|
تجمع ...[[ لمن تم اسقاطهم من الضمان ومازال الخصم مستمر من برنامج حافز ]]
السلام عليكم ورحمه الله وبركاته
أسال الله أن يمدكم بالصحه والعافية ويكفيكم شر برنامج حافز كل يوم طالع بقرار جديد ... وطريقة جديدة وكلها تضييق على المستفيدين والكل ما يخفى عليهم انهم يسعون لتخفيض الاعانه حتى للي مستمر معهم ويمشى حسب كلامهم لكن نقول الله يكفينا شرهم ويرزقنا من واسع فضله على العموم كتبت هالموضوع أخص فئه معينه من المستفيدين من البرنامج وهالفئه هم اللي تركو الضمان بفترات متفاوته وما زال الخصم مستمر عليهم من حافز وسبق رديت قبل كذا على كذا موضوع من المتضررين منه https://www.btalah.com/t422299.html https://www.btalah.com/t419857.html وفي هنا بعضهم نفس المشكلة https://www.btalah.com/t421361.html https://www.btalah.com/showpost.php?p...87&postcount=1 https://www.btalah.com/showpost.php?p...81&postcount=1 وشرحت لهم الوضع وحسب شروط حافز الدخل هو ما تم صرفه من الدولة في أخر 12 شهر واللي تركو الضمان صار لهم 6 أو 5 أو 7 أشهر تتفاوت المدة وكلن حسب الاشهر الباقية من 12 يتم الخصم عليه حتى تنتهي المدة وهي اخر 12 شهر وكان المفروض وعلى حسب ما وضحوه قبل وحسب المصداقيه اللي يدعونها انه مع مرور الدفعات بكل مرة يقل الخصم لكن اللي لاحظته وحسب ما ذكر لي من اللي رديت على موضوعاتهم انه ما زال الخصم والمبلغ المخصوم ثابت وما تغير بالدفعه اللي بعدها يعني : اللي تركت الضمان وباقي لها 6 أشهر من اخر 12 شهر خصمو لها الدفعه اللي قبل مبلغ 431 والمفروض الدفعه السابقه يقل لكن مازال المبلغ والخصم ثابت وكأنهم بقية الشهور 6 راح يخصمون منها نفس المبلغ وهذا فيه ظلم وعدم مصداقية لذلك كتبت هالموضوع ابي الفئه اللي تركو الضمان ومازال الخصم ثابت وما تغير يقدمون اعتراض لان هالشيء من حقهم واذا قالو لهم لابد يمر اخر 12 شهر ....ما استلمت من الضمان شيء حتى تستلم المبلغ كامل اتمنى انه يتم التوضيح بأننا عارفين هالفقرة لكن الشيء اللي ما صدقو فيه انه المبلغ ثابت وكأن الشخص مازال يستلم من الضمان وليس مسقط منه ولو كان هناك مصداقية فالمفروض يقل الخصم مع مرور الدفعات حتى يمر اخر 12 شهر من ترك الضمان ويرجع المبلغ 2000 كاملة أنا راح اتواصل معكم بهالموضوع وراح نحسب لكل واحد منكم كم المفروض يخصم منه من اول دفعه خصمو الى اخر دفعه وبكل مرة كم المفروض يكون الخصم حتى يكون على بينه لانه مسقط من الضمان ولا بد يقل الخصم بكل مرة حتى تمر اخر 12 شهر لم يستلم من الدولة دخل الله يوفق الجميع ويكتب لنا ولكم الرزق |
يعطيكي الف عآآآآآآآآآآآفية وجى الموضوع بوقته
|
يا أختي والله العظيم حاولت أفهم بس مادري لية مافهمت
اناح اليا انتظر التئاهيل بس انا مشمولة مع امي يعني اقدر اقول انهم بقطعون عني حاافز ولا لا ؟ |
اقتباس:
اللي مشمول مع أحد الوالدين تنزل له كاملة لكن اللي الضمان باسمه هو اللي يتم الخصم عليه موفقة يالغلا وفالك التأهل |
وعليكم السلام
الله يجزاك خير ويجعله بميزان حسناتك وضحتي وماقصرتي ربي يوفقك ويسعدك دنيا واخره ياعيوني :) |
الله يعطيك العافيه على الجهد
ماقصرتي الله يكتبه بموازين حسناتك |
طيب لو تم الخصم منها الشهر الجاي نفس المبلغ الي خصمو منها ايش راح تسوي يعني ظلم مسقطه من الضمان ويخصمون منها
|
اقتباس:
يعني لو قدمت على حافز وتأهلت وهي صار لها 6 أشهر تاركه الضمان راح يخصمون عليها الـ6 أشهر الباقية من أخر 12 شهر يعني كأنهم يقولون للي تركو الضمان لابد يمر عليكم 12 شهر ثم تقدمون على حافز طيب حنا فاهمين هالنقطه لكن الشيء اللي ما فهمناه ليه مثبتين المبلغ بمعنى انه الشخص مسقط المفروض بكل دفعه يقل الخصم لكن هم مثبتين المبلغ على 6 اشهر وبكل الدفعات يخصم 431 مع انه المفروض يقل حتى تنتهي مده 12 شهر وترجع 2000 كامله لان الشخص لا يستلم المبلغ اللي ثبتوه مثله مثل اللي مسجلين بالضمان فتكون الحسبه كالتالي : 6 أشهر * 862 (مبلغ الضمان) = 5172 هذا المجموع الكلي 5172 /12 شهر = 413 ريال وهو المبلغ اللي يخصمونه طيب المفروض الدفعه اللي بعدها يصير تركت الضمان صار لها 5 أشهر فيكون الخصم اقل 5 أشهر * 862 (مبلغ الضمان ) = 4310 المجموع الكلي 4310 / 12 شهر = 359.16 المبلغ اللي يخصمونه لكن وش صار هم ثبتو المبلغ 431 بكل الدفعات ويخصمونه طيب وين المصداقية انه راح يقل الخصم بكل مرة يكفي انهم يخصمون دخل تم صرفه من الدوله قبل شهور بغير وجه حق غير كذا يثبتون الخصم وما يتغير للاسف البرنامج يثبت بكل مرة انه غايته تقليل المبلغ بشتى الطرق اتمنى تكون توضحت لك الفكرة |
[align=center]
والله هالمشكله عقدتني كثيير وآشكرك على طرح هالموضوع عشان نتوصل لحل ونعرف إللي لنا وإللي علينا .. أنا مسقط من الضمان تقريباً قبل خمس آشهر أو سته ومازال حافز يخصم مبلغ 1200 ريال إستلمت 3 دفعات من حافز وأول دفعه خاصمين منها 1400 مع إني كنت مسقط من الضمان صارلي ثلاث آشهر من تاريخ اول دفعه والدفعتين إللي بعدها صاروا يخصمون 1200 بس يعني رجعوا 200 وقدمت شكوى وماردوا علي ولا إتصلوا وكلمتهم الشهر إللي راح قالوا إعتراضك غير مقبول ليش ماسويت إرسال طلب من جديد عشان ننتبه ونتأكد إنك مسقط ههههههههه عذر أقبح من ذنب قلت أنتم اللحين لو اتوظف كشفتوني في دقيقه بس الخصم لا :d عموماً أنا سويت إرسال طلب من جديد وإن شاء الله الدفعه الجايه ترجع الألفين كامله حسب كلامهم :m [/align] |
اقتباس:
أفاا يعني الخصم رآح يستمر حتى لو سويت إرسال طلب من جديد :( والله حرام 1200 خصم ظلم :m |
اقتباس:
اخوي وشلون من اول دفعه صار لك تارك الضمان 3 اشهر ويخصمون عليك 1400 المفروض يحسبون عليك 9 أشهر الباقيه من اخر 12 شهر يعني 12 شهر - 3 اشهر ( تارك الضمان ) = 9 اشهر وتكون الحسبه : 9 أشهر * 862 مبلغ الضمان = 7758 المبلغ لكلي 7758 / 12 شهر = 646.5 هذا المبلغ المخصوم يعني المفروض مبلغ حافز اللي يتم صرفه لك 1353.5 ريال بالضبط والدفعه اللي بعدها 8 اشهر * 862 مبلغ الضمان = 6896 المبلغ الكلي 6896 /12 شهر = 574.66 المبلغ المخصوم ويتم الصرف لك من حافز 1425.34 ريال بالضبط وبكل مره يقل الخصم حتى تنقضي اخر 12 شهر هذا في حاله كان مبلغ الضمان 862 لكن اللي يستلمون من التأهيل الشامل 833 تقريبا فتفرق بالحسبه |
والله قهروني خاصمين 1400 أول دفعه وقدمت شكوى من أول دفعه ورفضوها وصاروا يخصمون 1200 الدفعتين إللي بعدها لكن وش نسوي حسبنا الله ونعم الوكيل وننتظر الشهر الجاي ونشوف كم بيخصمون بعد ؟؟!
|
انا اول شهرين خصموا مني 862 ريال
واخر شهرين 718 ريال يعني مو كل شهر ينزلوا لي مبلغ الخصم حسبي الله عليهم يحاسبونا على شيء الدولة أمرت بصرفه لنا لكوننا مستحقين فمن المفترض يعطونا مبلغ الإعانه كامل وبالذات بعد خروجنا من الظمان مو يخصمون لنا بأثر رجعي |
اقتباس:
كان اتصلت من جديد حتى يرد عليك موظف يخاف ربه وعنده امانه ..! لكن حبيت اسألك لما كنت بالضمان هل كان احد مشمول معك لان المبلغ كبيييير 1400 على اي اساس يخصمون هالمبلغ لا تسكت عن حقك بارك الله فيك في حاله كان مبلغ الضمان اللي كنت تستلمه قبل الترك في حدود 862 أو 833 فالخصم اللي خصموه يعتبر ظلم بحقك اتصل عليهم لا تقول ماراح يتغير وراح يفضل الخصم مشكلتنا حنا نلقى موظف يصرفنا ثم نسكت ونقول يمكن انه صادق ومن هالكلام ترا لنا عقول ونفكر ونحسب ودام عارف انك مظلوم وانهم يتعدون على حقك فرجاءا طالب واتصل وازعجهم ولا تسكت حتى يتم رفع الشكوى اجل تارك الضمان ويخصمون منك 1400 ثم 1200 اذا اللي بالضمان وكان فرد واحد مايخصمون منه هالمبلغ مابالك باللي تاركه لكن اذا كان احد مشمول معك وبحسب عددهم تفرق بالحسبه الله يوفقك وننتظر منك اخبار تسر الخاطر |
اقتباس:
وهذا اللي اقوله هم يثبتون المبلغ كم شهر ثم يبدأون يقللون بالخصم وهذا ظلم لانه بكل دفعه المفروض يقل الخصم لان الشخص اسقط من الضمان .. وكأن الغرض من تثبيت المبلغ زيادة فتره 12 شهر..!! كم صار لك تاركه الضمان..؟؟ وهل أول دفعتين كنتي بالضمان .؟؟ |
طيب انا مسجله مع أمي في الضمان وانتظر التأهيل حيخصموا مني في ناس أعرفهم نفس وضعي وخصموا منهم
|
اقتباس:
|
اقتباس:
|
يعطيك الف عافية
الله يجعل ماتفعلين بميزان حسناتك حبيت اسأل ؟؟؟ اختي صار لها ثلاث اشهر مسقطه من الضمان و أول دفعه تستلمها من حافز هذا الشهر وخاصمين عليها كلمتهم وقدمت اعتراض وضاع مني رقم الاعتراض وقالت الموظفه لي روح للضمان احتمال مانزلو اسمها من الجهاز رحت للضمان وصار مسقطين اسمها من ثلاث اشهر وكلمت حافز قالو خلاص الشهر الجاي بحسابها المبلغ كامل تتوقعون صادقين ولا تنتظر 9 اشهر طمنوني الله يسعدكم عشان ابشرها <<<< واخذ البشارهـ |
الله يكون بالعون
|
اقتباس:
توني أدري أنه يتم الخصم إلى ان تنقضي الـ 12 شهر والله مسخره , من جدهم يعني ما يدرون أنه العالم محتاجين حتى للريال والله حرام عليهم الهخصمية , يعني لنفرض اذا أحد كان يستلم 1800 ريال مثال طبعا وانقطع عنه الضمان لازم يكمل الـ 12 شهر ويصرف له حافز 200 :y بصراحة مشكلة المفروض يكون هناك حل للمسخره الحاصله للمواطنين ما أقول الا الله يرزقكم بوظيفة تغنياكم عنهم لا حول ولا قوة الا بالله العلي العظيم وفق الله الجميع |
اقتباس:
|
طيبه وحده مطلقه اااوكي تاخذ862ودحن تتزوج طيب كيف ااايش الحل هي تاخذ حافز1100 خصم عشااان الضممان سؤال دحن لما تملك تاخذ حااافز كامله 2000ولا؟؟؟طيب اذا خصمووو تقدر تاخذ حقه من حاااافز السنه الجايه لان بس تملك؟؟؟؟
|
اقتباس:
انتي تقولين انه اول دفعه استلمتها من حافز هالشهر وكانو خاصمين عليها من ناحيه يخصمون فهم يخصمون اذا كنت استلمت دخل من الدولة في أخر 12 شهر بس يفرق الخصم من ناحية عدد الاشهر فمثلا اختك المفروض يحسبونها اذا كانت تاركه الضمان لها 3 اشهر واستلمت اول دفعه 9 اشهر * 862 مبلغ الضمان = 7758 المبلغ الكلي متوسط الدخل = 7758 / 12 اشهر = 646.5 وهو المبلغ المخصوم وبكل دفعه راح يقل الخصم لان عدد الاشهر تقل من اخر 12 شهر مشكله اغلب الموظفين مو فاهمين نظام الحسبه بالبرنامج مع انه المفروض مثل ما فهمها الموظفين اول ما يتم اسقاط اسمه من الضمان خلاص ياخذها كامله... لكن البرنامج غايته التقليل من الاعانه.. وحطو نظام الدخل واخر 12 شهر على هالاساس..!! مو كانو يقولون حنا نخصم على المستفيدين من الضمان حتى ما ياخذون من أكثر من جهه حكومية مع انه الضمان يعتبر مساعده ومو مثل ما ينظرون له لكن على حسب كلامهم انه لهالسبب يخصمون طيب اللي ما صار ياخذ من الضمان والخصم مستمر هذا وش نقول عنه ..!! وليتهم على كذا يقللون الخصم بكل مره..!!! بالعكس مثبتين المبلغ وما غيروه ولا قللو من الخصم إن شاء الله يصلحون أخطاءهم لكن يبي من يتصل ويرفع شكوى واعتراض لانه لو تم السكوت على هالشيء راح يستمر وهذا غايتهم الله يرزقك واختك من واسع فضله يارب |
اقتباس:
يعني مثلا شخص تم اسقاط اسمه من الضمان ثم قدم على برنامج حافز وتأهل البرنامج يشيك من خلال سجله وراح يطلع لهم انه مسقط من الضمان لكن يشوفون كم صار له تارك الضمان اذا كان 12 شهر وأكثر تنزل له حافز 2000 واذا كان اقل من 12 شهر يخصمون على حسب عدد الاشهر اللي تبقت من اخر 12 شهر وبكل مرة يقل الخصم واذا مرت المدة (اخر 12 شهر ) ترجع 2000 كامله لكن هم وش مسوين الحين مثبتين المبلغ والخصم ما يقل بكل دفعه وكأنهم يبون تزيد فتره اخر 12 شهر ويستمرون بالخصم عليه |
اقتباس:
بما انه صار لك 5 أشهر تاركه الضمان واستلمتي 4 دفعات من حافز معناته انه أول دفعه استلمتيها بحافز صار لك تاركه الضمان شهر والمفروض تكون الحسبه بهالشكل وعلى مرور دفعاتك الاربع الدفعة الأولى بحافز ( صار لك تاركه الضمان شهر بمعنى يحسبون 11 شهر من اصل اخر 12 شهر) 11 شهر * 862 مبلغ الضمان = 9482 المبلغ الكلي متوسط الدخل = 9482/12 شهر = 790.16 وهو المبلغ المخصوم أول دفعة الدفعه الثانية 10 أشهر * 862 = 8620 المبلغ الكلي متوسط الدخل = 8620/12 شهر = 718.33 المبلغ المخصوم ثاني دفعة الدفعة الثالثة 9 أشهر * 862 = 7758 المبلغ الكلي متوسط الدخل = 7758 /12 شهر = 646.5 المبلغ المخصوم ثالث دفعة الدفعة الرابعة 8 أشهر * 862 = 6896 المبلغ الكلي متوسط الدخل = 6896/12 شهر = 574.66 المبلغ المخصوم رابع دفعة والمفروض الدفعة الخامسة اللي بتأخذينها يكون الخصم 7 أشهر * 862 = 6034 المبلغ الكلي متوسط الدخل = 6034/12 شهر = 502.83 المبلغ المخصوم بخامس دفعة ويستمر معك حتى يمر اخر 12 شهر من تركك للضمان وانتي قدمتي على حافز وكنتي تاركه الضمان صار لك شهر يعني راح يستمر معك الخصم طول فترة استلامك لحافز في حاله استلمتي المبلغ على التواصل وتأهلتي بكل الشهور ال12 متواصله ماعدا اخر شهر تاخذينها كاملة لكن حسب كلامك باول رد لك انهم باول دفعتين خصمو مبلغ الضمان كامل 862 معناته ما حسبو انك تاركه الضمان صار لك شهر وبالدفعه الثانيه ثبتو نفس الخصم 862 وبعدها بدأو بتقليل الخصم وعلى هالحال راح يستمر معك الخصم لاخر دفعة بحافز هذا اذا ما ثبتو المبلغ المخصوم بكذا دفعة |
اقتباس:
عزيزتي اللي صار لهم تاركين الضمان 6 أشهر وأكثر مازال حافز يخصم عليهم بما انه ما مر على تركهم الضمان 12 شهر أول ما تنضم لزوجهاا راح تسقط تلقائي من الضمان... لان الضمان شهريا يشيك على حاله المستفيدين منه عن طريق الاحوال واذا اسقطت من الضمان راح يستمر حافز بالخصم لكن مع الدفعات راح يقل الخصم مع اني افضل اللي مازال عمرها في الفترة من 20-35 وكانت تستلم الضمان واسقطت منه انها توقف حافز حتى تنقضي فتره 12 شهر حتى ما يكون لهم حجه للخصم او اللعب في بيانات الدخل وتثبيت المبلغ ... الخ من امورهم أهم شيء تضمن الفترة العمرية بعد مرور ال12 شهر انه مازالت تشملها |
انا نزلي حافز من شهر 2 كامل 2000 بس ليا شهرين ينزل لي ناقص 400
والدخل الثابت مكتوب اني استلم من الضمان وانا مااستلم صح من سنه او اكتر كنت بالضمان بس مسقطه من شوال العام يعني قبل حافز ب4 او 5 شهور وراجعت الضمان ويقولو مالكي شي عندنا وماتستلمي شي وحافز من شهرين ماردولي خبر ودحين الشهر الجاي راح يكون 3 شهر ناقص كيف الطريقه |
اقتباس:
صار لهم دفعتين مطبقين نظام اخر 12 شهر.... والاغلبيه ممن ترك الضمان وما مر 12 شهر عليهم كانو ياخذونها كاملة المشكلة عزيزتي مو بالضمان لانك مسقطه ... المشكلة بنظام حافز انهم مطبقين نظام الدخل لابد يمر اخر 12 شهر ما استلمتي من الدولة أي مبلغ واذا قلنا انتي صار لك 4شهور تاركه الضمان قبل حافز واستلمتيها من أول دفعه كامله وما حسبو الخصم معناته المفروض الحين يقل الخصم بكثير مو 400 لانه صار لك 8 أشهر تاركه الضمان من أول خصم لك شوال - ذو القعدة - ذو الحجه - محرم - صفر ( اول دفعة ) - ربيع أول - ربيع ثاني - جمادي أول - جمادي ثاني - رجب تم الخصم من جمادي ثاني - رجب بمعنى مر على تركك للضمان 8 أشهر بدفعة جمادي ثاني والمفروض يحسبون لك اللي تبقى من 12 شهر وهي 4 اشهر 4 أشهر * 862 = 3448 المبلغ الكلي متوسط الدخل = 3448 /12 شهر = 287.33 المبلغ المخصوم بدفعة رجب مر على تركك الضمان 9 أشهر - اخر 12 شهر = 3 أشهر 3 أشهر * 862 = 2586 المبلغ الكلي متوسط الدخل 2586 /12 شهر = 215.5 المبلغ المخصوم انتي تقول انه الخصم بالدفعتين الاخيرة 400 شوال - ذو القعدة - ذو الحجه - محرم - صفر ( اول دفعة ) - ربيع أول - ربيع ثاني - جمادي أول - جمادي ثاني - رجب يعني حسبو لك انك تاركة الضمان صار لك 6 أشهر مو 8 وتبقى لك من اخر 12 شهر / 6 أشهر أي كانهم حسبو الخصم من دفعة ربيع ثاني 6 أشهر * 862 = 5172 المبلغ الكلي متوسط الدخل = 5172/12 شهر = 431 المبلغ المخصوم وتبثو لك المبلغ وما تغير واتوقع لانه تم استلامها كاملة من قبل وما طبقو الخصميه تبع اخر 12 شهر الا بعد كذا دفعه لذلك قاعدين يثبتون المبلغ حتى ياخذون الخصميات تبع الدفعات اللي قبل وتوقعي منهم اي شيء مستحيل يضيعون حقهم حتى لو تأخرو بتطبيق نظام الدخل على العموم إذا استمر ثتبيت المبلغ والخصميه ثابته على مبلغ ما تقل قدمي اعتراض لانك مسقطه من الضمان والمفروض انها تقل بكل دفعة ومو ذنبك اذا هم تاخرو بتطبيق نظام الدخل الا بعد مرور 8 أشهر ويبون يستردونه بالدفعات اللي اخذتيها كاملة الله يوفقك |
السلام عليكم
ما الفائدة من هذا التجمع ...؟؟؟ هل حافز سوف ينظر لها ويتم حل المشاكل؟؟؟ للاسف لنا شهرين نفس الخصم رغم اننا مسقطين من الضمان قبل 3 شهور.. تم تقديم اعتراض وننتظر النتائج... شكر لك |
اقتباس:
للمعلومة بس أنا اللي سويت التجمع ولا لي فيه لا ناقة ولا جمل وما قلت وش الفايدة إني اسويه لهالفئه .. وليش اصلا اكتب موضوع واتواصل معهم ونحسب الخصم وابين لهم حقوقهم .... الخ وانا عندي أكثر من التزام غيره الا ابيهم يطالبون ويقدمون اعتراض ... إذا انتي ماشاء الله عارفة حقوقك وش لك ووش عليك غيرك ما يعرفها ومنزل مواضيع يسأل ويستفسر.. ومن واجبي دام أعرف معلومة أقدمها للكل في كثير ينخصم عليهم ويتثبت المبلغ المخصوم ومايقل مع الدفعات ولما يقدمون اعتراض يقولون لهم اخر 12 شهر كنت تاخذ دخل من الدوله لذلك ينخصم عليك طيب هم عارف كم المفروض ينخصم عليهم وكم المبلغ وهل الشهور والمدة تفرق..؟؟ يمكن حافز يخصمون اكثر وهذا اللي قاعد يصير مافي مصداقية بالخصم ... هنا مو المفروض يقدم اعتراض وله الحق بالمطالبه بهالشيء يعني لو جيتي وقدمتي اعتراض وكنتي مسقطه من الضمان وقلتي ليه ينخصم علي راح يردون عليك ويقولون الدخل هو ما يصرف من الدولة باخر 12 شهر ... وقفلو الاعتراض وما استفدتي شيء لكن لو جيتي وقلتي بقدم اعتراض لاني تاركه الضمان صار لي 6 أشهر وانتم قاعدين تخصمون علي مبلغ أكثر من اللي المفروض ينحصم علي ... هنا فهمتيهم انك فاهمه انه يتم الخصم حتى تمر اخر 12 شهر .. لكن معترضه على المبلغ المخصوم وحسابه وبكذا ينظر للاعتراض بعين واعيه وصحيحه والموضوع مفتوح للي قدمو اعتراض وهم عارفين حقوقهم يتواصلون مع الكل اذا انحلت المشكله ويخبرونا حتى يستفيد غيرهم ويسلكون نفس المسار بحل المشكلة شكرا لتواجدك معنا وإن شاء الله اذا انحلت مشكلتك تكتبين لنا اخر المستجدات فيها حنا بهالمنتدى نفيد ونستفيد حتى لو المشكلة ما تخصنا . |
لا اله الا الله
|
الله يجزاك الف خير على هذه الموضوع
انا مسقطه من الضمان من شهر والدفعه الجايه بأذن الله راح تكون ثاني دفعه لي في صرف حافز ولسه ماقدمت اعتراض لكن بعد ماطلعت على موضوعك قررت بكره ان شاءالله أتصل وأقدم أعتراض |
مشكوووره على الموضوع
انا لي شهرين ماينزل لي كامل انا اخاف اذا قدمت اعتراض يقطعونه 3 شهور حتى يتحققون او فيه فرق بين تقديم الاعتراض وبين اعاده طلب؟؟ ممكن توضيح الله يخليكم |
اقتباس:
لكن إذا كانت الخصميه (المبلغ فيها ثابت) ما تغير مع مرور الدفعات او كان يخصم باكثر من المفروض هنا تقدمين اعتراض والاعتراض ما يقطعها لا تخافين يستمر لك الصرف هو مجرد شكوى مدتها 90 يوم خلال هالمدة يا انهم يحلون لك المشكلة ويتحققون من وضعك وصحه الشكوى يا تخلص المدة بدون الرد معناته رفضو اعتراضك وتضطرين تقدمين اعتراض اخر الله يكتب لك الخير يارب |
نزلت الأهليه والخصم ما زال ثابت حسبي الله عليهم
|
اقتباس:
والخلل من نظام حافز اللي ماله اساس ثابت وهو نظام متخبط وظالم.. والاعتراض سيظل ثلاثة اشهر تحت المجهر حتى يُنظر فيه... لماذا هذه المدة الطويلة؟؟ مازالت مشكلتي قائمة والخصم ثابت..وهذا هو الشهر الثالت من الخصم رزقنا الله من فضله ... شكراً لك يا رائعة |
اختي خصمو عليها نفس الشهر اللي طاف 800ريال وهي مسقطه من الضمان لها 6شهور مسقطه
|
اقتباس:
وخايفه اسوي اعاده طلب ويقطعونها علي |
يااخوات احد عمل اعتراض وبعدبن اعاده طلب ورجعت له الالفين كامله او قطعوها بالمره جاوبوني الله يخليكم
|
| الساعة الآن 06:22 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين