|
عاجل نتائج حرس الحدود
شباب انا اول ما طلعت النتائج حقت حرس الحدود دخلت لقيت انهم ما قبلوني ولكن الحين يوم ادخل على الموقع كاتبين لي تم قبولك مبدئيا ونفس الكلام الموجود بس ما في تاريخ ولا في مركز محدد اراجع فيه يا ليت الي كل الي يدخل الموضوع ومو مقبول يشيك ويتأكد ويرد لي خبر الله يرضى عليكم
http://www14.0zz0.com/2012/09/29/22/775484731.png |
والله وانا زيك توني شفتها عساه صدق بس اول مررة فرحان امكن ملخبط الموقع انا حطيت المراجعه معهد جدة البحري يعني ننقزلهم بكرة ولاكيف نشوف العلم
|
انا بنقز لهم بس المشكله شهايدي في الجنووب كلها وانا في جده لكن لو رحت لهم يا جندي الله يخليك شوف وش بيقولون لك ورد لي خبر
|
ابشر بس احس انه ملخبط الموقع ولا وش راييك لان ماجات رسالة على الجوال صح ولا
|
لا يا حبيبي هو من الاصل ما جات رسايل ع الجوال ولا ع الايميل كان طريقة معرفة النتائج عن طريق الموقع فقط قليل الي جاتهم رسائل.
اتوقع انهم يبغون نااس لان فيه ناس ما قبلوهم عشان النظر وعشان الجسم والطول الوزن ويبغون يعوضون من الي ما قبلوهم مبدئي هذا الي انا اتوقعه ولا ادري اذا انتب تروح قول لي وش بيصير معاك لان فيه واحد من العيال راح يقول ما يطولون كلها ربع ساعه الى نص ساعه وانت خارج مع الباب ومعطينك العلم يقولون لك انتظر الرساله والا يقولون لك الله يكتب لك الوظيفه في قطاع ثااني |
اقتباس:
|
ننقز لهم والله يعين ان شاءاله ويوفقنا يارب وابشروو بالعلم
|
انا مثلكم تم قبولي لكن مو محددين وقت للمراجعه اتوقع والله علم فى غلط لان ارقامهم قليل ماتتجاوز 1250 رقم عسكري
|
شباب ايش رايكم كل واحد ينقز للمركز الي هو حطه في الموقع والي بعيد عنهم المركز لا يرحون لين نجيب لكم العلم بكره وان كان العلم زين وتمام ابشروا بالخير.
انا اقصد الي بعيد عنه المركز ومشوار عليه يعني فيها سفر لا تروح لهم بكره اذا احد راح بكره يشوف وش يقولون له وبعدها يتحدد وش المصير. من باب الفائده الله يوفق الجميع |
[align=center]
وانا بعد اقبلوني مبدئي شووفوو ايش يصير معاكم وعلمونا انا اتوقع ان الموقع مخبط [/align]بس واحد يروح ويشووف الوضع |
شباب الي من جده وقريبه عليه يا ليت يروح انا مثلكم في جده بس والله اورقي في الجنووب يعني ممكن ما توصلني الا بكره العصر.
تكفون الي بيروح يعلمنا وش يصير معه |
حتى انا ما انقبلت واللحين ادخل على الموقع يقولي مقبول مبديئا بس ما حددو لي اليوم وش السالفه او ان الموقع ملخبط
|
ياعالم اصبرو يمكن فيه مشكله من عندهم والدليل تاخر نتيجة صاحب الموضوع تعرفون التقنيه و قواعد البيانات عندنا من اقوى التكنالوجيا في الرخبطه
|
لو في واحد يروح ويتاكد او يتصل عليهم ويعطينا خبر يكون احسن
|
أخي المتقدم تم قبولك مبدئياً لمرحلة مطابقة المستندات وعليك مراجعة لجنة
الساعة السادسة صباحاً بالزي الرياضي مصطحباً معك مايلي: 1- أصل الهوية الوطنية مع نسخة منها للمطابقة . 2- أصل المؤهلات العلمية مع نسخة منها للمطابقة. 3- أصل شهادات الدورات الإضافية إن وجدت ونسخة منها للمطابقة . لعرض الاستمارة اضغط هنا ضغط على الاستماره وشفت المعلومات ومكان الفحص المدينه المنوره ياليت تشوفو مكان الفحص إنتم كاتبينه يوم قدمتو |
ان انش ءالله انا بروح شويه الفجر احرك واعطيكم العلم دعواتكم يااخوان
|
مكان الفحص المراجعه يعني عند القبول المبدئي وكل واحد الي حطه هوا انا حطيت جدة وقت التقديم والمراجعه التقديم
|
يسوقون ابوها هذول
والله ما ندري كيف بكرة في مقابلات مواعدنا ماهم او لا او مافي مواعيد الموقع مخبط |
وانا نفس حالتكم قبلوني مبدئي
ياليت واحد يا شباب يروح ويبلغنا تكفوووون |
طيب مكان المراجعه وعرفناه والساعه وعرفنا والتاريخ متى يعني متى أجيهم
|
يرجال شكله يطق طقون ولا انه يبون احتياط او انه الموقع ملخبط ^^
|
تم قبو لك مبدئي
انا مثلكم في البداية ما قبولني ولحين تم قبولك ايش الموضوع
|
والله ماندري بس روح لهم وتاكد بنفسك وجرب منت خسران شي اذا كانت قريب منك مايحتاج سفر وانا رايح للمعهد حقهم الي في جدة واجيب لكم العلم
|
اقتباس:
|
ونا بعد ما قبلوني واليوم بعد ما دخلت الموقع حصلتهم قابليني هههههههههه
شكلها طقطقه ياعيال اوكيه انا بحرك الساعه 6 لهم واشوف ايش السالفه بمنطقة الحدود الشماليه بتوفيق للكل وارد لكم خبر على الساعه 7 او 8 الصباح برب |
اقتباس:
والديك الجنه |
اقتباس:
|
وكمان اخووي قبلوه :do5h:
السالفه واضحه لخبطه وخربطه ..والا كذا فجاءه الشعب كله مقبول .. بالتوفيق لكم |
انا مثلكم تم قبولي لكن مو محددين وقت للمراجعه اتوقع والله علم فى غلط لان ارقامهم قليل ماتتجاوز 1250 رقم عسكري وشكل كل اللى رفضوهم مقبولين هذا الشيء مايدخل العقل وعلى العموم ان شاءالله يكون صحيح ويستدعونا كلنا
|
حتي انا نفس الشي مدري اروح او ما اروح المشكله المكان بعيد بعيد
|
وحتي انا اول شي رفضوني
والحين يوم فتحت الموقع لقيت القبول المبدئي شكله لخبطه يا الربع |
يااخوان ماهي لخبطة ولاشي اول كانو كاتبين عفوا لم يتم قبولك حاليا (ركزو على حاليا)
في تقديم امن المنشات حصل نفس الطريقة الطريقة هي القبول يكون على دفعاات وحتى انا ابشركم انقبلت مبدئي بجدة بس ماحددو التاريخ ,واعتقد انه لازم نراجعهم خلال الاسبوع هذا وانا ماقدر اراجعهم الا يوم الثلاثاء لاني دوامي بعد الظهر بس عندي استفسار بسيط الله يوفقكم اللبس الرياضي اي شي والا لازم ساده والجزمة الله يكرمكم لازم والا لا |
معقوله انهم اقبلو الكل ؟؟
|
شباب ايش الهرجه توني اشوف اني مقبول بس مافي تاريخ الحظور متى اروحلهم .؟ وانا من مكه وين مكانهم جده .؟
|
بأك بعد تجربتي رجعت لكم بالعلم الاكيد
السالفه ومافيهأ رحت لهم وقلت انا قبلتوني بس ما عطيتوني موعد او تاريخ قالو اجل اجلس مع الي بالنص وقالو كلمنا الرياض وقلنا لهم الوضع وقالو هذولا مقبولين لن التقديم هذا تقديم دفعات ماعلينا المهم الي بالنص جالسين فوق 40 شخص وكلهم نفس الحكأيه نفس حكايتي تم رفضهم وبعد فتره تم قبولهم بدون اي تاريخ او موعد المهم جلسنا شوي يمشونا بالدور اربعه اربعه يرفعون السروال لين الركبه وينزل الملف الملف ( ماله اي اهميه) تروح حافي والسروال مرفوع لركبه ومعاك بطاقة الاحوال تحصل ممرض يقيس الطول + الوزن ومساعد الممرض والعقيد تعطي العقيد بطاقة الاحوال ويسئلك عن اسسمك وبعدها يعطيك البطاقه تعطيها مساعد الممرض وتروح تقيس الطول + الوزن وترجع تاخذ بطاقتك وطبعن مساعد الممرض يسجل طولك + وزنك + اسمك بدون لا يوريك وطبعن يقول لك انتظر المرحله الثانيه الي هي تسليم الاوراق وبتوفيق للجميع |
طبعن تم التجربه بمنطقة الحدود الشماليه ( عرعر) في امان الله
|
وانا الحمدلله نفس الحكاية وجبت لكم العلم دخلنا في الصالة وجلسونا ابوساعه ونص
وبعدين جابو لنا ورقة قالو كل واحد يسجل اسمه ورقم الطلب ورقم الهوية والشهادة والتخصص والوظيفة وش هي اخترت المهم وبعدين نزلونا في الصالة الي تحت ودخلنا على اللجنه وبعدين عطونا ورقة نكتب الاسم ورقم الطلب وبعدين قسنا الطول وبعدين الوزن ومطابقة الشهايد وقالو وخلصنا كل الامور تمام وقال تابع الموقع واعتقد عددنا مايتعدا 45 حدودها والله يوفقنا ويوفق الجميع |
اقتباس:
|
ماشاء الله تبارك الله / طيب انا مقدم مثلكم ولاجاء لي رزق فيها وجيت اشوف ماحصلت موقع استعلام الطلب وش السالفه ؟؟ لاهنتم
|
شباب انا دخلت الموقع اليوم الفجر ولقيت تم قبولك مبدئيا.
بس الان دخلت الموقع لقيتهم شايلين خانة الاستعلام وتعديل الطلب.. ويش السالـــــفه."دوخونا" |
| الساعة الآن 01:43 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين