|
643 لم يباشرو بعد التعيين
السلام عليكم
يابنات حبيت اجيب لكم هالخبر يمكن يرفع معنويات البعض منآ وهو انه عدد البنات اللي ماباشرو 643 معلمه يعني راح يضم للإحتياج بس الخبر اللي يحطم انهم بيدخلون معنا بالمفاضله الجايه وبيضمون العدد هذا للاحتياج اللي بينزل مفروض مايخلونهم يدخلون معنا بصراحه يعني نبي ناخذ فرصتنا هم اخذو فرصتهم ورفضو وحنا مستعدين لو نروح القمر بس نأمل معيشة عيالنآ اللي مالهم غير حنآ مفروض نتكلم ونطالب انه الاحتياج يكون لنا ويستبعدون اللي على رأس العمل ويستبعدون اللي ماباشرو عالأقل هالسنه او السنه اللي بعدهآ على كذآ راح يتشرحون هم مره ثانيه ومعهم الاداريات عشان تاخذ مرتبه اعلى لانه لها الحق انها تدخل مفاضلتنا الجايه كونها اداريه وهي تبي تعليمي على كذآ ماترشحنآ وماتغير شي وكل الاداريات الـ 11 او اغلبهم وكل المستبعدات بيترشحون من جديد :court: يابنات لازم نتصرف نسوي اي شي عشان نوصل هالشي للزواره ماينفع الحكي هذا ادري نظام الوزاره كذا بس ماينفع نبي فرصه حرام كذآ |
مااحد ياخذ رزق احد ... وحب لاخيك ماتحب لنفسك
|
وفي السماء رزقكم وماتوعدون
|
والله انا بديت أيأس وأوسوس ان اسمي قد طلع من ضمن اللي دعوهم المرات السابقه لكن ما اعرف شلون اتاكد
لكن الله كريم وان كان لنا رزق بناخذه طب ليه ماتغردون للخنين وتقولين له على ملاحظتك ؟ |
:m
لقد أسمعت لو ناديت حيا ولكن لا حياة لمن تنادي !!! |
اقتباس:
عادي تأكدي مرة ثانيه روحي لموقع الخدمة المدنيه ثم اخر الاخبار افتحيها كلهااا :d ملف ملف <<اقصد الاكسل وبحثي عن اسمك لك ودي :w |
اقتباس:
مايرد اشكل ولا مره رد علي مره وحده بس مايرد اقتباس:
يااختي ندري انه مااحد ياخذ رزق احد اجل بجلس في بيتي وبقول اذا ربي كاتب لي وظيفه بتجيني من غير تقديم يااختي بس هذا مو واقع ولا عقل ولا عدل من الوزاره انا اجلس انتظر وهم من وظيفه لوظيفه عشان تترقى الف ريال زياده حرمتني من المرتبه اللي هي عليها واللي بتترقى لها حظرتها اذا قدمت مره ثانيه مع العاطلات !! خلاص اذا هم مايبون من الاصل المرتبه اللي هم عليها او مايبون اداري من الاول قالو مانبي نبي مرتبتنا المستحقه او تعليمي مو كذا والله هذا اسمه ظلم اذا انتي راضيه او مستفيده انا مو راضيه وذا انتي توظفتي ومرتاحه انا ماكله تبن وعاطله ست سنوات انتظر فرج ربي اللي يده بالمويه مو مثل اللي يده بالنار قولي خير وللا لاتجين هنا وتردين حنا هنا نسوي شي لبعضنا نواسي بعض ونرفع من معنويات بعضنا ونحاول نشوف لنا حلول وناخذ حقوقنا مو نكسر بعضنا واحب لاخيك ومدري شو طيب تعالي حبيبتي عطيني وظيفتك الي انتي متوظفه عليها هالشهر ليه تاخذين مكان وظيفه وتبين كمان اجازه شهر مع اجازه مدري ايش يعني ماتبين تداومين كان اعتذرتي من الاصل ويوم نزل اسمك اداري مارحتي ليه تاخذين مكان وانيت بتقدمين باللي بعدها ليه تتكلمين بأشياء ماتطبقينها انتي ؟ لاتقدمين بجداره على مرتبه اعلى او على تعليمي امسحي بياناتك يلله ! عشان تحبين لنا ماتحبين لنفسك انتي متوظفه وربي يبارك لك بوظيفتك بس لاتجين مواضيع العالم اللي تنتظر وظايف ومقهوره واحترقت قلوبهم من الانتظار ست سنين واكثر وتقولين هالحكي خلاص ليه تجين هنا دامك متوظفه !!!!! ليه تضيقين صدورنا وتخلينها تقفل معنا ؟ شرايك بتصرفك الحين ؟؟ احب لاخيك ماتحب لنفسك طيب !!!! |
انا مجربة وحاسة فيك الله يرزقك ان شاالله توظفت اداري بعد صراع مرير مع البطالة دام ١١سنة وكنت انتظر وظيفة تعليمية بس لما جات الادارية قبلت فيها مجبرة لظروفي وعلى امل التحويل الى تعليمي ...ورغم كرهي للعمل الاداري لكن مخلصة في عملي وجادة والحمد لله لم اتغيب يوم واحد رغم تعبي وسفري يوميا رايحة جاية ٢٠٠ كيلو ...والله يرزق الجميع
|
يا اختي العزيزة اسمحيلي اعلق على كلامك ..
في حملة ماجستير تم تعيينهم على وظائف اداريه على المرتبه السادسه وهم يستحقو الثامنه فكيف تطالبي ما يدخلو مفاضله قادمه حتى ولو تعليميه اللي تكون بسابعه وغير كذا اي إداريه وخصوصا لو كانت متغربه انظلمت ويحق لها تترشح تعليمي اذا نقاطها اعلى من نقاط الاخريات وبالنسبه للاعتذار لو في واحدة اعتذرت مثلاً عشان تراعي امها او ابوها مريض وماتقدر تبعد فلو جد جديد من تماثلهم للشفاء او لا سمح الله ربي اخذ امانته تمنع من التقديم كم سنة عشان بر الوالدين هذا قمة الظلم اعرف واحدة ماتعينت لها ١٧سنة وترفض بس عشان ابوها لما توفى قدرت تتعين وتتغرب الناس ظروف والظروف تتغير خصوصا النساء من زواج وطلاق وغيره |
ياختي حبي لاخيك كما تحبي لنفسك وبعدين رزقك محد ياخذة لو دخلوا المفاضلة كل الخريجات والمستبعدات
وبعدين وش دراك عن ضروف الي اعتذروا ممكن الحين تحسنت ظروفهم ممكن وحدة جلست تبر بامهها او ابوها وتعينت بعيد والحين جزاء برها تتعين جنب بيتها سئلتك بالله ماتستاهل الا تستاهل كل خير حسبنا الله سيؤتينا الله من فضله انا الى الله راغبون |
بصراحه انا اشوف بس الاداريين هما الي لهم حق يدخلون مرا ثانيه فالتقديم لانهم انجبروا على الاداري امما دي الي تكتبلي منطقه بعيده وبعدين تقول ظروفي ماتسمح المفروض تنحرم من التقديم سنتين يعني انتي عارفه نفسك من البدايه وظروفك تكتبيين لييش منجد غيرك يتمنى هالمكان وظروفه تسمحله
|
حتى هم محتاجين الوظيفه وماعتذرو من فراغ ؟
ليه مايدخلون الا من حق كل شخص يدخل المفاضله .. انتي ماتدرين لو الله يحطك مكانهم وماتقدرين تكملين بالوظيفه وتعتذرين ؟ وقتها بتدخلين المفاضله ثاني او لا عموما هم لو دخلو مراح يحطون المنطقه الي اختاروها اول بيحطو منطقه ثانيه يعني فتحو لكم مجال والله يرزقك ويرزقنا بالوظيفه الزينه ويرزق كل شخص اجتهد ودرس وانتظر الوظيفه |
اي بشر انتم
كل شخص له ظروفه ومحد ياخذ الا رزقه الله يوفق الجميع ياارب لاحد يحسد الثاني او يصير اناني نبي تكون النيه صافيه للجميع الله يوفقكم |
مستحيل المعتذرات بس ٦٤٣ اكيد اكثر
يارب اجعل لنا نصيب والله قادر على كل شىء |
الله يرزق الجميع كل مايتمنى عاجلا غير اجل
|
الله يرزق الجميع يارب
|
الي بتقدم مرا ثانيه لظروف نفسيه او اجتماعيه جتها فجاءه الله يعوضها ويرزقها انا مووووموضوعي ذي انا قصدت الي تكتب مثلا نجران وبعدين تقول بعيده عن منطقتتتتي بالله دووبك تدرين انها بعيده اساسا حتى الخنين مو بس انا قال لو ماكتبت هالمنطقه ماترشحت لان نقاطها ماتساعد فلو بتدخل عشرين مفاضله تيتي تيتي مثل ماتااارحني جيتي نقاطك هي بس خربتي على العالم الي تنتظر دورها بالطمع حقك
|
علمت أن رزقي لن يأخذه أحد مني فاطمئن قلبي
|
يااااااااااااارب كل البنات العاطلات يتوظفون يااااااااااااارب ؟؟ويعجل لهم بالفرح يا ارحم الراحمين
|
اقتباس:
وإن شاء الله الكل يتعين ويكون هناك عدل من حيث المراتب وغيره وأصلا اغلب الاداريات اتعينو على الرغبة الاولى بجانب بيتها يعني استحاله راح تدور هجوله وتروح النائيات حتى لو فرق الراتب بس الصحة والراحة اهم واخيرا علينا ان نتذكر دائما ان. مابين غمضة عين وانتباهتها يغير الله من حالا الى حال ولنا في سيدنا أيوب خير قدوة والصبر مفتاح الفرج |
تدافعون عن المعتذرات والاداريه ليه ؟
الحين هي قدمت واختارت مناطق ليه ترفض يوم جاها التوظيف ؟ لو انها ماختارت هالمنطقه كان بنت محتاجه غيرها اخذت نصيبها بدالها تتوظف وتعتذر والاداريات ياحبيبتي هم ماقالو لهم غصب يوم طلع اسمها اداري ليه تروح وتطابق ! ليه ماقالت ما ابي اداري وجلست بالبيت وغيرها تبي الاداري بنتنظر دورها وبتاخذ مكانها الا قرارات خاطئه مفروض نفس قبل تستبعد لانها اختارت منطقه وماراحت عالاقل سنه او سنتين |
اقتباس:
|
يابنات انا مو معترضه عاللي مثلا على كلامك ماجستير ومن حقها تقدم وظيفه اعلى معليش
لكن اللي حاله حالنا وبكالريوس لا حرام وربي انتو ماتحسون وللا ايش تخيلو معي ! انتي رايحه موعد مستشفى وحجزتي موعدين او ثلاثه اذا كادخلت بهذا بدخل باللي بعده واذا كاجيت بدري بدخل باللي بعده ! وغيرك محتاج هالموعد وماقدر ياخذه بسبب حظرتك حجزتي اثنين تراها مثل كذآ لمعلوماتكم والاداريات انتو تقولون حرام لانو هي مقدمه تعليمي وحطوها اداري ليه هم سحبوها من شعرها ولا ضربو يدها تعالي طابقي غصب هي راحت تطابق وباشرت ماجلست بالبيت وقالت مابي ليه الحين تقول ابي تعليمي وبقدم تعليمي هذيك كانت مكرمه ورواتبها اعلى ومراتبها افضل لو انها ماطابقت هي والثانيه اللي اعتذرت حظرتها والثالثه والرابعه كان صار نقص واضيف على الدفعات اللي بعدهآ لكن هذا تصرف اناني والله حرام عليهم وعلى وزاراتنا انا اتكلم من حرقه ومااحد حاس اللي فاهمين كلامي انا مااتكلم عن اللي جلست عشان ظرف قهري امها مرضت او ابوها مرض فجأ واضطرت تجلس الي امها قبل مريضه ليه تختار بعيد واللي امها مرضت فجاه معذوره بس انها تجي كذا دلع تختار كل المناطق ان اعجبتني بروح واذا لا مو رايحه وتروح المنطقه وتشوف الوضع والمدرسه وتروح تعتذر ليه يابابا !!! حنا محتااااااااااااجين افهمو ياعالم حنا بنات شايلين بيوت على راسنا حنا نصرف على عيالنا مالنا رجال فوق راسنا وهي حظرتها تتنقل من وظيفه لوظيفه !! ظلم واجحاف ووضع اشخاص في غير مواضعهم اسمحو لي اللي قالو احب لاخيك ماتحب لنفسك هذا ماتعرف الجمله هذي الا بالنصح وماتعرف تطبقها |
السلام عليكم ورحمة الله
اولا اسأل الله ان يوفقنا جميعنا انا وانتم وكل بنت تقرأ هالكلام بعدين السالفه مو حسد ومدري وشو الحق ان كل من تعرف قبل تسجل في رغباتها المكانيه مثلا انها لو كتبت نجران او محايل او بيشه لن تستطيع ولن تذهب بحال من الاحوال الى هذه المناطق في حال تعينت فيها ولكككككن اتخذت قرار احمق وحاسد وكتبتها وحرمت غيرها ممن لديهم الاستعداد للذهاب لهذه المناطق فانها للأسف انسانه غير مسؤوله ولا تملك ذره حياء و شعور بالمسؤوليه لانها اخطأت بحق بنت غيرها واخرتها واخطات بحق الوزاره وسبببت ربكه وبحق نفسها ايضا ولكن ماذا نقول الله يهدي الجميع |
اسفه كلامي قاسي ولا احد يزعل لكن والله العظيم وربي الشاهد ليس حسد
كل ما اتمناه ان اي انسان قبل يتخذ اي قرار يفكر فيه قبل يقدم عليه خصوصا اذا كان مصيري او ممكن يؤثر على حق غيره لاحضت كثير بنات حتى من قرايبي اختارت اماكن وسألتها قلت لو تعينتي بذا المكان راح تباشرين قالت ابدا قمة اللامبالاه |
وكذالك فيها تأخير في تعين من هي نقاطها نازله لان بعضهم وقفوا ع نقاط ولاراح تزيد حتى لو لها 15 سنه لان الخدمه حسبت فقط عشر سنوات فقط وبعضهن معدلها نازل ومع القدميه نقاطها نازله لو انهم لم يقدموا ع هذه الرغبات كانت راح تتعين مسكينه لان كل سنه راح تزيد عليها الاخريات في المعدل والقدميه وهي مكانك سر مثلا وحده نسبتها 69ومتخرجه من سنة 1419يعني الله يصبرها من تتخرج بعدها ولوبسنه ومعدلها مرتفع ماراح يجيها شيءغيرها يمشي وهي مكانك ولن الاخوات نقاطهم مرتفعه مايبغون يتعينوا مكان بعيد يبغون يتعينوا قريب لنهم شافو اأخر نقاط وقفت فيه مناطقهم ويبغون فيها وضيعوا ع المساكين الي نقاطهم نازله وما فرصتهم في التعين الا هذه المناطق البعيده لاني أعرف وحده ترشحت وطابقة ولما ذهبت للمنطقه الي تعينت فيها وشافت المدرسه قالت بعيده وبنتظر سنه اوسنتين حتى لو ماجاني شيء وترتفع نقاطي واقدم مره ثانيه لنها مشاء الله ولاحول ولاقوة الابالله نقاطها 84وتقول سنتين اثلاث راح تزيد نقاطي 89او90 وتعين قريب بس قلت راح تضيعو ع الي نقاطهم نازله بطريقتكم هاذي
بس يغير الله من حال الى حال ولاحولاولاقوة الابالله العلي العظيم حسبنا الله سيؤتينا الله من فضله |
وهذا الي تقصده الاخت موحسد لهم اوالي عندها ظروف بس انانيت بعض الاخوات الله يصلحهم
|
كلامك صحيح ميه بالميه ياليت تعيدون فهم عباره حب لاخيك ماتحبه لنفسك كرررتوها في غير موضعها اللي يقولون ظروف كل شي اختياري. بالتوفيق للجميع
|
صحيح كلامك أختي وماألومك ,,:rolleyes: يعني وش ذنب اللي ماترشح أصلا ! والدنيا أرزاق ولاأحد يزعل يابنات نقطه وحبت توضحها البنت عموما أتمنى التوفيق للجميع :h |
صح كلامك وانا معك
في بنات من منطقة كل سنة يطلعون ويرفضون الوظيفه يقولون مالنا رغبة في التدريس طيب ليش ياخذون مكان على الفاضي حنا بحاجه له .. والله قهر ابغي بس فرصة وحده واذ في نص فرصة قابله انا بس يعطوني اياها مو كل سنة نفس المستبعدات |
شكراً لكل من مر وتفاعل معي
نتمنى انه احد يعرف يوصل صوتنا للصحافه والاعلام عشان الوزاره تسمع هالشيء حنا لو مو بحاجه للوظيفه كان عشنا حياتنا وماشلنا همها ولااحد يغهم اني احسد البنات اللي توظفو على وظيفتهم ابدا والله ربي يهنيهم ويبارك لهم بس مفروض فكرت لو انها غيرها سوت كذا وحرمتها من فرصه ممكن تكون هي بدالها بالمنطقه اللي اختارتها وماتبيها كان ماراحت تسوي كذآ يعلم الله انه واحد بالخدمه المدنيه قال لي اكتب الرغبات الـ 45 كلها وقلت لها بالحرف الواحد اذا انا مو رايحه للمنطقه ليه اكتبها قبل اقدم منطقه منطقه سألت ابوي قلت له تسمح اروح مطلقه ومعي عيالي اربعه واسكن بسكن معلمات بهذي المناطق اللي قدمتها وترا فيها مطار وتبعد عن كذا وكذا مسافة كذا وكذا ولما الوالد سمح لي اروح انا وعيالي اللي تحتي ومسؤليتي ومالهم غيري بعد الله قدمت وتوكلت على الله ووالله لو اعلم اني مابروح ماقدمت لأجل ان لا اضيع فرصه على غيري فقط ولكن بعض الناس يهاجمون ويضنون ان القضيه حسد او حقد او او او لكن ربي اعلم بمآ في الصدور حسبنا الله ونعم الوكيل بس |
زميلاتي هي وأخته يدوامن كل يوم 300كم ثلاث ساعة في صباح ثلاث في ظهر بس تبغ الوظيفه استحملت اتعب من اجل الوظيفه ماشاء الله عليهم
المعتذرات الحين هي قدمت واختارت مناطق ليه ترفض يوم جاها التوظيف ليش تسجل في رغباتها المكانيه هي لتستطيع ولن تذهب بحال من الاحوال الى هذه المناطق في حال تعينت فيها |
أم بروكي صادقة في كل كلمة قالتها
قمة التخبط من هالوزاة و أعتراضها كان على القرار الفاشل مو حسد للبنات فعلا وحدة على راس العمل المفروض على الوزارة أنهم يشوفون لهم حل غير أنهم يدخلون في المفاضلات الحين أعداد العاطلات هائلة و تدخلون معهم اللي على رأس العمل :confused: المفروض ياأنهم يسمحون لهم بالمبادله بينهم و بين المعلمات أو أنهم يحسنون مستواهم أو أي حل الا هذا الحل ثانيا المعتذرات فعلا فيه كثير يحطون مناطق و هم أصلا ما يقدرون عليها و اذا طلعت قالت ظروفي ما أقدر أروح تحرم غيرها من الوظيفة عشان حضرتها تجرب حضها وفيه بعضهم فعلا يحصل لها ظرف طارئ وهم الأقليه من المعتذرات ......الله يكون في عون الجميع و يكتب لنا اللي فيه الخير |
ربي يسعدكم يابنات ويكتب لنا جميعاً اللي فيه خير وصالح لنا ويرزقنا بالوظايف اللي نتمناها يااارب
|
انا مع ام حلا وام بروكي قلبا وقالبا ..وتكسير المجاديف هذا مانبيه . اعرف ان رزقي واصللي من الله سبحانه وتعالى لكن لازم ندور له وناخذ بالاسباب اما تجين تردين على وحده فاير دمها وتقولين ماحد بياخذ رزقي ، فانا احسها قمة البلادة في التعبير .... والحل بنظري ان اللي على راس العمل والمعتذرات يكون لهم مفاضلة ثانية ، لانهن طابقن خلاص ومعاملتهن اما تحسين مستوى او اختيار منطقة تعليم .
ويخلون تناتيف الوظايف الباقية لامة لااله الا الله المتعطلة وراهن ، والا كل سنة بتزيد اعداد المتقدمات للمفاضلة على نفس عدد الوظايف ... (( مافي مخ)) |
اقتباس:
وكل مره بتطلع نفس الاسماء المعتذرات والاداريات وكأنه مااحد قدم ولا استفدنا شي |
ماشاء الله عليهم تيب عادي اباشر بدالهم ؟؟؟
|
حسبنا الله ونعم الوكيل
المفروض العجله تمشي عليهم وعلى غيرهم وش ذنب الاخريات الي ف قائمة الانتظار وهم ماترشحو اصلا وهذي تعيد وتزيد وزاره فاشله المفروض العجله تمشي الى الامام يكون العد التنازلي للنقاط حتى يتعين عدد كثير من الاخوات في قائمة الانتظار ولا توقف ع نفاط معينه ف80وفوق لان بعض التخصصات أحتياجها قليل بكذا يعوض بعض الخريجات با الاداري الي الحين يا أخوات الوظائف للجامعيات موقفه عند 80 وفوق فقط محتكره لهذه النقاط طيب وش ذنب الي ما ترشحت ف الاصل بس مجرد أسم ف جداره ليه مايكون العد التنازلي حتى ينتهي ثم يرجع من اولا وجديد مانقول غير حسبنا الله ونعم الوكيييييييييييل |
اقتباس:
|
من جد ام بروكي عندها حق ليه الحين هما متوضفين وبعد يبوووووون يشاركونا في الوضايف اللي لنا معليش حب لاخيك ماتحب لنفسك ايه ماقلنا شي بس انتوا اخذتوا فرصكم وهذا ربي كتبه لكم انكم تكونوا اداريات احمدوا ربكم علي النعمه وخلونا احنا اللي منطقين من سنين بالبيت عفناااااا فيه انا لي 9 سنوات لو تجيني الاداري احمد ربي علي النعمه وانا مااابي تعليمي مو عشان الالف الزياده تطووووول سنوات بطالتنا احنا عشان الاداريات ياخذوووون الدرجه المستحقه خلاص مليناااامن هالوزاره المفروض يحطوا خانه خاصه باللي تبي اداري وماتبي تحووووووووول عشان نضمن حقناااا لكن مانقووووول الاحسبنا الله ونعم الوكيل
|
| الساعة الآن 08:03 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين