بتعمل ذنوب كتير؟؟
حاسس انك غرقان في المعاصي؟؟
بتعمل حاجات كتير تغضب ربنا ؟؟؟

ولا يهمك !!
انت عندك رب غفور رحيم بيك هو الغني عنك لكن مع ذلك عايزك في الجنة ..عايزك تكون مرتاح عشان هو اللطيف بيك اللي رحمته وسعت كل شيء
طب تعرف ان ربنا عايزك تعمل ذنوب عشان تستغفر فيغفرلك؟؟
عن الرسول صلي الله عليه و سلم قال: "لو لم تذنبوا لذهب الله بكم، وجاء بقوم يذنبون" [رواه الإمام مسلم في "صحيحه" من حديث أبي هريرة رضي الله عنه]، وفي رواية: "ثم يستغفرون فيغفر لهم" وعزا روايته إلى الإمام أحمد في "المسند".
بس مش معني كده يعني انك ماتصدق و تقول ربنا بيحبني اعمل ذنوب..لأ..هو ربنا مش بيحبك طبعا تعمل ذنوب لكنه سبحاونه وتعالي بيحبك لما تذنب تستغفره
انت ناسي الاية اللي ربنا بيناديك فيها ؟؟ ايوة بيناديك انت بيقوللك لو علمت ذنوب مش مهم انا رحمتي واسعة ماتقنطش من رحمتي
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ، وَأَنِيبُوا إِلَى رَبِّكُمْ وَأَسْلِمُوا لَهُ} [سورة الزمر: الآيتين 53، 54]

طب انت عارف بقي انك حتي لما بتعمل سيئة بيبقي قدامك فرصة 6 ساعات عشان تستغفر؟؟
ثبت في المعجم الكبير للطبراني من حديث أبي إمامة رضي الله عنه أن النبي صلى الله عليه وسلم: (إن صاحب الشمال ليرفع القلم ست ساعات عن العبد المسلم المخطئ فإن ندم واستغفر منها ألقاها وإلا كتبت واحدة) والحديث حسن وفي رواية (صاحب اليمين أمين على صاحب الشمال فإذا عمل العبد حسنة أثبتها وإذا عمل سيئة قال له صاحب اليمين امكث ست ساعات فإن استغفر لم يكتب عليه وإلا أثبت عليه سيئة) والحديث أيضا أخرجه البيهقي في شعب الإيمان.

يعني اوعي تقنط من رحمة ربنا لأ لما تلاقي نفسك علمت ذنب الحق نفسك واستغفر ربنا بسرعة
قال تعالى : " ومن يعمل سوءاً أو يظلم نفسه ثم يستغفر الله يجد الله غفوراً رحيماً "
وقال : " فمن تاب من بعد ظلمه وأصلح فإن الله يتوب عليه إن الله غفور رحيم."
وعن رسول الله صلي الله عليه و سلم قال: "كل بني آدم خطاء وخير الخطائين التوابون" [رواه الإمام أحمد في "مسنده" من حديث أنس بن مالك رضي الله عنه]

لسة زعلان انك بتعمل ذنوب؟؟
طيب انا هقوللك علي حاجة كويسة ايه رأيك لو تشير البوست ده و يكون سبب في استغفار ناس كتيير و بكده تكون بتمحي الذنوب عن نفسك ده مش كلامي علي فكرة ده كلام رب العباد
قال سبحانه وتعالى في كتابه: "إن الحسنات يذهبن السيئات"



[IMG]http://forum.*****.com/imgcache/6/54952*****.com.jpg[/IMG]