|
لنتعاون في فهم مهام المساعد الاداري لحفظ حقوقنا
السلام عليكم ورحمة الله وبركاته
بعد ان تم تعيين هذا العدد الكبير على مسمى مسااااااااااااااااااعد إداري وتوجيههم للعمل لاحظ الجميع بلا استثناء عدم وضوع فكره المساعد الاداري سواء في ادارة التربية والتعليم او مدير و وكيل المدرسه وتخيل كثير من مدراء المدرسه ان عمل المساعد الاداري هو تنفيد ما يطلبه المدير وكأن هذا قانوزن موضوع وماده منصوصه في ديوان الخدمه و وزارة التربية والتعليم ولان جميع من تم تعيينهم كأداريات تم ظلمهم بالمرتبة والمنطقه لا نريد مزيد من الظلم من قبل مدير او وكيل ويطفي ظلم نريد ان نتعاون لنفهم ماهي مهام المساعد الاداري ارجو من لديه اي قرار او ماده رسميه بمهام المساعد الاداري وضعها هنا لنستفيد منها وتكون سلاح بوجه المديرات الاستغلاليات فعلى سبيل المثال حصص الاحتياط والمراقبه واخذ الغياب للطالبات والمعلمات وتسجيل الحضور والغياب وتسجيل العلامات في برنامج نور والتصحيح كل هذه لسيت من مهام المساعد الاداري فنريد ان نتناقش قبل ان يتم استغلالنا لاننا جديدات بالميدان وانتبهو ليس من اختصاصنا تدخيل البيانات ع الحاسب الالي لانه لم يتم صرف بدل حاسب لنا اتمنى المشاركه يا اداريات |
خلال بحثي في المنتديات اجبني هذا الرد لعضو في منتدى اخر فا احببت وضعه للفائده
السلام عليكم... الحقيقة ان المدير والوكيل ليس لهم ان يقرروا ويضعوا مهام ويكلفون #مساعد الاداري# بامور تخص الطلاب,مثل الغياب ودرجاتهم,واللي زعلني اكثرهو ان يهتم بنظافة او الاشراف على نظافة المدرسة, انا مساعد اداري وشهادتي جامعيه مثلي مثل المدير وبقية المدرسين,ساقوم بما يكلفني به المدير من تعاميم صادر ووارد فقط,لاغيرولكل مساعد اداري إن جاءكم من وزارة التربية والتعليم مهام مثل اللي اقترح بعض الوكلاء او المدراء,فسنبدأ بأسلوب الخداع والمكر..وقسم بالله العظيم اني الان ماعندي الا الصادر والوارد فقط لاغير...فأنا واعوذ بالله من كلمة انا...احترم من يحترمني..ولن أزيد من مكانة الوكيل او المدير اكثر ممايدعون...وسااعتبر من يتعالى او يتخذ مكان الآمر فسأتخذه مكانه ادنى مني..فيكون مرجع الامر لي افعل او لا أفعل... انتــهى |
غريب امركم مافي اي تفاعل مع 16 زياره للموضوع ؟؟؟
|
طيب مايحتاج احد يرد ع الموضوع لاني خلاص لقيت المهام وبالدليل
وراح احطه هنا للطلاع للي يحب ياخذ فكره http://im17.gulfup.com/2012-09-02/1346596388261.jpg وهذه الصوره من هذا الملف المرفق التابع لوزارة الخدمه المدنيه موضح فيه كل المهن ومهامها والمساعد الاداري تجدون مهامه في صفحه 68 وربي يجزاني خير مادام محد يقدر المجهود :mad: http://www.mcs.gov.sa/InformationCen...new_bonood.pdf |
[FONT="Arial"][SIZE="4"][align=center]سجينة الأحزان أنا اول ماقريت موضوعك ع طول رديت
موضوعك مهم مفروض يكون عندنا ورقه ع الاقل نعرف شو مهامنا بالضبط؟ اقصد ورق رسميه لكل اداريه تعرف شو لها وشو عليها تصدقي حتى الي بمكتب التربيه قالو لي مانعرف مهامك وش هي بالضبط؟؟ و ربي فتحت رابط وصورة المهام عشان اقرأها عدل ؟؟ ربي يسعدك ، طيب الحين هو قائل من ضمن المهام تكون مهام كتابيه يعني ممكن يكون الحاسب مهمه كتابيه ؟ او لا !! رجا ابي اعرف ،؟! سجينة الأحزان ربي يجعله بموازين حسناتك ويوفقك وجهد رائع غاليتي تستحقين الشكر 👍👏[/align][/ أنا كنت حدور بالنت ع المهام :mبس انتي يسعدك ربي جبتي المهام : |
جزاك الله خير
يارب نسألك التوفيق |
اقتباس:
ربي يسعدنا جميعا ياقلبي والموضوع جدا مهم وخطير اننا نتهاون بوضعنا هذا المديرات مستغلات الوضع انو مافي مهام واضحه للمساعد الاداري ومتخدينا كا مستخدمين عندهم وانا وربي دوخت لما لقيت هذا الملف الحمدلله ايو اكيد راح نستخدم الحاسب في شغلنا وعموما ركزو في المهام ترى شغل المساعد الاداري بشكل عام هو الصادر والوارد من الادارات للمدرسه والعكس لكن مو من مهامنا ندخل بيانات الطالبات والمعلمات ولا برنامج نور واحذركم يابنات انكم تمسكو دفتر المدرسه حق الحضور والانصراف هذا مسئوليه كبيره لو فيه خطأ بسيط ممكن توصل للرقابه والتحقيق القضيه انتبهووووووووووووووو والصراحه انا راح اصور الصفحه واخذها دليل على مهام المساعد الاداري مو ع كيف المديره والوكيله |
اقتباس:
|
يا اداريات هذا كمان قرار من العام لما استحدث الوظائف الاداريه صدر
اطلعو عليه http://www.gulfup.com/X351ontvf6hs0sk |
الله يجزيكي خير ياقلبي أنا توني أشوف الموضوع وربي مههممممممممممممممممم لأبعد درجة والملف عالتصوير فورا وراح ارسل الرابط للمديرة او الوكيلة يشوفو بنفسهم
|
جزاك الله خير ياصاحبة الموضوع مشكورة والله يوفقك
|
موضوع جميل بس انا قالتلي تمسكي مهام الكاتبه واللي هي صادر و وارد وكذا تقريبا نفس المهام اللي في جدول
|
جزاك الله خيرا
والله تبهذلنا مع المديرات قسمت العمل بيننا من اخذ حضور وغياب ومتابعه الطالبات في الطابور الصباحي ووقت الفسحة ترتيب ملفات الطالبات لكن بطبع التعميم واخذه معاي واوريه لها |
يسلموا سجينه ع الموضوع بنات بس حبيت اقول لكم انو يوم رحت لمكتب التوجيه قالت لي الموظفة انو انو الاداريه مؤ من مهامها انها تمسك النشااااااط بالمدرسة هاذ مؤ من مهامها ابد وكمان مؤ من مهامها انو تدرس اي ماده بالمدرسه يعني لو قالت لها المدرسه شو رأيك بس نعطيك تدرسي ماده وحده للطالبات يعني هاذ ممنوع مومهمة الاداريه ابد التدريس يعني انتبهوووووووو بنات من انو توافقوا تدرسوا او حتى تمسكوا النشاااااط . تحياتي لك سجينة الأحزان لك شكري وتقديري |
طيب الغياب والحضور احنا مسؤلين عنة؟؟؟؟؟
ادخال البنات في الفصول احنا مسؤلين عنة ؟؟؟؟؟؟؟ اقرب مسمى لنا مراااقبات على هالحال ... |
المفترض من الاشراف انهم يرسلون استمارة تبين مهام المساعد الاداري
كي تتضح الصورة ومانمسك شي مؤ لنا ظللللللللللم بعينه |
جزاك الله خير أختي
المديرات ماراح يعرفوا مهام المساعدة الإدارية إلا إذا صدر تعميم من وزارة التربية والتعليم يوضح هذه المهام الله ييسر أمرنا يارب |
جزاك الله خير لك شكري وتقديري
|
جزآك الله خير وجعله الله في ميزانك آختي
آذآ كآنت المديرة م ضغطتكم بمهآم صعبة نصيحتي لكم تتعلمون كل الشغل رآح تستفيدون لكن في حدود عملكم ومهآمكم آنآ مثلاً توجيهي كآن بمدرسة متوسطة لكنها غير مستقلة بل ملحقة بمدرسة آبتدآئي الآدآرة وحدة فلمآ تقولي المديرة آقوم بعمل يخص المرحلة الآبتدآئي آعتذر بذوق وآقول آنآ موجهة للمرحلة المتوسطة لآنه تم توجيه ثنتين معي للمرحلة الآبتدآئية وآنا فقط للمرحلة المتوسطة ولمآ جآء توجيهنا سآلتنا المديرة عن الكمبيوتر وقلت لها آني عندي خبرة بهالمجال وآنآ آفضل آعمل على الحاسب حقيقةً وآذآ كآن فيه بدل حآسب مثل م تقولون ي ليت تآكدون لي عشآن آذآ آستمر عملي عليه آقول للمديرة موفقآت جميعً |
شكرا لك اخت شكرتني ربي يجازينا بالخير الكثير بالدنيا والاخره
انا سعيت اني ادور ع المهام حتى لا يتم استغلالي صحيح اني دخلت في نقاش حااااد جدا مع المديره وصل لحد الشجار والحمدلله صورت لها الاوراق هذي واجبرتها تطبع لي مهام عملي الي هي الصادر والوارد والسجلات سجل مدير التربيه والتعليم سجل مساعد مكتب التربيه والتعليم يعني تقريبا ١٠ سجلات غير سجل غياب الموظفات سجل التاخير والاحتياط الصراحه انا مسكت مهامي الحقيقيه بالقوه اخذتها بس اكتشفت ان السجلات مو كل يوم فيها شغل وحاااااسه بالملل الشديد ومافي الا المديره هاتي الملف وصوري الورقه هذي حسبي الله ونعم الوكيل ع وظيفه زي كده المهم طلبت من الوكيله تعلمني الشغل كله حق الاداره اهو اسمو يعدي وقت الدوام بشغل بدل الفضاوه المهم لا تكونو ضعيفات المدير لما يلقى الموظف الجديد ضعيف يسقوى عليه ويعطيه كل الشغل وحكايه الكاتبه والمراقبه ترى هذا مو شغلنا ابدا وانا حاولت المديره تدبسني فيها بس رفضت رفض تام لان مالي علاقه بهذه الوظيفتين واتمنى لي وللجميع التوفيق |
جزاكم الله خيرا
|
جزاك الله خير موضوع مررررره مهم
انا الى الان لم أوجه للمدرسه بس اعرف قريبه لي حطوها مراقبه تلاحق هالبنات وتقول رجولي تكسرت وادخل المعلمات الى حصصهم احس مره المديرات استغلاليات |
الله يوفقكم ان اشاء الله
|
اقتباس:
دفتر الحضور والغياب تبع المدرسات مسؤليه كبيرة عشان فيها خصم للراتب للغياب بدون عذر او اضطراري او حتي تاخير فأي مسؤليع ماليه قد تقع عليكي وتحقيق وتوصل لفت نظر |
انا حطوني مراااقبة
ويمسكوني حصص انتظار كمان |
مرحبا
أنا اليوم كتبت لي المديرة مهامي و وقعت عليها إلى حد ما مهامي معقولة مسكت تأخير الطالبات في الطابور الصباحي >>> طبعاً له ملف مستقل من بيانات و تعهدات البريد اليومي و طباعة التعاميم الصندوق المدرسي >> إدخال الفواتير توثيق غياب الطالبات بعد ما آخذه من المراقبة و بعدين أراجعه معاهم و أخيرا الشيء اللي مو حابته بس إن شاء الله تتسهل الأمور لأن المديرة قالت لي زميلتك بتساعدك مسكتني النقل المدرسي يعني الباصات و مشاكلها و حصر الطالبات اللي في الباص و ما إلى هنالك و هذا بعد له ملف خاص إضافة إلى ما يستجد من أعمال طارئة على قولتهم طبعاً أكيد كإدارية بتكون علي مناوبة و بكون عضوة بلجان مختلفة مثل الأمن و السلامة أو العلاقات العامة |
بنات دبسونى بنظام نور لانى ماعندى شى غير جالسه بالادارة وش رايكم اكمل ولا ارفض وفحال لو رفضت كيف اقنع المديرة لانها تقول من مهامكو نظام نور ونا محتارة مررررررة كل الموظفين يحذرونى منه علما بانى بقريه يعنى اعداد الطالبات قليل وشرايكم احسانى مضطربه مرا
|
بجد الاداريات مومحددين لهم نظام عمل اخت صحبتي كانه فراشه بجد مخلينها تجري ورا البنات وتفتش اظافيرهم وطول اليوم وهي بالممرات والفصول تدخل وتخرج بالبنات ومالها مكتب !
يعني هي جامعيه زيها زي المدرسات ., بجد الله يعينها ويعين الجميع., |
بالنسبة لي انا من البداية قلت للمديره انا شغلي سجلات وصادر ووارد وقالتلي ابغاك تمسكي مراقبة المقصف و تبغى تدخلني في اعمال تتصل بالطالبات خاصة ان المدرسة مافيه مساعده الا انا فقلتلها انا ما ابغى اي شي يخص الطالبات انا احب الشغل الاداري والحاسب اما شي يخص الطالبات اعذريني ما لي فيه نهائيا لكن اذا احتجتي مساعده ضروريه انا ممكن اساعدك لكن من غير تكليف اجباري يعني اذا فاضيه واحتاجت مساعدتي ماراح اقصر معاها خاصة انها طيبه ومحترمه في تعاملها معايا
|
اقتباس:
|
اقتباس:
|
السلام عليكم مساء الخير عزيزاتي
انا مساعدة إدارية من مهامي متابعة سجلات تقويم المعلمات سجل متابعة دفاتر الطالبات سجل متابعة دفتر الواجبات المنزلية سجل التحويل للوحدة الصحية , سجلات الشامل والسجلات الصحية , مناوبة , ادخال بيانات الطالبات في برنامج نور , ترميز مهارات مواد المعلمات والمشكلة ان مكاتبنا حاطينها في ممر مقابل للساحة الخارجية والكل يعرف برودة الجو في تبوك |
حديث نفس كل هذا والباقي وش يشتغلون الله يعينك
عن نفسي الصادر و الوارد سجل العهدة سجل المقصف ونظام نور البارح جلست ارصد لوحدي لان معلمات المواد عندهم حصص |
هل من مهام المساعدة الإدارية المناوبة في الظهر وسمعت أنها تتمتع بإجازة الصفوف المبكرة هل هذا صحيح؟؟؟
|
اقتباس:
لأن كل الموظفات و من ضمنهم المديرة يناوبون لأنج موظفة بمدرسة بنات يعني ما له علاقة بمهام وظيفتج الأساسية و طبعاً مستحيل الإجازة مع الصفوف المبكرة أكيد الدوام مع الإداريات لأنهم بيحتاجونا شي طبيعي بنات عاد مو كل شي ترفضونه و تقولون مو من مهامنا في أشياء واضحة إنها تتعمم على جميع الموظفات :mish: ممكن جداً تجي تعاميم من إدارة التعليم تخص جميع الموظفات معلمات و إداريات و ممكن تجي تعاميم خاصة بس بالإداريات و ممكن تجي تعاميم خاصة بالمساعدات الإدارية فقط فمستحيل ترفضين أو حتى تناقشين و ممكن تجيكم دورات بالاسم يعني فلانة عندها دورة في هالمكان باليوم الفلاني فاستفيدوا منها نهاية الترم احتمال كبير تتوزع أعمال الاختبارات بين الإداريات كلهم يعني لجان و قوائم طالبات و أرقام جلوس و إدخال درجات فحاولوا تكتسبون خبرة فهالأمور حتى لما كنا ندرس سواء بالمدرسة أو بالجامعة كنا نشوف كل الموظفات يشتغلون بأيام الامتحانات حتى دكتورات الجامعة كانوا يلاحظون بلجان الاختبار يعني أعمال المراقبة و مساعدة الوكيلة و أعمال الكاتبة و برنامج نور و الصادر و الوارد هذي نقدر نقول ملخص شغلنا لكن المقصف و هالسوالف لا صراحة :eek: موفقين بإذن الله |
انا من المساعدات الاداريات واعمل حاليا ع برنامج نور وبعض المهام البسيطة مساعده للوكيله والله مثل ما قالت أختي المتفائله للابد لا ترفضون شيء واشتغلوا لانه كله بحسب في خبرتك الادارية
الله يوفقنا جميعا يا رب |
هناك موجهه تربويه اتت المدرسه ووضحت للمديره مهامنا
اولا مساعدة المديره والوكليه في اعمالهن يعني كسكرتيره ثانيا برنامج نور ورصد الدرجات بمساعده المعلمه يعني المعلمه تملئ عليك الدرجات وانتي تدخليها ثالثا ليس لها شغل باعمل الكاتبه نهائيا رابعا لا يوجه لها اي عمل اخر مثل المختبر والمكتبه او سد عجز المدرسه بدخول حصص احتياط او القيام بعمليه التدريس لانها لا تتقاضاء اي بدل لهذي المهام خامسا في الاختبارات النهائيه لا تقوم بالمراقبه على الطالبات الا اذا كان هناك عجز في المعلمات لليس لها بالكنترول والتصحيح &&&&&&&&&&&&&&&&&&&&&& الي تقول برنامج نور صعب بالعكس جدا سهل وما يحتاج اي دورات او تعلم كل ما عليك تصفح جميع صفحاته ومعرفة اي الموجود فيه هناك ايقونه لاضافة بينات وايقونه لطباعة التقارير بالعكس مافيه شي ..........والي في القريه انه افضل عمل تقومي فيه لانه اعداد الطالبات قليل احسن من المدن الكبيره الي الكالبات فوق 500في المدرسه الوحده ........ &&&&&&&&&&&&&& |
:mad::c:c:c:c
|
مرررره شي يحزن والله المفروض يسموه خادم إداري
انا اسوي الاحتياط والمناوبه ومراقبه الدور والطوابيرونظافه الدور وبنات التظام واخد الغياب ودحين العهد والارشيف انا ابغى ارررررررررفض العهد بس مو عارفه ايش حيسير |
حسبي الله:c
|
| الساعة الآن 10:10 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين