وعليكم السلام حياك أختي

للمعلومة بس أنا اللي سويت التجمع ولا لي فيه لا ناقة ولا جمل

وما قلت وش الفايدة إني اسويه لهالفئه .. وليش اصلا اكتب موضوع واتواصل معهم ونحسب الخصم وابين لهم حقوقهم .... الخ وانا عندي أكثر من التزام غيره

الا ابيهم يطالبون ويقدمون اعتراض ... إذا انتي ماشاء الله عارفة حقوقك وش لك ووش عليك

غيرك ما يعرفها ومنزل مواضيع يسأل ويستفسر.. ومن واجبي دام أعرف معلومة أقدمها للكل

في كثير ينخصم عليهم ويتثبت المبلغ المخصوم ومايقل مع الدفعات ولما يقدمون اعتراض يقولون لهم اخر 12 شهر كنت تاخذ دخل من الدوله لذلك ينخصم عليك

طيب هم عارف كم المفروض ينخصم عليهم وكم المبلغ وهل الشهور والمدة تفرق..؟؟

يمكن حافز يخصمون اكثر وهذا اللي قاعد يصير مافي مصداقية بالخصم ... هنا مو المفروض يقدم اعتراض وله الحق بالمطالبه بهالشيء

يعني لو جيتي وقدمتي اعتراض وكنتي مسقطه من الضمان وقلتي ليه ينخصم علي راح يردون عليك ويقولون الدخل هو ما يصرف من الدولة باخر 12 شهر ... وقفلو الاعتراض وما استفدتي شيء

لكن لو جيتي وقلتي بقدم اعتراض لاني تاركه الضمان صار لي 6 أشهر وانتم قاعدين تخصمون علي مبلغ أكثر من اللي المفروض ينحصم علي ... هنا فهمتيهم انك فاهمه انه يتم الخصم حتى تمر اخر 12 شهر .. لكن معترضه على المبلغ المخصوم وحسابه وبكذا ينظر للاعتراض بعين واعيه وصحيحه

والموضوع مفتوح للي قدمو اعتراض وهم عارفين حقوقهم يتواصلون مع الكل اذا انحلت المشكله ويخبرونا حتى يستفيد غيرهم ويسلكون نفس المسار بحل المشكلة


شكرا لتواجدك معنا وإن شاء الله اذا انحلت مشكلتك تكتبين لنا اخر المستجدات فيها


حنا بهالمنتدى نفيد ونستفيد حتى لو المشكلة ما تخصنا .

الله يجزاك الف خير على هذه الموضوع

انا مسقطه من الضمان من شهر والدفعه الجايه بأذن الله راح تكون ثاني دفعه لي في صرف حافز

ولسه ماقدمت اعتراض لكن بعد ماطلعت على موضوعك قررت بكره ان شاءالله أتصل وأقدم أعتراض

مشكوووره على الموضوع

انا لي شهرين ماينزل لي كامل

انا اخاف اذا قدمت اعتراض يقطعونه 3 شهور حتى يتحققون

او فيه فرق بين تقديم الاعتراض وبين اعاده طلب؟؟


ممكن توضيح الله يخليكم

يالغلااا إذا ما كملتي 12 شهر من تركك الضمان راح يخصمون عليك

لكن إذا كانت الخصميه (المبلغ فيها ثابت) ما تغير مع مرور الدفعات او كان يخصم باكثر من المفروض هنا تقدمين اعتراض

والاعتراض ما يقطعها لا تخافين يستمر لك الصرف

هو مجرد شكوى مدتها 90 يوم خلال هالمدة يا انهم يحلون لك المشكلة ويتحققون من وضعك وصحه الشكوى يا تخلص المدة بدون الرد معناته رفضو اعتراضك وتضطرين تقدمين اعتراض اخر

الله يكتب لك الخير يارب

نزلت الأهليه والخصم ما زال ثابت حسبي الله عليهم

جزاك الله على حرصك ووعيك للاخرين ..

والخلل من نظام حافز اللي ماله اساس ثابت وهو نظام متخبط وظالم..

والاعتراض سيظل ثلاثة اشهر تحت المجهر حتى يُنظر فيه... لماذا هذه المدة الطويلة؟؟

مازالت مشكلتي قائمة والخصم ثابت..وهذا هو الشهر الثالت من الخصم

رزقنا الله من فضله ...

شكراً لك يا رائعة

اختي خصمو عليها نفس الشهر اللي طاف 800ريال وهي مسقطه من الضمان لها 6شهور مسقطه

انا مثل حالتها لي شهرين والخصم باقي وخانه الدخل ماتغيرت
وخايفه اسوي اعاده طلب ويقطعونها علي