الخريجات القديمات
[align=center]الخريجات القديمات
اسعد الله جميع اوقاتكم بما تحبون اليوم نازل في عاجل موضوع لحافز الفرصة سنحت ان تكتب كل وحدةعن حاجتها وتطالب بالتوظيف تكفون يا حبيباتي قد لا نجد مثل هذه الفرصة لاتفوتونها ولو بسطرين ما حنا خسرانين شيئ خلونا نرفع سقف المطالبة بالتعويض عن مامضى من عمارنا ونطالب بالوظيف فقد يمن الله علينا بالتوظيف وفي نفس الوقت نلفت الانظار لقضيتنا اشوفكم هنك والله يوفق الجميع[/align] |
ياليت يوظفون الخريجات القديمات خلاص ملينا بطاله
|
وين رابط الموضوع طيب ....
|
كيف نكتب حاجتنا وحافز اصلا ماقبلنا عشان العمر .. لا وظيفة ولا اعانة مانقول لا حسبي الله ونعم الوكيل علي كل ظالم مايخاف الله حنا يالقديمات ظلمونا في حافز وفي جدارة.. قلنا بيجي الخير مع هذي الانظمة الي وضعوها الا جا الشر وزاد الظلم.. الله لايسامحهم الي حطوا هذي الانظمة لا دنيا ولا اخرة حسبي الله عليهم
|
انا ودي نقترح عليهم يقاعدون العجايز اللي من يوم فتحت المدارس وهن يدرسن الى يومك هذا حتى مالهن حيل يشرحن والمشكله شهاداتهن على النظام القديم جدا تعادل الثانوي حاليا يعني الين متى بيقعدن يدرسن
وفيه بنات لهم 10\13\15\17 سنه ينتظرن التعيين ماجا تعيينهن مو معقوووووووووووووووووووووووووووووووووووووووول هذا شي لايطاااااااااااااااااااااااااااااااااااااااااااااا ق الاعمار راحت ياعالم لازم يقاعدونهن وبيجيهم راتب التقاعد واحنا لازم نكتب معروض ونرسله للملك عبد الله باسمنا نكتب فيه شكوانا واقتراحنا عشان يتوظف اكبر اكبر عدد من الخريجات القديمات او للامير سلمان الله يحفظهم لنا لازم نلفت انتباههم لنا عشان يعرفون حجم معاناتنا ويوصل صوتنا لهم ماينفع نجلس ساكتين ونبغاهم يساعدونا في نفس الوقت نبغى نفكر بطريقه توصلنا للروس الكبار لملكنا الله يحفظه اذا احد يعرف كيف نرسل معروض لهم ونشكي لهم حالنا لازم نتساعد ونتكاتف لازم |
اي والله انكم صادقين بس من يسمعنا
الحمدلله على كل شي والله اني كنت متأمله ينزل اسمي هالمره واحسهم من يوم ليوم وغير اني اشوف اغلب البنات متخرجين قبلي بفتره طويله ولاجاءهم شي الله يرزقنا من واسع فضله |
ياكلون هوا همه ووظائفهم وحافزهم مانبغى الا حكومي ...... يضحكون علينا بالوظائف هاذي ارسلولي وطنشتهم مجنونه انا اروح اضيع وقتي وعمري بوظيفة ماتنفعني لا طبعا ... صحيح فيه بنات محتاجتها الله يسهلها لاكن يضحكون علينا هههههههه لا .. همه مايعطونا من جيوبهم عشان يذلونا مانبغى الاحكومي شكلها وظائفهم قعدت عندهم ما احد راضي فيها فقاموا يعطون فرص ويبغون ننسى الحكومي
|
حسبنا الله ونعم الوكيل لا حافز ولا وظيفة تغنينا عن الحاجة
|
اشكرك رباه انا معكي قلباوقلاب كلامكي صحيح لكن من يسمع هم مادري وش سياستهم بيخلوهم يعمروا في تعليم وحنانعمر في البطالة لا حول ولا قوة الا بالله
|
ايو الله ياابناات رااحت اعمارناا وحناا ماتوظفنااا
|
الساعة الآن 04:24 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين