|
بطالة النساء الان الثامنة مع داود
الان في برنامج داود الشريان مشكلة بطالة النساء في المملكة العربية السعودية
|
[align=center] داود الشريان : لا يوجد دولة في العالم توظف اجنبي جاي بفيزا زائر إلا السعودية ولا رقابة ولا وزارة عمل ومشغلينا بنطاقات ومانطاقات
[/align] |
ودي اقولهم انني جامعيه و ٣ سنوات عاطله وجامعيه ومعي دبلوم زياده وشهادات ودورات : )
|
كالعادة كلام وبكرة ينسون فريحت نفسي و رحت اتسلى بالمطبخ والكرف
|
[align=center]فهد التخيفي : معالجة البطالة تحتاج لدراسة طويلة المدى ومن الصعب حلها في يوم وليلة
صار لنا 15سنة في بطالة والاخ لسى يدور حل [/align] |
تخدير للشعب
وكلنا نعمل كذا:tsfiq: رغم انو مواضيعه هادفه لكن لاتجاوب من البطانه الفاسدة سوى في المواضيع الانسانيه البحته وموضوعنا (البطاله) ليس إنساني بالنسبه لهم على الاقل ,:b |
فهد التخيفي : معالجة البطالة تحتاج لدراسة طويلة المدى ومن الصعب حلها في يوم وليلة
^^ اوكي انا الحين من ٣ سنين عاطله من عرفتكم وانتم تعالجون اوعدني انكم بتعالجون المشكله بعد ٣ سنين !! ماعندنا مشكله لكن ٣٠ سنه تعالجون المشكله !! وللحين ماخلصتو |
اقتباس:
اجل انا وش اقول 15سنة:eek: |
سود الله وجيههم خطط طويلة الاجل يعني اتوظف اذا سار عمري ستين الله يحاسبكم ..
|
يبغون نتوظف خاص وبنات المسؤولين في الحكومي لانهم يملكون واسطة بعد هاذا العمر اروح خاص ....
داوود الله يوفقك ... بصراحة غيرت كلامي اللي كتبتة باول مشاركة بهاذا الموضوع |
اسمع جعجعة ولا ارى طحنا"
|
كذابين كنت اروح للاهليات اقول ابغى خبرة بدون راتب وانا ادفع لو احتاج الامر ... تقول قبلك اعداد كبيرة لاكن الان بعد هاذا العمر ... خلاص طفح الكيل
|
[align=center]كالعادة انتهى البرنامج بدا هواش وانتهى هواش
ولا حلول جدية [/align] |
خسارة الوقت اللي ضاع ع البرنامج
جايبين واحد لسانه فوق كتفه ولااحد ياخذ منه حق ولاباطل كنت ابيهم يجيبون الخنين بكبره بس خساره انشاء الله ع الحلقات القادمه لان المسلسل حقهم لسا طويل |
[align=center]بيروتة ياوخيتي
خليها على الله كفيل بتفريج همنا بلا حلول بلا ستذب جعلهم الماغص [/align] |
بعد سنة او 2 ..داوود الشريان يشغل منصب ((مستشار الملك عبدالله ))
هرج كثير وحلول شبه معدومة .. |
مفروض كل بنت موظفه جديد بجامعه سعود اداريه وجامعه نوره وجامعه الامام .. يشوفون شهاداتها ومعدلها انا اعرف ٥٠ بنت شخصيا معينات بالواسطه وتقديرهم مقبول وجيد وبنات الامتياز بالبيت شي يقهر!
|
وبعدين مفروض المدرسات الي خدمو ١٥ سنه يحالون لتقاعد اجباري ... ويعطون راتب تقاعد كامــــل .. بصراحه هذا هو الحل الوحيد
يعني المدرسات الحكومي .. كلهم فوق ال ٥٠ وكلهم شهاداتهم كليه متوسطه سنتين !! والبنات شهادات جامعيه ويعرفون للكمبيوتر جالسين بالبيت ظلم .. كل هذا لان الشواغر مليانه بحريم وعذرا اقول عجز مايعرفون لا كمبيوتر ولاغيره !! ودبلوم اعداد معلمات ظلم ظلم ظلم .. بدال المليارات الي بجيب العساف وبجيب الامراء تروح رواتب تقاعد كامله لهالعجز |
بنات وحده من الوزاره تقولي بتنزل دفعتين اداريتين ا لاولى خلال الاسبوع الجاي والثانيه بعد العيد بس ماعطتني فرصه استفسر بس قالت غير حقت الصحه والشؤون ظنكم صحيح كلامها
|
اقتباس:
|
كل هالمهااااايط ابررر تخديرررر لكن لا يوجد حلووول جذرية
راااحت اعمارنا و الفقررر ذبحنا ماقول غير الله يفرجها علي وعلى كل خريجة ضاعت سنين عمرها في الانتظااار |
حسبي الله عليهم ............
|
بنات الي تقولون جايبين واسطات والله لو الله ماكتبلها انها تتوظف ماتوظفت لو جابت واسطااات الدنيا كلها صدقوني اهي ارزاق توهب من الله واحنا الله مابعد رزقنا وبيرزقنا ان شاء الله بس الدور مابعد جانا ..
|
اللهم إكفني بحلالك عن حرامك وبفضلك عمن سواك
|
^^
اوكي حبيبتي .. انتي كذا تشجعين الالف موظفه الي معدلها ٢.١٥ تتوظف حكومي .. واي احد يقول لها شي بتقول الله كتب لي !! ... اوكي انا مؤمنه بالقضاء والقدر .. لكن انتي لو عندكي واسطه كان توظفتي من اول ماتخرجتي حكومي .. ولاحتجتي تسجلين بالمنتدى وبتنكتب لك الوظيفه |
انا من 7 سنين تقدير جيد جدا مع مرتبة الشرف+ دبلوم
وش يبون والله يحز بنفسي اللي بعدي يتوظف .. مو حسد |
فوفوفوف و بيروتيه
انا معكم والله ..اعرف شخصيا ..وحده بجامعه سعود ...توظفت بعد التخرج على طول ..طبعا لا مسابقه وظيفيه ولا معدل مرتفع ولا شي بس كم جرت عليه العاده ....واسطه بواسطه ... |
نزلوا الحلقه خلونا نشوفها
تكفون مالحقنا عليها.. |
معليش الحلقه كان موضوعها مهم جدا لكن اختيار الضيوف كان سيئ ياليت اختار داود الشريان ناس واعيه ناس مثقفه يختار بنات عاطله لهم ٢٠ او ١٥ سنه البنت اللي عاطله معاه له سنتين
|
ي اخوفى كله كلااااااااااااااااااااااااااام ثم يتبخر
ونرجع لنقطة الصفر والبداية:cry: |
ياعالم والله داود الشريان وبرنامجه ابره مخدره
ماشفنا شي منه كلام بهواء |
الكلام والبربرة الواجد ماتاكل عيش .... يرفع نسبة مشاهدينه على حساب عطالتنا ومشاكلنا .... لا يقترح حلول ولا ياخذ على عاتقه توصيل الاراء والمقترحات للمسئولين .... وش نبي به هالداوود ؟؟
وغالبا ضيوفه من الطبقة اللي فوق اللي ماتحس بمعاناتنا الفعلية مثل بنت المانع .... وهالمسئول شكله جاي يكشخ وبس ... مايدري وش السالفة كل ماساله عن شي قال دراسات وخطط ... والموضوع لايحل في يوم وليلة ... |
اقتباس:
حسبنا الله ونعم الوكيل :cry::cry::cry: |
حسبنا الله ونعم الوكيل وربي قهر اساسا حتى لما يحنو علينا ويوظفونا يوظفونا على مراتب اقل من نخصصاتنا وخبرتنا ماياخذون في الاعتبار نوع التخصص واهميته وارتفاع المعدل والخبرات والدورات
وربي قهر يساوون البنات بعض . هذا غير ان اقوى القطاعات الحكومية في الرواتب زي وزارة التعليم العالي وبنك التسليف والمؤسسة العامة لتأمينات كل التوظيف فيها واسطه اتحدى اي بنت فيها متوظفه من غير واسطة .فساد عيني عينك |
اقتباس:
|
صدق لاقالوا رضا الناس غاية لاتدرك،، داؤد هذا هو اعلامي ينشر المشكلة يعني موهو اللي بيده الحل ، هو ماقصرت يضرب الكلام بوجة المسؤلين للدرجة يخافوه،، وصارت بعض الحلول الايجابية في بعض الحلقات وخصصوا لها وقت ومنها المرأة المعلقة اللي لها 7 سنين طلقها القاضي في امارة القصيم بعد ماكان مافي امل تطلق تطلقت بعد البرنامج ،، وبعد تغير مسمى اولاد السعودية من اجنبي من خادمات وسواقين الى وافد خاص كان هذا له اثر ايجابي بعد ماخلص البرنمج غيروا المسمى ،، وكشف سكن الجامعات وجامعة الملك عبدالعزيز السئ اللي مايستجرئ احد يعيش فيه،وبعد البنات اللي بدارالايواء يتابع موضوعهم مع امهم ووزارة الشؤون عشان ينقلون مكانهم ،، وخاصم وعصب وضرب اوراقه بالطاولة عشان نقل البنات اللي تعينوا في مناطق بعيدة ،،و الرجل مااقصر حتى كان يخلص وقت الحلقة هو زعلان ويتنهد وارجع اقول هو اعلامي ينشر المشكلة ويحاول يجمعهم ليجدوا الحلول ،، قبل البرنامج ماحد يدري عن خفايهم ماكشفهم الا هذا البرنامج برنامج داؤد حتى احنا يالجمهور ماكنا نعرفها ، قبل الكل نايم واللي بقلبه حسره بالعها وساكت ،، ومن خوفهم وعدم وجود اجابة عند المسؤلين في بعض الحلقات ماكانوا يحضروا وكان يحط في كرسي فاضئ ويكتب فيه اسم الجهة او الوزارة الي ماجت فضحهم، حتى وزيرالتربية والتعليم الامير جاء ولما يساله داؤد اسئلة يعطيه اياه بوجه كانت اصابع الوزير ترتجف وكان يجاوب بتردد ،، ولسه في حلقات فيهار دود اجابية ، يعني البنات اللي مو شايفين البرنامج شئ ياليت مايشوفوه من عين وحده او طبق لمزاجهم ،، برائكم هذا صرتم مثل المسؤلين لما ظلموا العاطلات ،، وياليت الوحدة تكون منصفة وحقانية ولا تنكر حتى على الاقل تنصف دور اعلام البرنامج لانه دور البرنامج هو نشر المشكلة واظهارها وهذا هو الاساس بالتالي يجي دور المسؤلين ليتحركوا ،،، داؤد عمل اللي عليه من ناحية الدور الاعلامي وكشف الحقيقة مو معناته هو ينشر المشكلة لازم يحلها هو بنفسه بقى دور المسؤلين وهذا مو ذنب داؤد ،،هو عليه ان يقوم بدوره لكشف المشكلة ونشرها وتعده العيب وقام في دوره وزيادة ولو تتابعون جميع الحلقات في برنامج اول باول راح تلاقوه بعيد عن التصنع والتمثيل ومحب للخير وكشف الحقيقة ، ابدا مامر علينا مذيع بعفويته وجرئته في ضرب الحقيقة بالوجة للمسؤلين ، وبعدين لما البعض يقولوا اغلب الضيوف من الطبقة اللي ماتحس بمعنانة الشعب ( اقصد الضيوف المسؤلين وليس الخريجات) لانهم هم المسؤلين اللي معينين على الموضوع الي يتكلم عنه ، من وين تبون يجب ضيوف ، والمسؤلين هذول الي ماتحس بالشعب لو كانوا يحسوا ماكان حال البلد كذا ولو كانوا يعرفوا يتصرفوا وعندهم خلفية بشغلهم ماكان صار في تكدس،، وبالعكس فرصة يجيبهم عشان يظهرهم على الشاشة ويفشلهم احسن منهم يكونوا متخبئن ،،لذا ياليت ننظر بعدل وانصاف وحق دون ظلم |
فتاة الانصاف هو ماقصر في بعض الاشياء ... لاكن البنات بعضهم مساكين عارفين انه حتى لو تكلم ماراح يتحركون الظلمة فاهمه قصدي يعني البنات يبغون حل من الوزارة نفسها واللي سببوا المشكلة مايبغون كلام اعلام
|
بس الحلقة كانت ضعيفة وتداخلت الخطوط والمطالب يعني المفروض يكون مندوب من وزارة العمل ومندوب من الخدمه المدنية و يقسم البرنامج الى فقرات بطالة الثانوي غير عن بطالة البكالوريس أوالماجستير مثلاً المدارس الاهلية اللي رفعت راوتبها ٥٠٠٠ وتدفع فيها الحكومه النصف المفروض يتم التعين فيها من قوائم الانتظار في جدارة اضمن للسعودة وأهلية ومستوى المتقدمات بدلا عن التلاعب
غير كذا بطالة حملة الماجستير ضاعت المشاركات لم يستطعن ايصال المعلومات بشكل واضح |
اقتباس:
|
بربره واجده ..... فعل مافي ههههههههههه :(
|
| الساعة الآن 04:13 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين