643 لم يباشرو بعد التعيين
السلام عليكم
يابنات حبيت اجيب لكم هالخبر يمكن يرفع معنويات البعض منآ وهو انه عدد البنات اللي ماباشرو 643 معلمه يعني راح يضم للإحتياج بس الخبر اللي يحطم انهم بيدخلون معنا بالمفاضله الجايه وبيضمون العدد هذا للاحتياج اللي بينزل مفروض مايخلونهم يدخلون معنا بصراحه يعني نبي ناخذ فرصتنا هم اخذو فرصتهم ورفضو وحنا مستعدين لو نروح القمر بس نأمل معيشة عيالنآ اللي مالهم غير حنآ مفروض نتكلم ونطالب انه الاحتياج يكون لنا ويستبعدون اللي على رأس العمل ويستبعدون اللي ماباشرو عالأقل هالسنه او السنه اللي بعدهآ على كذآ راح يتشرحون هم مره ثانيه ومعهم الاداريات عشان تاخذ مرتبه اعلى لانه لها الحق انها تدخل مفاضلتنا الجايه كونها اداريه وهي تبي تعليمي على كذآ ماترشحنآ وماتغير شي وكل الاداريات الـ 11 او اغلبهم وكل المستبعدات بيترشحون من جديد :court: يابنات لازم نتصرف نسوي اي شي عشان نوصل هالشي للزواره ماينفع الحكي هذا ادري نظام الوزاره كذا بس ماينفع نبي فرصه حرام كذآ |
مااحد ياخذ رزق احد ... وحب لاخيك ماتحب لنفسك
|
وفي السماء رزقكم وماتوعدون
|
والله انا بديت أيأس وأوسوس ان اسمي قد طلع من ضمن اللي دعوهم المرات السابقه لكن ما اعرف شلون اتاكد
لكن الله كريم وان كان لنا رزق بناخذه طب ليه ماتغردون للخنين وتقولين له على ملاحظتك ؟ |
:m
لقد أسمعت لو ناديت حيا ولكن لا حياة لمن تنادي !!! |
اقتباس:
عادي تأكدي مرة ثانيه روحي لموقع الخدمة المدنيه ثم اخر الاخبار افتحيها كلهااا :d ملف ملف <<اقصد الاكسل وبحثي عن اسمك لك ودي :w |
اقتباس:
مايرد اشكل ولا مره رد علي مره وحده بس مايرد اقتباس:
يااختي ندري انه مااحد ياخذ رزق احد اجل بجلس في بيتي وبقول اذا ربي كاتب لي وظيفه بتجيني من غير تقديم يااختي بس هذا مو واقع ولا عقل ولا عدل من الوزاره انا اجلس انتظر وهم من وظيفه لوظيفه عشان تترقى الف ريال زياده حرمتني من المرتبه اللي هي عليها واللي بتترقى لها حظرتها اذا قدمت مره ثانيه مع العاطلات !! خلاص اذا هم مايبون من الاصل المرتبه اللي هم عليها او مايبون اداري من الاول قالو مانبي نبي مرتبتنا المستحقه او تعليمي مو كذا والله هذا اسمه ظلم اذا انتي راضيه او مستفيده انا مو راضيه وذا انتي توظفتي ومرتاحه انا ماكله تبن وعاطله ست سنوات انتظر فرج ربي اللي يده بالمويه مو مثل اللي يده بالنار قولي خير وللا لاتجين هنا وتردين حنا هنا نسوي شي لبعضنا نواسي بعض ونرفع من معنويات بعضنا ونحاول نشوف لنا حلول وناخذ حقوقنا مو نكسر بعضنا واحب لاخيك ومدري شو طيب تعالي حبيبتي عطيني وظيفتك الي انتي متوظفه عليها هالشهر ليه تاخذين مكان وظيفه وتبين كمان اجازه شهر مع اجازه مدري ايش يعني ماتبين تداومين كان اعتذرتي من الاصل ويوم نزل اسمك اداري مارحتي ليه تاخذين مكان وانيت بتقدمين باللي بعدها ليه تتكلمين بأشياء ماتطبقينها انتي ؟ لاتقدمين بجداره على مرتبه اعلى او على تعليمي امسحي بياناتك يلله ! عشان تحبين لنا ماتحبين لنفسك انتي متوظفه وربي يبارك لك بوظيفتك بس لاتجين مواضيع العالم اللي تنتظر وظايف ومقهوره واحترقت قلوبهم من الانتظار ست سنين واكثر وتقولين هالحكي خلاص ليه تجين هنا دامك متوظفه !!!!! ليه تضيقين صدورنا وتخلينها تقفل معنا ؟ شرايك بتصرفك الحين ؟؟ احب لاخيك ماتحب لنفسك طيب !!!! |
انا مجربة وحاسة فيك الله يرزقك ان شاالله توظفت اداري بعد صراع مرير مع البطالة دام ١١سنة وكنت انتظر وظيفة تعليمية بس لما جات الادارية قبلت فيها مجبرة لظروفي وعلى امل التحويل الى تعليمي ...ورغم كرهي للعمل الاداري لكن مخلصة في عملي وجادة والحمد لله لم اتغيب يوم واحد رغم تعبي وسفري يوميا رايحة جاية ٢٠٠ كيلو ...والله يرزق الجميع
|
يا اختي العزيزة اسمحيلي اعلق على كلامك ..
في حملة ماجستير تم تعيينهم على وظائف اداريه على المرتبه السادسه وهم يستحقو الثامنه فكيف تطالبي ما يدخلو مفاضله قادمه حتى ولو تعليميه اللي تكون بسابعه وغير كذا اي إداريه وخصوصا لو كانت متغربه انظلمت ويحق لها تترشح تعليمي اذا نقاطها اعلى من نقاط الاخريات وبالنسبه للاعتذار لو في واحدة اعتذرت مثلاً عشان تراعي امها او ابوها مريض وماتقدر تبعد فلو جد جديد من تماثلهم للشفاء او لا سمح الله ربي اخذ امانته تمنع من التقديم كم سنة عشان بر الوالدين هذا قمة الظلم اعرف واحدة ماتعينت لها ١٧سنة وترفض بس عشان ابوها لما توفى قدرت تتعين وتتغرب الناس ظروف والظروف تتغير خصوصا النساء من زواج وطلاق وغيره |
ياختي حبي لاخيك كما تحبي لنفسك وبعدين رزقك محد ياخذة لو دخلوا المفاضلة كل الخريجات والمستبعدات
وبعدين وش دراك عن ضروف الي اعتذروا ممكن الحين تحسنت ظروفهم ممكن وحدة جلست تبر بامهها او ابوها وتعينت بعيد والحين جزاء برها تتعين جنب بيتها سئلتك بالله ماتستاهل الا تستاهل كل خير حسبنا الله سيؤتينا الله من فضله انا الى الله راغبون |
الساعة الآن 10:02 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين