميل وميز وجبة الغداء وبعده ايضا تتهيأ لصلاة العصر وبعد العصر يمكن اليوم الاول مافيه حصه او تدريبات ولكن لامفر من التصليبه ابو ساعه وثم يصرفونهم للكفاتيريا وبصراحه الكفتيريا خمسه نجوم بصراحه احسن ماسووا فيها همبرجر وبف وبسكويتات وتحصل مويه بارده وبايسن كلك حركات وبغزي ونفس السعر اللهم يمكن زيادة ريال في مشروبات الطاقه فقط . وبعد صلاة المغرب تكميل وميز وجبة العشاء وبعدها صلاة العشاء وبعد صلاة العشاء وما ادراك مابعدها تكميل وبعدين يطلعون اللي بزوط وتسجل اسمه على جنب ويجازونهم والبقيه مصلبين ومن ناحية البقيه على حسب ضابط خفر اذا كان تمام بيصرفم بدري واذا كان معقد يعني بالعربي رمه ومافيه خير الله يعينهم على التصليبه ابو ساعه ونص او ساعتين او 3 ساعات وبعدها يصرفونهم للسكن ومعهم نصف ساعه او ساعه للي يبي ياخذ دش واللي يبي درورات المياه اكرمكم الله وبعدها نوم وياويلك يحصلونك بعدها صاحي حط في بالك انك بتنزل الميدان مع اللي طلعوهم بعد التكميل المبزوطين وتتجزا معهم ولا فيه نوم الا ابو ساعه او اقل المهم قبل صلاة الفجر بساعتين ع الاقل يدق البروقي بصوته المزعج ويتهيأ العموم لصلاة الفجر وبعدها مباشره الميدان وتكميل وحصه الصباحيه الأولى هروله على ذاك الميدان الكبير اللي يجيبلك المرض وتختلف الهروله مو كل يوم زي اليوم اللي قبل مره 7 لفات بدون توقف ومره 5 ومره 3 على حسب ومدة الحصه الأولى طبعآ ساعه ونص او ساعتين تقريبا وبعدها ميز ووجبة الأفطار وبصراحه هي احسن وجبه لأنها معلبات مثل القشطه والعسل وزيتون وجبنه وكذا مع حليب وشاهي وقارورة مويه بارده والظاهر يستقصدون المويه تصير بارده على شان الواحد يمرض ويأكل............. المهم بعدها الحصه الثانيه تكميل وبداية الحصه الين قبل الظهر بساعه وهي اقرف حصه وتعرفون جو مكه الايام ذي والحر . وهذا هو تقريبآ برنامجهم اليومي اذا مانسيت شي. *المهجع:هو غرفه طولها اكبر من عرضها يوجد بها في اليمين واليسار اسره واحد فوق الثاني ويشهد الله انها نظيفه ومكيفات اسبيلت جديده. إذا عندك سؤال أرســــل [/align] |
اقتباس:
بالنسبه للسرايا فهي سريتين فقط الأولى سرية عمر بن الخطاب رضي الله عنه باللون الأحمر والسريه الثانيه أبو بكر الصديق رضي الله عنه باللون الأخضر وكل سريه فيها فصائل أما المدربين فإليك اسمائهم هذا طبعآ غير قائد الكتيبه المكلف وكبيري المدربين لاني ذكرتهم قبل : بأبداء بقائد الكتيبه اللي هو الأن في دوره في خميس مشيط ويرجع مكانه بعد شهر والمطيري يدرورن له عله تعله الاوهو الرائد/ فواز بن سعد الزايدي العتيبي يلقب بالأمير لحبه للطلبه وتساهله معهم . اما مدير قسم الأعداد العسكري الرائد مظلي /عطيه بن حامد الغامدي طيب وحبوب وذو شخصيه عجيبه مره يشد ومره يرخي وذي سياسته على طول ولكنه محترم بكل أمانه نجي للمدربين: 1- هلال حسين العتيبي ذو شخصيه قويه وهيبه أقوى أنيق في لبسه للبدله العسكريه وتفجعك الونقات بصدره يعني انسى انك تشوفه يضحك والله يعينك اذا هو مدرب فصيلك تكره الدوره بأكملها شديد يحب يجازي وملقوف وتقوله اي شي يقولك وانت بكرامه اكل تراب ياجزمه تعال ويمردغك أي يدحرجك على التراب وتمتد على الكيعان هههههههههههه والطلبه يكرهونه ولكن في نهاية الدوره يغير نظرة الجميع فيه. 2-بندر حجي شخصيه عاديه يشد اشوي وحبوب ويكره الجزاء . 3-محمد حسن الشريف الملقب بالنفسيه بصراحه ينفسبك مايضحك تدريبه ممل ذو عقل محدود على حسب مااشوف منه. 4-خالد البشري الملقب بالوحش يحب فصيله مايبي احد يتكلم عليه او على فصيله طيب وحبوب ومايحب يجازي لكن اذا اخطيت ياويلك ويحب علوم الرجال شرواك. 5-تركي سالم الحارثي طيب الى ابعد الحدود ةياخذ الطلبه بأخوه وعلوم رجال مايبي التدريب يكرهه. 6-صالح حسن الزهراني رقيب سرية عمر بن الخطاب الملقب بصالح ملايه لانه حريص بشدة ملاية السرير طيب بس في قليل من الأوقات ونظامي ويخاف من الضباط. 7-عبدالله راشد الأكلبي ذو شخصيه قويه ونادره في مدن التدريب رتبته وكيل رقيب يحمل الكثير من الدورات مثل الصاعقه واشتباك وسيطره وغيرها حتى انك ماودك تنزل عينك من الونقات اللي بصدره وبجنبه أسمر البشره فيه طول عجيب مايفكر في الضباط يطنخ من راسه واعرف اذا جازاك بتفصل لكن هو مايبي احد يفصل ونادرآ ماتسمع صوته ولكن في المقابل شوف افعاله تعرف انه وحش. 8-علي المالكي طيب وحبوب ونجس في نفس الوقت لانه يوصل اسماء على شان تتجازى. 9-نايف الأسمري حبوب لأبعد درجه ولكنه مسوي شديد وهويحب الطلبه. 10-هاني عويض العتيبي يكره الجزاء يحب الطلاب وانسان هادي ويدافع عن الطلبه. 11- عبدالرحمن المالكي رقيب سرية ابو بكر طيب وابن حلال. وغـــــــــــــــــيرهم الكثير لكن ذولي اللي دائمآ يختلطون بالطلبه بإستمرار ونعرفهم عن قرب بحكم اني كنت طالب عندهم. [/align] |
اقتباس:
لاتخاف بيتعود على الأكل والله يعينه على الكافووور [/align] |
الله يعطيك العافية و يحقق لك اللي تتمناه ما قصرت ~
اقتباس:
اقتباس:
وش انواع البزوطة ؟؟ يعني اللي يلقون معهم جوالات و دخان و كذا ولا ايش سووا بالضبط ؟؟ و الله ما قصرت يالذيب و تعبناك معانا ..:w و تستاهل التقييم .. ربي يسعدك =) |
اقتباس:
حياك الله اخوي (يصير الوضع تمام إذا الواحد اتخرج وانفك منهم) . هم عندهم قاعده اللي هي وانا اللي استنتجتها (كل مكروه عند الطالب محبوب عند المدرب) وتقول حراام ماينامون الا ساعه وش رايك اللي مر عليه يومين مانام فيها ومع ذلك كرف وتعب بالنسبه للبزوطه لو يحصل عليك اي شي تافه مثل حركه وقت الثبوت يجازونك ولايرحمونك ويعتبرون ذي بزوطه ولاتشره عليهم عقول خاويه واما اللي يحصلون معاه جوال او دخان فذي عندهم جريمه عقابها شديد ومتعب للغايه يمكن من الجزا تضرب نفسيتك وتفصل . وأي سؤال انا تحت امرك يالغلا ويسعدك ربي [/align] |
اقتباس:
الله يوفقكـ ويرزقكـ[/align] |
طيب يالاخو بارك الله فيك
اليوم الاول اللي ماعنده لياقه كيف وضعهم ثانيا اللي احتياط ودقو عليه وش وضعهم ولياقتهم صفر جزاك الله كل خير |
اقتباس:
حياك الله أخوي ماعليك بتجيه لياقه من رهبة الموقف وحرصه على وظيفته ومستقبله وهم عارفين ان اغلبية الدوره ماعندهم لياقه فيعودونهم ويكثفون الهروله اشوي لرفع اللياقه. بالنسبه للأحتياط اللي استدعوهم وحضروا نظامهم نفس نظام اخوياهم اللي دخلوا اول يوم بالدوره مافيه تغير ولا برنامج خاص لوحدهم. دمت بود [/align] |
الله يبيض وجهك ياهلالي قول امين
ماادري وانا اخووك بخصوص الاحتياط نبغى نعرف هل هم بالترتيب ولا بالواسطه واذا بالترتيب نبغى نعرف ارقامنا بالسرى الله يحرم هالوجة على النار يارب واذا ماكان لنا نصيب بهالدورة الدورة القادمة اذا الله كتب لنا عمر هل راح يتم قبولنا مباشرة او ترجع تقدم من جديد |
طيب بعد هذا كله تنصحنا بالعسكريه؟
|
مسائكم الله بالخير
ممكن سؤال يالغلااااا؟؟ الدوره اللي انت كنت فيها فيها طلبه مرضي بالسكر؟؟ وكيف كاان تعااامل المدربينن؟؟ |
اقتباس:
[align=center]ويبيض وجهك يالغالي من ناحية الأحتياط بالترتيب ولكن اللي عنده واسطه اكيد له الأولويه ولكن ابيك تعرف شي أن قائد مدينة التدريب أنسان صاحب ذمه ولاأزكيه على الله اللي هو العقيد/مسعود بن فيصل العدواني ويحاول يأخذ الأحتياط بالترتيب ولكن اكيد تمشي الواسطه عنده ومن ناحية أرقام الأحتياط اللي عليها السرا والله ياخوك ماعندي أي خلفيه ولكن لاتخاف رزقك بيجيك. ومن ناحية الأحتياط لهم الأولويه بدخول الدوره القادمه يسدعونهم قبل مايفتح التقديم بالنت ويعطونهم كشف طبي جديد وبصمات و.......الخ أتمنى أنك استفدت ووصلتك المعلومه يالغلا [/align] |
الله يسعدك
|
اقتباس:
الله يمسيك بالخير والعافيه ايه يالغلا فيه طلبه عندهم مرض السكر الله يشفي المسلمين ولكن عدهم قليل تعدهم على اصابع اليد الواحده وبالنسبه للتعامل يعاملونهم نفس تعامل بقية الطلبه إلا في حاله واحده وهي تعتمد على طيبة المدرب اذا هو طيب وكفو بيعامله معامله خاصه ولكن بعد الخمس والاربعين علمآ لو يدرون الرتب العاليه ان عنده مرض سكر راح تلغى دورته بسبب أنه غير لأئق طبيآ في حالة اذا ماعنده واسطه بنفس مدينة التدريب. [/align] |
اقتباس:
[/align] |
اقتباس:
|
ابسسألك تعرف المدرب منير الصاعدي ؟
كيف الوضع معاه ! |
بيضَ اللهِ وجهكُ يبعديُ ، مشآءِ اللهـُ منِ آفضضل الموآضيعِ بقسمَ آلأستفسآراتُ
.. كفيتُ ووفيتِ ، جعلِكُ يآربَ آنتِ وآلديككِ ، للجنهُ ~ |
الله يعطيك العافيه اخوي بس حبيت اسئل سمعت ان بعد اسبوع او اسبوعين بيرجعون كل واحد للمركز الي مقدم فيه صحيح الكلام ؟
|
اقتباس:
|
السلام عليكم مشكور اخوي ماقصرت بصراحه فادنا موضوعك كثير عندي سؤال متى موعد الزياره و هل يسمحون للعوايل بالزياره؟؟؟؟؟؟ |
اقتباس:
حياك الله أخوي وأعتذر من الجميع على الأطاله لظروف السفر منير الصاعدي ترا قمه في الأخلاق ولكن مايبين هالشي للطلبه على أساس لايدخل في إحراجات . [/align] |
اقتباس:
ووجهك يالغالي ووالديك والمسلمين أجمعين وهذا واجبنا [/align] |
اقتباس:
ويعافيك ربي والله ماعندي علم لكن لو حصلت خبر بردلك مع اني مااعتقد [/align] |
اقتباس:
هل أخوي هوهود أتمنى أنك بصحه وعافيه ومرتاح بعملك يالغالي أكيد من سرية عمر وكلنا بالهوا ســوا [/align] |
اقتباس:
[align=center] عليكم السلام ورحمة الله وبركاته العفو اخوي ولاشكر على واجب هذا واجبنا الزياره بعد أول أسبوعين وبالنسبه للعوائل بدورتي العام الماضي ماسمحولهم ولكن نقول ان شاالله يسمحون هالسنه ولكن اتصل بالرقم ذا وراح تتأكد أكثر (025530933) اللي هو رقم مدينة تدريب مكه والتحويله صفر. وحبيت أوضح نقطه للأخوان توها وصلتني ان الطلبه مقسمين على أربع سرايا اللي هي:- سرية عمر بن الخطاب وسرية أبو بكر الصديق وسرية عثمان بن عفان وأعتقد سرية علي بن ابي طالب.وعددهم 2300 تقريبآ. لا وزادوهم حصه بعد صلاة العشاء الله يكون بعونهم يعني مافيه رحمه الله يصبرهم بس وكل ذا من ورا النقيب المطيري لاوفقه الله. [/align] |
| الساعة الآن 10:09 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين