صبحكم الله بالخير
انا ياجماعة الخير مطلقه وقدمت على المساعده المقطوعه قبل كذا مرا ونزلت لي ومرت سنه ورحت قدمت عليها بتاريخ واحد وعشرين سبعه والين دحين حالتي اهي اهي ماتغيرت حتى ماجات لا مدخل بيانات ولا مراجع ولاشي زي ماهيا غير مشمول بالبرنامج مع العلم يوم اني رحت لهم وقعوني وبصموني على ورقه اني متنازله عن خدمة تسديد الفواتير حقت الكهربا لان ياجماعه انا ساكنه مع اهلي مو بيت ليا ملك عشان اطلب هالمساعده واهلي مو بالضمان فما ينفع ادخل بهالخدمه دام انه مو بيتي ابي اسئل دحين عن غير مشمول ليه انا شفتها وهي تدخل بيناتي الجهاز طيب ليه جاني زي كذا ؟؟والحل يعني

وفي سؤال ثاني انا سمعت ان الشروط الجديده اللي يبون يطبقونها بعد العيد ان اللي مو مسجل بخدمه تسديد الفواتير وحقت احتياجات المدرسه ماياخد المساعده المقطوعه ولاتنصرف له ؟؟ هل هذا صحيح طيب ياجماعه انا مامعي بزران والبيت مو بيتي يعني هم مافكرو بالمطلقات اللي مامعهم بزران واللي ماعندهم بيوت انا صح اهلي قايمين بنفسهم بس عني انا والله ولاريال اخذه منهم مايعطوني ماغير اني ممشيه عمري بالضمان سوا بمرض سوا بمتطلبات اي شي الحين هم بعد بيقطعون هالمقطوعه عننا للي حالتهم مثلي لامعهم بزران ولابيتهم لهم كيف كذا ليش مايدرسون الامور مع جميع النواحي ليه يفكرون بفئه وفئه ثانيه لا بالله هذا مو ظلم ماقول غير حسبي الله ونعم الوكيل عليهم وعلى تعقيدهم للامور