04-07-2012, 01:43 AM
|
 |
عضو متواصل
|
|
تاريخ التسجيل: Nov 2010
المشاركات: 51
معدل تقييم المستوى: 18163
|
|
|
معاناتي في وظيفة حكومية
السلام عليكم ورحمة الله وبركاته
اخواني واخواتي اعضاء هذا المنتدى الرائع
انا قبل 4 شهور انقبلت في وظيفة حكومية ولله الحمد عالمرتبة السادسة
في احدى المحاكم بعد ماباشرت تم توجيهي لأحد المكاتب الادارية
وكان المدير جدآ طيب وخلوق معي وبقية الموظفين اول ماجيت لقيتهم ولا احلى
حسسوني اني موظف قديم معاهم وقفو معي وفهموني العمل وكانو مثل اخواني
وجلست احمد ربي ليل ونهار وفي كل صلاة ان اتعينت في هذا المكان ومع الزملاء الي فيه .
لكن بعد شهر ونص بدؤ ينكشفون على حقيقتهم اكتشفت ان هذا القسم ح***ن حزب مع موظف معين وحزب مع موظف اخر والكل يحاول يفتن على الثاني ويخرب عليهم
وكان كل يوم واحد يمسكني على جنب ويتكلم في البقية مايخلي فيهم شي سيء مايقوله وصلت فيهم ان بعض الموظفين يتصلون علي فالليل خارج الدوام وقت الاجازات ويتكلمون على بعض وانا كنت خايف لأني جديد بينهم وصغير فالسن عمري 24 وهم اصغر واحد عمره 30 سنه ولهم أكثر من 3 سنوات مع بعض لاحظت في الفترة الأخيرة كثرة كلامهم واتصالاتهم وقلت لواحد فيهم رجاء لاعاد تتكلم على احد عندي اذا عندك شي قوله في وجه الرجال . والظاهر انه اتكلم علي عند المدير لان بعدها لاحظت المدير اتغير علي بشكل كبير اصبح يتصيد اخطائي ويعاتبني امام الموظفين والمراجعين ورفض اجازة اضطرارية قدمتها بسبب زواج اخوي حتى بقية الموظفين اصبحو مايتكلمون معي مثل اول مع اني كنت طول الفترة الي راحت اسمع وساكت
الأن والله كرهت العمل حاولت انقل من القسم مديري رفض ومسكني عمل اكثر من اول
انا ماصدقت بالوظيفة هذي وما ابغى اتركها وما ابغى اكون مع واحد ضد واحد لكن الوضع اصبح لايطاق
انصدمت ان حتى الوظايف الحكومية يحصل فيها كذا ظلم وتحيز .
تكفون دلوني الي عندكم خبرة وش اسوي في هذا الوضع والله سرت اكره الدوام اوقف عند باب المحكمة مالي نفس ادخل لكن ماعندي حل ثاني ما ابغى انقصل وخصوصآ اني في سنة التجربة
واسف عالأطاله لكن والله من حر مافيني
وشكرآ,,,,
|
العرض الشجري
