|
تجمع المتقدمات على وظائف جامعة شقراء 1433
بسم الله الرحمن الرحيم
صباااحكم / مساائكم خير وسعادة في هذا الموضوع سوف يتم تجمع المتقدمات على وظـائف جامعة شقراء والتقديم بــاقي مافتح...يبـدأ التقديم يوم 9/9 مع تمنياتـي بالتوفيـق للجميع... |
يسعد مساك ورمضان مبارك على الجميع
ان شاءالله راح اقدم عليها بس سؤال بسيط كم المسافه بين شقراء والدمام؟؟ ابعد من الرياض؟؟؟ ولا كيف؟؟ وبالتوفيق للجميع |
هذا رابط الوظائف المتاحه
http://www.su.edu.sa/Arabic/AboutSha...م%201433هـ.pdf |
اهلين امل باسل
اللي اعرفه شقراء تبعد عن الرياض 150 كيلو. تقريبا ساعه او اقل انتي احسبي المسافه من الدمام الى الرياض. ومن الرياض الى شقراء ؟ ان شاء الله الاخوات يفيدونك اكثر بالتوفيق.... |
يعطيك العافيه ورده
|
بنات وظيفة باحث علمي مساعد (تخصص لغة انجليزية) ايش مهامها ؟
بحثت وقريت رد لمتقدمة لنفس الوظيفة تخصص كيمياء تقول أسئلة الاختبار كانت في التخصص ! اللي عندها علم عن مهام الوظيفة ياليت تقول لنا لأني أفكر اقدم عليها.. |
واللي تسأل كم تبعد شقراء عن الدمام تقريباً 6 ساعات ،،
|
بالتوفيق يارب
فالكم الوظيفه |
بنات بسألكم انا تخصصي رياضيات ،،عادي اقدم على الوظيفة اللي طالبين فيها نوع المؤهل محاسبه؟؟
|
ماهي الوظايف المتاحة ؟
|
هذا كل الوظائف المطلوبــه
http://www.afifnp.com/news.php?action=show&id=12993 اخت اخوهـا انا اللي اعرفه تخصص محاسبـه غير الرياضيات ... انتي أتصلي فيهم وأسأليهم بنفسك احسن... الله يوفقـك |
ربي يوفقنا جميع
بسأل عن مساعد داري وسكرتير وش أفضل انا ودي اقدم عليهن كلهن لكن ممنوع فمحتاره بين هالوظيفتين ومسجله طالبات بعد مافهمت وش مهامها ولو قبلونا وش راح تكون الاسئله ظنكم؟؟ وربي يجزا صاحبه المتصفح خير نلقى معلوماتنا واجتماعاتنا فيه |
ياليت احد يفيدنا
اذا قدمت عليها وانقبلت اقدر اقدم على الوظائف الاكاديميه اللي بتجي ولا مايوافقون |
كيمستريه ؟؟؟
باقي التقديم مافتح! مقدمه فين بالضبط؟؟؟ |
عندي استفسار انا زوجتي تخصصها إعلام - علاقات عامه.. ومن الوظائف التي لديهم سكرتير .. ومساعد إداري - ومسجله طالبات .. طالبين التخصص كذا ( درجة البكالريوس المطلقة ) هل يقصد بها اي تخصص يعني..؟ ثاني شئ سكرتير - ومساعد إداري يقصد بها للرجال فقط - ومسجله طالبات يقصد بها للانأث فقط ارجو التوضيح من ذوي الخبره عشان اعرف وش اقدم عليه بالظبط.. |
اقتباس:
شوفي هالرابط من خلال بحثي اطلعت عليه وهذا رد اقتبسته من احدى المنتديات ...واهم حاجه عليك بالاستخاره.. عمل المساعد الإداري وظيفة المساعد الاداري يؤدي مجموعة متنوعة من أعمال السكرتاريه والاداريه المساعد الإداري هي مسمى أوسع من وظيفة مدير المكتب 1/ متابعة القضايا والمعاملات 2/ الاشراف على المعاملات 3/ الاشراف على تنظيم واعداد السجلات والملفات الخاصة بالموظفين 4/ الاشراف على تنفيذ التعليمات التي ترد من الوزارة 5/ السكرتاريه 6/ ادخل البيانات والنسخ 7/ تنظيم الاجتماعات والمواعيد 8/ اعداد التقارير 9/ الإعمال الكتابيه 10/ تنظيم الصادر والوارد 11\القيام بأي أعمال أخرى يسندها إليه مدير المدرسة أو وكيلها مما تقتضيه طبيعة العمل الدراسي اما مسجلة طالبات يعني تتعامل مع الطالبـات وتكوني مسؤوله عن حالات الطالبات وهي مرتبطة بالقبول والتسجيــل بالنسبه للاسئلة...تعتمد ع نفسه الجامعة..لما اختبرت بجامعة الطائف كانت ربع الاسئلة من التخصص وثلاث ارباع الاسئلة الباقيه لها علاقه بالحاسب ... اما جامعة حائل برضوا ربع الاسئلة من مسمى الوظيفه اللي مقدمه عليها وباقي الاسئلة من تخصصات القريبه منها .... الله يوفقك ويكتب لك الخير... اقتباس:
لازم تمضي سنتين في عملك بالجامعه..وبعدين تقدري تطلبي ترقيه...انتي اقرائي شروط الموجوده في صفحه التقديم ع الوظائف...وهذا رقمهم أتصلي عليهم واستفسري اكثر عن تساؤلاتك 016224481 ربي يوفقك ويسعدك ... اقتباس:
ايوه يقصدوا فيها اي تخصص سواء تخصصها إعلام او غيره.. الوظائف هذه للانأث فقط.. ادخل الموقع واقراء العنوان الرئيسي .. وبالتوفيـــق |
^^^
مشكوره اختي على الرد بس انا اقصد اذا قبلوني في الاداري قبول نهائي وانا مابيه ابي وظيفه معيده عادي اقدم واذا قبلوني معيده اتركها ؟ |
الله يكتب لنا الخير فيها يارب
|
بنات ممكن الجامعه تقبل من غير واسطه واحتياجها لكل وظيفه كم ـ يعني ممكن محتاجه بنت وحده لكل وظيفه ـ يعني مثل جامعة الطائف نتعب في التسجيل وبعدها الاختبار وآآآخرتها توظف وحده
انا من الغربية وتخصصي مكتبات ودي اقدم امينه مكتبه لانه ماعندنا مجالات للتقديم لكن خايفه اضرب مشاوير وآخرتها تطلع مثل جامعه الطائف قبل فتره قدمت على جامعه شقراء ورشحت برساله منهم على الجوال لكن لإبعد المسافه ماقدرت ادخل الاختبار بنات اجيبوني الاقبال على امينة مكتبه كبير اوقليل ردوا على تساؤلاتي الكثيره بارك الله فيكم اعذروني على الاطاله والله من قلت الحيل |
خزاما شقراء صارلي سنتين اقدم عندهم كل وظيفه ماياخذون لها الا وحده << هذا للمعيدات الاداري اول مره ينزلون ومادري عنه اذا ياخذون وحده او اكثر
واذا على الواسطه في كل مكان بس اذا الله كاتبها لك بتاخذينها وانتي تعالي جربي يمكن ربي يكتبها لك دعواتك |
اقتباس:
بس وش تنصحوني اقدم لها على اي مسمى وظيفي سكرتير او مساعد اداري .. وش الانسب والاقرب للتخصصها علما بأن الشهاده بكالريوس قسم إعلام تخصص علاقات عامة وبالتووفيق للجميع |
مقام العز
الجامعه اشترطت درجة البكالوريس المطلقه يعني تقدر تقدم على الوظيفة المريحة لزوجتك واللي هي تفضلها اكثر وانا اشوف وظيفة سكرتير افضل بما انها دارسة علاقات عامة والله يوفق الجميع |
للرفــع
ان شاء الله اليوم يفتح التقديم يارب توفقنا جميعـــا .... |
الله يرزقنا يارب ان شاء الله بسجل والله يكتب اللي فيه الخير سمعت ان جامعة المجم بعد بتفتح تقديم
بس ماادري متى بقدم عاللي يجي والله أعلم بمكان رزقي وين ياااارب تكتب لنا الخييييرة. سؤال وش قصة الموقع مايطلع فيه شيء كلام انجليزي وبس. |
[align=center]الله يوفق الجميع كمستيريه لا تقنطي من رحمة الله كل تأخيره فيها خيره الله يوفق الكل يارب ..
:)[/align] |
بنات
مساعد اداري او مسجلة طالبات اوامينة مستودع او سكرتيرةايهم افضل ؟! سمعت ان امينة المستودع لها بدل بس مو متأكدة ولا ادري وش طبيعة العمل بحصر نفسي بين مساعدة ادارية ومسجلة طالبات واستشير فيهم اخاف امينة المستودع كل شغلها في ملفات وغبار والسكرتيرة بترتبط مباشرة بشخص يمكن يقهرها ههه الله يكتب اللي فيه الخير الحين رابط التقديم وين؟! |
اللي عنده الرابط المباشر للتسجيل يعطيني اياه
|
حلمــي التدريس انتي وش تخصصك ؟
كنت محتاره بين مساعد اداري وبين سكرتيره ومسجلة طالبـات بس لمن قريت عن طبيعة عمل المساعد الاداري صرفت عنهـا... رابط التقديم لسه ماهو موجود يمكن الصباح ان شاء االله يفتحوا التقديم.. |
انا يالغلا لغة عربية^_^
ليش صرفتي النظر انا ودي به احس سهل انقل لو انا مساعد اداري عكس الباقي والله مدري محتارة لكن الله يختار لنا الأفضل بس الحين بعد مانقدم كيف طريقة الترشيح عندهم ؟!! اكيد مو معدل وأقدمية ونقاط ومفاضلة<< مأثر علي جدارة ههه والدورة ممكن استفيد منها؟! لاني خذتها من هنا والغوها الخدمة من هنا ي عوينتي قعدت جنب الوثيقة بالدرج الله يفرجها عليهن وعلي يارب |
مهام وعمل مساعد اداري احسها ماتنااسبني
اما بالنسبه لسؤالك بعد الترشيح .. ترى يعتمدوا ع درجه المقابله الشخصيه والاختبار التحريري ابداً ماينظروا للمعدل ولا للدورات...<< صار عندي خبره بهالمجال من كثر ماقدم في جامعات المملكة هههه |
اهااا يعني الوظيفة اللي بختارها لازم اعرف عنها عشان اعرف
وش اقول بالمقابلة الله يرزقتس يااارب ولا يخيب لتس تعب ياكريم ودي اكون مساعد اداري او مسجل طالبات بس اخاف مسجلة الطالبات بتعاني منهم ومن اهلهم عشان الاقسام وقبلوا بنتي ولا ماقبلوها ومن ذا الكلام ولا يلا دبريها من هنا ولا هناك وانا مااحب كذا الله يكتب اللي فيه الخييييير متى بس يعطونا الرابط المباشر للتسجيل ويارب ماتطول فترة التسجيل وتطلع نتايجها بسرعة ياالله انك تعين . |
أجل اشوف الانسب لك مساعد اداري
بكره ان شاء الله مسافره مكــــه وبدعيلكم معـــي ... الله يوفقــكم ويسعدكم ويشرح صدوركم ويفرح قلوبكــم |
اللهم آميين الله يتقبل منك يااارب ويحقق لك ماتبين يارب.
|
اتمنى اللي عنده رابط مباشر للتقديم يحطه بحثت بس مالقيت اي اثر له
ياليت اول ماتحصلونه تحطونه وجزاكم ربي كل خير |
السلام عليكم ورحمة الله وبركاته
صباحكم خير هذا الرابط للي يبي يقدمون وبالتوفيق للجميع http://www.su.edu.sa/Arabic/AboutSha...s/news251.aspx و لراغبات التقدم على الوظائف الإدارية الرجاء التكرم بالضغط هنا . |
بنات وش أفضل
مسااعد اداري ولا سكرتير ودي أعرف طبيعه العمل لكل واحد منهم وفيه وحده هنا تقول ماتبي المساعد الاداري ماتناسبها ياليت تشرح لنا طبيعه العمل |
^^^
ههه انتي مثلنا هالحيرة بتذبحنا يا الله الخيرة . |
للحين مافي شيء مكتوب بالرابط شكله يبدا الصبح الله يعين
|
اخترت الوظيفه
وسويت موافق على الشروط واترت تقديم وطلع لي كذا خطأ حدث خطأ غير متوقع. استكشاف أخطاء Microsoft SharePoint Foundation وإصلاحها. معرّف الارتباط: da20e36e-4185-4d36-a1a0-d5b83b2352d8 التاريخ والوقت: 7/27/2012 8:23:41 PM http://www.su.edu.sa/_layouts/1025/images/calprev.png العودة إلى الموقع |
اقتباس:
ايقونة التقديم غير مفعله الى هالوقت والله اعلم او انه بسبب الزحمه على الموقع[/align] |
| الساعة الآن 10:20 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين