|
معاناتي مع الفضولين ؟؟؟
السلام عليكم ورحمة الله وبركاته كل عام وأنتم بخير أتكلم لكم عن قصتي مع الناس الفضولين :: في شهر 7 قرر الوالد الله يمده بعمره أن يعطيني بيت .. وفعلاً رحنا وأنا ويها للمحكمة وأفرغ الصك بأسمي حتى لا يحدث في المستقبل مشاكل بيني وبين أخوتي من حرمة الثانية وأنا وحيد أمي حرمة الأولى ،طبعاً هناك اعتراضات كثيره على الوالد.. واعطاني مبلغ لأعادة الترميم وتأثيثه .. في اليوم اللي جبت فيه عمال الدهان ::جاء واحد من الجيران قال أنصحك بالبوية الفلانية تراها عندي مسوية منظر في البيت ..قلت الله يعطيك العافيه ياابو فهد ومانستغني عنك ..وبعده أتصل علي ولد عمي لالا سوي معتق افضل ومدري ايش ..واليوم الثاني وانا واقف عند العمال جو ثلاث من الجيران كل واحد طرح وجهة نظره ... قلت ابشروا .. ماصدقت أني خلصت من شغلة الدهان ودخلنا على السراميك أستشارات ماتنتهي كالعادة ..وطبعاً لم أنفذ شيء من نصائحهم .. وانتهيت من تركيب السراميك والحجر .. دخلنا على الديكور كان فيه ديكور من قبل لكنه قديم أكثر من عشر سنين ... قررت اغيره بما انه بيت العمر وياسلام على فلسفة الجيران :Thumbs: قسم أني كرهت البيت في لحظات حسيت أنه مو بيتي .....والمره هذه دخل ضمن دائره المناصحين وبعنف حرمة ابوي جت مع أخوي تشوف البيت من كثر مامدحوا في البيت سوء كذا وكذا :i قلت ابشري ياخالتي وطبعاً كالعادة أنفذ ماأريده لأني أريد أن أستقل بذاتي ..بالأمس أنتهيت من اعمال الديكور ..وسأتوقف عن إضافة شيء في المنزل من ناحية التأتيث حتى اشعاراً أخر.. بنسبة لكم لو واجهتكم العينات هذه ماهو تصرفكم معهم؟؟؟؟ وليه البعض يحبوا يفرضون رأئيهم على الأخرين ويتدخلوا في شيء مايخصهم؟؟؟ |
حتى أنا نفسي أعرف هالاجابه
|
طبعا ردت فعلي مثل ردت فعلك بسوي الي اشوف صح والي يعجبني
الناس ذولا ملاقيف و المفترض انو ما يتدخل في حاجة ما تخصه |
بنسبة لكم لو واجهتكم العينات هذه ماهو تصرفكم معهم؟؟؟؟ انا عني هالاشكال الحلووين اجاريهم واقولهم الله يعطيكم العافية بالله بس كدا ابشر من عيوني كلامك صح بكرا راح اشتريه ولاراح الطيب اشتري اللي انا يناسبني مو اللي يناسبه هو ! بس يعني عشان افتك من عوار الراس والنشبة مستحيل يفكك وعنده استعداد يناقشك الين شروق يوم جديد :d بس اهم شىء انك توافق على اقتراحه وتقوله صح يابطل :b وليه البعض يحبوا يرفضون رأئيهم على الأخرين وبتدخلوا في شيء مايخصهم؟؟؟ مدري شىء ينرفز :court: من حسن اسلام المرء تركه مالا يعنيه يعني مافيها شىء يقترح شىء معين وله الخيار سواء اقتنع فيه ولا لا مو الزامي وغصب عنك تسوي اللي اقولك عليه ! سبحان الله الفئة دي عادة ماتحصلها بكبار السن ! والناس الغثيثة :court: اما لسببين : 1- تلاقيه خير ويحب الخير ووده كل الناس تسوي زيه عشان حقه طلع زين وحلو :m:w فئة بريئة هههه:m 2- لئيم واحذر النوع دا :court: يجيك انه يعنني بساعدك واقترح عليك وهو الود وده يهد بيتك عليك ههههه من قوة الخبث اللي فيه نسأل الله الحماية واللطف ! فئة لئيمة حذرهم واجب :Thumbs: |
يااخي هذا النوع من الفضولين ارحم مليون ومليار مرة من الملاقيف بالحوادث المرورية !
فضول ولقافة فوق الخيال . . لاهو مختص بالاسعافات ليعالج ويساعد في انقاض روح ولاهو جندي مرور لمعرفة الخطأ الذي نجم عنه الحادث ولاهو من وزارة الشؤون البلدية ليطمئن على حالة الشارع والأسفلت ! دعوا الخلق للخالق ولاحول ولاقوة إلا بالله العلي العظيم لذلك امرك بسيط اسمع وطنش وأفعل ماتريد اخي العزيز والله يجعله بيت السعادة ويكفيك شر الاشرار . . اللهم آمين |
انا اقولك الجواااااب
يتميلحووووووووووووووووووووون وبس عرفتي صطريهم بكلمة ورب الكعبه ماعاد تشوفينهم يعني انا مثلا لركبة شي بسيارتي جاني جاري ولا يسوي ينصح وهو لاوقفت عند بيته قام يهاوش ..!! المهم يجيني ليش مركب كذا موب حلو ثم اطالع فيه واطير عيوني فيه وانت اش لام ام ام ام امك دخل حلوه هاذي مسوي انك فهيم يعني يلا بس تقلع خلك بحالك بس .... له سنه يتعدا من عندي مايناظر هههههههههههههههههههههههههه يذكر يوم يهاوشني على موقفه وهو سامحلي فيه بس عشانه ظل مالت عليه اهو وظله والجيران هذو قسم انهم فقعو مرارتي اااخ لو انه انا بقول تعال اسوي ديكور لوجهك واسويك تونه بالكتشب وانت ياولد العم على جنب وطلع الرخصه والاستماره وانت يالجار الي كل يوم مطبطب علي كانك عبدالله بالخير ياريت ماشوف احد يوطوط علي >>> يصلح عباته عاش الدور خخخخخخخخخخخخخخخخخخخخخخخخ والي يجونك هالجيران عليك بمطرقه ترا ازعجتوني تراها مصخت يااختاه العينات هاي ماتمشي الا بالكرررش اكررررررررررررررشيهم تنعمي لماااذا ؟؟؟؟؟؟؟؟؟؟؟؟؟؟؟ لانهم ليسو فضوليين بل دلوخ ويتميلحون عرفتي اعننني ذوووق ياعمي دلني عليهم اصرطهم لك >> يتميلح خخخخخخخخخ الله يجعله منزلا مبارك حصنيه واقري عليه ورشي عليه بماء مقري فيه والله الحافظ لايغرك الناس الي تجيك قول لهم لو سمحتو بيتي وحره فيه عرفتي خليك مو ذوق معهم راح يمشون سيده تراي انسان مسالم ههههههههههه |
مشكورين على التشريف بس لا حد يتهور لأجاه أحد من هالنوعية ويطقة ياأنه يبتلش بعمره.. بعد صلاة العصر مر البيت جبت عمال نظافة يغسلوا البيت ويكنسوا الحوش .. وجاني ابو فهد اللي في أول القصة ذكرني بالجار الغثيث في طاش ماطاش .. يقول ها عسى سويت اللي قلتك عليه .. أحرجني :ash:ماعرفت وش أقولة قلت سويتها في مجلس الحريم وماشاء الله ياابو فهد ذوق جبار لاخلا وعدم ..مشيت من عنده والعمال ينظفوا البيت.. لأخ أحب جده لعيونها :::ركز زين معرفة مذكر وأقر زين مازين..:):) |
الحل اذا جاك يقول سوا كذا قل قيمته غاليه ماعندك سلف وتحداه ان نصحك ثاني مره
|
اقتباس:
ههههه يطق عرقة ويبلع المسواك لقلت عندك سلف ..:cool: حياكِ سته وستون :: 66 ::نورتي الموضوع.. |
الله يعطيهم العآفيهه ..
آحسه مو فضول .. آحسهها جيره حلوهه .. ومحسسينكم بجيرتهم .. |
| الساعة الآن 08:30 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين